Category: Reykjanesskagi

Birt þann

Staðan á eldgosinu í Geldingadal þann 22-Mars-2021

Þetta er stutt grein um eldgosið í Geldingadal. Eldstöðin sem er talin vera að valda þessu eldgosi er eldstöðin Krýsuvík-Trölladyngja en það gæti breyst síðar. Þessi grein er skrifuð þann 22-Mars-2021 klukkan 18:12.

  • Eldgosið er að mestu leiti eingöngu í einum gíg núna. Það er einhver virkni í tveim öðrum minni gígum en sú virkni virðist vera að minnka eftir því sem eldgosið heldur áfram.
  • Þetta er mjög lítið eldgos og eitt af minnstu eldgosunum sem hefur komið fram og sést á Íslandi.
  • Það er hætta á nýjum eldgosum á nýjum stöðum þegar þetta eldgos endar eða verður nærri því að enda.
  • Það er sprunga til hægri (eins og sést á vefmyndavélinni) og þar kemur upp gas en þar hefur ekki orðið neitt eldgos ennþá.
  • Það hefur ekki orðið nein minnkun á þenslu samkvæmt GPS gögnum í dag (22-Mars-2021).
  • Stærsti gígurinn sem er að gjósa er núna orðinn um 30 metra hár en er mjög óstöðugur og það hrynur oft úr honum.
  • Hraun mun fylla Geldingadal eftir 10 til 14 daga ef eldgosið endist það lengi.
  • Jarðskjálftavirkni er mjög lítil núna eftir að eldgosið hófst. Þegar eldgosinu líkur þá er hætta á því að jarðskjálftavirkni aukist aftur.

 

Gervihnattamynd af Geldingadal af Google Earth. Dalurinn er smá dæld í Fagradalsfjalli sem er með smá fjöll í kring.
Hérna er gervihattamynd af Google Earth sem sýnir Geldingadal og það svæði sem núna gýs í. Höfundarréttur þessar myndar tilheyrir Google/Google Earth og tengdum aðilum.

Síðasta eldgosatímabil byrjaði í kringum árið ~700 og varði til ársins ~1400. Það má því reikna með það eldgosatímabil sem er núna hafið muni ekki ljúka fyrr en árið ~2400 til ársins ~2600. Á þessum tíma verður minnsta tímabil milli eldgosa um 1 ár en tímabil án eldgoss geta alveg farið upp í 10 ár. Hvernig þetta fer nákvæmlega er erfitt að segja til um en þetta er byggt á mínu besta mati samkvæmt gömlum heimildum (sem ég man ekki lengur hvar ég las þær).

Fréttir með myndböndum

Turninn rofnar aftur – kvika streymir út (Rúv.is)

Vefmyndavélar

Beint vefstreymi frá eldstöðvunum (Rúv.is)
Live from Geldingadalir volcano, Iceland (YouTube)

Rúv hefur fært vefmyndavélastrauminn til YouTube.

Uppfært klukkan 00:05 þann 23-Mars-2021

Samkvæmt frétt Rúv þá er kvikan sem er að koma upp mjög frumstæð og er af tegundinni Þóleiít (Wikipedia). Uppruni þessar kviku er kvikuhólf sem er á dýpinu 17 km til 20 km og uppruni sjálfrar kvikunnar kemur mjög djúpt að úr kvikunni sem tilheyrir heita reitnum undir Íslandi. Þessi kvika hefur mikið af CO og CO2 gasi sem er mjög hættulegt. Nánar í frétt Rúv um þetta. Það er einnig mjög mikið af SO2 (brennisteinsdíoxíði) sem er mjög hættulegt gas.

Hraunkvikan sýnir beintengingu við miðju möttulsins (Rúv.is)

Tíðni uppfærsla af eldgosinu

Þar sem eldgosið er mjög stöðugt og ekki mikið af fréttum af því þá hef ég fækkað fjölda uppfærslna af eldgosinu ef ekkert sérstakt gerist og aðeins skrifa greinar ef eitthvað mikið gerist. Næsta grein um eldgosið ætti að verða þann 26-Mars-2021. Ég mun skrifa um aðrar virkni á Íslandi með eðlilegum hætti þegar eitthvað gerist.

Grein uppfærð klukkan 20:52. Athugasemd bætt við varðandi vefmyndavéla straum Rúv.
Grein uppfærð klukkan 00:05 þann 22-Mars-2021. Nýjum upplýsingum bætt við varðandi eldgosið.

Birt þann

Staðan í eldgosinu í Geldingadal við Fagradalsfjall

Grein sem ég skrifaði fyrr í kvöld verður ekki skrifuð á íslensku þar sem efni hennar er orðið úrelt og ég lauk skrifum á ensku greininni um það leiti sem eldgos uppgötvaðist. Hægt er að lesa ensku greinina hérna.

Hérna er stutt yfirlit yfir eldgosið sem er hafið líklega í Krýsuvík-Trölladyngju eldstöðvarkerfinu samkvæmt nýjustu upplýsingum. Þessar upplýsingar gæti breyst síðar þegar meira er vitað um eldgosið og upplýsingum safnað. Þessi grein er skrifuð klukkan 03:18 þann 20-Mars-2021.

  • Þetta er fyrsta eldgosið í Krýsuvík-Trölladyngjukerfinu síðan árið 1340.
  • Samkvæmt Veðurstofunni þá hófst eldgosið klukkan 20:45 en óróinn er varla sjáanlegur á mælum Veðurstofunnar.
  • Gossprungan er áætlað að sé um 1 km löng þegar þessi grein er skrifuð með stefnuna suður-vestur og norður-austur.
  • Eldgosið er eins og er of lítið til þess að valda nokkru tjóni. Næsti vegur er Suðurstandarvegur en sá vegur er lokaður núna vegna sigs útaf jarðskjálftaskemmdum sem hafa komið fram og sá vegur er einnig í 2,5 km fjarlægð frá upptökum eldgossins.
  • Þetta eldgos bendir til þess að ný eldgos gætu hafist á nýjum gossprungum þegar þessu eldgosi er líkur.
  • Dalurinn sem hraunið flæðir í gæti fyllst af hrauni ef að eldgosið varir nógu lengi. Næsti dalur við hliðina er álíka djúpur og Geldingadalur og því lítil hætta á að hraunið fari mjög langt.
  • Svæðið sem eldgosið er á er mjög erfitt yfirferðar. Jafnvel á bíl.

 

Jarðskjálftar á kvikuganginum eru merktir með rauðum punktum. Tvær grænar stjörnur eru yfir kvikuganginum vegna tveggja jarðskjálfta sem fóru yfir 3 að stærð síðustu 48 klukkutímana
Jarðskjálftavirknin í kvikuganginum milli Fagradalsfjalls og Keili. Höfundarréttur þessar myndar tilheyrir Veðurstofu Íslands.

Þetta eldgos gæti aðeins varað í tvo til þrjá daga eins og það lítur út núna en það er ekki hægt að segja til um það með neinni vissu hvað gerist og staðan gæti breyst án viðvörunnar. Þar sem ekki er hægt að segja til um stöðu mála í þessu eldgosi.

Það er ekki nein góð vefmyndavél af eldgosinu vegna þess að það hófst seint um kvöld á föstudegi og er mjög afskekkt staðsett á Reykjanesinu. Reiknað er að veður verður slæmt í dag (20-Mars) og á morgun (21-Mars) á Reykjanesinu.

Vefmyndavélar – Uppfært klukkan 04:54

Rúv – Beint vefstreymi af eldgosinu – Vogastapi
Beint vefstreymi frá eldstöðvunum – Rúv.is – Nýtt! Þessi vefmyndavél er næst eldgosinu.
Road camera 1
Live from Iceland – Keilir
Live from Iceland – Reykjanes

Grein uppfærð klukkan 03:50. Upplýsingum bætt við og stafsetningarvillur lagaðar.
Grein uppfærð klukkan 04:54. Vefmyndavélum er bætt við.
Grein uppfærð klukkan 14:46. Vefmyndavél frá Rúv bætt við.

Birt þann

Staðan á svæðinu milli Keilir og Fagradalsfjalls

Þetta er stutt grein skrifuð þann 17-Mars-2021 klukkan 18:34. Staðan getur breyst án viðvörunnar.

Það hefur verið minni virkni í eldstöðinni Fagradalsfjalli (eldstöðinni Krýsuvík). Staðan eins og hún er núna þá er ekki mikil breyting milli daga núna en það er möguleiki á að því að slæmt veður sem er núna að ganga yfir Ísland sé að koma í veg fyrir að litlir jarðskjálftar mælist hjá Veðurstofunni milli Keili og Fagradalsfjalls. Þensla virðist vera sú sama síðan í gær (16-Mars-2021).

Talsvert um jarðskjálfta milli Keili og Fagradalsfjalls. Grænum stjörnum hefur fækkað þar sem minna hefur verið um jarðskjálfta
Jarðskjálftavirkni milli Keili og Fagradalsfjalli í kvikuganginum. Höfundarréttur þessar myndar tilheyrir Veðurstofu Íslands.

Sterkum jarðskjálftum hefur fækkað síðan um síðustu helgi (12 til 14 Mars). Það sem hefur breyst er að kvikugangurinn færist ekki lengur til suðurs. Það virðist sem að haft í jarðskorpunni sem kvikan komst ekki í gegnum (oftast er um að ræða harðari jarðskorpu). Núverandi staða er að bíða eftir því að eldgos hefst en það er ekki hægt að segja til um það hvenær eldgos hefst.

Þar sem ekki er mikið að gerast núna þegar þessi grein er skrifuð þá ætla ég að fækka nýjum greinum um stöðu mála í Fagradalsfjalli og Keili. Næsta grein verður skrifuð ef það gerist eitthvað en ný grein mun koma Mánudaginn 22-Mars 2021 í síðasta lagi.

Vefmyndavélar

Beint vefstreymi af skjálftasvæðinu – Borgarfjall (Rúv.is) Ef eldgos hefst þá verður hugsanlega hægt að sjá það hérna – Þessi vefmyndavél virkar ekki lengur.
Beint vefstreymi af skjálftasvæðinu – Efstaleiti – Þessi vefmyndavél virkar ekki lengur.
Road camera 1
Road camera 2 (Nætursjón/Innrautt)
Live from Iceland – Keilir – Þessi vefmyndavél virkar mjög líklega.

Styrkir

Hægt er að styrkja mína vinnu með því að nota PayPal takkann hérna til hliðar. Það er einnig hægt að millifæra inná mig með þeim bankaupplýsingum sem ég gef upp á síðunni Styrkir. Takk fyrir stuðninginn.

Þessi grein var uppfærð þann 18-Mars-2021 klukkan 20:10. Tenglar á vefmyndavélar uppfærðir.

Birt þann

Þensla heldur áfram í Fagradalsfjalli, hugsanlegt eldgos verður í Nátthaga

Þetta hérna er stutt grein þar sem staða mála er alltaf að breytast. Þessi grein er skrifuð þann 15-Mars-2021 klukkan 21:55. Þessi grein er um eldstöðina Fagradalsfjall en ég hef einnig Krýsuvík með þar sem uppfærslur frá Veðurstofunni fara þangað inn.

Milli Föstudags og Mánudags var mikil virkni í Fagradalsfjalli. Nokkrir jarðskjálftar með stærðina Mw4,0 og annar stærsti jarðskjálfti þessar jarðskjálftahrinu átti sér stað þann 14-Mars-2021 klukkan 14:15 og sá jarðskjálfti með stærðina Mw5,4. Fyrr um daginn klukkan 12:34 hafði orðið jarðskjálfti með stærðina Mw5,2. Samkvæmt fréttum þá hafa orðið meira 50.000 jarðskjálftum síðan 24-Febrúar-2021 (20 dögum síðan). Af þessum þá hafa sex jarðskjálftar verið stærri en 5, fjöldi jarðskjálfta með stærðina milli 4 til 5 var 53 og það hafa orðið 524 jarðskjálftar með stærðina milli 3 til 4. Þenslan er núna 20cm eða 10cm báðum megin við kvikuinnskotið. Það er búist við því að eldgos verði í nágrenni við Nátthagi þar sem er dalur til staðar en hvenær það gerist er ekki hægt að segja til um það. Það er ekkert sem bendir til þess að innflæði kviku hafi minnkað eða stöðvast.

Mikið af rauðum punktum á Reykjanesskaga þar sem mikil jarðskjálftavirkni er að eiga sér stað núna. Mikið af grænum stjörnum sem tákna jarðskjálfta yfir þrjá að stærð.
Jarðskjálftavirkni á Reykjanesskaga í eldstöðinni Fagradalsfjalli. Höfundarréttur þessar myndar tilheyrir Veðurstofu Íslands.

Það hefur einnig komið fram að kvikugangurinn hefur aðeins komist lengra suður miðað við stöðuna síðasta Föstudag samkvæmt þeim gögnum sem jarðvísindamenn hafa aðgang að. Í dag (15-Mars-2021) hefur verið lítið um jarðskjálftavirkni en það breyttist um klukkan 16:30 þegar jarðskjálftavirkni jókst aftur en þegar þessi grein er skrifuð þá hefur ekki neinn stór jarðskjálfti komið fram ennþá.

Vefmyndavélar

Beint vefstreymi af skjálftasvæðinu – Borgarfjall (Rúv.is) Hérna verður hægt að sjá eldgosið ef það verður
Beint vefstreymi af skjálftasvæðinu – Efstaleiti
Road camera 1
Road camera 2 (Nætursjón/Innrautt)

Birt þann

Sterkir jarðskjálftar vestan við Grindavík og uppfærsla á stöðu kvikugangsins

Þetta er stutt grein um virkinina í eldstöðinni Fagradalsfjalli. Þessi grein er skrifuð þann 11-Mars-2021 klukkan 18:51.

Í morgun klukkan 08:53 varð jarðskjálfti með stærðina Mw4,5 vestan við Grindavík. Annar jarðskjálfti með stærðina Mw3,2 klukkan 09:03. Þessir jarðskjálftar tengjast ekki neinum kvikuhreyfingum á þessu svæði heldur er hérna um að ræða jarðskjálfta sem koma til vegna spennubreytinga vegna kvikugangsins í Fagradalsfjalli og þenslunar sem sú kvika er að valda á stóru svæði í kringum sig. Samkvæmt nýlegum mælingum þá er kvikan að færa sig um 500 metra á hverjum 24 klukkutímum í dag. Núna er kvikan að fara suður en hefur verið að fara suð-vestur undanfarna daga. Í dag (11-Mars-2021) þá á kvikan bara rétt um 2 til 3 km áður en hún kemst á svæði þar sem sjór er yfir öllu saman og ef það gýs þar þá verður sprengigos þar þann tíma sem sjór kemst í sjálft eldgosið. Það mun búa til nýjar eyjar sem munu hverfa eftir skamman tíma þar sem sjórinn mun eyða þeim hratt.

Jarðskjálftavirknin í eldstöðinni Fagradalsfjalli. Mikið af grænum stjörnum þar sem stærstu jarðskjálftanir hafa verið í Fagradalsfjalli og mikið af rauðunum punktum sem sýnir nýja jarðskjálfta
Jarðskjálftavirknin á Reykjanesskaga í eldstöðinni Fagradalsfjall. Höfundarréttur þessar myndar tilheyrir Veðurstofu Íslands.

Kvikan mun einnig fara þá undir Suðurstandarveg (vegur 427). Það er einnig hætta á að það gjósi áður en að þessu kemur og þá mun það taka hraunið 6 til 10 klukkutíma að renna yfir Suðurstandarveg og þá eru bara 2 til 3 km áður en hraunið kemst út í sjó. Síðan jarðskjálftavirknin hófst þann 24-Febrúar-2021 þá hafa orðið meira en 34.000 jarðskjálftar á þessu svæði á Reykjanesskaga samkvæmt mælingum Veðurstofu Íslands.

Vefmyndavélar

Beint vefstreymi af skjálftasvæðinu – Borgarfjall (Rúv.is) Ný!
Beint vefstreymi af skjálftasvæðinu – Efstaleiti
Road camera 1
Road camera 2 (Nætursjón/Innrautt)
Live from Iceland

Birt þann

Staðan í eldstöðinni Fagradalsfjall þann 10-Mars-2021

Þetta er stutt grein um stöðuna í eldstöðinni Fagradalsfjalli. Þessi grein er skrifuð klukkan 21:49.

Síðan á Mánudaginn 8-Mars-2021 þá hefur mikið verið að gerast og það eru engin merki um að breytingar séu á leiðinni eða virknin í kvikuganginum sé að fara að hægast niður. Þessa stundina er kvikugangurinn að þenjast til suður í Fagradalsfjall sem var byggt af eldra eldgosi fyrir hugsanlega einhverjum milljónum árum síðan. Þensla kvikugangsins til suðurs er að valda miklum jarðskjálftum á þessu svæði og voru stærstu jarðskjálftar síðasta sólarhringinn með stærðina Mw5,1 klukkan 03:15 og síðan Mw4,6 klukkan 08:50. Síðustu 48 klukkutíma hafa komið fram 68 jarðskjálftar sem eru stærri en Mw3,0 í Fagradalsfjalli. Minni jarðskjálftar eru að eiga sér stað með tíðnina 1 til 5 jarðskjálftar á hverri mínútu. Síðan 24-Febrúar-2021 þá hafa mælst 34.000 jarðskjálftar hjá Veðurstofu Íslands í þessari jarðskjálftahrinu.

Jarðskjálftavirknin í Fagradalsfjalli með grænar stjörnur sem sýna jarðskjálfta sem eru stærri en 3. Fullt af rauðun punktum sem sýna minni jarðskjálfta.
Jarðskjálftavirknin í Fagradalsfjalli síðustu 48 klukkustundirnar. Höfundarréttur þessar myndar tilheyrir Veðurstofu Íslands.

Möguleikinn á því að þarna verði eldgos er að aukast samkvæmt Veðurstofu Íslands og mun halda áfram að aukast eftir því sem þessi virkni varir lengur á þessu svæði við Fagradalsfjall. Á meðan kvikan sem er þarna hefur pláss til þess að þenja sig í jarðskorpunni þá mun hún gera það. Kvikan er núna á 1 km dýpi eða minna. Hvað dýpið er nákvæmlega er erfitt að fá upplýsingar um á þessari stundu. Þetta veldur því að eldgos getur hafist á mikilla jarðskjálfta eða fyrirboða í Fagradalsfjalli. Það er ennþá mikil hætta á jarðskjálfta með stærðina Mw6,0 til Mw6,5. Á báðum brotasvæðum við enda kvikugangsins og einnig í Brennisteinsfjöllum.

Næsta uppfærsla verður þann 12-Mars-2021 ef engir stóratburðir verða á þessu svæði.

Styrkir

Þeir sem vilja styrkja mína vinnu geta gert það með PayPal eða með því millifæra beint inná mig með bankamillifærslu. Takk fyrir stuðninginn. 🙂

Birt þann

Óróapúsl í eldstöðinni Fagradalsfjall þann 9-Mars-2021

Þetta er stutt grein um virkinina um eldstöðina Fagradalsfjall. Staðan á þessu svæði er stöðugt að breytast og því er ekki hægt að segja til um hvað gerist næst þarna.

Aðfaranótt 9-Mars-2021 frá klukkan 05:20 til um klukkan 07:00 kom fram óróapúsl á jarðskjálftamæla Veðurstofu Íslands. Þessi óróapúls sýnir að kvikan er ennþá að stækka við sig og þenjast út þann kvikugang sem hefur núna myndast í eldstöðinni Fagradalsfjall. Stækkunin núna virðist hafa verið til suðurs eða suð-vesturs en GPS gögn munu sýna á morgun og næstu daga nákvæmlega hvernig og hvert kvikugangurinn er að þenja sig út núna.

Jarðskjálftavirknin í eldstöðvarkerfinu Fagradalsfjall og sýnir jarðskjálftana sem áttu sér stað frá miðnætti 8-Mars til 9-Mars klukkan 16:10
Jarðskjálftavirknin í Fagradalsfjalli. þetta eru frá 8-Mars miðnætti og til 9-Mars til klukkan 16:10. Höfundarréttur þessar myndar tilheyrir Veðurstofu Íslands.

Það er færri sterkari jarðskjálftar síðustu daga en það hefur ekki dregið úr jarðskjálftavirkninni þó svo að aðeins fáir jarðskjálftar sem nái stærðinni Mw3,0 eða stærri. Það er ekki búist við að þetta tímabil sem er mjög rólegt núna er ekki búist við að muni endast nema í mjög stuttan tíma á meðan kvika heldur áfram að flæða inn í jarðskorpuna við Fagradalsfjall. Það er einnig hætta á jarðskjálfta með stærðina Mw6,0 á þessu svæði auk þess sem það er hætta á jarðskjálfta með stærðina Mw6,5 í Brennisteinsfjöllum. Það hefur ekki mælst nein kvikuhreyfing í eldstöðvunum Krýsuvík, Reykjanes og Brennisteinsfjöllum.

Birt þann

Nýjar upplýsingar um stöðu mála í eldstöðinni Fagradalsfjall

Þetta er stutt grein um þær upplýsingar sem Veðurstofan og Almannavarnir gáfu út í dag (8-Mars-2021) um stöðu mála í eldstöðinni Fagradalsfjalli.

Nýjar mælingar sýna það að kvikuinnskotið í eldstöðinni Fagradalsfjallið heldur áfram að vaxa. Þó að mestu leiti í suðurenda kvikugangsins við Fagradalsfjall sjálft. Jarðskjálftasvæði eru á suðu-vestur svæði við suðurenda kvikugangsins og síðan norð-austur við norðurhluta kvikugangsins við Keili vegna þeirrar þenslu sem kvikuinnskotið er að búa til á þessu svæði. Það kom einnig fram að þar sem kvikan stendur grynnst er dýpið aðeins um 1 km og að hugsanlegt eldgossvæði verður hugsanlega næst Fagradalsfjalli við suður enda kvikuinnskotsins.

Grá svæði á kortinu tákna þar sem jarðskjálftar geta orðið vegna þenslu í kvikuganginum milli Fagradalsfjalls og Keili sem er merkt með brotnum línum á korti af Reykjanesskaga.
Kort þar sem reikna má með jarðskjálftum við sitthvorn endann af kvikuganginum milli Fagradalsfjalls og Keili. Höfundarréttur þessar myndar tilheyrir Veðurstofu Íslands.

Það verða tímabil þar sem mjög lítið er um stóra jarðskjálfta á þessu svæði á milli þess sem það verða tímabil með mjög mikilli og sterkri jarðskjálftavirkni. Það er ennþá hætta á jarðskjálfta með stærðina Mw6,5 í Brennisteinsfjöllum samkvæmt Veðurstofunni og það hefur ekki dregið úr þeirri jarðskjálftahættu undanfarna daga. Það hafa ekki komið fram neinar kvikuhreyfingar í öðrum eldstöðvum á Reykjanesskaga, það er eldstöðinni Reykjanes (Svartsengi?) og síðan eldstöðinni Krýsuvík.

Heimildir

Áfram má búast við að virknin á Reykjanesskaga verði kaflaskipt (almannavarnir)
Kvikan er á kílómetra dýpi (Rúv.is)

Birt þann

Kröftug jarðskjálftavirkni í eldstöðinni Fagradalsfjall

Þetta er stutt grein um stöðuna í eldstöðinni Fagradalsfjall þar sem staðan er stöðugt að breytast. Þessi grein er skrifuð þann 7-Mars-2021 klukkan 23:44.

Klukkan 00:22 til rúmlega klukkan 00:42 varð óróapúls í eldstöðinni Fagradalsfjall. Þó svo að þessi óróapúls hafi aðeins varað í rúmlega 20 mínútur þá kom það af stað jarðskjálftahrinu sem hófst um klukkan 01:00 og varði til rúmlega 04:00 og varð stærsti jarðskjálftinn klukkan 02:01 og var með stærðina Mw5,0 til Mw5,2 (USGS/EMSC). Daglega mælast um 2500 til 3000 jarðskjálftar á þessu svæði. Síðan 24-Febrúar-2021 meira en 24000 jarðskjálftar mælst í þessari jarðskjálftavirkni í eldstöðinni Fagradalsfjalli. Það er mjög mikil þensla að eiga sér stað í eldstöðinni Fagradalsfjall og það er að búa til mikla jarðskjálftavirkni bæði austan og vestan við Fagradalsfjall þar sem kvikuinnskotið er að eiga sér stað núna. Það kemur af stað stórum jarðskjálftum eins og þeim sem var með stærðina Mw5,0. Margir af þessum jarðskjálftum eru mjög nálægt bæjarfélaginu Grindavík og fólk þar er hætt að geta sofið vegna stöðugrar jarðskjálftavirkni og verða núna jarðskjálftar í nágrenni Grindavíkur á mínútu fresti.

Mjög mikil jarðskjálftavirkni í eldstöðinni Fagradalsfjall. Fjöldi jarðskjálfta með stærðina yfir Mw3,0 er 68 og fjöldi minni jarðskjálfta er yfir 2600.
Mjög mikil jarðskjálftavirkni á Reykjanessi vegna virkninni í Fagradalsfjalli. Höfundarréttur þessar myndar tilheyrir Veðurstofu Íslands.

Það er hægt að skoða þensluna í Fagradalsfjalli með því að skoða þessa hérna vefsíðu. Önnur vefsíða með GPS gögn er hægt að skoða hérna.

Það er vona á fleiri kröftugum jarðskjálftum á Reykjanesinu Ef eitthvað meiriháttar gerist þá mun ég setja inn uppfærslu eins fljótt og hægt er.

Beint vefstreymi af Keili og nágrenni

Beint vefstreymi af skjálftasvæðinu – Efstaleiti
Beint vefstreymi af skjálftasvæðinu – Vogastapi (Rúv.is)
Keilir í beinni (mbl.is)
Óróasvæðið í beinni útsendingu (Vísir.is)
Live from Iceland
Keilir og skjálftasvæðið (YouTube)
Road camera 1
Road camera 2 (Nætursjón/Innrautt)

Uppfærð grein þann 8-Mars-2021

Morgunblaðið var að gefa út þessa hérna frétt sem sýnir skemmdir á vegum nærri HS Orku á Reykjanesi.

Mal­bik sprungið við HS Orku í Grinda­vík (mbl.is)

Grein uppfærð klukkan 01:33.

Grein uppfærð klukkan 04:39. Lagaði YouTube tengill.

Grein uppfærð klukkan 16:59 þann 8-Mars-2021. Lagaðu vefmyndavéla tengill til Rúv.is

Birt þann

Staðan í eldstöðinni Fagradalsfjalli þann 7-Mars-2021 klukkan 00:55

Þetta er stutt grein um stöðuna í eldstöðinni Fagradalsfjall. Þessi grein er að mestu leiti um virknina sem varð þann 6-Mars-2021.

Yfirlit yfir núverandi virkni

  • Jarðskjálftavirkni er að mestu leiti aðeins litlir jarðskjálftar.
  • Hættan á eldgosi hefur ekki minnkað þrátt fyrir breytta jarðskjálftavirkni.
  • Kvikuinnskotið er grynnst á 2 km dýpi en annars er dýpið á milli 5 km til 8 km dýpi.
  • Mesta jarðskjálftavirknin er við Fagradalsfjall (norðurendann?) og síðan við Keilir.
  • Eldstöðin Fagradalsfjall hefur ekki gosið í 12.000 ár.
  • Það er engin merki um kvikuvirkni í eldstöðvunum Krýsuvík og síðan í eldstöðinni Reykjanes (Svartsengi?). Allir jarðskjálftar sem eru að koma fram í þeim eldstöðvum eru vegna spennubreytinga í jarðskorpunni vegna þenslunnar í Fagradalsfjalli.

 

Umbrotasvæðið í Fagradalsfjalli sem er merkt með brotnum línum af korti á Reykjanesinu
Brotna línan táknar það svæði sem er umrbotasvæðið við Fagradalsfjall og hugsanlega það svæði sem markar eldstöðina Fagradalsfjall. Höfundarréttur þessar myndar tilheyrir Veðurstofu Íslands.

Það er ennþá hætta á mjög stórum jarðskjálfta á Reykjanesinu með stærðina Mw6,0 til Mw6,5 vegna þeirra spennubreytinga sem þenslan í Fagradalsfjalli veldur í jarðskorpunni á stóru svæði.

Þétt jarðskjálftavirkni í eldstöðinni Fagradalsfjalli táknuð með grænum stjörnum og mikið af rauðum punktum sem tákna nýja jarðskjálfta sem hafa átt sér stað
Jarðskjálftavirknin í eldstöðinni Fagradalsfjalli. Höfundarréttur þessar myndar tilheyrir Veðurstofu Íslands.

Órói hefur ekki greinst síðan á Miðvikudaginn en það getur breyst án viðvörunnar.

Vefmyndavélar með beint streymi af Keili

Beint vefstreymi af skjálftasvæðinu – Efstaleiti
Beint vefstreymi af skjálftasvæðinu – Vogastapi (Rúv.is)
Keilir í beinni (mbl.is)
Óróasvæðið í beinni útsendingu (Vísir.is)
Live from Iceland
Keilir og skjálftasvæðið (YouTube)
Road camera 1
Road camera 2 (Nætursjón/Innrautt)

Ef eitthvað mikið gerist þá mun ég skrifa grein um það eins fljótt og ég mögulega get.