Jón Frímann – Síða 121 – Jarðfræði á Íslandi

júní 3, 2014júní 3, 2014

Jarðskjálfti suður af Heklu

Í dag (03-Júní-2014) varð jarðskjálfti með stærðina 2,5 suður af eldstöðinni Heklu. Dýpi þessa jarðskjálfta var 9,6 km. Nokkrir minni jarðskjálftar fylgdu í kjölfarið. Engin merki um eldgos er að sjá frá Heklu í kjölfarið á þessum jarðskjálfta.

Jarðskjálftarnir suður af Heklu núna í dag. Höfundaréttur þessar myndar tilheyrir Veðurstofu Íslands.

Eins og staðan er í dag þá er allt rólegt í Heklu. Það er þó gott að hafa varan á sér ef fólk ætlar sér að fara á topp Heklu þar sem eldgos geta hafist með skömmum fyrirvara. Undanfarin fyrir eldgos í Heklu er jarðskjálftahrina sem kemur fram rúmlega einni til tveim klukkustundum á undan áður en það fer að gjósa. Þessi jarðskjálfti kom fram á jarðskjálftamælinum mínum í Heklubyggð og er hægt að sjá jarðskjálftann hérna.

maí 31, 2014

Ný rannsókn sýnir fram á ný eldgos djúpt á Reykjaneshryggnum

Samkvæmt nýrri rannsókn á Reykjaneshrygg. Þá hafa orðið þar eldgos á síðustu 20 árum. Þessi eldgos hafa ekki sést en hafa komið fram sem jarðskjálftahrinu samkvæmt jarðfræðingum sem gerði rannsóknina. Eldstöðin sem gaus á þessum tíma er 400 til 500 km frá landi.

Nánari upplýsingar

Sjá merki um eldgos á Reykjaneshryggnum (mbl.is)
Áður óþekkt eldgos á Reykjaneshrygg (Rúv.is)

maí 22, 2014

Ný jarðskjálftahrina í Bárðarbungu

Þann 20-Maí-2014 hófst jarðskjálftahrina í Bárðarbungu. Þessi jarðskjálftahrina var frekar lítil og var stærsti jarðskjálftinn með stærðina 2,8 samkvæmt yfirförnum niðurstöðum Veðurstofu Íslands.

Jarðskjálftahrinan í Bárðarbungu. Höfundaréttur þessar myndar tilheyrir Veðurstofu Íslands.

Þessi jarðskjálftahrina virðist stafa af kvikuinnskoti í Bárðarbungu. Það er ekki víst að þessi jarðskjálftavirkni muni valda eldgosi í Bárðarbungu og þessi virkni þýðir ekki að þarna sé að fara gjósa. Reikna má með frekari jarðskjálftavirkni í Bárðarbungu á næstu dögum og vikum.

maí 17, 2014

Jarðskjálfti með stærðina 3,7 í Bárðarbungu

Í dag (16-Maí-2014) klukkan 14:41 varð jarðskjálfti með stærðina 3,7 í Bárðarbungu. Í kringum 20 eftirskjálftar komu í kjölfarið á aðal jarðskjálftanum, eins og stendur þá er ekkert sem bendir til þess að eldgos sé að fara hefjast í Bárðarbungu. Svona jarðskjálftahrinur eru algengir í Bárðarbungu.

Jarðskjálftinn í Bárðarbungu er þar sem græna stjarnan er til staðar. Höfundaréttur þessar myndar tilheyrir Veðurstofu Íslands.

Jarðskjálftinn eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi. Nánari upplýsingar er að finna á CC Leyfi síðunni.

Stærsti eftirskjálftinn samkvæmt sjálfvirkri úrvinnslu hafði stærðina 2,6 en samkvæmt yfirförnum niðurstöðum þá var stærsti jarðskjálftinn með stærðina 2,5. Þær niðurstöður gætu hinsvegar breyst þegar farið er frekar yfir þær á næstu dögum. Búast má við frekari jarðskjálftum á þessu svæði og að þarna verði jafnvel að þarna verði jarðskjálftar sem verða jafnvel stærri en sá sem varð í dag.

Styrkir: Ég minni fólk að styrkja mig ef það getur. Það hjálpar mér við að halda úr þessari vefsíðu ásamt fleiru (ekkert er ókeypis). Nánari upplýsingar hérna. Ef fólk er að kaupa frá Amazon og gerir það í gegnum mig þá fæ ég frá 5% til 10% af söluverðinu í tekjur af hverri sölu. Takk fyrir stuðninginn.

maí 15, 2014

Jarðskjálftahrina í Kverkfjöllum

Í gær (14-Maí-2014) varð jarðskjálftahrina í Kverkfjöllum. Þessi jarðskjálftahrina var mjög lítil og náði enginn jarðskjálfti stærðinni 2,0 samkvæmt sjálfvirkum niðurstöðum Veðurstofu Íslands. Jarðskjálftar eru ekki algengir í Kverkfjöllum en svona jarðskjálfthrinur gerast einstakasinnum engu að síður.

Jarðskjálftahrinan í Kverkfjöllum er þar sem rauðu punktanir eru í austanverðum Vatnajökli. Höfundaréttur þessar myndar tilheyrir Veðurstofu Íslands.

Ég hef ekki neinar vísbendingar afhverju þessi jarðskjálftahrina átti sér stað. Hugsanlega var um að ræða kvikuinnskot í Kverkfjöll eða breytingar í háhitasvæðum eldstöðvarinnar. Á meðan jarðskjálftahrinan átti sér stað varð ekki nein breyting á óróaplottum nærri Kverkfjöllum. Hægt er að skoða vefmyndavélar Kverkfjalla hérna, en þær hafa því miður ekki uppfærst síðan 1-Maí-2014. Ég er ekki að reikna með neinni breytingu í Kverkfjöllum eins og staðan er í dag.

maí 15, 2014

Ný jarðskjálftahrina í Herðubreið

Þann 13-Maí-2014 og í gær (14-Maí-2014) var ný jarðskjálftahrina í Herðubreið, auk jarðskjálftahrinunnar í Herðubreiðartöglum. Þessi jarðskjálftahrina er að einhverju leiti ennþá í gangi.

Jarðskjálftahrinan í Herðubreið og Herðubreiðartöglum. Höfundaréttur þessar myndar tilheyrir Veðurstofu Íslands.

Jarðskjálftavirknin á þessu svæði dettur niður á milli þess sem hún eykst á ný. Ég veit ekki afhverju þetta er svona. Í þessari jarðskjálftahrinu voru mjög fáir jarðskjálftar stærri en 2,4. Yfir 100 jarðskjálftar mældust í þessari jarðskjálftahrinu þann tíma sem toppurinn í virkninni varði. Það er ekkert sem bendir til þess að þarna muni gjósa á þessu svæði í næstu framtíð. Líklegt er að jarðskjálftahrinur muni halda áfram á þessu svæði.

maí 12, 2014

Staðan í Herðubreiðartöglum þann 12-Maí-2014

Þetta er síðasta uppfærslan um stöðuna í Herðubreiðartöglum í bili.

Síðustu helgi þá minnkaði jarðskjálftavirkni í Herðubreiðartöglum, bæði í fjölda jarðskjálfta sem urðu ásamt því að stærðir þeirra jarðskjálfta sem áttu sér stað minnkuðu. Enginn jarðskjálfti sem varð um helgina náði stærðinni 2,0 sýnist mér.

Jarðskjálftavirknin í Herðubreiðartöglum í dag (12-Maí-2014). Höfundaréttur þessar myndar tilheyrir Veðurstofu Íslands.

Jarðskjálftavirkni er ekki lokið í Herðubreiðartöglum, það er ennþá jarðskjálftavirkni að eiga sér stað þarna. Hinsvegar hefur dregið mjög úr þeirri virkni sem þarna á sér stað og því er óþarfi fyrir mig að skrifa um það. Ef meiriháttar breytingar verða í jarðskjálftavirkni í Herðubreiðartöglum, þá mun ég setja inn upplýsingar um þá virkni hérna.

maí 11, 2014maí 12, 2014

Jarðskjálfti með stærðina 3,8 á Reykjaneshrygg [Uppfærðar upplýsingar]

Í dag (11-Maí-2014) klukkan 01:57 varð jarðskjálfti með stærðina 3,6 á Reykjaneshrygg, dýpi þessa jarðskjálfta var 11,6 km. Þarna er eldstöð eins og kemur fram hérna. Það hafa ekki komið fram neinar tilkynningar um að þessi jarðskjálfti hafi fundist.

Jarðskjálftinn með stærðina 3,6 er græna stjarnan sem er nær landi á korti Veðurstofunnar. Höfundaréttur þessar myndar tilheyrir Veðurstofu Íslands.

Það hefur verið jarðskjálftavirkni á þessum hluta Reykjaneshryggjar síðustu tvær vikur (17 dagar hingað til). Jarðskjálftavirkni hefur hinsvegar verið frekar lítil þarna og ekki mikið um jarðskjálfta sem hafa farið yfir stærðina 2,0. Það hefur bæði verið fjölgun og minnkun í þessari jarðskjálftahrinu á þessu tímabili. Ég skrifaði fyrst um jarðskjálftahrinu þarna þann 4-Aprí-2014, og síðan aftur um jarðskjálftahrinu þann 13-Apríl-2014. Síðan aftur þann 24-Apríl-2014 (tengill hérna) og enn á ný þann 28-Apríl-2014 (tengill hérna).

Ég reikna með að jarðskjálftavirkni þarna muni halda áfram, þó svo að sveiflur muni verða í jarðskjálftavirkni á þessu svæði. Jarðskjálftavirkni hefur nærri því verið stöðug á þessu svæði allan Apríl og það sem liðið er af Maí. Hugsanlegt er að þessi jarðskjálftavirkni geti verið vegna kvikuinnskota á þessu svæði á Reykjaneshryggnum, hinsvegar er ekkert sem bendir til þess að það þarna sé að fara að gjósa. Ég reikna með að jarðskjálftavirkni muni halda áfram á þessu svæði næstu daga og jafnvel vikur. Ég er með tvo jarðskjálftamæla og allir stærri jarðskjálftar munu sjást ágætlega á jarðskjálftamælunum mínum, hægt er að skoða vefsíðuna hérna.

Uppfærðar upplýsingar: Samkvæmt nýrri yfirfarinni niðurstöðu hjá Veðurstofu Íslands. Þá var stærð jarðskjáfltans sem varð í gær (11-Maí-2014) 3,8 með dýpið 11,5 km. Tveir jarðskjálftar með stærðina 3,1 (klukkan 01:55 og 01:59) áttu sér einnig stað á svipuðum tíma á þessu svæði.

Jarðskjálftavirknin á Reykjaneshrygg í dag. Grænu stjörnurnar tákna jarðskjálfta sem eru stærri en 3,0. Höfundaréttur þessar myndar tilheyrir Veðurstofu Íslands.

Í dag hefur verið jarðskjálftavirkni á Reykjaneshrygg og hafa tveir jarðskjálftar átt sér stað sem eru stærri en 3,0. Samkvæmt yfirförnum niðurstöðum frá Veðurstofu Íslands. Ég reikna með að frekari jarðskjálftavirkni muni eiga sér stað þarna á næstunni. Jarðskjálftavirkni á þessu svæði kemur í bylgjum með löngum hléum á milli. Jarðskjálftar sem eru stærri en 2,5 sjást ágætlega á mínum jarðskjálftamælum, vefsíðan fyrir jarðskjálftamælana mína er hérna.

Uppfært klukkan 18:50.

maí 10, 2014

Jarðskjálfti í Langjökli

Í dag (10-Maí-2014) klukkan 10:42 varð jarðskjálfti með stærðina 3,2 í Langjökli. Þessi jarðskjálfti fannst ekki samkvæmt tilkynningu frá Veðurstofu Íslands. Örfáir eftirskjálftar hafa mælst í kjölfarið á þessum jarðskjálfta. Það eru engin merki um það að þarna sé að fara hefjast jarðskjálftahrina.

Jarðskjálftinn með stærðina 3,2 er merktur með grænni stjörnu á þessari mynd. Höfundaréttur þessar myndar tilheyrir Veðurstofu Íslands.

Jarðskjálftinn eins og hann kom fram hjá mér á jarðskjálftamælinum í Böðvarshólum. Þessi mynd er undir Creative Commons leyfi. Sjá nánar á CC leyfi síðunni.

Jarðskjálftar verða á þessu svæði einstaka sinnum, en jarðskjálftahrinu eru ekkert voðalega algengar á þessu svæði og hafa ekki verið það síðustu ár. Fyrir utan þennan jarðskjálfta þá virðist allt vera rólegt í Langjökli. Hægt er að sjá jarðskjálftann á mínum jarðskjálftamælum hérna.

Styrkir: Það er hægt að styrkja mig og mína vinnu með því að nota Paypal takkan hérna til hliðar. Nánari upplýsingar er einnig að finna hérna á síðu sem ég hef sett upp fyrir fólk sem vill styrkja mig án þess að nota þjónustu PayPal. Ég er bara á örorkubótum er því núna orðin frekar blankur þó skammt sé liðið á mánuðinn. Takk fyrir stuðninginn.

maí 9, 2014maí 9, 2014

Staðan í Herðubreiðartögl þann 9-Maí-2014

Hérna er stutt yfirlit yfir stöðina í Herðubreiðartögl eins og hún er þann 9-Maí-2014.

Síðasta sólarhringinn hefur dregið mjög úr jarðskjálftahrinunni í Herðubreiðartöglum, enda hafa stærstu jarðskjálftar síðasta sólarhringinn eingöngu náð stærðinni 2,0. Jarðskjálftavirkni heldur áfram þarna en er miklu minni en áður, hinsvegar virðist þessi jarðskjálftahrina ekki vera búin eins og er. Þó að þessi jarðskjálftahrina hafi núna varið í rúmlega sjö daga.

Jarðskjálftahrinan í Herðubreiðartögl eins og hún var í dag. Það sést á þessari mynd að jarðskjálftahrinan er mun minni í dag en í gær (8-Maí-2014) og undanfarna daga. Höfundaréttur þessar myndar tilheyrir Veðurstofu Íslands.

Minni jarðskjálftavirkni kemur einnig vel fram í jarðskjálfta-teljaranum sem er á vef Veðurstofu Íslands. Höfundaréttur þessar myndar tilheyrir Veðurstofu Íslands.

Minni jarðskjálftavirkni kemur einnig fram á óróaplottinu. Þar sem minna kemur fram á bláu línunni (2-4Hz) þegar jarðskjálftum fækkar í Herðubreiðartöglum. Eitthvað af virkninni sem hérna sést er frá suðurlandinu og af Reykjaneshrygg vegna jarðskjálftavirkni þar. Höfundaréttur þessar myndar tilheyrir Veðurstofu Íslands.

Minni jarðskjálftavirkni kemur einnig fram á tromluriti Veðurstofu Íslands. Eitthvað af jarðskjálftum þarna er frá Reykjaneshrygg. Höfundaréttur þessar myndar tilheyrir Veðurstofu Íslands.

Núverandi jarðskjálftavirkni í Herðubreiðartöglum er ekki nægjanlega stór til þess að sjást á þeim jarðskjálftamælum sem ég rek, til þess að það gerist þá þurfa jarðskjálftarnir að hafa stærðina 3,0 eða stærri, svo að þeir sjáist almennilega að minnstakosti. Hægt er að fylgjast með þeirri jarðskjálftavirkni sem kemur fram á jarðskjálftamælunum mínum hérna. Þarna sjást allir þeir jarðskjálftar sem eru nógu stórir til þess að koma almennilega fram á mínum jarðskjálftamælum. Þegar þetta er skrifað eru það jarðskjálftar yfirleitt stærri en 3,0 sem eiga sér stað núna (þegar þetta er skrifað).

Samþykki fyrir vefköku