Herðubreið – Jarðfræði á Íslandi

mars 6, 2023

Jarðskjálftahrina norður af Herðubreið

Í gær (5. Mars 2023) klukkan 18:00 varð jarðskjálfti með stærðina Mw3,4 norður af Herðubreið. Þetta er lítil jarðskjálftahrina sem hefur verið í gangi á þessu svæði síðan í Október 2022 (eða í kringum þann mánuð).

Dýpi þessa jarðskjálfta var í kringum 4,2 km og jarðskjálftavirkni hefur verið að minnka undanfarna mánuði á þessu svæði. Ef þetta er kvika, þá er ekki mjög mikið af kviku á þessu dýpi. Jarðskjálftavirknin á þessu svæði er mjög lítil, miðað við þá jarðskjálftavirkni sem kemur fram rétt áður en eldgos verður. Það er ljóst, að ef þetta er kvika, þá er þessi kvika ekki að leita upp til yfirborðsins eins og stendur.

febrúar 17, 2023

Jarðskjálftahrina norður af Herðubreið

Í dag (17. Febrúar 2023) klukkan 09:26 varð jarðskjálfti með stærðina Mw3,5 um 4 km norður af Herðubreið. Þessi jarðskjálfti virðist hafa komið af stað jarðskjálftahrinu á þessu svæði. Það er óljóst hvort að þessi jarðskjálftavirkni tengist þeirri þenslu sem er að eiga sér stað núna í Öskju.

Græn stjarna norður af Herðubreið auk punkta í eldstöðinni Öskju sem sýna minni jarðskjálfta. — Jarðskjálftavirkni norður af Herðubreið. Höfundarréttur þessar myndar tilheyrir Veðurstofu Íslands.

Það hefur verið aukning í jarðskjálftum á þessu svæði við Herðubreið. Hvað veldur þessari aukningu á jarðskjálftum er óljóst.

október 31, 2022

Jarðskjálfti með stærðina Mw3,2 norðan við Herðubreið

Í dag (31-Október-2022) klukkan 15:00 varð jarðskjálfti með stærðina Mw3,2 rétt norðan við Herðubreið. Þessi jarðskjálfti byrjaði jarðskjálftahrinu rétt norðan við Herðubreið og austan við þær jarðskjálftahrinur sem hafa verið í gagni þar síðustu viku. Jarðskjálftavirkni er mjög mikil þegar þessi grein er skrifuð.

Rauðir punktar og græn stjarna rétt norðan við Herðubreið sem er austan við eldstöðina Öskju. — Jarðskjálftavirkni í Herðubreið. Mynd frá Veðurstofu Íslands.

Það er óljóst hvað er í gangi á þessu svæði. Þetta virðist vera jarðskorpuhreyfingar en það er möguleiki á því að þarna sé meira í gangi en sést á yfirborðinu. Þessa stundin er þetta hinsvegar bara jarðskjálftavirkni og það er óljóst hvort að það muni breytast.

október 23, 2022

Jarðskjálftahrina norður af Herðubreið

Aðfaranótt 23-Október-2022 hófst jarðskjálftahrina norður af Herðubreið. Þetta virðist vera hefðbundin jarðskjálftahrina, frekar en jarðskjálftahrina sem tengist kvikuhreyfingum. Þegar þessi grein er skrifuð, þá hafa komið fram yfir 500 jarðskjálftar.

Rauðir punktar og grænar stjörnur norður af Herðubreið sem er austan við eldstöðina Öskju og sunnan við eldstöðina Herðurbreiðartögl — Jarðskjálftahrina við Herðubreið. Mynd frá Veðurstofu Íslands.

Stærsti jarðskjálftinn þegar þessi grein er skrifuð er með stærðina Mw4,0. Annar jarðskjálfti með stærðina Mw3,1 varð á undan þessum jarðskjálfta. Annar stærsti jarðskjálftinn var með stærðina Mw3,3 í þessari jarðskjálftahrinu. Stærsti jarðskjálftinn fannst á Akureyri samkvæmt fréttum.

desember 19, 2018

Jarðskjálftahrina nærri Herðubreið

Í gær (18-Desember-2018) hófst jarðskjálftahrina nærri Herðubreið (Wikipedia). Stærsti jarðskjálftinn í þessari hrinu var með stærðina 2,7. Þar sem þessi jarðskjálftahrina er ennþá í gangi þá er möguleiki á því að stærri jarðskjálftar verði á þessu svæði.

Jarðskjálftahrinan í nágrenni við Herðubreið (rauðu punktanir). Höfundaréttur þessar myndar tilheyrir Veðurstofu Íslands.

Yfir 140 jarðskjálftar hafa mælst í þessari jarðskjálftahrinu en þar sem þessi jarðskjálftahrina er ennþá í gangi þá mun þessi tala breytast. Það eru engin merki um kvikuhreyfingar á nálægum jarðskjálftamælum í þessari jarðskjálftahrinu og því er hérna einugöngu um að ræða jarðskjálftahrinu sem kemur til vegna hreyfinga í jarðskorpunni.

júní 2, 2017

Tvær jarðskjálftahrinur í dag (02-Júní-2017)

Í dag (02-Júní-2017) hafa tvær jarðskjálftahrinur verið í gangi.

Vestara brotabeltið

Á jaðri svæðis sem ég kalla persónulega Vestara brotabeltið hefur lítil jarðskjálftahrina verið í gangi í dag og síðustu daga. Þetta brotabelti er á milli Langjökuls og Snæfellsnes og síðan Snæfellsnes og upp að Táknafirði þar sem það endar. Stundum verða jarðskjálftar þarna með stærðina 5,5.

Jarðskjálftahrinan vestan við Langjökul. Enginn af þeim jarðskjálftum sem hafa komið fram hingað til hafa náð stærðinni 2,0. Höfundaréttur þessar myndar tilheyrir Veðurstofu Íslands.

Herðubreið – Herðubreiðartögl

Í dag hefur einnig verið jarðskjálftahrina í Herðubreið og Herðubreiðartöglum. Þetta hefur ekki verið mjög stór jarðskjálftahrina og ég held að enginn jarðskjálfti hafi náð stærðinni 2,0 eins og staðan er í núna. Þessi jarðskjálftahrina er ennþá í gangi þannig að stærðir jarðskjálfta er líkleg til þess að breytast.

Jarðskjálftahrinan í Herðubreið og Herðubreiðartöglum í dag. Höfundaréttur þessar myndar tilheyrir Veðurstofu Íslands.

Það er vitað að kvika er þarna undir og er að teygja sig hægt og rólega í áttina að þessu svæði en það er ekkert sem bendir til þess að kvikan sé farin að nálgast yfirborðið og flest bendir til þess að kvikan sé ennþá á 10 til 15 km dýpi. Jarðskjálftahrinur á þessu svæði vara stundum hátt í tvær vikur á þessu svæði.

mars 18, 2017

Jarðskjálftahrina nærri Herðubreið

Síðustu vikuna hefur verið jarðskjálftahrina nærri Herðubreið. Í gær jókst jarðskjálftavirknin úr nokkrum jarðskjálftum á klukkutíma yfir í nokkra tugi jarðskjálfta á klukkutímann. Stærsti jarðskjálftinn sem hefur komið fram hingað til var með stærðina 2,9 en fyrri fréttir af þessum jarðskjálfta sögðu að hann hefði verið með stærðina 3,3 en stærðin var síðan leiðrétt síðar. Frá miðnætti (18-Mars-2017) hafa komið fram yfir 200 jarðskjálftar nærri Herðubreið. Jarðskjálftavirknin er ennþá í gangi og því gætu upplýsingar hérna orðið úreltar mjög hratt.

Jarðskjálftavirknin nærri Herðubreið (rauðu deplarnir). Höfundaréttur þessar myndar tilheyrir Veðurstofu Íslands.

Ég reikna ekki með eldgosi á þessu svæði, þar sem það er fyrir utan öll helstu eldstöðvar kerfi Íslands og það er ekkert sem bendir til þess að eldgos muni eiga sér stað þarna. Hinsvegar er alltaf hætta á því að kvika leki upp um jarðskorpuna á þessu svæði en síðasta eldgos þarna varð á síðasta jökulskeiði sem lauk fyrir um 11700 árum síðan, ég veit ekki hvenær nákvæmlega það eldgos varð. Áður en eldgos yrði þarna, þá mundi einnig koma fram talsvert meiri jarðskjálftavirkni en er núna, þar sem kvikan yrði að brjóta sér leið í gegnum jarðskorpu sem er mjög hörð og köld áður en kvikan næði yfirborði.

Þessi grein verður uppfærð ef þörf er á því.

október 11, 2015

Yfirlit yfir virkni á Íslandi í viku 41

Vika 41 var mjög róleg á Íslandi miðað við síðustu tvær vikur á Íslandi. Hérna er yfirlit yfir það sem var að gerast á Íslandi.

Suðurlandsbrotabeltið (SISZ)

Stöðug jarðskjálftavirkni hefur verið á suðurlandsbrotabeltinu síðustu viku og undanfarnar vikur. Enginn af þeim jarðskjálftum sem hefur komið fram hafa verið stórir og flestir af þeim jarðskjálftum sem hafa orðið eru minni en 1,0 að stærð. Stærsti jarðskjálftinn í þessari jarðskjálftahrinu náði stærðinni 2,5.

Jarðskjálftavirknin á Suðurlandsbrotabeltinu. Höfundaréttur þessar myndar tilheyrir Veðurstofu Íslands.

Bárðarbunga

Það er rólegt í Bárðarbungu að mestu leiti þessa dagana. Jarðskjálftahrinur eiga sér ennþá stað á þessum sömu stöðum og hafa verið virkir undanfarnar vikur. Áhugaverðasti jarðskjálftinn í þessari viku varð í Trölladyngju, stærð þessa jarðskjálfta var eingöngu 0,7 en dýpið var 26,2 km.

Jarðskjálftavirkni í Bárðarbungu. Höfundaréttur þessar myndar tilheyrir Veðurstofu Íslands.

Herðubreið

Í vikunni hefur verið jarðskjálftavirkni í Herðbreið. Þarna hafa ekki orðið neinir stórir jarðskjálftar ennþá, þarna geta hinsvegar orðið jarðskjálftar með stærðina 3,0 eða stærri. Jarðskjálftahrinan er ennþá í gangi þegar þetta er skrifað.

Jarðskjálftavirkni í Herðubreið og Herðubreiðarfjöllum. Höfundaréttur þessar myndar tilheyrir Veðurstofu Íslands.

Reykjaneshryggur

Jarðskjálfti með stærðina 3,4 átti sér stað djúpt á Reykjaneshrygg þessa vikuna. Þessi jarðskjálfti fannst ekki enda langt frá landi og hugsanlega urðu tveir jarðskjálftar á þessu svæði án þess að þeir mældust. Jarðskjálftamælirinn minn sýnir tvo jarðskjálfta með klukkutíma millibili á svipðum tíma og þessi jarðskjálfti átti sér stað.

Jarðskjálftavirknin á Reykjaneshrygg. Höfundaréttur þessar myndar tilheyrir Veðurstofu Íslands.

Jarðskjálfti með stærðina 3,0 átti sér einnig stað rúmlega 200 km frá strönd Reykjanesskaga eða rúmlega 154 km suður af Eldeyjarboða. Staðsetning þess jarðskjálfta var léleg vegna fjarlægðar frá SIL mælaneti Veðurstofu Íslands.

maí 15, 2014

Ný jarðskjálftahrina í Herðubreið

Þann 13-Maí-2014 og í gær (14-Maí-2014) var ný jarðskjálftahrina í Herðubreið, auk jarðskjálftahrinunnar í Herðubreiðartöglum. Þessi jarðskjálftahrina er að einhverju leiti ennþá í gangi.

Jarðskjálftahrinan í Herðubreið og Herðubreiðartöglum. Höfundaréttur þessar myndar tilheyrir Veðurstofu Íslands.

Jarðskjálftavirknin á þessu svæði dettur niður á milli þess sem hún eykst á ný. Ég veit ekki afhverju þetta er svona. Í þessari jarðskjálftahrinu voru mjög fáir jarðskjálftar stærri en 2,4. Yfir 100 jarðskjálftar mældust í þessari jarðskjálftahrinu þann tíma sem toppurinn í virkninni varði. Það er ekkert sem bendir til þess að þarna muni gjósa á þessu svæði í næstu framtíð. Líklegt er að jarðskjálftahrinur muni halda áfram á þessu svæði.

Samþykki fyrir vefköku