Category: Eldstöð

Birt þann

Jarðskjálfti með stærðina Mw5,3 í eldstöðinni Bárðarbungu

Í dag (31. Janúar 2026) klukkan 11:54 varð jarðskjálfti með stærðina Mw5,3 í eldstöðinni Bárðarbungu. Þessi jarðskjálfti fannst ekki í byggð. Þessi jarðskjálfti er hluti af þeirri þenslu sem er núna að eiga sér stað í Bárðarbungu og þetta ferli hefur verið í gangi síðan eldgosinu lauk í Bárðarbungu þann 28. Febrúar 2015.

Græn stjarna og rauðir og appelsínugulir punktar í norðari hluta Vatnajökuls í eldstöðinni Bárðarbungu.
Jarðskjálftavirkni í Bárðarbungu. Höfundarréttur þessar myndar tilheyrir Veðurstofu Íslands.

Þessi jarðskjálftavirkni mun halda áfram í eldstöðinni Bárðarbungu þangað til að hámarks þenslu er náð eða þangað til næsta eldgos verður. Það skiptir engu hvort verður náð fyrst. Síðan mun þetta ferli byrja aftur upp á nýtt þegar næsta eldgosi líkur í Bárðarbungu. Ef að hámarks þenslu er náð, þá mun jarðskjálftavirknin stöðvast í einhvern tíma. Miðað við núverandi gögn. Þá mun það taka nokkra áratugi áður en þeirri þenslu verður náð í eldstöðinni Bárðarbungu.

Birt þann

Kvikuinnskot í eldstöðinni Þórðarhyrnu

Í gær (24. Janúar 2026) klukkan 10:27 til 12:02 varð jarðskjálftahrina í eldstöðinni Þórðarhyrnu. Þessi jarðskjálftahrinu svipar mjög til þess að kvikuinnskot hafi átt sér stað í eldstöðinni Þórðarhyrna. Stærsti jarðskjálftinn í þessari jarðskjálftahrinu var með stærðina Mw2,8. Aðrir jarðskjálftar voru minni að stærð.

Hópur af jarðskjálftum í eldstöðinni Þórðarhyrna vest-suður af eldstöðinni Grímsfjalli.
Jarðskjálftavirkni í eldstöðinni Þórðarhyrna, sem er staðsett suður-vestur af eldstöðinni Grímsfjall í Vatnajökli. Höfundarréttur þessar myndar tilheyrir Veðurstofu Íslands.

Þessi jarðskjálftavirkni er hluti af aukinni jarðskjálftavirkni í eldstöðinni Þórðarhyrna síðustu ár. Það hefur ekki orðið eldgos í Þórðarhyrnu síðan árið 1830 til ársins 1903 (árið er óvíst). Eldstöðin Þórðarhyrna er innan sprungusvarms eldstöðvarinnar Grímsfjalls. Það eru engin merki um það að eldstöðin Þórðarhyrna muni gjósa á næstunni. Þessi aukning á jarðskjálftavirkni getur möglega haldið áfram næstu 10 til 20 ár áður en næsta eldgos verður í eldstöðinni Þórðarhyrnu. Hægt er að fá meiri upplýsingar um eldstöðina Þórðarhyrnu á vefsíðunni Íslensk eldfjallavefsjá.

Birt þann

Jarðskjálftavirkni í eldstöðinni Hamrinum

Í dag (06. Desember 2025) klukkan 10:10 og 10:13 urðu jarðskjálftar með stærðina Mw3,1 og Mw4,0. Það urðu nokkrir minni jarðskjálftar í kjölfarið á sama svæði.

Tvær grænar stjörnur ofan á hverri annari í eldstöðinni Hamarinn í vestanverðum Vatnajökli.
Tvær grænar stjörnur í eldstöðinni Hamarinn í Vatnajökli. Höfundarréttur þessar myndar tilheyrir Veðurstofu Íslands.

Það hefur ekki orðið nein önnur virkni í kjölfarið á þessum jarðskjálftum. Það hefur ekki orðið nein breyting á óróagröfum. Ég reikna ekki með frekari virkni á þessu svæði þegar þessi grein er skrifuð.

Birt þann

Jarðskjálfti í eldstöðinni Öskju

Jarðskjálfti með stærðina Mw3,5 varð í eldstöðinni Öskju í dag (9. Nóvember 2025) klukkan 09:39. Þetta var stakur jarðskjálfti og það hafa ekki orðið neinir eftirskjálftar í kjölfarið á þessum jarðskjálfta. Það er ólíklegt að það verði fleiri jarðskjálftar í kjölfarið á þessum jarðskjálfta.

Græn stjarna við enda þessa korts frá Veðurstofunni. Græna stjarna er í norðurhluta öskju Öskju eldstöðvarinnar.
Jarðskjálftavirkni í eldstöðinni Öskju. Höfundarréttur þessar myndar tilheyrir Veðurstofu Íslands.

Það hefur verið einhver þensla í eldstöðinni Öskju síðustu ár en mér þykir mjög ólíklegt að það verði eldgos á næstum áratugum eins og aðstæður eru núna. Það getur samt breyst ef aðstæður breytast í eldstöðinni Öskju. Á þessari stundu er mjög ólíklegt að það gerist.

Birt þann

Jarðskjálfti með stærðina Mw5,4 í eldstöðinni Bárðarbungu

Í dag (29. Október 2025) klukkan 16:46 varð jarðskjálfti með stærðina Mw5,4 í eldstöðinni Bárðarbungu. Þessi jarðskjálfti fannst ekki í byggð. Þessi jarðskjálfti varð vegna þenslu sem er að eiga sér stað í Bárðarbungu og hefur verið í gangi síðan eldgosinu lauk þar árið 2015.

Græn stjarna í öskju Bárðarbungu, auk rauðra punkta sem sýna minni jarðskjálfta. Bárðarbunga er staðsett í norðari hluta Vatnajökuls.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Það varð einhver eftirskjálftavirkni í kjölfarið á stærsta jarðskjálftum. Eins og er, þá er ekkert sem bendir til þess að eldgos sé að hefjast í Bárðarbungu.

Birt þann

Kröftug jarðskjálftahrina í eldstöðinni Kötlu

Í morgun þann 20. Október 2025 varð kröftug jarðskjálftahrina í eldstöðinni Kötlu. Stærsti jarðskjálftinn hingað til var með stærðina Mw4,5 og mjög líklegt er að hann hafi fundist í nálægri byggð. Það urðu einnig nokkrir jarðskjálftar sem voru yfir Mw3,0 að stærð. Jarðskjálftahrinan er ennþá í gangi en kemur í bylgjum og þegar þessi grein er skrifuð, þá eru rólegheit í gangi.

Grænar stjörnur í öskju Kötlu sýna stærstu jarðskjálftana. Síðan er fullt af rauðum punktum á sama svæði sem sýna minni jarðskjálfta.
Jarðskjálftavirknin í Kötlu. Höfundarréttur þessar myndar tilheyrir Veðurstofu Íslands.

Þessa stundina eru ekki nein merki um kvikuhreyfingar í eldstöðinni Kötlu. Það gæti hinsvegar breyst án viðvörunnar. Það hafa einnig ekki komið fram neinar breytingar á jökulvatni í jökulám sem renna frá Mýrdalsjökli en það gæti tekið um 4 til 8 klukkutíma að koma fram á mælum hjá Veðurstofunni. Þar sem það tekur tíma fyrir vatnið að renna undan jöklinum. Ég mun setja inn nýja grein ef eitthvað meira gerist í Kötlu.

Birt þann

Sterkur jarðskjálfti í Brennisteinsfjöllum þann 18. Ágúst 2025

Þann 18. Ágúst 2025 klukkan 18:10 varð jarðskjálfti með stærðina Mw3,8 í Brennisteinsfjöllum. Þessi jarðskjálfti fannst í Reykjavík og nágrenni.

Græn stjarna í Brennisteinsfjöllum. Ásamt minni jarðskjálftum á sama svæði.
Jarðskjálftahrinan í Brennisteinsfjöllum. Höfundaréttur þessar myndar tilheyrir Veðurstofu Íslands.

Jarðskjálftahrinunni er lokið. Það er hinsvegar mikil spenna í jarðskorpunni á þessu svæði vegna stöðugrar þenslu og sig í eldstöðinni Svartsengi. Stærri jarðskjálfti gæti orðið án viðvörunnar.

Birt þann

Kröftugur jarðskjálfti í Bárðarbungu þann 27. Júlí 2025

Þann 27. Júlí 2025 klukkan 23:39 varð jarðskjálfti með stærðina Mw5,2. Klukkan 23:41 varð jarðskjálfti með stærðina Mw3,1 en seinni jarðskjálftinn er inní í fyrsta jarðskjálftum og sést því ekki í jarðskjálftagögnunum beint án greiningar á gögnunum. Stærsti jarðskjálftinn fannst á Akureyri.

Tvær grænar stjörnur í Bárðarbungu og norðari stjarnan er stærri jarðskjálftinn. Syðri jarðskjálftinn er minni jarðskjálftinn.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Þetta er hefðbundin jarðskjálftavirkni í Bárðarbungu á meðan eldstöðin heldur áfram að þenjast út. Svona stórir jarðskjálftar verða á nokkura mánaða fresti.

Birt þann

Jarðskjálftahrina í eldstöðinni Krýsuvík

Aðfaranótt 20. Júlí 2025 klukkan 02:55 varð jarðskjálfti með stærðina Mw3,5 í eldstöðinni Krýsuvík. Þessi jarðskjálfti fannst í Reykjavík og nálægum svæðum.

Græn stjarna austan við Kleifarvatn. Auk blárra punkta sem sýna minni jarðskjálfta í eldstöðinni Krýsuvík.
Jarðskjálftavirknin í eldstöðinni Krýsuvík. Höfundarréttur þessar myndar tilheyrir Veðurstofu Íslands.

Þetta er jarðskjálfti sem vegna spennu í jarðskorpunni á svæðinu. Þetta er mögulega aðlögun í jarðskorpunni vegna spennubreytinga sem fylgja eldgosinu í eldstöðinni í Svartsengi. Þar sem eldgosið í Svartsengi veldur því að eldstöðin lækkar og það kemur af stað spennubreytingum í jarðskorpunni. Það er að sjá að þessari jarðskjálftahrinu virðist vera lokið.

Birt þann

Staðan í eldgosinu í Sundhnúkagígum í eldstöðinni Svartsengi þann 17. Júní 2025 klukkan 01:36

Þetta er stutt yfirlit yfir stöðuna í eldgosinu í Sundhnúkagígum í eldstöðinni Svartsengi. Upplýsingar hérna eru eins réttar og hægt er að hafa það þegar ég skrifa þessa grein. Staðan getur breyst snögglega og án viðvörunar í þessu eldgosi eftir að greinin er skrifuð.

  • Gossprungan náði rúmlega 2,5 km þegar hún var sem lengst. Gossprungan er farinn að minnka eftir því sem dregið hefur úr krafti eldgossins.
  • Þetta eldgos er það nyrsta af þeim eldgosum sem hafa orðið.
  • Hraunflæðið er í átt að Fagradalsfjalli og Fagradal. Mjög líklegt er að hraunið sé búið að fylla upp í Fagradal.
  • Þegar þessi grein er skrifuð. Þá er að sjá að óróinn sé mjög stöðugur. Þetta getur breyst án viðvörunnar og mjög snögglega.
  • GPS gögn benda til þess að mesta lækkunin sem hefur orðið er í kringum 100mm á síðustu 12 klukkutímum síðan eldgosið hófst þar sem það er mest. Lækkun á GPS stöðvum er mismunandi eftir því hvar þær eru staðsettar í eldstöðvarkerfinu Svartsengi.
  • Það er næstum því engin jarðskjálftavirkni á svæðinu.
  • Ég reikna ekki með því að eldgosið vari nema í nokkra daga í mesta lagi. Hinsvegar fara þessi eldgos stundum í einn gíg sem gýs nokkuð lengi. Það er ekki hægt að segja til um það núna hvort að það gerist.
  • Þoka hefur komið í veg fyrir útsýni á eldgosið í allan gærdag og þokan er ennþá að koma í veg fyrir að hægt sé að fylgjast með eldgosinu á vefmyndavélum.
  • Gasmengun hefur verið vandamál í þessu eldgosi. Það er ekki víst að það breytist fyrr en þegar þetta eldgos klárast.

Ef það verður eitthvað meira í fréttum af þessu eldgosi. Þá mun ég skrifa um það hérna. Ég reikna ekki með því að það verði tilfellið eins og er þegar þessi grein er skrifuð.