Category: Jarðskjálftahrina

Birt þann

Kröftug jarðskjálftahrina í eldstöðinni Brennisteinsfjöllum

Í gær, þann 31. Maí 2026 hófst jarðskjálftahrina í eldstöðinni Brennisteinsfjöllum. Jarðskjálftahrinan er ennþá í gangi þegar þessi grein er skrifuð. Stærsti jarðskjálftinn sem hefur orðið var með stærðina Mw4,5 klukkan 13:45 og síðan varð jarðskjálfti með stærðina Mw3,8 klukkan 16:17, síðan varð jarðskjálfti með stærðina Mw3,4 klukkan 16:46. Allir stærstu jarðskjálftarnir hafa fundist.

Grænar stjörnur sem sýna stærstu jarðskjálftana í Brennisteinsfjöllum, ásamt fullt af rauðum punktum á stóru svæði.
Jarðskjálftavirknin í Brennisteinsfjöllum í dag. Höfundarréttur þessar myndar tilheyrir Veðurstofu Íslands.

Það er ekki að sjá að þessi jarðskjálftahrina eigi upptök sín í hreyfingum kviku á svæðinu. Heldur virðist þarna um að vera hreyfingar sigdals sem er á þessu svæði. Það getur komið af stað kvikuhreyfingum síðar en núna er ekki að sjá að það sé tilfellið. Ef frekari virkni verður á þessu svæði. Þá mun ég skrifa nýja grein um stöðu mála.

Grein uppfærð þann 3. Júní 2026 klukkan 23:00. Nýjar upplýsingar sýna að jarðskjálftahrinan á upptök sín í eldstöðinni Brennisteinsfjöllum en ekki eldstöðinni Henglinum sem er þarna aðeins austar.

Birt þann

Jarðskjálftahrina í eldstöðinni Reykjanes

Síðan á laugardaginn 23, Maí 2026 hefur verið jarðskjálftahrina í eldstöðinni Reykjanes úti á Reykjaneshrygg. Þessi jarðskjálftahrina er ekki upphafið af eldgosi á þessu svæði en er mjög líklega langtímamerki um þróun mála í átt að eldgosi í eldstöðinni Reykjanes. Stærsti jarðskjálftinn í þessari jarðskjálftahrinu var með stærðina Mw3,5 en annar stærsti jarðskjálftinn var með stærðina Mw2,9.

Græn stjarna sem sýnir stærsta jarðskjálftann og appelsínugulir punktar sem sýna minni jarðskjálfta í eldstöðinni Reykjanes.
Eldstöðin Reykjanes úti á Reykjaneshrygg. Höfundarréttur þessar myndar tilheyrir Veðurstofu Íslands.

Þegar þessi grein er skrifuð. Þá er jarðskjálftahrinan ennþá í gangi en miklu minni en áður. Það er möguleiki á því að þessari jarðskjálftahrinu sé að ljúka og muni ljúka á næstu klukkutímum. Það gerist nokkuð oft á Reykjaneshrygg að jarðskjálftahrinu hefjist aftur á sama svæði. Eins og er, þá er þetta bíða og sjá til staða mála.

Birt þann

Jarðskjálftahrina í eldstöðinni Hengill

Eftir mjög langt tímabil af miklum rólegheitum. Þá varð jarðskjálfti með stærðina Mw3,6 í eldstöðinni Hengill nærri Eiturhóli. Þarna verða oft jarðskjálftahrinur sem tengjast flekahreyfingum á þessu svæði.

Græn stjarna efst á myndinni sýnir stærsta jarðskjálftann. Síðan eru rauðir punktar sem sýna minni jarðskjálfta á við og dreif á þessu svæði.
Jarðskjálftahrina í eldstöðinni Hengill. Höfundarréttur þessar myndar tilheyrir Veðurstofu Íslands.

Stærsti jarðskjálftinn koma af stað lítilli jarðskjálftahrinu á þessu svæði og er ennþá í gangi þegar þessi grein er skrifuð. Ég reikna ekki með frekari jarðskjálftavirkni á þessu svæði en hefur þegar orðið þegar þessi grein er skrifuð.

Birt þann

Jarðskjálftahrina við Geirfugladrang á Reykjanesskaga

Í gær (23. Mars 2026) klukkan 12:08 hófst jókst jarðskjálftahrina við Geirfugladrang sem hefur verið í gangi síðan Föstudaginn þann 20. Mars 2026. Stærsti jarðskjálftinn þegar þessi grein er skrifuð er með stærðina Mw4,4 og fannst á Akranesi, Reykjavík og annarstaðar á Reykjanesskaga.

Grænar stjörnur á Reykjaneshrygg ásamt rauðum punktum sem sína minni jarðskjálfta á þessu svæði.
Jarðskjálftahrinan á Reykjanesskaga. Höfundarréttur þessar myndar tilheyrir Veðurstofu Íslands.

Jarðskjálftavirknin eykst í bylgjum. Þá er mikil virkni í rúmlega í fjóra tíma í einu eða lengur, síðan er lítil virkni í rúmlega einn til þrjá klukkutíma. Þetta breytist á nokkura klukkutíma fresti. Ég met þetta sem slíkt að þarna sé kvika á ferðinni að valda þessari jarðskjálftavirkni. Það er ekki líklegt að þessi kvika komi af stað eldgosi núna. Ef það verður mjög mikil aukning í jarðskjálftum. Þá gæti það verið vísbending um að kvikan sé að brjóta sér leið upp á yfirborðið. Það sem er að gerast núna er hugsanlega er að kvikuinnskot sér að eiga sér stað í jarðskorpuna á þessu svæði. Fjarlægð frá landi og að svæðið er undir sjó gerir það mjög erfitt að fylgjast með því sem er að gerast á þessu svæði.

Ef eitthvað meira gerist. Þá mun ég birta nýja grein eins fljótt og hægt er.

Birt þann

Lítil jarðskjálftahrina í eldstöðinni Torfajökli

Í dag (12. Mars 2026) klukkan 11:47 varð jarðskjálfti með stærðina Mw3,7 í eldstöðinni Torfajökli.

Græn stjarna norður af Mýrdalsjökli í eldstöðinni Torfajökli. Litlir punktar sína minni jarðskjálfta á sama svæði.
Jarðskjálftavirkni í eldstöðinni Torfajökli. Höfundarréttur þessar myndar tilheyrir Veðurstofu Íslands.

Lítil jarðskjálftahrina kom í kjölfarið á stærsta jarðskjálftanum. Það er ekkert sem bendir til kvikuhreyfinga á þessu svæði. Hinsvegar verða eldgos þarna með annari gerð af kviku en basalt hrauni. Kvikan og hraunið sem kemur þarna upp er Líparít. Það er möguleiki á því að það geri erfitt að sjá hvort að kvika sér á ferðinni þarna núna. Það hefur verið einhver þensla í eldstöðinni Torfajökli, en líklega hefur sú þensla stöðvast fyrir einhverju síðan.

Birt þann

Jarðskjálftahrinan í eldstöðinni Reykjanes

Ég afsaka hversu seint ég var með þessa grein. Ég fékk kvef með þessum venjulegu vandamálum.

Á Sunnudeginum þann 8. Febrúar 2026 hófst jarðskjálftahrina við Eldey. Í kringum 1000 jarðskjálftar hafa mælst í þessari jarðskjálftahrinunni. Stærstu jarðskjálftarnir voru með stærðina Mw3,4. Aðrir jarðskjálftar sem urðu voru minni að stærð.

Þrjár grænar stjörnur þar sem stærstu jarðskjálftarnir áttu sér stað. Rauðir punktar og síðan gulir punktar sína eldri og minni jarðskjálfta.
Jarðskjálftahrinan við Eldey í eldstöðinni Reykjanes. Höfundarréttur þessar myndar tilheyrir Veðurstofu Íslands.

Það er möguleiki á því að þessi jarðskjálftahrina sé tengd þenslunni í eldstöðinni Svartsengi. Þar sem þenslan breytir spennustigi á öllum Reykjanesskaga og síðan á Reykjaneshrygg. Hversu vel þessi þenslan veldur jarðskjálftum annarstaðar á Reykjanesinu er ekki vitað. Það er einnig óljóst hvort að þessi jarðskjálftahrina sé vegna kvikuhreyfinga á þessu svæði. Það ætti hinsvegar ekki að vera útilokað. Ekkert eldgos varð í þessari jarðskjálftahrinu. Það er einnig möguleiki á því að fleiri jarðskjálftahrinur verði á þessu svæði næstu daga og vikur.

Birt þann

Jarðskjálfti með stærðina Mw5,3 í eldstöðinni Bárðarbungu

Í dag (31. Janúar 2026) klukkan 11:54 varð jarðskjálfti með stærðina Mw5,3 í eldstöðinni Bárðarbungu. Þessi jarðskjálfti fannst ekki í byggð. Þessi jarðskjálfti er hluti af þeirri þenslu sem er núna að eiga sér stað í Bárðarbungu og þetta ferli hefur verið í gangi síðan eldgosinu lauk í Bárðarbungu þann 28. Febrúar 2015.

Græn stjarna og rauðir og appelsínugulir punktar í norðari hluta Vatnajökuls í eldstöðinni Bárðarbungu.
Jarðskjálftavirkni í Bárðarbungu. Höfundarréttur þessar myndar tilheyrir Veðurstofu Íslands.

Þessi jarðskjálftavirkni mun halda áfram í eldstöðinni Bárðarbungu þangað til að hámarks þenslu er náð eða þangað til næsta eldgos verður. Það skiptir engu hvort verður náð fyrst. Síðan mun þetta ferli byrja aftur upp á nýtt þegar næsta eldgosi líkur í Bárðarbungu. Ef að hámarks þenslu er náð, þá mun jarðskjálftavirknin stöðvast í einhvern tíma. Miðað við núverandi gögn. Þá mun það taka nokkra áratugi áður en þeirri þenslu verður náð í eldstöðinni Bárðarbungu.

Birt þann

Kvikuinnskot í eldstöðinni Þórðarhyrnu

Í gær (24. Janúar 2026) klukkan 10:27 til 12:02 varð jarðskjálftahrina í eldstöðinni Þórðarhyrnu. Þessi jarðskjálftahrinu svipar mjög til þess að kvikuinnskot hafi átt sér stað í eldstöðinni Þórðarhyrna. Stærsti jarðskjálftinn í þessari jarðskjálftahrinu var með stærðina Mw2,8. Aðrir jarðskjálftar voru minni að stærð.

Hópur af jarðskjálftum í eldstöðinni Þórðarhyrna vest-suður af eldstöðinni Grímsfjalli.
Jarðskjálftavirkni í eldstöðinni Þórðarhyrna, sem er staðsett suður-vestur af eldstöðinni Grímsfjall í Vatnajökli. Höfundarréttur þessar myndar tilheyrir Veðurstofu Íslands.

Þessi jarðskjálftavirkni er hluti af aukinni jarðskjálftavirkni í eldstöðinni Þórðarhyrna síðustu ár. Það hefur ekki orðið eldgos í Þórðarhyrnu síðan árið 1830 til ársins 1903 (árið er óvíst). Eldstöðin Þórðarhyrna er innan sprungusvarms eldstöðvarinnar Grímsfjalls. Það eru engin merki um það að eldstöðin Þórðarhyrna muni gjósa á næstunni. Þessi aukning á jarðskjálftavirkni getur möglega haldið áfram næstu 10 til 20 ár áður en næsta eldgos verður í eldstöðinni Þórðarhyrnu. Hægt er að fá meiri upplýsingar um eldstöðina Þórðarhyrnu á vefsíðunni Íslensk eldfjallavefsjá.

Birt þann

Jarðskjálfti með stærðina Mw5,4 í eldstöðinni Bárðarbungu

Í dag (29. Október 2025) klukkan 16:46 varð jarðskjálfti með stærðina Mw5,4 í eldstöðinni Bárðarbungu. Þessi jarðskjálfti fannst ekki í byggð. Þessi jarðskjálfti varð vegna þenslu sem er að eiga sér stað í Bárðarbungu og hefur verið í gangi síðan eldgosinu lauk þar árið 2015.

Græn stjarna í öskju Bárðarbungu, auk rauðra punkta sem sýna minni jarðskjálfta. Bárðarbunga er staðsett í norðari hluta Vatnajökuls.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Það varð einhver eftirskjálftavirkni í kjölfarið á stærsta jarðskjálftum. Eins og er, þá er ekkert sem bendir til þess að eldgos sé að hefjast í Bárðarbungu.

Birt þann

Kröftug jarðskjálftahrina í eldstöðinni Kötlu

Í morgun þann 20. Október 2025 varð kröftug jarðskjálftahrina í eldstöðinni Kötlu. Stærsti jarðskjálftinn hingað til var með stærðina Mw4,5 og mjög líklegt er að hann hafi fundist í nálægri byggð. Það urðu einnig nokkrir jarðskjálftar sem voru yfir Mw3,0 að stærð. Jarðskjálftahrinan er ennþá í gangi en kemur í bylgjum og þegar þessi grein er skrifuð, þá eru rólegheit í gangi.

Grænar stjörnur í öskju Kötlu sýna stærstu jarðskjálftana. Síðan er fullt af rauðum punktum á sama svæði sem sýna minni jarðskjálfta.
Jarðskjálftavirknin í Kötlu. Höfundarréttur þessar myndar tilheyrir Veðurstofu Íslands.

Þessa stundina eru ekki nein merki um kvikuhreyfingar í eldstöðinni Kötlu. Það gæti hinsvegar breyst án viðvörunnar. Það hafa einnig ekki komið fram neinar breytingar á jökulvatni í jökulám sem renna frá Mýrdalsjökli en það gæti tekið um 4 til 8 klukkutíma að koma fram á mælum hjá Veðurstofunni. Þar sem það tekur tíma fyrir vatnið að renna undan jöklinum. Ég mun setja inn nýja grein ef eitthvað meira gerist í Kötlu.