Category: Vöktun

Birt þann

Jarðskjálftahrina í Kolbeinsey

Í gær (24-Maí-2017) og aðfaranótt 25-Maí-2017 var jarðskjálftahrina í Kolbeinsey. Stærstu jarðskjálftanir voru með stærðina 3,6 (tveir þannig) og síðan stærðina 3,5 en aðrir jarðskjálftar sem urðu voru minni að stærð. Enginn órói kom fram þegar þessir jarðskjálftar áttu sér stað en það útilokar ekki þann möguleika að kvikuinnskot hafi átt sér stað þarna. Hafi kvikuinnskot átt sér stað þarna, þá náði það ekki til yfirborðs. Kolbeinsey er langt frá jarðskjálftamælaneti Veðurstofu Íslands og er næsta SIL stöð í rúmlega 25 km fjarlægð en mun lengra er í næstu SIL stöðvar. Þessi fjarlægð gerir mjög erfitt að fylgjast með þessum jarðskjálftum og sjá hvað er að gerst en líklega mundi gosóri koma fram á jarðskjálftamælinum í Grímsey.


Grænu stjörnunnar sýna hvar jarðskjálftahrinan í Kolbeinsey varð. Höfundaréttur þessar myndar tilheyrir Veðurstofu Íslands.

Síðasta eldgos á þessu svæði varð árið 1755 en ekki er vitað nákvæmlega hvar það varð, síðasta eldgos sem vitað er hvar varð með einhverri vissu átti sér stað árið 1372 og varð norð-vestur af Grímsey. Það bendir til þess að eldstöðvarkerfi Kolbeinseyjar fari í áttina að Grímsey. Þessa stundina er engin mælanleg jarðskjálftavirkni í Kolbeinsey.

Birt þann

Kröftug jarðskjálftahrina í Bárðarbungu í gær (20-Maí-2017)

Í gær (20-Maí-2017) varð kröftug jarðskjálftahrina í Bárðarbungu. Stærstu jarðskjálftarnir voru með stærðina Mw3,9 og Mw3.8, í kringum 10 jarðskjálftar komu fram í þessari jarðskjálftahrinu. Þessi jarðskjálftavirkni er öðruvísi en söguleg virkni í Bárðarbungu á tímabilinu 1970 til 1994 þegar það gaus í Gjálp. Fram að þeim tíma höfðu jarðskjálftar með stærðina 5 orðið einu sinni til tvisvar á ári. Sú virkni sem á sér stað núna bendir til þess að kvika sé að safnast hraðar upp í eldstöðinni en á tímabilinu 1970 til 1994. Ég veit ekki afhverju það er raunin.


Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Sú breyting hefur orðið á jarðskjálftavirkninni undanfarið að er að jarðskjálftum hefur aðeins fækkað og í staðinn koma stærri og kröftugri jarðskjálftar og jarðskjálftahrinur.


Jarðskjálftinn með stærðina 3,8 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi, sjá CC leyfi síðuna.


Jarðskjálftinn með stærðina 3,8 eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi, sjá CC leyfi síðuna.


Jarðskjálftinn með stærðina 3,9 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi, sjá CC leyfi síðuna.


Jarðskjálftinn með stærðina 3,9 eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi, sjá CC leyfi síðuna.

Samkvæmt frétt á Global Volcanism Program þá er mesta kvikusöfnunin í Bárðarbungu á 10 km dýpi og ekkert bendir til þess að kvikusöfnun sé að eiga sér stað á minna dýpi. Það er ekki víst að kvikusöfnun þurfi að eiga sér stað á minna dýpi áður en eldgos hefst í Bárðarbungu, þar sem hugsanlegt er að eldgos geti hafist með því að kvikuinnskot fari af stað og valdi eldgosi eins og gerðist í eldgosinu í Holuhrauni (2014 – 2015). Það sem hefur verið staðfest er að kvika er að safnast undir Bárðarbungu þessa stundina og eldstöðin er að þenjast út. Þessi kvikusöfnun mun stoppa eða halda áfram þangað til að nýtt eldgos verður í Bárðarbungu.

Birt þann

Jarðskjálftavirkni á Tjörnesbrotabeltinu

Undanfarin mánuð hefur verið jarðskjálftahrina rétt utan við Flatey á Skjálfanda. Þetta er ekki jarðskjálftahrina sem er mjög stór, hvorki í fjölda jarðskjálfta eða stærð þeirra jarðskjálfta sem hafa orðið. Stærstu jarðskjálftarnir undanfarin mánuð hafa náð stærðinni 2,5 til 3,0 en allir aðrir jarðskjálftar hafa verið minni að stærð. Þessi jarðskjálftahrina boðar líklega ekki neina sérstaka atburði en það er alltaf hætta á því að eitthvað gefi sig og jarðskjálfti sem finnist verði á svæðinu.


Jarðskjálftavirknin á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Það hafa einnig orðið aðrar jarðskjálftahrinu á Tjörnesbrotabeltinu undanfarið en þær eru einnig ekki stórar. Þessi jarðskjálftavirkni er ekki tengd þeirri jarðskjálftavirkni sem er núna að eiga sér stað nærri Flatey á Skjálfanda held ég. Tjörnesbrotabeltið er eitt af virkari jarðskjálftasvæðum á Íslandi og verða þar hundruðir jarðskjálftar á hverju ári. Það eina sem er undarlegt er þessi þráðláta jarðskjálftavirkni nærri Flatey á Skjálfanda. Hinsvegar er þetta ekki í fyrsta skipti sem svona jarðskjálftahrinur verða á Tjörnesbrotabeltinu og venjulega þá endast þær eingöngu í nokkrar vikur og hætta síðan án þess að nokkuð merkilegt gerist.

Birt þann

Jarðskjálftahrina á Suðurlandsbrotabeltinu

Í dag, þann 6-Maí-2017 klukkan 12:08:58 varð jarðskjálfti með stærðina 4,4 – 4,5 á suðurlandsbrotabeltinu, nærri Árnesi, nokkru vestan við Heklu. Jarðskjálftinn fannst víða á suðurlandi en olli ekki neinu tjóni. Annar jarðskjálfti varð einni mínútu seinna og var sá jarðskjálfti með stærðina 3,3. Jarðskjálftinn varð á svæði sem líklega olli stórum jarðskjálfta á árunum 1623 eða 1624 (sjá hérna á ensku). Jarðskjálftinn sem varð í dag er ekki nægjanlega stór til þess að vera flokkaður sem suðurlandsskjálfti en eingöngu jarðskjálftar sem eru stærri en 5,5 fá þann titil. Engu að síður er þetta mesta jarðskjálftavirkni á suðurlandsbrotabeltinu í langan tíma.


Jarðskjálftavirknin á suðurlandsbrotabeltinu. Grænu stjörnurnar sýna staðsetningu jarðskjálfta með stærðina 4,4 til 4,5 og jarðskjálftans með stærðina 3,3. Höfundaréttur þessar myndar tilheyrir Veðurstofu Íslands.


Jarðskjálftinn með stærðina 4,4 til 4,5 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi, sjá nánar á CC leyfi vefsíðunni.


Jarðskjálftinn með stærðina 4,4 til 4,5 eins og hann kom fram á jarðskjálftamælinum mínum í Heklubyggð. Útslagið er meira en það sem jarðskjálftamælurinn ræður við. Þessi mynd er undir Creative Commons leyfi, sjá nánar á CC leyfi vefsíðunni.


Jarðskjálftinn með stærðina 3,3 eins og hann kom fram á jarðskjálftamælinum mínum í Heklubyggð. Útslagið er meira en það sem jarðskjálftamælirinn ræður við. Þessi mynd er undir Creative Commons leyfi, sjá nánar á CC leyfi vefsíðunni.

Það er vona á eftirskjálftavirkni á þessu svæði næstu klukkutímana og jafnvel næstu daga. Það er ekki hægt að segja til um það hvort að þarna verði stór jarðskjálfti í kjölfarið á þessari jarðskjálftavirkni. Það er alltaf möguleiki en það er engin leið til þess að vita það fyrirfram.

Birt þann

Sterk jarðskjálftahrina í Kötlu í dag (19.04.2017)

Í dag (19.04.2017) varð kröftug jarðskjálftahrina í Kötlu og voru stærstu jarðskjálftarnir með stærðina 3,0 og 3,1. Þetta er öflugasta jarðskjálftavirkni í Kötlu síðan í Janúar-2017 þegar jarðskjálfti með stærðina 4,3 átti sér stað. Enginn gosórói kom fram í Kötlu í kjölfarið á þessari jarðskjálftahrinu.


Jarðskjálftahrinan í Kötlu. Græna stjörnurnar sýna staðsetningu jarðskjálftanna með stærðina 3,0 og 3,1. Höfundaréttur þessar myndar tilheyrir Veðurstofu Íslands.

Þeir jarðskjálftar sem ég mældi á jarðskjálftamælinum mínum í Heklubyggð sýnir að umrædd jarðskjálftavirkni er blanda af lágtíðni/hátíðni jarðskjálfta. Það þýðir að kvika ber ábyrgð á jarðskjálftahrinu dagsins í Kötlu. Það kom fram í fréttum í dag að umrædd jarðskjálftahrina er að mestu leiti langt frá háhitasvæðum sem er að finna undir Mýrdalsjökli og því er þessi jarðskjálftahrina ekki tengd þeim. Jarðskjálftahrinan í dag varð nærri svæði þar sem gaus síðast árið 1755 og einnig nærri svæði þar sem varð lítið eldgos árið 1955 (komst ekki upp úr jöklinum).


Stærsti jarðskjálftinn í Kötlu eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi og nánari upplýsingar er að finna á síðunni CC leyfi.

Þessi jarðskjálftavirkni getur verið vísbending um það hvað mun hugsanlega á leiðinni í Kötlu. Það er þó engin leið til þess að segja til um slíkt með neinni vissu í dag. Þar sem núverandi jarðskjálftavirkni hefur verið í gangi frá Ágúst-2016 að mestu leiti. Hvernig þetta þróast á eftir að koma í ljós, vegna skorts á gögnum er ekki hægt að segja nákvæmlega til um það hvað gerist næst í Kötlu en nýjustu eldgosagögnin sem íslendingar hafa eru frá árinu 1918 og eru mjög ónákvæm vegna skorts á vísindaþekkingu á þeim tíma.

Birt þann

Jarðskjálftahrina í Bárðarbungu

Í dag (17.04.2017) klukkan 11:58 varð jarðskjálftahrina í Bárðarbungu og stærsti jarðskjálftinn var með stærðina 4,2. Þessi jarðskjálftahrina varði í rúmlega eina klukkustund.


Græna stjarnan sýnir staðsetningu jarðskjálftans með stærðina 4,2. Höfundaréttur þessar myndar tilheyrir Veðurstofu Íslands.

Stærstu eftirskjáfltanir voru með stærðina 2,8 en sú tala getur breyst eftir því sem farið verður betur yfir jarðskjálftagögnin og þá er hugsanlegt að ég mundi uppfæra þessa grein með nýrri upplýsingum. Enginn gosórói eða annars skonar órói kom fram á svæðinu í þessari jarðskjálftahrinu.

Birt þann

Jarðskjálfti með stærðina 4,5 á Reykjaneshrygg

Síðustu nótt varð jarðskjálfti með stærðina 4,5 á Reykjaneshrygg og hófst í kjölfarið jarðskjálftahrina á þessu svæði. Heildarfjöldi jarðskjálfta sem kom fram í þessari jarðskjálftahrinu er í kringum 71 en það er ekki búið að fara yfir þessa jarðskjálftahrinu hjá Veðurstofu Íslands. Það er einnig möguleiki á því að nokkrir jarðskjálftar með stærðina 3,0 hafi átt sér stað án þess að búið sé að fara yfir þá.


Jarðskjálftahrinan á Reykjaneshrygg, græna stjarnan sýnir hvar jarðskjálftinn með stærðina 4,5 átti sér stað. Höfundaréttur þessar myndar tilheyrir Veðurstofu Íslands.


Jarðskjálftinn með stærðina 4,5 eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi, sjá nánar á CC leyfi.


Jarðskjálftinn með stærðina 4,5 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi, sjá nánar á CC leyfi.

Þessi jarðskjálftahrina er hefðbundin flekahreyfing miðað við þann rekdal sem er til staðar á þessu svæði. Miðað við eldri jarðskjálftahrinur á þessu svæði þá er hætta á því að frekari jarðskjálftavirkni verði á þessu svæði næstu daga og jafnvel vikur áður en það róast aftur. Engin breyting varð á óróaplottum í kjölfarið á þessum jarðskjálfta, það þýðir að engin kvika kom upp í kjölfarið á þessari jarðskjálftahrinu og mjög ólíklegt sé að kvika sé valda jarðskjálftavirkni á þessu svæði.

Birt þann

Kröftug jarðskjálftahrina í Bárðarbungu

Í dag (06-Apríl-2017) varð kröftug jarðskjálftahrina í Bárðarbungu. Jarðskjálftavirknin hófst í morgun klukkan 10:46 og stærsti jarðskjálftinn varð klukkan 15:08 en sá jarðskjálfti var með stærðina 4,1 en annar stærsti jarðskjálftinn í þessari hrinu var með stærðina 3,2. Aðrir jarðskjálftar sem komu fram voru minni og hefur komið fram eitthvað í kringum tugur af þeim í Bárðarbungu.


Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Jarðskjálftavirknin er á sömu slóðum og eldri jarðskjálftavirkni sem hefur átt sér stað undanfarna mánuði í Bárðarbungu og hófst í September-2015. Það sem er öðruvísi núna er að ég fékk tvö mismunandi merki á jarðskjálftamælana mína í þessari jarðskjálftavirkni, merkið sem kom fram í Böðvarshólum er annað en það merki sem ég fékk á jarðskjálftamælinn minn í Heklubyggð. Munurinn kom mest fram á norður-suður ásnum í Böðvarshólum miðað við Heklubyggð en Böðvarshólar eru staðsettir norð-vestur af Bárðarbungu en Heklubyggð er staðsett suð-vestur af Bárðarbungu. Ég veit ekki afhverju þessu munar stafar en þetta bendir til þess að einhverskonar hreyfing hafi átt sér stað í þessari jarðskjálftahrinu. Ég reikna með að Veðurstofa Íslands hafi einnig séð þennan mun á jarðskjálftamerkjum á sínu mælaneti. Síðan September-2015 hefur verið þensla í Bárðarbungu og það eru engin merki ennþá þess efnis að dregið hafi úr þenslunni ennþá.

Styrkir

Ég vil minna fólk að styrkja mína vinnu ef það getur. Hægt er að gera það með Paypal eða beint með banka millifærslu, hægt er að fá upplýsingar fyrir slíkri millifærslu hérna. Takk fyrir stuðninginn. 🙂

Birt þann

Örlítil jarðskjálftavirkni í Hofsjökli

Þann 30 Mars-2017 varð lítil jarðskjálftavirkni í Hofsjökli. Þetta var mjög lítil jarðskjálftavirkni og var stærsti jarðskjálftinn eingöngu með stærðina 1,3 og á dýpinu 4,5 km. Jarðskjálftinn með mesta dýpið var með stærðina 1,0 á 10,1 km dýpi.


Jarðskjálftavirkni í Hofsjökli. Höfundarréttur þessar myndar tilheyrir Veðurstofu Íslands.

Ég reikna ekki með neinni frekari virkni í Hofsjökli. Það er ekki vitað nákvæmlega hvenær síðasta eldgos varð í Hofsjökli en ekki hefur gosið þar síðustu 12.000 ár. Ég veit ekki hvað nýjust rannsóknir um eldgosavirkni í Hofsjökli segja um sögu þessa eldfjalls. Ég fann ekki neinar vísindagreinar um það hvenær síðasta eldgos í Hofsjökli hefði hugsanlega átt sér stað. Ég reikna ekki með neinni frekari virkni en það er alltaf möguleiki á því að það komi fram nokkrir jarðskjálftar í viðbót í Hofsjökli.

Birt þann

Kröftug jarðskjálftahrina rúmlega 80 km norður af Kolbeinsey

Aðfaranótt 26-Mars-2017 varð kröftug jarðskjálftahrina rúmlega 80 km norður af Kolbeinsey. Jarðskjálftahrinan varð rúmlega 250 km útaf strönd norðurlands. Það liggur ekki fyrir hvað er að gerast á þessu svæði, þar sem jarðskjálftavirkni á þessu svæði er hærri en vanalega síðustu mánuðina. Þessi jarðskjálftahrina er sú sterkasta sem hefur komið fram á þessu svæði hingað til.


Jarðskjálftahrinan eins og hún kemur fram á vef Veðurstofu Íslands. Grænar stjörnur eru jarðskjálftar stærri en 3,0. Höfundaréttur þessar myndar tilheyrir Veðurstofu Íslands.

Stærstu jarðskjálftarnir voru með eftirtaldar stærðir, jarðskjálfti með stærðina 4,6 (EMSC upplýsingar er að finna hérna), jarðskjálfti með stærðina 5,0 (EMSC upplýsingar er að finna hérna), jarðskjálfti með stærðina 4,8 (EMSC upplýsingar er að finna hérna). Þó svo að þessir jarðskjálftar hafi verið stórir, þá fundust þeir ekki upp á landi vegna fjarlægðar frá upptökum þessara jarðskjálfta. Það er einnig vegna fjarlægðar sem ekki er hægt að segja til um það hvort að eldgos sé að eiga sér stað, þó væri hugsanlega hægt að greina mjög stórt eldgos ef það yrði á þessu svæði. Eins og staðan er núna, þá hefur það ekki gerst ennþá.


Jarðskjálftinn með stærðina 5,0 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi, sjá nánar á CC leyfi.


Jarðskjálftinn með stærðina 5,0 eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi, sjá nánar á CC leyfi.

Það er ekki hægt að segja til um það hvort að jarðskjálftavirkni er ennþá í gangi á þessu svæði eða hvort að henni sé lokið vegna fjarlægðar frá næstu SIL jarðskjálftamælum Veðurstofu Íslands. Þar sem vegna fjarlægðar þá mælast ekki eða mjög illa þeir litlu jarðskjálftar sem verða í kjölfarið á svona jarðskjálftahrinu.