Author: Jón Frímann

Birt þann

Jarðskjálfti varð 3 km norður austur af Húsavík í gærkvöldi

Í gærkvöldi (17-Október-2020) klukkan 22:02 varð jarðskjálfti 3 km norð-austur af Húsavík. Það komu fram nokkrir minni jarðskjálftar í kjölfarið. Stærsti jarðskjálftinn fannst á Húsavík og ekkert tjón var tilkynnt vegna jarðskjálftans.


Jarðskjálftinn við Húsavík. Höfundarréttur þessar myndar tilheyrir Veðurstofu Íslands.

Þetta ákveðna svæði af Flateyjar – Húsavíkur misgenginu hefur ekki haft neina jarðskjálftavirkni fyrr en jarðskjálftinn varð í gærkvöldi. Þessi jarðskjálftavirkni tengist líklega jarðskjálftahrinunni sem hófst í Júní 2020 og er ennþá í gangi. Það er ennþá mikil hætta á stórum jarðskjálfta á þessu svæði á Tjörnesbrotabeltinu.

Birt þann

Aukin jarðskjálftavirkni í eldstöðvunum Reykjanes og Krýsuvík

Síðan 15-Október-2020 hefur jarðskjálftavirkni verið að aukast í eldstöðvunum Reykjanes og Krýsuvík. Á sama tíma og jarðskjálftavirkni hefur verið að aukast þá hafa komið fram breytingar á GPS mælingum á þessu sama svæði. Hægt er að sjá þær breytingar á vefsíðu Reykjanes CGPS. Þegar þessi grein er skrifuð eru allir þeir jarðskjálftar sem hafa komið fram verið mjög litlir að stærð. Það hefur einnig verið mjög rólegt á þessu svæði undanfarnar vikur sem er eðlilegt fyrir það eldstöðvasvæði sem þarna er.


Jarðskjálftavirkni í eldstöðvunum Reykjanes og Krýsuvík. Höfundaréttur þessar myndar tilheyrir Veðurstofu Íslands.

Það er ekki hægt að segja til um það hvernig þetta mun þróast á næstu dögum. Þar sem það veltur á því hversu mikil kvika er á ferðinni og hvað sú kvika gerir. Það er einnig óljóst hvort að þetta er þenslu atburður eða hvort að svæðið sé farið að síga aftur. Það mun taka nokkra daga til að sjá í hvora áttina þetta mun þróast.

Birt þann

Meiri vandræði vegna skriðunar við Gilsá 2

Í dag (07-Október-2020) hafa verið frekari vandræði með skriðuna við Gilsá 2 í Eyjafirði. Samkvæmt fréttum þá flæðir skriðan núna í skurði og fyllir þá og fór þá að flæða yfir vegi á svæðinu og loka þeim. Þetta kemur til vegna mikils vatnsflæðis í skriðunni samkvæmt fréttum sem er að dreifa skriðunni um stærra svæði en þar sem skriðan féll niður í gær (06-Október-2020). Tvö hús og sumarbústaður hafa verið rýmd á þessu svæði vegna þessar skriðufalla.

Þessar breytingar sjást ekki mjög vel í fréttum fjölmiðla af þessari skriðu. Hérna fyrir neðan eru fréttir af þessum skriðuföllum.

Hús rýmd og enn hætta á aurskriðum (Rúv.is)
Loka veg­um og rýma hús eft­ir aur­skriðu (mbl.is)

Ég mun reyna að fylgjast með þessu eins og hægt er en ég veit ekki hversu lengi umfjöllun um skriðuna verður í fjölmiðlum.

Uppfærsla 1

Rúv hefur sent frá sér nýja frétt með myndbandi sem sýnir stærð skriðunnar og hvernig staðan er þarna núna.

Enn vatnsrennsli úr aurskriðunni og grannt fylgst með

Útfösun auglýsinga Amazon

Ég hef ákveðið að hætta með auglýsingar frá Amazon. Ástæðan er sú að ég fæ ekkert borgað fyrir þessar auglýsingar. Hvað kemur í staðinn er ekki alveg ljóst en hægt verður að kaupa auglýsingar beint af mér fyrir þessa síðu þar sem ég er kominn með auglýsingakerfi sem er einfalt að vinna með. Þetta er ennþá í vinnslu hjá mér og verður nokkrar vikur í viðbót á þeim stað.

Grein uppfærð þann 8-Október-2020 klukkan 14:23.

Birt þann

Stór skriða við Gilsá 2 í Eyjafirði

Í dag (06-Október-2020) varð stór aurskriða við sveitabæinn Gilsá 2 í Eyjafirði. Ekkert tjón varð af þessari aurskriðu en samkvæmt fréttum þá varð vatnsból bæjarins ónýtt vegna aurskriðunnar.

Allar myndir eru frá lögreglunni á Norðurlandi Eystra / Akureyri.


Skriðan séð frá hlið.


Skriðan frá hliðinni.


Skriðan séð að framan.

Það er óljóst afhverju þessu skriða varð. Það hefur komið fram sú hugmynd að þessi skriða sé tengd jarðskjálftavirkninni við Tjörnesbrotabeltið en það er hinsvegar mjög óljóst að þessu sinni.

Í fréttum Rúv er einnig hægt að sjá myndskeið sem sýnir stærð skriðunnar mjög vel ásamt öðrum upplýsingum.

Frétt Rúv

Aurskriðan í Eyjafirði mögulega vegna jarðskjálfta

Birt þann

Kröftug jarðskjálftahrina á Flatey – Húsavíkur misgenginu snemma í morgun

Í morgun (06-Október-2020) varð kröftug jarðskjálftahrina á Flatey – Húsvíkur misgingengu með sjö jarðskjálftum sem voru stærri en Mw3,0 í jarðskjálftahrinunni. Stærsti jarðskjálftinn í jarðskjálftahrinunni var með stærðina Mw4,1 en aðrir jarðskjálftar sem komu fram voru minni að stærð. Í kringum 300 jarðskjálftar hafa komið fram þegar.


Jarðskjálftahrinan á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Stærstu jarðskjálftarnir fundist en ekkert tjón var tilkynnt vegna þessara jarðskjálfta. Það er möguleiki á að þessi jarðskjálftahrina sé ennþá í gangi þegar þessi grein er skrifuð. Það er ennþá mjög mikil hætta á jarðskjálfta með stærðina Mw6,0 til Mw7,0 á þessu svæði og annarstaðar á Tjörnesbrotabeltinu vegna þessi hversu flókin misgengi eru á þessu svæði.

Birt þann

Veðurstofan bætir við jarðskjálftamælum á Snæfellsnesi

Í gær (02-Október-2020) þá tilkynnti Veðurstofan á Facebook síðu Veðurstofunnar að það hefðu verið settir upp þrír jarðskjálftamælar á Snæfellsnesi. Það þýðir að á jarðskjálftakorti Veðurstofunnar þá munu núna koma fram jarðskjálftar á Snæfellsnesi, Vestfjöðrum og öðrum nálægum svæðum þar sem ekki hefur verið mikil næmni fyrir jarðskjálftum þangað til í þessari viku. Bæði á landi og úti í sjó. Þetta eru bara þrír jarðskjálftamælar sem þýðir að einhverjar staðsetningar verða frekar lélegar á litlum jarðskjálftum. Þetta þýðir að núna er Snæfellsnesið vaktað allan sólarhringinn í fyrsta skipti síðan jarðskjálftamælingar hófust á Íslandi. Ég veit ekki hvar þessir jarðskjálftamælar eru þar sem þeir eru ekki á óróakorti Veðurstofunnar.

Nýju jarðskjálftamælanir munu sýna jarðskjálfta frá þessum eldstöðvum á Snæfellsnesi ef einhverjir jarðskjálftar verða þar.

Snæfellsjökull
Ljósufjöll
Helgrindur

Birt þann

Viðvörunarstig fyrir Grímsfjall fært yfir á gult fyrir flug

Í dag (30-September-2020) var eldstöðin Grímsfjall fært yfir á gult viðvörunarstig hjá Veðurstofu Íslands. Þetta bendir sterklega til þess að Veðurstofan álíti sem svo að eldgos sé hugsanlega yfirvofandi í Grímsfjalli á næstu dögum eða vikum. Það er búist við því að eldgos hefjist þegar það verður jökulflóð úr Grímsvötnum sem eru í öskju Grímsfjalla.


Viðvörunarstig Grímsfjalls. Höfundarréttur þessar myndar tilheyrir Veðurstofu Íslands.

Það er ekki hægt að segja til um það hvort að eldgosið sem hugsanlega kemur yrði stórt eða lítið. Það sem er hægt að gera núna er að halda áfram að vakta Grímsfjall og fylgjast með stöðunni til að sjá hvort að eitthvað sé að gerast. Þessa stundina er allt rólegt.

Birt þann

Aukinn jarðhiti í Bárðarbungu

Það var sagt frá því í fréttum fyrir nokkrum dögum síðan að það hefur orðið vart við aukinn jarðhita í Bárðarbungu og þessi jarðhiti hefur verið að aukast síðustu mánuði samkvæmt athugunum jarðvísindamanna. Það hefur einnig orðið vart við gufu koma upp frá einum af þeim kötlum sem eru núna við jaðar öskju Bárðarbungu. Það hefur einnig orðið vart við að eldri jarðhitasvæði eru farin að stækka.

Stærsta áhættan af þessu er jökulflóð sem geta komið frá Bárðarbungu sem skapa hættu á tjóni og geta skapað hættu fyrir fólk ef snöggt jökulflóð verður frá Bárðabungu. Þessi aukning í jarðhita bendir til þess að kvika sé að rísa ofar upp í jarðskorpuna á barmi öskju Bárðarbungu. Það er ekki hægt að segja til um það hvað er að gerast í öskju Bárðarbungu þar sem jökullinn þar er ~600 metra þykkur þar sem þykktin er mest. Ef það væri ekki fyrir Vatnajökul þá væri líklega ennþá eldgos í gangi í Bárðarbungu en vegna þunga Vatnajökuls þá gerist það ekki fyrr en kvikan sem er í Bárðarbungu nær meiri þrýstingi en sem nemur þrýstingum frá Vatnajökli. Það gerðist ekki í eldgosinu 2014 og 2015 en þá þurfti kvikan að finna sér aðra leið og fann sér leið með kvikuinnskoti sem fór um ~46 km leið áður frá aðal eldstöðinni áður en eldgos hófst. Þessi möguleiki er hugsanlega lokaður núna þar sem eldgosið 2014 til 2015 lokaði þeim möguleika en venjulega gýs aðeins einu sinni í svona kvikuinnskotum eftir að eldgosi líkur og flæði kviku stöðvast.

Frétt Rúv

Jarðhiti í Bárðarbungu sífellt að aukast

Birt þann

Jarðskjálftavirkni í Bárðarbungu

Í dag (27-September-2020) klukkan 00:06 varð jarðskjálfti með stærðina Mw4,8 í Bárðarbungu. Samkvæmt Veðurstofu Íslands þá er þetta stærsti jarðskjálfti í Bárðarbungu síðan í Apríl 2020.


Jarðskjálftavirkni í Bárðarbungu. Höfundaréttur þessar myndar tilheyrir Veðurstofu Íslands. Mynd notuð með leyfi.

Þessi jarðskjálftavirkni bendir til þess að hugsanlega sé kvika að troða sér upp þarna en það eru engin gögn sem staðfesta að svo sé. Það er einnig mögulegt að askjan sé bara að rísa eftir að hafa sigið um 60 metra í eldgosinu 2014 til 2015. Það eru engin merki um yfirvofandi eldgos eftir jarðskjálftann og síðan jarðskjálftinn átti sér stað, þá hefur verið rólegt í Bárðarbungu og aðeins minniháttar jarðskjálftavirkni átt sér stað í Bárðarbungu og nágrenni.

Birt þann

Aukning í jarðskjálftahrinu austan við Grímsey aðfaranótt 26-September-2020

Aðfaranótt 26-September-2020 varð aukning í jarðskjálftavirkni austan við Grímsey. Það komu fram sex jarðskjálftar sem voru stærri en Mw3,0 og stærstu jarðskjálftarnir voru með stærðina Mw4,3. Jarðskjálftarnir eru á svæði sem heitir Nafir og þarna er eldstöð sem hefur opinberlega ekkert nafn en er einnig kennd við Nafir. Það er engin upplýsingasíða frá Global Volcanism Program um þessa eldstöð og engar upplýsingar er að finna um hvenær þarna varð síðast eldgos. Stærstu jarðskjálftarnir fundust í Grímsey og öðrum nálægum svæðum. Samkvæmt fréttum eru íbúar Grímseyjar orðnir þreyttir á allri þessari jarðskjálftavirkni sem hefur verið í gangi á Tjörnesbrotabeltinu síðan 19-Júní-2020.


Jarðskjálftavirknin austan við Grímsey. Höfundaréttur myndarinnar tilheyrir Veðurstofu Íslands.

Í Febrúar 2018 varð jarðskjálfti á þessu svæði með stærðina Mw5,2 á þessu sama svæði. Það eru engin merki um að þarna sé að fara að hefjast eldgos en það er erfitt að vera viss um slíkt. Öll jarðskjálftavirknin á þessu svæði virðist vera tengd flekahreyfingum í þeim sigdal sem þarna er. Allar kvikuhreyfingar munu koma mjög greinilega fram á SIL mælinum í Grímsey og öðrum mælum sem eru þarna á norðurlandi. Það er búist við þarna verði frekari jarðskjálftavirkni og hætta er á stærri jarðskjálftum á þessu svæði. Jarðskjálftahrinan er ennþá í gangi þegar þessi grein er skrifuð.