Category: Jarðskjálftahrina

Birt þann

Jarðskjálftavirkni í Öræfajökli

Jarðskjálftavirkni hefur haldið áfram í Öræfajökli undanfarið og er viðvörunarstig Öræfajökuls ennþá gult eins og sjá má hérna [vefsíðan er hérna]. Eins og áður þá eru langflestir jarðskjálftar sem eiga sér stað mjög smáir að stærð.


Jarðskjálftavirkni í Öræfajökli (appelsínugulu doppuanar). Höfundaréttur þessar myndar tilheyrir Veðurstofu Íslands.

Það er núna munstur á þessari jarðskjálftavirkni í Öræfajökli. Það munstur kemur fram á SIL stöðvum rétt áður en og þegar jarðskjálftavirkni er skráð í Öræfajökli. Það er möguleiki að þessi breyting á óróanum séu jarðskjálftar að eiga sér stað í Öræfajökli. Ég er ekki ennþá viss um hvað er að valda þessu. Aðrar útskýringar á þessu eru mögulegar.


Toppanir sjást við 01/02 línuna. Höfundaréttur þessar myndar tilheyrir Veðurstofu Íslands.

Ég veit ekki ennþá afhverju þetta gerist og hvað er í gangi þegar þetta kemur fram og afhverju þetta kemur fram.

Slæmt veður kemur núna í veg fyrir jarðskjálftamælingar á litlum jarðskjálftum á Íslandi. Þar sem það er spáð slæmu veðri fram á Sunnudag þá má reikna með áframhaldandi truflunum á jarðskjálftamælinum vegna veðurs.

Flutningur til Íslands

Mér hefur tekist að koma því þannig fyrir að ég mun flytja til Íslands í Júlí frekar en Október. Það gefur mér tækifæri til þess að vinna í sumar og haust (við að slá gras og í sláturhúsi). Það að flytja í Júlí lækkar einnig skattareikinginn hjá mér í Danmörku fyrir árið 2018 þar sem ég er eingöngu skattskyldur í Danmörku fram til þess dags að ég flyt lögheimilið til Íslands. Ég hef bara ekki efni á því að lifa í Danmörku og það er ekkert við því að gera.

Birt þann

Áframhaldandi jarðskjálftahrina á Tjörnesbrotabeltinu

Í gær (31-Janúar-2018) varð áframhald á jarðskjálftahrinu á Tjörnesbrotabeltinu austur af Grímsey. Það urðu meira en 100 jarðskjálftar í aðal jarðskjálftahrinunni en enginn þeirra náði stærðinni 3,0. Stærsti jarðskjálftinn sem mældist var með stærðina 2,6 (klukkan 03:46). Stærsti jarðskjálftinn sem mældist var með stærðina 3,2 (klukkan 20:20) á svæðinu þar sem jarðskjálftahrinan sem varð þann 28-Janúar-2018 átti sér stað. Það er líklegt að þessi jarðskjálfti tengist ekki jarðskjálftahrinunni suður af honum.


Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Þessi jarðskjálftahrina bendir til þess að hugsanlega sé möguleiki á stærri jarðskjálfta á þessu svæði á næstu mánuðum. Jarðskjálftar sem eru stærri en Mw5,0 verða reglulega á þessu svæði. Síðasti átti sér stað þann 2-Apríl-2013. Ég skrifaði um þann jarðskjálfta hérna og hérna (með myndum). Það er ekki hægt að segja til um það hvenær slíkur jarðskjálfti muni eiga sér stað.

Flutningur til Íslands

Vegna peningavandræða sem ég er alltaf í Danmörku vegna danska skattsins. Þá hef ég ákveðið að flytja aftur til Íslands í Október-2018. Ég ætla að fara aftur í skóla frá Janúar-2019 á meðan ég bíð eftir íbúð á Hvammstanga en ég vona að biðin verði ekkert rosalega löng hjá mér. Þeir sem vilja styrkja mig geta fundið upplýsingar um hvernig er hægt að gera það hérna. Takk fyrir stuðninginn. 🙂

Árið 2017 var mjög slæmt hjá mér peningalega en þá lét ég taka danska skattinn af mér á Íslandi og núna læt ég taka upphæðina í Danmörku þar sem það breytir engu hvar upphæðin er tekin sem ég þarf að borga í skatt í Danmörku. Þar sem ég nenni ekki að standa í endalausu peningaleysi þá hef ég ákveðið að flytja aftur til Íslands. Þetta ástand hjá mér kemur til vegna ákvæða í tvísköttunarsamningi Íslands og Danmerkur. Ég ætla frekar að taka upp hlutfallslega búsetur erlendis eftir nokkur ár og þá mjög líklega í Þýskalandi.

Grein uppfærð klukkan 03:59. Bætti við texta sem datt út fyrir mistök.

Birt þann

Kröftug jarðskjálftavirkni í Bárðarbungu

Í gær (30-Janúar-2018) varð kröftug jarðskjálftahrina í Bárðarbungu. Í þessari jarðskjálftahrinu varð einnig stærsti jarðskjálftinn í Bárðarbungu síðan 27-Október-2017. Stærsti jarðskjálftinn var með stærðina Mw4,9 (klukkan 19:24), tveir jarðskjálftar urðu á undan þeim jarðskjálfta og voru með stærðina 3,7 (klukkan 17:49) og síðan kom jarðskjálfti með stærðina 3,8 (klukkan 18:00).


Jarðskjálftavirknin í Bárðarbungu (grænar stjörnur). Höfundaréttur þessar myndar tilheyrir Veðurstofu Íslands.

Það virðist sem að þessari jarðskjálftahrinu sé lokið en síðasti jarðskjálfti varð klukkan 21:29. Það hefur ekki orðið nein breyting á óróa í kringum Bárðarbungu í kjölfarið á þessari jarðskjálftavirkni. Það virðist sem að norður-austur hluti Bárðarbungu sé að verða stöðugt óstöðugri með hverri jarðskjálftahrinunni sem verður á þessu svæði. Stærðir jarðskjálftanna sem verða eru einnig að vaxa en á sama er lengra á milli þessara jarðskjálftahrina. Tími milli jarðskjálftahrina getur núna farið upp í nokkrar vikur. Eftir að þessi jarðskjálftavirkni hófst í September-2015 þá voru svona jarðskjálftahrinu vikulegur atburður.

Birt þann

Kröftug jarðskjálftahrina á Tjörnesbrotabeltinu

Í gær (28-Janúar-2018) hófst kröftug jarðskjálftahrina á Tjörnesbrotabeltinu. Jarðskjálftahrinan er ennþá í gangi og því má búast við að tölur sem eru í þessari grein breytist fljótlega. Það á einnig við fjölda jarðskjálfta og stærð þeirra. Þegar þessi grein er skrifuð er stærsti jarðskjálftinn með stærðina 4,1 (varð klukkan 07:49) og annar stærsti jarðskjálftinn sem varð er með stærðina 3,5 (varð klukkan 08:11). Fyrri jarðskjálftinn vakti fólk af svefni og fannst víða samkvæmt fréttum. Það voru engar slíkar tilkynningar varðandi seinni jarðskjálftann.


Jarðskjálftahrinan á Tjörnesbrotabeltinu. Stærstu jarðskjálftarnir eru merktir með grænum stjörnum. Höfundaréttur þessar myndar tilheyrir Veðurstofu Íslands.

Enginn af þeim jarðskjálftum sem hafa komið fram eftir tvo stærstu jarðskjálftana hafa náð stærðinni 3,0 hingað til. Þegar þetta er skrifað hafa yfir 130 jarðskjálftar átt sér stað. Þessi jarðskjálftahrina virðist eingöngu vera í jarðskorpunni og ekkert sem bendir til þess að hérna sé um að ræða jarðskjálftavirkni sem tengist kvikuhreyfingum.

Birt þann

Jarðskjálfti með stærðina 3,5 rétt um 2,6 km frá Grindavík

Í gær (21-Janúar-2018) varð jarðskjálfti með stærðina 3,5 rétt um 2,6 km frá Grindavík. Þessi jarðskjálfti fannst augljóslega í Grindavík. Dýpi þessa jarðskjálfta var rétt um 5,0 km.


Jarðskjálftinn rétt fyrir utan Grindavík (græna stjarnan). Höfundaréttur þessar myndar tilheyrir Veðurstofu Íslands.

Stærsti eftirskjálftinn sem kom fram var með stærðina 2,8 en allir aðrir jarðskjálftar sem komu fram voru minni að stærð. Það virðist sem að jarðskjálftahrinunni sé lokið í bili. Það er þó alltaf hætta á fleiri jarðskjálftum á þessu svæði vegna þeirra afla sem eru þarna á ferðinni í jarðskorpunni.

Birt þann

Kvikuinnskot suð-austur af Bárðarbungu

Í gær (21-Janúar-2018) kom fram kvikuinnskot suð-austur af Bárðarbungu. Þetta kvikuinnskot kom fram á svæði sem er aðeins utan við megineldstöðina og líklega utan við sjálft Bárðarbungu kerfið eins og það er sett fram á kortum í dag.


Kvikuinnskotið suð-austur af Bárðarbungu. Höfundaréttur þessar myndar tilheyrir Veðurstofu Íslands.

Stærsti jarðskjálftinn sem kom fram var eingöngu með stærðina 1,2 en minnsta dýpi sem kom fram á 13,9 km og stærðin á þeim jarðskjálfta var eingöngu 0,8. Það er mitt mat að hættan á eldgosi á þessu svæði er að aukast eftir því sem þessi kvikuinnskotavirki heldur áfram. Það er ekki hægt að setja til um það hvenær eldgos verður á þessu svæði. Þetta svæði hefur verið virkt í talsverðan tíma núna og þarna verða regluleg kvikuinnskot.

Birt þann

Jarðskjálftahrina í Tungnafellsjökli

Síðasta sólarhring (20-Janúar-2018) hefur verið jarðskjálftahrina í Tungnafellsjökli. Þeir jarðskjálftar sem hafa komið fram hingað til eru mjög litlir að stærð og hefur enginn þeirra náð stærðinni 1,0.


Jarðskjálftavirknin í Tungnafellsjökli (rauðu punktanir). Höfundaréttur þessar myndar tilheyrir Veðurstofu Íslands.

Þessa stundina er ekkert sem bendir til þess að kvika sé að leita upp í eldstöðina. Þessir jarðskjálftar virðast vera eingöngu í jarðskorpunni eins og stendur. Það er ekki ljóst á þessari stundu hvort að hérna sé um að ræða jarðskjálfta vegna áhrifa frá Bárðarbungu (spennubreytingar í jarðskorpunni). Það hefur ekki gosið í Tungnafellsjökli síðustu 12.000 ár og litlar upplýsingar er að finna um eldgos sem eru eldri en 12.000 ára.

Birt þann

Jarðskjálfti með stærðina 3,1 í Öræfajökli

Aðfaranótt 18-Janúar-2018 klukkan 02:14 varð jarðskjálfti með stærðina 3,1 í Öræfajökli. Þeim jarðskjálfta fylgdi annar jarðskjálfti með stærðina 2,0 og síðar kom jarðskjálfti með stærðina 1,8. Aðrir jarðskjálftar sem hafa komið fram voru minni að stærð.


Jarðskjálftavirknin í Öræfajökli (græn stjarna). Höfundaréttur þessar myndar tilheyrir Veðurstofu Íslands.

Þegar jarðskjálftahrinan átti sér stað varð aukning á hærri tíðni á SIL stöðvum í kringum Öræfajökli. Það er möguleiki á að hérna hafi verið að um að ræða smáskjálfta sem ekki var hægt að staðsetja almennilega eða að hérna sé um að ræða litlu jarðskjálftana sem mældust í Öræfajökli á þessum sama tíma. Ég er ekki viss á þessari stundu hvort er raunin en ég vonast að myndin verði skýrari eftir því sem meira af gögnum kemur inn með aukinni jarðskjálftavirkni í Öræfajökli.


Breyting á óróaplotti á SIL stöðinni Fagurhólsmýri sem er við Öræfajökul. Breytingin á óróanum sést vel á endanum á þessari mynd (bláu toppanir). Höfundaréttur þessar myndar tilheyrir Veðurstofu Íslands.

Þessa stundina er rólegt í Öræfajökli.

Birt þann

Jarðskjálftavirkni í Bárðarbungu (vika-03, 2018)

Í dag (15-Janúar-2018) varð jarðskjálftavirkni í Bárðarbungu. Svona jarðskjálftavirkni í Bárðarbungu er orðin mjög reglulegur atburður og hefur verið það um lengri tíma núna. Jarðskjálftarnir í dag voru með stærðina 3,5 (klukkan 09:39) og síðan 3,3 (klukkan 09:47). Staðsetningin bendir til þess að frekari jarðskjálftavirkni sé að vænta í Bárðarbungu á næstu dögum í norður-austur hluta öskju Bárðarbungu.


Jarðskjálftavirknin í Bárðarbungu (grænar stjörnur). Höfundaréttur þessar myndar tilheyrir Veðurstofu Íslands.

Þessi jarðskjálftavirkni sýnir að Bárðarbunga er ennþá að þenjast út eftir að eldgosinu lauk í Febrúar-2015 í Holuhrauni. Það er alveg ljóst að Bárðarbunga er að undirbúa eldgos en það er ekki hægt að segja til um það hvenær slíkt eldgos mun eiga sér stað.

Birt þann

Kröftug jarðskjálftahrina djúpt á Reykjaneshrygg

Í gær (11-Janúar-2018) var kröftug jarðskjálftahrina djúpt á Reykjaneshrygg. Jarðskjálftahrinan hófst klukkan 08:37 með jarðskjálfta sem hafði stærðina 4,0 en síðan komu tveir stærstu jarðskjálftanir fram í þessari jarðskjálftahrinu. Þeir höfðu stærðina Mw5,4 (EMSC upplýsingar hérna) klukkan 09:46 og síðan með stærðina mb4,9 (EMSC upplýsingar hérna) klukkan 09:50.


Jarðskjálftavirknin djúpt suður af Íslandi (grænu stjörnurnar). Höfundaréttur þessar myndar tilheyrir Veðurstofu Íslands.

Þessari jarðskjálftahrinu lauk klukkan 11:11 þegar jarðskjálfti með stærðina 3,6 átti sér stað. Veðurstofa Íslands mældi sjö jarðskjálfta í þessari jarðskjálftahrinu og einnig þessa jarðskjálfta sem koma fram á EMSC en með minni styrkleika. Stærðin sem EMSC gefur upp er sú rétta. Það er ekki gott að fá nákvæma staðsetningu á þessari jarðskjálftahrinu vegna fjarlægðar frá jarðskjálftamælanetum. Jarðskjálftagögn benda til þess að þarna hafi orðið hefðbundnir brotaskjálftar sem verða oft á Reykjaneshrygg og það er ekkert sem bendir til þess að þessi jarðskjálftahrina eigi upptök sín í eldvirkni á þessu svæði. Jarðskjálftar sem eru minni en Mw3,6 mælast ekki vegna fjarlægðar.