Jarðskjálfti með stærðina Mw3,2 á Tjörnesbrotabeltinu

Í dag (3-Nóvember-2022) klukkan 11:06 varð jarðskjálfti með stærðina Mw3,2 á Tjörnesbrotabeltinu. Þessi jarðskjálfti varð talsverða fjarlægð frá landi. Þessi jarðskjálfti virðist einnig vera hluti af jarðskjálftavirkni á þessu svæði og á Tjörnesbrotabeltinu. Þarna virðist vera stöðug jarðskjálftahrina eins og er.

Græn stjarna suður af Grímsey og talsvert langt frá landi sýnir staðsetningu stærsta jarðskjálftans. Einnig eru nokkrir rauðir punktar hér og þar sem sýna minni jarðskjálfta á Tjörnesbrotabeltinu.
Jarðskjálftavirknin á Tjörnesbrotabeltinu. Mynd frá Veðurstofu Íslands.

Það er erfitt að vita hvað þessi jarðskjálftavirkni þýðir, ef þessi jarðskjálftavirkni þýðir þá eitthvað. Það er orðið mjög langt síðan það varð mjög stór jarðskjálfti á Tjörnesbrotabeltinu á þessu svæði. Jarðskjálftar á þessu svæði geta náð stærðinni Mw7,0 en það er bara eftir mjög langt tímabil þegar ekkert hefur gerst. Oftast verða jarðskjálftar þarna með stærðina Mw6,0 og aðeins stærri.

Jarðskjálfti með stærðina Mw4,0 suð-austan við Grímsey

Síðustu nótt (27-Október-2022) varð klukkan 02:13 jarðskjálfti með stærðina Mw4,0 suð-austan við Grímsey á Tjörnesbrotabeltinu. Þessi jarðskjálfti fannst í Grímsey og á Akureyri. Í kjölfarið komu nokkrir minni eftirskjálftar.

Græn stjarna suð-austan við Grímsey sem sýnir staðsetningu jarðskjálftans úti á Tjörnesbrotabeltinu. Talsvert af rauðum og bláum punktum sem sýna eldri jarðskjáfta á svæðinu.
Jarðskjálftinn á Tjörnesbrotabeltinu. Mynd frá Veðurstofu Íslands.

Það er góður möguleiki á frekari jarðskjálftavirkni á þessu svæði. Þar sem þessi jarðskjálftavirkni virðist vera tengd eða áframhald af jarðskjálftahrinunni sem hófst þann 8-September-2022.

Jarðskjálftahrina norður af Grímsey

Í dag (19-Október-2022) klukkan 10:26 varð jarðskjálfti með stærðina Mw3,8 norður af Grímsey. Síðan klukkan 11:58 varð jarðskjálfti með stærðina Mw3,3 á sama stað. Ég veit ekki hvort að þessir jarðskjálftar fundust í byggð. Jarðskjálftahrina minni jarðskjálfta varð á sama stað. Þegar þessi grein er skrifuð, þá er þessi jarðskjálftahrina ennþá í gangi.

Jarðskjálftahrina norður af Grímsey þar sem tvær grænar stjörnur eru á sama stað ásamt fullt af rauðum punktum. Þetta er út í sjó.
Jarðskjálftavirknin norður af Grímsey. Mynd frá Veðurstofu Íslands.

Þessi jarðskjálftavirkni er væntanlega framhald af jarðskjálftavirkni sem varð á sama stað í September. Ég veit ekki hvort að þarna muni verða fleiri stórir jarðskjálftar en það er möguleiki.

Jarðskjálftahrina sunnan og austan við Grímsey

Í gær (12-Október-2022) hófst jarðskjálftahrina sunnan og austan við Grímsey. Þetta er á sama svæði og jarðskjálftahrina varð fyrir nokkrum vikum síðan. Stærsti jarðskjálftinn í þessari hrinu hingað til var með stærðina Mw3,5. Það er möguleiki á stærri jarðskjálftum á þessu svæði. Stærstu jarðskjálftarnir hafa fundist í nálægum byggðum.

Rauðir punktar austan og sunnan við Grímsey. Tvær grænar stjörnur á sama svæði sýna stærstu jarðskjálftana
Jarðskjálftahrinan sunnan og austan við Grímsey. Höfundarréttur þessar myndar tilheyrir Veðurstofu Íslands.

Það er oft mjög mikil jarðskjálftavirkni á þessu svæði. Það gerist oft þarna að jarðskjálftavirknin aukist. Það gerist einnig mjög oft að jarðskjálftavirknin einfaldlega stöðvast. Hvað gerist verður bara að koma í ljós.

Staðan í jarðskjálftahrinunni austan við Grímsey (12-September-2022)

Þetta er stutt grein um stöðuna í jarðskjálftahrinunni austan við Grímsey.

Jarðskjálftahrinan sem hófst þann 8-September-2022 heldur áfram. Yfir 6000 jarðskjálftar hafa mælst þegar þessi grein er skrifuð. Stærstu jarðskjálftar síðustu daga hafa náð stærðinni Mw4,2 og hafa fundist yfir stórt svæði. Fólk sem á heima í Grímsey og ferðamenn sem eru þar finna mjög vel fyrir þessari jarðskjálftahrinu.

Grænar stjörnur í línu frá norðri til suður austan við Grímsey. Fullt af rauðum punktum í sömu línu sem sína minni jarðskjálfta.
Jarðskjálftahrinan austan við Grímsey. Höfundarréttur þessar myndar tilheyrir Veðurstofu Íslands.

Það eru engin merki um að eldgos sé að fara að hefjast á þessu svæði. Það gæti breyst án viðvörunar en er ólíklegt engu að síður, en ég veit ekki hversu líklegt eldgos er á þessu svæði þar sem það eru ekki nein góð gögn um þetta svæði þar sem það er undir sjó. Það eru einnig ekki neinar augljósar breytingar á GPS mælum á svæðinu. Það er mjög líklega eingöngu jarðskjálftahrina en það útilokar ekki að þarna geti orðið jarðskjálfti með stærðina 6 til 7 án viðvörunar, þar sem hættan á slíkum jarðskjálfta er mjög mikil.

Styrkir

Það er hægt að styrkja mína vinnu með því að leggja inn á mig með bankamillifærslu (upplýsingar í fyrri grein eða á síðunni styrkir hérna fyrir ofan) eða með því að nota PayPal takkann. Styrkir hjálpa mér að komast af yfir mánuðinn. Takk fyrir stuðninginn. 🙂

Jarðskjálfti með stærðina Mw4,9 austur af Grímsey

Í nótt (8-September-2022) klukkan 04:01 varð jarðskjálfti með stærðina Mw4,9 austur af Grímsey. Samkvæmt fréttum, þá fannst þessi jarðskjálfti á stóru svæði á norðausturlandi. Það hafa orðið meira en 22 jarðskjálftar sem hafa verið stærri en Mw3,0 síðan jarðskjálftahrinan hófst. Það hafa mælst yfir 700 jarðskjálftar þegar þessi grein er skrifuð. Jarðskjálftahrinan er ennþá í gangi og það þýðir að jarðskjálftum mun fjölga og það er hætta á stærri jarðskjálftum.

Fullt af grænum stjörnum austan við Grímsey auk rauðra punkta sem sýna minni jarðskjálfta. Grænar stjörnur sýna jarðskjálfta sem eru stærri en 3 að stærð. Talsvert af appelsínugulum punktum einnig
Jarðskjálftavirknin austan við Grímsey. Höfundarréttur þessar myndar tilheyrir Veðurstofu Íslands.

Jarðskjálftahrinur eru mjög algengar á þessu svæði við Grímsey á Tjörnesbrotabeltinu. Þarna er eldstöð en ég sé ekki nein merki þess að eitthvað sé að gerast þar. Þarna verða jarðskjálftahrinur á 2 til 3 ára fresti en það er mun lengra milli mjög stórra jarðskjálfta sem eru með stærðina 6 til 7 en slíkir jarðskjálftar gerast.

Styrkir

Þeir sem vilja og geta, þá er hægt að styrkja mína vinnu með því að leggja inn á mig með því að nota þessar hérna bankaupplýsingar eða með því að nota PayPal takkann hérna á síðunni. Þetta hjálpar mér að komast af yfir mánuðinn og fá smá borgað fyrir mína vinnu. Takk fyrir stuðninginn. 🙂

Bankaupplýsingar

Nafn: Jón Frímann Jónsson
Kennitala: 1607804369
Banki: 0123-15-037975
Banki: Landsbankinn

Jarðskjálftahrina í sigdal í Tjörnesbrotabeltinu

Í gær (27-Júní-2022) hófst jarðskjálftahrina á Tjörnesbrotabeltinu í sigdal sem þar er. Þetta er á svæði sem er norð-vestur af Gjögurtá. Stærsti jarðskjálftinn fannst á Siglufirði og var með stærðina Mw3,2.

Græn stjarna út í sjó þar sem jarðskjálftavirknin varð á Tjörnesbrotabeltinu. Austan við Grímsey er einnig jarðskjálftahrina sem er sýnd með nokkrum appelsínugulum og bláum punktum.
Jarðskjálftavirknin á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Í Júní árið 2020 varð þarna mjög stór jarðskjálftahrina þar sem stærstu jarðskjálftarnir voru með stærðina Mw5,8. Þessi jarðskjálftavirknin núna er hugsanlega eftirskjálftavirkni af þeirri jarðskjálftahrinu. Ég er ekki viss, en það er möguleiki.

Jarðskjálftavirkni í Tjörnesbrotabeltinu

Aðfaranótt 10-Maí-2022 hófst jarðskjálftahrina á Tjörnesbrotabeltinu. Stærsti jarðskjálftinn í þessari virkni var með stærðina Mw3,2 og miðað við fjarlægð frá landi þá er ekki líklegt að þessi jarðskjálfti hafi fundist.

Græn stjarna á austur af Grímsey út í sjó. Nokkrir appelsínugulir punktar sýna minni jarðskjálfta
Jarðskjálftavirknin austur af Grímsey. Höfundaréttur af þessari mynd tilheyrir Veðurstofu Íslands.

Þetta er hefðbundin jarðskjálftavirkni á Tjörnesbrotabeltinu. Það er ekki hægt að vita hvað gerist næst þarna en það eru góðar líkur á því að þessi jarðskjálftavirkni hætti bara.

Jarðskjálftahrina suður af Grímsey

Í nótt, þann 29-Janúar-2022 hófst jarðskjálftahrina suður af Grímsey. Þessi jarðskjálftahrina er frekar kröftug þegar þessi grein er skrifuð.

Græn stjarna suður af Grímsey sem sýnir stærsta jarðskjálftann auk nokkura rauðra punkta sem sýna minni jarðskjálfta suður af Grímsey
Jarðskjálftavirknin suður af Grímsey. Höfundarréttur þessar myndar tilheyrir Veðurstofu Íslands.

Jarðskjálftahrinan er ennþá í gangi þegar þessi grein er skrifuð. Það er hætta á því að það komi fram stærri jarðskjálfti á þessu svæði. Stærstu jarðskjálftarnir voru með stærðina Mw3,3 (02:35) og síðan jarðskjálfti með stærðina Mw3,5 (02:40). Það er jarðskjálftahrina lítilla jarðskjálfta á sama svæði sem hófst eftir fyrsta jarðskjálftann með stærðina Mw3,3 klukkan 02:35. Jarðskjálftahrinur eins og þessar eru mjög algengar á Tjörnesbrotabeltinu.

Jarðskjálftahrina austan við Grímsey

Í gær (28-Október-2021) varð jarðskjálftahrina austur af Grímsey. Stærsti jarðskjálftinn var með stærðina Mw3,9 klukkan 22:06. Það er ekki vitað hvort að þessi jarðskjálfti fannst í Grímsey.

Jarðskjálftavirkni austur af Grímsey. Græn stjarna sýnir staðsetningu stærsta jarðskjálftans sem er talsvert út í sjó.
Jarðskjálftavirknin austur af Grímsey. Höfundarréttur þessar myndar tilheyrir Veðurstofu Íslands.

Jarðskjálftar eru mjög algengir á þessu svæði og þarna verða mjög stórar jarðskjálftahrinur á 2 til 10 ára fresti.