Upplýsingar um eldgos og jarðskjálfta á Íslandi
Í dag (15. September 2026) klukkan 14:18 varð jarðskjálfti með stærðina Mw4,2 í eldstöðinni Presthnúkar. Þessi jarðskjálfti fannst á nálægum sveitarbæjum sem eru sunnan við Langjökul. Þessi jarðskjálfti er stærsti jarðskjálftinn á þessu svæði í jarðskjálftahrinu sem er á þessu svæði.
Þegar þessi grein er skrifuð. Þá er jarðskjálftahrinan ennþá í gangi í eldstöðinni Presthnúkar. Það þýðir að það er hætta á fleiri stórum jarðskjálftum í Presthnúkar eldstöðinni.
Í gær (25. Ágúst 2026) varð kröftug jarðskjálftahrina við Geirfugladrang. Það komu fram fimm jarðskjálftar sem voru stærri en Mw3,0. Það voru tveir jarðskjálftar með stærðina Mw4,1. Það kom fram einn jarðskjálfti með stærðina Mw3,6. Það komu fram tveir jarðskjálftar með stærðina Mw3,4. Jarðskjálftahrinan er langt frá landi og jarðskjálftar mælast illa á þessu svæði vegna fjarlægðar frá jarðskjálftamælum Veðurstofunnar. Það fannst líklega einn af stóru jarðskjálftunum á Reykjanesskaga.
Þegar þessi grein er skrifuð. Þá er jarðskjálftahrinan ennþá í gangi eftir að hafa verið róleg í allan dag. Það er möguleiki á því að þessi jarðskjálftahrina eigi upptök sín í kvikuhreyfingum á þessu svæði en fjarlægð frá landi og að þetta er úti í sjó gerir erfitt að meta það til þess að vera viss. Það eru meiri líkur en minni að þetta sé vegna kvikuhreyfinga á þessu svæði hafi valdið þessari jarðskjálftahrinu.
Í dag (24. Ágúst 2026) varð minniháttar jarðskjálftahrina í eldstöðinni Reykjanes. Stærsti jarðskjálftinn var með stærðina Mw2,9.
Þessi jarðskjálftahrina virðist ennþá vera í gangi að hluta, en það eru samt mjög fáir jarðskjálftar að eiga sér stað þegar þessi grein er skrifuð.
Í dag (28. Júlí 2026) klukkan 05:36 varð jarðskjálfti með stærðina Mw5,2 til Mw5,4 í eldstöðinni Bárðarbungu. Það urðu lágmarksfjöldi af eftirskjálftum eftir þennan jarðskjálfta. Þessi jarðskjálfti varð vegna þenslu sem á sér núna stað í eldstöðinni Bárðarbungu. Stærð jarðskjálftans er skráð Mw5,2 hjá Veðurstofunni en Mw5,4 hjá EMSC.
Jarðskjálftavirknin sem var síðustu nótt hefur stöðvast. Þá getur þessi jarðskjálftavirkni byrjað aftur án nokkurar viðvörunnar. Það virðist sem að það sé nægur kvikuþrýstingur til þess að hefja eldgos en af einhverjum ástæðum. Þá virðist kvikan ekki hafa nægan þrýsting til þess að brjóta sér leið upp á yfirborðið. Möguleg ástæða fyrir því er að þrýstingur er ekki nægur til þess að brjóta jarðskorpuna vegna þrýstings frá jöklinum sem er ofan á eldstöðinni. Hver svo sem ástæðan er, þá er núna hætta á því að eldgos hefjist í eldstöðinni Bárðarbungu án mikillar viðvörunnar. Svæðið er mjög afskekkt, þannig að það er ekki mikil hætta á tjóni. Mesta hættan er af jökulflóðum sem geta komið ef eldgos hefst undir jökli.
Í gær (27. Júlí 2026) klukkan 00:36 varð jarðskjálfti með stærðina Mw4,1 í eldstöðinni Henglinum. Þessi jarðskjálfti fannst á mjög stóru svæði á suðurlandi. Mjög fáir eftirskjálftar hafa komið fram í kjölfarið á þessum jarðskjálfta.
Þetta er stærsti jarðskjálftinn á þessu svæði síðan árið 1998 samkvæmt Veðurstofu Íslands. Samkvæmt fréttum, þá er jarðskjálftavirkni mjög algeng á þessu svæði en það hefur ekki verið tilfellið síðustu ár. Það hafa komið fram jarðskjálftahrinu sem eru aðeins suð-vestur af þessari staðsetningu. Þegar þessi grein er skrifuð, þá hefur ekki komið fram nein frekari jarðskjálftavirkni á þessu svæði.
Í dag (15. Júlí 2026) varð jarðskjálftahrina í eldstöðinni Kötlu. Þetta hófst með jarðskjálfta sem var með stærðina Mw3,8 og fylgdu í kjölfarið nokkrir minni jarðskjálftar. Það hafa engar tilkynningar borist um að þessi jarðskjálfti hafi fundist.
Þegar þessi grein er skrifuð. Þá er að sjá að þessari jarðskjálftavirkni sé lokið. Þar sem Katla er eldstöð, þá getur þessi jarðskjálftavirkni byrjað aftur án nokkurar viðvörunnar. Þegar þessi grein er skrifuð, þá er allt rólegt í eldstöðinni Kötlu.
Í gær (24. Júní 2026) varð jarðskjálfti með stærðina Mw3,3 suður-vestur af eldstöðinni Presthnúkar. Þessi jarðskjálfti er hluti af jarðskjálftahrinu sem er á þessu svæði sem er ennþá í gangi.
Miðað við þau jarðskjálftagögn sem ég hef séð. Þá tel ég líklegt að þessi jarðskjálftahrina sé vegna kvikuhreyfinga á svæðinu. Eins og er, þá tel ég engar líkur á eldgosi á þessu svæði. Þar sem jarðskjálftavirknin er einfaldlega of lítil til þess að það sé að fara að gerast. Svona jarðskjálftahrina eins og er þarna getur haldið áfram í marga mánuði, jafnvel ár áður en jarðskjálftahrinan stöðvast.
Þann 13. Júní 2026 klukkan 20:14 varð jarðskjálfti með stærðina Mw4,8 í Bárðarbungu. Þessi jarðskjálfti kom af stað jarðskjálftahrinu sem er sú stærsta í eldstöðinni Bárðarbungu síðan árið 2014. Það komu fram rúmlega 400 jarðskjálftar í þessari jarðskjálftahrinu. Það komu fram sex jarðskjálftar sem voru stærri en Mw3,0 í þessari jarðskjálftahrinu.
Ástæða þessar jarðskjálftahrinu er kvikuhreyfing innan eldstöðvarinnar Bárðarbungu. Jarðskjálftahrinan núna kom ekki af stað eldgosi. Svipuð jarðskjálftahrina varð í Bárðarbungu á síðasta ári. Það er möguleiki á því að þessari jarðskjálftahrinu sé ekki lokið, þó svo að ekkert hafi gerst í meira en tólf klukkutíma þegar þessi grein er skrifuð. Þar sem uppruni þessar atburðarrásar er kvika, þá er ekki hægt að segja til um það hvað gerist næst. Eldstöðin Bárðarbunga hefur verið að þenjast út síðan eldgosinu lauk árið 2015. Í eldgosinu árið 2014 til 2015 þá féll askja Bárðarbungu saman (Sigketill). Þegar það gerðist, þá lækkaði yfirborðið um 60 metra. Núna er þenslan búinn að hækka yfirborðið um 30 metra samkvæmt síðustu mælingum frá því sem það var lægst.
Ef það gerist eitthvað meira. Þá mun ég skrifa nýja grein um stöðu mála.
Í gær, þann 31. Maí 2026 hófst jarðskjálftahrina í eldstöðinni Brennisteinsfjöllum. Jarðskjálftahrinan er ennþá í gangi þegar þessi grein er skrifuð. Stærsti jarðskjálftinn sem hefur orðið var með stærðina Mw4,5 klukkan 13:45 og síðan varð jarðskjálfti með stærðina Mw3,8 klukkan 16:17, síðan varð jarðskjálfti með stærðina Mw3,4 klukkan 16:46. Allir stærstu jarðskjálftarnir hafa fundist.
Það er ekki að sjá að þessi jarðskjálftahrina eigi upptök sín í hreyfingum kviku á svæðinu. Heldur virðist þarna um að vera hreyfingar sigdals sem er á þessu svæði. Það getur komið af stað kvikuhreyfingum síðar en núna er ekki að sjá að það sé tilfellið. Ef frekari virkni verður á þessu svæði. Þá mun ég skrifa nýja grein um stöðu mála.
Grein uppfærð þann 3. Júní 2026 klukkan 23:00. Nýjar upplýsingar sýna að jarðskjálftahrinan á upptök sín í eldstöðinni Brennisteinsfjöllum en ekki eldstöðinni Henglinum sem er þarna aðeins austar.
Síðan á laugardaginn 23, Maí 2026 hefur verið jarðskjálftahrina í eldstöðinni Reykjanes úti á Reykjaneshrygg. Þessi jarðskjálftahrina er ekki upphafið af eldgosi á þessu svæði en er mjög líklega langtímamerki um þróun mála í átt að eldgosi í eldstöðinni Reykjanes. Stærsti jarðskjálftinn í þessari jarðskjálftahrinu var með stærðina Mw3,5 en annar stærsti jarðskjálftinn var með stærðina Mw2,9.
Þegar þessi grein er skrifuð. Þá er jarðskjálftahrinan ennþá í gangi en miklu minni en áður. Það er möguleiki á því að þessari jarðskjálftahrinu sé að ljúka og muni ljúka á næstu klukkutímum. Það gerist nokkuð oft á Reykjaneshrygg að jarðskjálftahrinu hefjist aftur á sama svæði. Eins og er, þá er þetta bíða og sjá til staða mála.