Færslur

Birt þann

Jarðskjálftahrina í Öræfajökli (21-Júní-2018)

Daginn eftir að aukning varð í jarðskjálftavirkni í Öræfajökli. Þessi jarðskjálftahrina var aðeins stærri en jarðskjálftahrinan sem varð í gær (20-Júní-2018).


Jarðskjálftavirknin í Öræfajökli. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari jarðskjálftahrinu var með stærðina 2,6 en allir aðrir jarðskjálftar voru minni að stærð. Stærsti jarðskjálftinn fannst á nálægum sveitabýlum.

Jarðskjálftamælirinn í Böðvarshólum

Vegna bilunar í tölvubúnaði þá verður jarðskjálftamælirinn í Böðvarshólum óvirkur þangað til ég hef efni á að uppfæra stöðina í Raspberry Shake búnað. Á þessari stundu veit ég ekki hvenær það gerist en þar sem þetta er öðruvísi uppsetning þá krefist það þess að ég sé með aðal jarðskjálftatölvuna mína í gangi og þessa stundina er það ekki möguleiki hjá mér vegna aðstæðna. Ég mun fá aðal-jarðskjálfta tölvuna í gang aftur þegar ég flyt til Danmerkur eða Þýskalands eftir nokkra mánuði (vona ég) frá Íslandi.

Birt þann

Jarðskjálftahrina í Öræfajökli í dag (20-Júní-2018)

Í dag (20-Júní-2018) varð lítil jarðskjálftahrina í Öræfajökli. Núverandi jarðskjálftahrina er talsvert öðruvísi heldur en jarðskjálftahrinan sem varð mánuðina og vikunar á undan eldgosinu í Eyjafjallajökli.


Jarðskjálftavirknin í Öræfajökli. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessar jarðskjálftahrinu var með stærðina 1,8 og voru allir aðrir jarðskjálftar minni að stærð. Flestir jarðskjálftar voru með stærðina 0,5 og dýpið var í kringum 5 til 6 km. Þetta bendir til þess að mínu mati að Öræfajökull gæti valdið meiriháttar vandræðum í framtíðinni.

Birt þann

Jarðskjálfti fannst í Grindavík í dag (18-Júní-2018)

Jarðskjálfti með stærðina 3,0 varð í dag (18-Júní-2018) 4,3 km norður af Grindavík og fannst þessi jarðskjálfti í Grindavík. Það voru nokkrir minni jarðskjálftar sem komu í kjölfarið á meginskjálftanum.


Jarðskjálftinn fyrir norðan Grindavík þann 18-Júní-2018. Höfundaréttur þessar myndar tilheyrir Veðurstofu Íslands.

Jarðskjálftavirkni er mjög algeng á þessu svæði. Þessi jarðskjálftavirkni er því ekkert sérstök að sjá.

Birt þann

Jarðskjálfti ekki langt frá Siglufirði

Jarðskjálfti með stærðina 3,5 varð ekki langt frá Siglufirði núna í kvöld. Á þessari stundu er þetta eini jarðskjálftinn sem hefur komið fram á því svæði þar sem jarðskjálftinn varð.


Jarðskjálftinn sem varð ekki langt frá Siglufirði (græn stjarna). Höfundaréttur þessar myndar tilheyrir Veðurstofu Íslands.

Það er möguleiki á að þarna verði frekari jarðskjálftavirkni á þessu svæði. Hinsvegar er möguleiki á að ekkert frekar gerist á þessu svæði.

Birt þann

Mjög kröftug jarðskjálftavirkni í Bárðarbungu

Í dag (14-Júní-2018) varð mjög kröftug jarðskjálftavirkni í Bárðarbungu.

Stærsti jarðskjálftinn var með stærðina 4,9 (klukkan 15:05). Aðrar jarðskjálftar voru með stærðina 4,1 (klukkan 13:04), jarðskjálfti með stærðina 3,3 (klukkan 13:25), jarðskjálfti með stærðina 3,1 (klukkan 13:36), jarðskjálfti með stærðina 3,5 (klukkan 16:35). Aðrir jarðskjálftar sem komu fram voru minni að stærð.


Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Þetta er stærsti jarðskjálftinn síðan í Janúar-2018 (grein hérna). Það sem virðist muna núna er að þessi jarðskjálftahrina virðist vera stærri núna en í Janúar-2018. Ástæða þessara jarðskjálftahrinu er vegna þenslu sem á sér stað núna í Bárðarbungu. Það kom ekki fram neinn gosórói í kjölfarið á þessari jarðskjálftahrinu. Ég veit ekki hversu mikið Bárðarbungu hefur þanist út síðan eldgosinu lauk í Bárðarbungu í Febrúar-2015. Það má búast við svona jarðskjálftavirkni (jarðskjálftahrina með stórum jarðskjálftum) í Bárðarbungu nokkrum sinnum á ári næstu árin.

Birt þann

Jarðskjálftavirkni í Tindfjallajökli

Ég hef ekki skrifað margar greinar um eldstöðina Tindfjallajökul þar sem þessi eldstöð hefur varið síðustu ~12.000 árum í að vera hljóðlát.


Jarðskjálftavirkni í Tindfjallajökli (gular/rauðir punktar). Höfundaréttur þessar myndar tilheyrir Veðurstofu Íslands.

Allir þeir jarðskjálftar sem hafa átt sér stað eru mjög litlir og enginn þeirra fór yfir stærðina 0,3. Þessi jarðskjálftavirkni virðist aðeins hafa farið inn á sprungusveim Heklu (það mun ekki hafa nein áhrif og ekki valda neinu). Það er óljóst afhverju þessi jarðskjálftavirkni er að eiga sér stað.

Birt þann

Jökulflóð farið af stað úr Grímsvötnum

Samkvæmt fréttum þá er jökulflóð farið af stað úr Grímsvötnum og er búist við því að það nái láglendi á morgun. Ég er ekki að reikna með eldgosi í Grímsvötnum vegna þessa jökulflóðs. Ef það verður eldgos í Grímsvötnum í kjölfarið á þessu flóði þá reikna ég ekki með því að það verði stórt.

Ég mun uppfæra þessa grein eftir því sem þarf eða skrifa nýja grein ef eitthvað stórt gerist.

Birt þann

Jarðskjálftavirkni í Öræfajökli

Í gær (29-Maí-2018) varð jarðskjálftavirkni í Öræfajökli. Þessi aukning sem varð núna í jarðskjálftavirkni í Öræfajökli var í samræmi við það sem hefur sést áður undanfarna mánuði.


Jarðskjálftavirknin í Öræfajökli. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari jarðskjálftahrinu var með stærðina 2,1. Aðrir jarðskjálftar voru minni og var stærð þeirra frá 0,0 og upp í 1,0.

Birt þann

Lítil jarðskjálftahrina á Reykjaneshrygg

Aðfaranótt 26-Maí-2018 varð lítil jarðskjálftahrina á Reykjaneshrygg. Þessi jarðskjálftahrina virðist eiga uppruna sinn í flekahreyfingum á þessu svæði. Mjög fáir jarðskjálftar mældust á þessu svæði og þetta var ekki stór jarðskjálftahrina talið í fjölda jarðskjálfta.


Jarðskjálftahrinan á Reykjaneshrygg (gula). Höfundaréttur þessar myndar tilheyrir Veðurstofu Íslands.

Stærstu jarðskjálftarnir í þessari jarðskjálftahrinu voru með stærðina 3,0. Aðrir jarðskjálftar sem mældust voru með stærðina 2,0 til 2,8. Vegna fjarlægðar frá SIL mælanetinu þá mældust aðeins stærstu jarðskjálftarnir, minni jarðskjálftar virðast ekki mælast í þessari fjarlægð. Það er hugsanlegt að þarna verði frekari jarðskjálftavirkni á næstu klukkutímum til dögum. Það hefur verið munstur undanfarin ár á Reykjaneshrygg að jarðskjálftavirknin hagi sér á þennan hátt. Það er einnig möguleiki á því að ekkert frekar gerist á þessu svæði.