Category: Krísuvík

Birt þann

Þensla heldur áfram í Fagradalsfjalli, hugsanlegt eldgos verður í Nátthaga

Þetta hérna er stutt grein þar sem staða mála er alltaf að breytast. Þessi grein er skrifuð þann 15-Mars-2021 klukkan 21:55. Þessi grein er um eldstöðina Fagradalsfjall en ég hef einnig Krýsuvík með þar sem uppfærslur frá Veðurstofunni fara þangað inn.

Milli Föstudags og Mánudags var mikil virkni í Fagradalsfjalli. Nokkrir jarðskjálftar með stærðina Mw4,0 og annar stærsti jarðskjálfti þessar jarðskjálftahrinu átti sér stað þann 14-Mars-2021 klukkan 14:15 og sá jarðskjálfti með stærðina Mw5,4. Fyrr um daginn klukkan 12:34 hafði orðið jarðskjálfti með stærðina Mw5,2. Samkvæmt fréttum þá hafa orðið meira 50.000 jarðskjálftum síðan 24-Febrúar-2021 (20 dögum síðan). Af þessum þá hafa sex jarðskjálftar verið stærri en 5, fjöldi jarðskjálfta með stærðina milli 4 til 5 var 53 og það hafa orðið 524 jarðskjálftar með stærðina milli 3 til 4. Þenslan er núna 20cm eða 10cm báðum megin við kvikuinnskotið. Það er búist við því að eldgos verði í nágrenni við Nátthagi þar sem er dalur til staðar en hvenær það gerist er ekki hægt að segja til um það. Það er ekkert sem bendir til þess að innflæði kviku hafi minnkað eða stöðvast.

Mikið af rauðum punktum á Reykjanesskaga þar sem mikil jarðskjálftavirkni er að eiga sér stað núna. Mikið af grænum stjörnum sem tákna jarðskjálfta yfir þrjá að stærð.
Jarðskjálftavirkni á Reykjanesskaga í eldstöðinni Fagradalsfjalli. Höfundarréttur þessar myndar tilheyrir Veðurstofu Íslands.

Það hefur einnig komið fram að kvikugangurinn hefur aðeins komist lengra suður miðað við stöðuna síðasta Föstudag samkvæmt þeim gögnum sem jarðvísindamenn hafa aðgang að. Í dag (15-Mars-2021) hefur verið lítið um jarðskjálftavirkni en það breyttist um klukkan 16:30 þegar jarðskjálftavirkni jókst aftur en þegar þessi grein er skrifuð þá hefur ekki neinn stór jarðskjálfti komið fram ennþá.

Vefmyndavélar

Beint vefstreymi af skjálftasvæðinu – Borgarfjall (Rúv.is) Hérna verður hægt að sjá eldgosið ef það verður
Beint vefstreymi af skjálftasvæðinu – Efstaleiti
Road camera 1
Road camera 2 (Nætursjón/Innrautt)

Birt þann

Kvikuinnskotið virðist hafa stöðvast í Nátthaga dalnum suður af Fagradalsfjalli

Þetta er stutt grein vegna þess að staðan er stöðugt að breytast í þessari atburðarrás sem er núna í gangi við Fagradalsfjall og Nátthaga. Þessi grein nær til eldstöðvarinnar Fagradalsfjall en einnig Krýsuvík þar sem sú eldstöð er uppfærð með upplýsingum frá Veðurstofu Íslands hjá Global Volcanism Program. Ég er ekki einnig viss hvað telst vera virka eldstöðin samkvæmt þessu mati sem er núna í gangi á þessari atburðarrás. Þessi grein er skrifuð klukkan 21:31.

Í dag (12-Mars-2021) klukkan 07:43 varð jarðskjálfti með stærðina Mw5,0 á 3,7 km dýpi nærri Nátthaga dal sem er suður af Fagradalsfjalli. Síðustu 48 klukkutímana þá hafa orðið 77 jarðskjálftar sem eru stærri en Mw3,0 að stærð. Öll þessi jarðskjálftavirkni er að mestu leiti að eiga sér stað við suðurenda kvikugangsins sem hefur myndast og er núna hættur að brjóta sér leið suður en heldur áfram að þenjast út eftir því sem meiri kvika flæðir inn í hann og það veldur jarðskjálftum. Þetta er einnig sú staðsetning þar sem eldgos gæti hafist án nokkurar viðvörunnar eða sterkrar jarðskjálftavirkni. Það er núna búið að útiloka eldgos úti í sjó þar sem kvikugangurinn er hættur að færast suður.

Þéttir jarðskjálftar á Reykjanesskaga. Mikið af grænum stjörnum við fjallið Fagradalsfjall og nærri dalnum Nátthagi. Mikið af rauðum punktum sem tákna nýja jarðskjálfta.
Jarðskjálftavirknin á Reykjanesskaga í eldstöðinni Fagradalsfjalli. Höfundarréttur þessar myndar tilheyrir Veðurstofu Íslands.

GPS gögn sýna að þenslan á þessu svæði er mjög mikil og sum svæði hafa færst meira en 120mm yfir tímabil sem nær yfir tvær vikur. Það eru engin merki um að þessi þensla sé að fara að hætta eða hægja á henni.

Vefmyndavélar

Beint vefstreymi af skjálftasvæðinu – Borgarfjall (Rúv.is) Ef að eldgos verður þá er mjög líklegt að það muni sjást best á þessari vefmyndavél
Beint vefstreymi af skjálftasvæðinu – Efstaleiti
Live from Iceland
Road camera 1
Road camera 2 (Nætursjón/Innrautt)

Næsta grein hjá mér verður Mánudaginn 15-Mars-2021 ef allt verður rólegt. Ég mun skrifa grein eins fljótt og hægt er ef það hefst eldgos eða eitthvað annað stórt gerist. Ég vonast til þess að fá smá pásu um þessa helgi enda hef ég verið að skrifa um þessa virkni í meira en tvær vikur núna. Hvort að það tekst er óljóst þessa stundina.

Styrkir

Það er hægt að styrkja mína vinnu með því að nota PayPal hérna til hliðar eða með því að leggja beint inná mig með þeim bankaupplýsingum sem eru gefnar upp á síðunni Styrkir sem er merkt hérna í borðanum hérna að ofan. Takk fyrir stuðninginn. 🙂

Birt þann

Staðan í eldstöðvunum Fagradalsfjalli og Reykjanesi

Þetta er stutt grein um stöðina í eldstöðvunum Fagradalsfjalli og Reykjanesi. Greinin er skrifuð klukkan 18:14.

Eldstöðvar nefndar í þessari grein

Fagradalsfjall
Reykjanes
Krýsuvík

  • Fagradalsfjall hefur ekki gosið síðan á Pleistósentímabilið. Hvenær síðasta eldgos varð er ekki vitað eða er ekki skráð. Þetta er að lágmarki fyrsta eldvirkni í Fagradalsfjalli í 11700 ár.
  • Eldgosahætta er núna í eldstöðinni Reykjanes*.
  • *Þetta gæti verið önnur eldstöð kennd við Svartsengi (engin upplýsingasíða) en jarðfræðikortum ber ekki saman um hvaða eldstöð er nákvæmlega þarna. Það er möguleiki að eldstöðin Reykjanes nái þangað en það er ekki almennilega vitað miðað við ósamræmi í jarðfræðikortum. Það er möguleiki að eldstöðin Reykjanes nái eingöngu inn að Reykjanestá og restin af eldstöðinni er þá undir sjó.
  • Það hefur aðeins dregið úr virkninni í eldstöðinni Krýsuvík síðasta sólarhring. Hættan á eldgosi er núna minni í þeirri eldstöð.
  • Mesti fjöldi jarðskjálfta var núna meiri en 3000 jarðskjálftar á einum degi.
  • Síðustu 24 klukkutíma hafa 12 jarðskjálftar sem eru stærri en Mw3,0 hafa átt sér stað. Flestir af þessum jarðskjálftum finnast í byggð.
  • Síðustu 48 klukkutímana þá hafa um 3300 jarðskjálftar mælst á Reykjanesskaga.
  • Kvika er núna áætluð á rúmlega 5 til 6 km dýpi og gæti verið eins grunnt og 2 km dýpi.

 

Þétt jarðskjálftavirkni á Reykjanesskaga. Mikið af grænum stjörnum mikið um rauða punkta sem tákna nýja jarðskjálfta
Jarðskjálftavirkni á Reykjanesskaga þar sem mesta jarðskjálftavirknin er til staðar. Höfundarréttur þessar myndar tilheyrir Veðurstofu Íslands.

Kort af mögulegum svæðum þar sem eldgos geta orðið hafa verið gefin útaf Jarðvísindadeild Háskóla Íslands og hægt er að sjá þau kort hérna á Facebook. Jarðsvísindadeild Háskóla Íslands hefur einnig gefið út kort af mögulegu hraunflæði og það er hægt að skoða þau kort hérna á Facebook. Kortin eru uppfærð daglega á Facebook

Vefmyndavélar – Bætt inn klukkan 21:16

Beint vefstreymi af skjálftasvæðinu – Vogastapi (Rúv.is)
Keilir í beinni (mbl.is)
Óróasvæðið í beinni útsendingu (Vísir.is)
Live from Iceland
Keilir og skjálftasvæðið (YouTube)
Road camera 1
Road camera 2 (næturmyndavél/innrauð myndavél)

Styrkir

Það er hægt að styrkja mig með því að nota PayPal takkann hérna á síðunni auk þess sem hægt er að millifæra beint á mig styrk ef fólk getur styrkt mig. Takk fyrir stuðninginn. 🙂

Auglýsingar

Hægt er að kaupa auglýsingar á þessari síðu. Ég er ennþá að vinna í verðskrá fyrir auglýsingar þar sem þetta er ný þjónusta hjá mér.

Grein uppfærð klukkan 21:16

Birt þann

Staðan í eldstöðvunum Fagradalsfjall, Krýsuvík, Reykjanes

Staðan á Reykjanesskaga er farin að verða mjög flókin vegna þess að virknin er núna milli þriggja eldstöðva. Þessi grein er skrifuð klukkan 15:59.

Eldstöðvar sem eru að sýna virkni á Reykjanesskaga

Eldstöðin Reykjanes
Eldstöðin Krýsuvík
Eldstöðin Fagradalsfjall

Eldstöðin Fagradalsfjall er ekki með nein þekkt eldgos síðustu 10.000 ár og staðsetning megineldstöðvarinnar er óþekkt og óvíst hvort að megineldstöðin sé til.

Staðan síðustu klukkutíma

  • Lítill sigdalur er farinn að myndast á milli Fagradalsfjalls og Keili fjallana. Þetta er hluti af því ferli sem rekbeltið á Reykjanesinu býr til.
  • Óróinn stoppaði í morgun samkvæmt Veðurstofu Íslands og samkvæmt Veðurstofu Íslands í fréttum þá var uppruni óróans mjög þétt jarðskjálftavirkni í gær sem bjó til samfelldan óróa. Í morgun minnkaði virknin aðeins.
  • Kvika er ennþá ferðinni í eldstöðvarkerfinu Fagradalsfjalli.
  • Stærsti jarðskjálftinn síðustu 24 klukkutímana var með stærðina Mw4,5 en síðustu 48 klukkutímana hafa mæst 72 jarðskjálftar sem eru stærri en Mw3,0 að stærð. Það er ekkert sem bendir til þess að farið sé að draga úr virkninni.

 

Mjög þétt jarðskjálftavirkni á Reykjanesskaga í þremur eldstöðvum. Mikið af rauðum punktum sem táknar nýja jarðskjálfta einnig mjög mikið af grænum stjörnum.
Jarðskjálftavirknin á Reykjanesskaga í þremur eldstöðvum. Höfundarréttur þessar myndar tilheyrir Veðurstofu Íslands.

Það er ekki hægt að segja til um það hvað gerist næst þar sem staðan er einstaklega flókin vegna þess að virknin er á milli þriggja eldstöðva og þeirrar virkni sem er á milli þeirra.

Internet útsending af Keili

Beint vefstreymi af skjálftasvæðinu – Efstaleiti (Rúv.is)
Keilir og skjálftasvæðið (YouTube)
Keilir í beinni (mbl.is)

Ef eitthvað gerist. Þá mun ég skrifa grein eins fljótt og hægt er.

Birt þann

Staðan í eldstöðinni Krýsuvík klukkan 20:31

Þetta er stutt grein þar sem staðan er stöðugt að breytast.

Ekkert eldgos er byrjað þegar þessi grein er skrifuð. Óróinn er aðeins minni núna og byrjaði að minnka um klukkan 16:00 miðað við þegar óróinn hófst klukkan 14:20 í eldstöðinni Krýsuvík. Þessi órói er ennþá í gangi þegar þessi grein er skrifuð. Það eru engin merki um sigdalinn á yfirborðinu ennþá, hinsvegar sést þessi sigdalur í GPS gögnum og gervihnattagögnum. Jarðskjálftavirkni er mjög mikil þegar þessi grein er skrifuð en flestir jarðskjálftar eru mjög litlir en það kemur inn talsvert af jarðskjálftum sem eru stærri en Mw3,0.

Jarðskjálftavirknin í eldstöðinni Krýsuvík. Mikið af grænum stjörnum og og rauðum punktum sem táknar nýja jarðskjálfta
Jarðskjálftavirknin í eldstöðinni Krýsuvík. Höfundarréttur þessar myndar tilheyrir Veðurstofu Íslands.
Jarðskjálftagraf af jarðskjálftunum. Elstu jarðskjálftanir eru bláir, síðan gulir jarðskjálfar, appelsínugulir jarðskjálftar og síðan rauðir jarðskjálfta punktar
Þéttleiki jarðskjálftanna í eldstöðini Krýsuvík. Höfundarréttur þessar myndar tilheyrir Veðurstofu Íslands.

Hérna eru vefmyndavélar þar sem hægt er að horfa á beint streymi af svæðinu þar sem hugsanlegt eldgos getur orðið.

Beint vefstreymi af skjálftasvæðinu (Rúv.is)
YouTube Streymi

Birt þann

Óróapúls staðfestur í eldstöðinni Krýsuvík – Eldgos gæti verið yfirvofandi

Þessi grein er skrifuð klukkan 16:37. Þetta er stutt grein þar staðan breytist mjög hratt.

Óróapúls hefur verið greindur í eldstöðinni Krýsuvík. Ef að eldgos verður eins og búist er við þá er þetta fyrsta eldgosið í eldstöðinni Krýsuvík síðan árið 1340.

Óróaplott í Vogum sem sýnir óróann mjög vel. Höfundarréttur þessar myndar tilheyrir Veðurstofu Íslands.
Jarðskjálftavirknin á Reykjanesskaganum í eldstöðinni Krýsuvík. Höfundarréttur þessar myndar tilheyrir Veðurstofu Íslands.

Það hefur verið staðfest að sigdalur er að myndast þar sem reiknað er með að eldgos verði. Þetta er á milli Keilis og Fagradalsfjalls. Það er beint streymi á YouTube af þessu svæði og hægt er að fylgjast með því hérna.

Uppfærsla klukkan 16:43

Rúv hefur sett upp vefmyndavél og hægt er að horfa á hana hérna.

Birt þann

Staðan í eldstöðinni Krýsuvík þann 2-Mars-2021 klukkan 20:53

Þetta er stutt grein um virknina í eldstöðinni Krýsuvík. Þessi virkni hefur verið staðfest að hún er eingöngu í eldstöðinni Krýsuvík en ekki í eldstöðinni Reykjanes eins og ég taldi í upphafi. Þegar þessi grein er skrifuð, þá er ekkert að gerast í eldstöðinni Reykjanes.

Breytingar fóru að verða í eldstöðinni Krýsuvík seint árið 2008 og snemma árs 2009 og síðan þá hafa þessar breytingar átt sér stað tiltölulega án þess að mikið væri tekið eftir því. Eldstöðin Krýsuvík er öðruvísi að því leitinu að eldstöðin er ekki með grunnt kvikuhólf og hvar eldstöðin sjálf er staðsett er óljós og mörk hennar eru óljós. Þetta sést vel á kortum þar sem það munar milli korta sem sýna eldstöðvar og staðsetningar þeirra. Á meðan það er ekkert grunnstætt kvikuhólf í eldstöðinni Krýsuvík þá útilokar það ekki að undir eldstöðinni sé kvikuhólf á miklu dýpi sem kemur ekki fram í mælingum jarðvísindamanna. Þetta kvikuhólf er staðsettur á 10 km til 30 km dýpi í efstu lögum möttulsins.

Jarðskjálftavirknin á Reykjanesskaga. Grænar stjörnur í eldstöðini Krýsuvík sýnir hvar sterkustu jarðskjálftanir eru staðsettir. Mikið af rauðum punktum sem sýna nýja jarðskjálftum.
Jarðskjálftavirkni í eldstöðinni í Krýsuvík og annarstaðar á Reykjanesskaga. Höfundarréttur þessar myndar tilheyrir Veðurstofu Íslands.

Sterkasti jarðskjálftinn síðan á miðnætti 2-Mars-2021 var með stærðina Mw4,6 og síðan frá klukkan 12:00 hefur verið rólegt í jarðskjálftum í Krýsuvík þegar það kemur að stórum jarðskjálftum. Það hefur verið mikið um litla jarðskjálfta á þessum tíma og engin merki um að dregið hafi úr þeim. Ástæðan fyrir þessari jarðskjálftavirkni er kvikuinnskot á 10 km dýpi í eldstöðinni Krýsuvík og þetat kvikuinnskot er að brjóta sér leið upp á yfirborðið með þessum jarðskjálftum. Snögg minnkun jarðskjálfta eins og varð í dag er eitt af því sem gerist í svona kvikuinnskota jarðskjálftavirkni og sást einnig áður en það fór að gjósa í Bárðarbungu (Holuhraun) árin 2014 til 2015.

Jarðvísindadeild Háskóla Íslands gaf út mynd af því hvernig þetta kvikuinnskot virkar og er hægt að sjá þá mynd hérna á Facebook.

Ef eitthvað meiriháttar gerist þá mun ég skrifa grein eins fljótt og hægt er. Næsta grein verður á morgun 3-Mars-2021 hjá mér ef jarðskjálftavirknin verður eins og hún er núna.

Birt þann

Kvikuinnskot staðfest í eldstöðinni Krýsuvík [Uppfærð grein]

Í dag (1-Mars-2021) var það staðfest að kvikuinnskot er að valda jarðskjálftahrinunni í eldstöðinni Krýsuvík. Þegar þessi grein er skrifuð þá virðist kvikan vera á um 6 km dýpi. GPS mælingar sýna meira en 30cm færslu samkvæmt fréttum og vísindamönnum.

Þensla á Reykjanesskaga vegna kvikuinnskots í eldstöðinni Reykjanes.
Þenslan í eldstöðinni Reykjanes samkvæmt mælingum Veðurstofu Íslands. Höfundarréttur þessar myndar tilheyrir Veðurstofu Íslands.

Myndin hérna að ofan er fengin héðan af Facebook. Það er einnig áhugaverð jarðskjálftavirknin í eldstöðinni Reykjanes en þar hafa orðið færri jarðskjálftar en þeir hafa verið frekar litlir fyrir utan örfáa stóra jarðskjálfta.

Næsta grein verður á morgun (02-Mars-2021) ef ekkert stórt gerist.

Grein uppfærð klukkan 13:46 þann 2-Mars-2021

Það er búið að staðfesta að það kvikuinnskot sem er núna að eiga sér stað á Reykjanesskaga er í eldstöðinni Krýsuvík en ekki í eldstöðinni Reykjanes eins og ég hélt fyrst. Ástæðan er sú að jarðskjálftar hafa verið mestir síðustu 14 mánuði í eldstöðinni Reykjanes en lítil virkni hefur verið í eldstöðinni Krýsuvík. Það er einnig ekki ljóst á kortum hvar mörk eldstöðvanna liggja og því gat þetta verið önnur hvor eldstöðin. Það er núna búið að staðfesta í fjölmiðlum að þetta sé eldstöðin Krýsuvík og því hef ég uppfært þessa grein í samræmi við það.

Birt þann

Staðan á jarðskjálftavirkni í eldstöðvunum Reykjanes og Krýsuvík þann 1-Mars-2021 klukkan 16:53

Þetta er stutt yfirlit yfir jarðskjálftavirknina í eldstöðvunum Reykjanes og Krýsuvík.

Það hefur ekki orðið almennt mikil breyting á jarðskjálftavirkninni í eldstöðinni Reykjanes miðað við jarsðkjálftavirknina í gær. Það er helst að fjöldi jarðskjálfta yfir 12 klukkutíma tímabil hefur aukist úr 800 jarðskjálftum yfir í 1000 jarðskjálftum samkvæmt fréttum. Sterkasti jarðskjálfti síðustu 24 klukkutímana var með stærðina Mw4,9 og fannst víða á vesturlandi og á höfuðborgarsvæðinu og Reykjanesskaga.

Mikil og þétt jarðskjálftavirkni á Reykjanesskaga. Mikið af rauðum punktum sem þýðir að mikið af nýjum jarðskjálftum er að koma inn.
Jarðskjálftavirknin á Reykjanesskaga síðustu 48 klukkutímana. Höfundarréttur þessar myndar tilheyrir Veðurstofu Íslands.

Það er einnig byrjuð jarðskjálftavirkni fyrir utan Reykjanesstá. Það er ekki alveg ljóst hvað þessi jarðskjálftavirkni þarna þýðir ennþá. Það þarf að fylgjast með þessari jarðskjálftavirkni þar sem þessi jarðskjálftavirkni virðist tengjast þeirri jarðskjálftavirkni sem er í eldstöðinni Reykjanes, þó án þess að ástæður fyrir því séu þekktar eða augljósar.

Uppfærsla klukkan 16:54

Nýjasti jarðskjálftinn sem varð 16:35 er kominn með stærðina Mw5,1.

PayPal takki

Það er aftur hægt að styrkja mig með því að nota PayPal takkann hérna til hliðar. Ef fólk vill ekki nota bankamillifærslu til þess. Að styrkja mig hjálpar mér við að vinna við þessa vefsíðu og skrifa um jarðskjálfta og eldgos á Íslandi.

Birt þann

Dagleg staða á jarðskjálftunum í Reykjanes og Krýsuvík eldstöðvunum þann 28-Febrúar-2021 klukkan 22:25

Ég hef fært mig yfir í daglegar uppfærslur á stöðu mála í jarðskjálftavirkninni í eldstöðvunum Reykjanes og Krýsuvík.

Staðan á jarðskjálftavirkninni á Reykjanesskaga í dag er sú sama og í gær. Síðustu 24 klukkutímana stærstu jarðskjálftarnir hafa náð stærðinni Mw4,7 og það hafa komið fram mjög margir jarðskjálftar sem eru stærri en Mw3,0. Engin kvikuhreyfing hefur mælst ennþá samkvæmt Veðurstofunni en Jarðvísindadeild Háskóla Íslands varaði við því að slíkt merki gætu verið að týnast í allri þeirri jarðskjálftavirkninni sem er núna að eiga sér stað. Það var einnig sagt frá því að jarðskjálftamælar geta aðeins séð kvikuhreyfingar í fyrstu 5 km í jarðskorpunni og kvikuhreyfingar sem eru neðar en það koma ekki fram á jarðskjálftamælum. Það hafa ekki komið fram nein augljós merki um kvikuhreyfingar undanfarna daga á Reykjanesskaga. Hægt er að lesa allan texta Jarðfræðideildar Háskóla Íslands hérna.

Jarðskjálftavirkni nær frá suð-vestur til norð-austur á Reykjanesskaga. Rauðir punktar sýna nýjustu jarðskjálftana og það er mikið af þeim.
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Eitthvað af jarðskjálftavirkninni hefur færst nær fjallinu Keili. Önnur jarðskjálftavirkni virðist vera á svipuðum stað og áður og það er nærri fjallinu Fagradalsfjall. Ég veit ekki hvort að þetta mun breyta einhverju varðandi þessa jarðskjálftavirkni en það er hætta á því. Veðurstofan vonast til þess að jarðskjálftahrinunni ljúki í næstu viku.

Ef eitthvað meiriháttar gerist þá mun ég setja inn nýja grein eins fljótt og hægt er.