Upplýsingar um eldgos og jarðskjálfta á Íslandi
Í dag (29. Október 2025) klukkan 16:46 varð jarðskjálfti með stærðina Mw5,4 í eldstöðinni Bárðarbungu. Þessi jarðskjálfti fannst ekki í byggð. Þessi jarðskjálfti varð vegna þenslu sem er að eiga sér stað í Bárðarbungu og hefur verið í gangi síðan eldgosinu lauk þar árið 2015.
Það varð einhver eftirskjálftavirkni í kjölfarið á stærsta jarðskjálftum. Eins og er, þá er ekkert sem bendir til þess að eldgos sé að hefjast í Bárðarbungu.
Í morgun þann 20. Október 2025 varð kröftug jarðskjálftahrina í eldstöðinni Kötlu. Stærsti jarðskjálftinn hingað til var með stærðina Mw4,5 og mjög líklegt er að hann hafi fundist í nálægri byggð. Það urðu einnig nokkrir jarðskjálftar sem voru yfir Mw3,0 að stærð. Jarðskjálftahrinan er ennþá í gangi en kemur í bylgjum og þegar þessi grein er skrifuð, þá eru rólegheit í gangi.
Þessa stundina eru ekki nein merki um kvikuhreyfingar í eldstöðinni Kötlu. Það gæti hinsvegar breyst án viðvörunnar. Það hafa einnig ekki komið fram neinar breytingar á jökulvatni í jökulám sem renna frá Mýrdalsjökli en það gæti tekið um 4 til 8 klukkutíma að koma fram á mælum hjá Veðurstofunni. Þar sem það tekur tíma fyrir vatnið að renna undan jöklinum. Ég mun setja inn nýja grein ef eitthvað meira gerist í Kötlu.
Þann 18. Ágúst 2025 klukkan 18:10 varð jarðskjálfti með stærðina Mw3,8 í Brennisteinsfjöllum. Þessi jarðskjálfti fannst í Reykjavík og nágrenni.
Jarðskjálftahrinunni er lokið. Það er hinsvegar mikil spenna í jarðskorpunni á þessu svæði vegna stöðugrar þenslu og sig í eldstöðinni Svartsengi. Stærri jarðskjálfti gæti orðið án viðvörunnar.
Þann 27. Júlí 2025 klukkan 23:39 varð jarðskjálfti með stærðina Mw5,2. Klukkan 23:41 varð jarðskjálfti með stærðina Mw3,1 en seinni jarðskjálftinn er inní í fyrsta jarðskjálftum og sést því ekki í jarðskjálftagögnunum beint án greiningar á gögnunum. Stærsti jarðskjálftinn fannst á Akureyri.
Þetta er hefðbundin jarðskjálftavirkni í Bárðarbungu á meðan eldstöðin heldur áfram að þenjast út. Svona stórir jarðskjálftar verða á nokkura mánaða fresti.
Aðfaranótt 20. Júlí 2025 klukkan 02:55 varð jarðskjálfti með stærðina Mw3,5 í eldstöðinni Krýsuvík. Þessi jarðskjálfti fannst í Reykjavík og nálægum svæðum.
Þetta er jarðskjálfti sem vegna spennu í jarðskorpunni á svæðinu. Þetta er mögulega aðlögun í jarðskorpunni vegna spennubreytinga sem fylgja eldgosinu í eldstöðinni í Svartsengi. Þar sem eldgosið í Svartsengi veldur því að eldstöðin lækkar og það kemur af stað spennubreytingum í jarðskorpunni. Það er að sjá að þessari jarðskjálftahrinu virðist vera lokið.
Þetta er stutt yfirlit yfir stöðuna í eldgosinu í Sundhnúkagígum í eldstöðinni Svartsengi. Upplýsingar hérna eru eins réttar og hægt er að hafa það þegar ég skrifa þessa grein. Staðan getur breyst snögglega og án viðvörunar í þessu eldgosi eftir að greinin er skrifuð.
Ef það verður eitthvað meira í fréttum af þessu eldgosi. Þá mun ég skrifa um það hérna. Ég reikna ekki með því að það verði tilfellið eins og er þegar þessi grein er skrifuð.
Í dag (16. Júlí 2025) klukkan 03:53:31 hófst eldgos í Sundhnúkagígaröðinni í eldstöðinni Svartsengi. Eldgosið er nyrst á gossprungunni sem er á þessu svæði og hefur gosið áður. Þetta eldgos er langt frá öllum mikilvægum innviðum. Gossprungan virðist ekki vera mjög löng miðað við það sem sést á vefmyndavélum.
Það er ekki hægt að vita hversu lengi þetta eldgos mun vara. Það gæti verið frá nokkrum klukkutímum yfir í nokkra daga. Ef þörf verður á því. Þá mun ég setja inn nýjar upplýsingar hingað inn. Hingað til í þessum eldgosum, þá hefur þess ekki verið þörf.
Í dag (7. Júlí 2025) klukkan 04:38 varð jarðskjálfti með stærðina Mw3,4. Þessi jarðskjálftahrina varð nálægt svæði sem heitir Árnes. Meira en tugur jarðskjálfta kom í kjölfarið á stærsta jarðskjálftanum. Það eru engar tilkynningar um að þessi jarðskjálfti hafi fundist í sumarhúsum sem eru á þessu svæði en það er ekki hægt að útiloka að stærsti jarðskjálftinn hafi fundist.
Ég held að þessi jarðskjálfti sé ekki merki um stærri jarðskjálfta á þessu svæði. Þar sem stærri jarðskjálftar á Suðurlandsbrotabeltinu verða oft án mikillar viðvörunnar. Þessari jarðskjálftahrinu virðist núna vera lokið.
Í gær (18. Júní 2025) varð hófst jarðskjálftahrina í eldstöðinni Krýsuvík. Stærsti jarðskjálftinn var með stærðina Mw3,4 og fannst í Reykjavík og nágrenni.
Það er líklegt að þessi jarðskjálftahrina sé vegna þenslunnar í eldstöðinni Svartsengi. Það eru því líkur á frekari jarðskjálftum á þessu svæði á næstu vikum vegna þenslunnar í Svartsengi.
Í gær (16. Júní 2025) klukkan 18:05 varð jarðskjálfti með stærðina Mw3,7 í eldstöðinni Ljósufjöllum. Dýpi þessa jarðskjálfta var um 18 km. Þessi jarðskjálfti fannst á svæðinu sem er ekki með mikla byggð.
Jarðskjálftavirkni heldur áfram á þessu svæði þar sem kvika er ennþá að troðast upp í jarðskorpuna á þessu svæði. Síðan innflæði kviku hófst í jarðskorpuna á þessu svæði, þá er ekki að sjá að kvikan hafi náð að rísa nokkuð upp í gegnum jarðskorpuna. Það veldur því að þrýstingur heldur áfram að aukast í jarðskorpunni á þessu svæði á dýpsta hluta jarðskorpunnar. Jarðskorpan á þessu svæði er einnig ekki að gefa eftir þrýstingi frá kvikunni, þar sem jarðskorpan á þessu svæði er gömul, köld og brotgjörn. Það þýðir að miklu erfiðara er fyrir kvikuna að troðast upp í gegnum jarðskorpuna á þessu svæði og ná til yfirborðs.