Category: TFZ

Í gær (27-Maí-2019) varð jarðskjálftahrina suður af Kolbeinsey en þessi jarðskjálftahrina varð í Tjörnesbrotabeltinu. Stærsti jarðskjálftinn var með stærðina 3,5 klukkan 01:35 og annar stærsti jarðskjálftinn var með stærðina 3,1 klukkan 06:57. Aðrir jarðskjálftar sem hafa komið fram voru minni að stærð.

Jarðskjálftahrinan suður af Kolbeinsey. Höfundaréttur þessar myndar tilheyrir Veðurstofu Íslands.

Það virðist sem að þessari jarðskjálftahrinu sé lokið. Hinsvegar er hætta á því að jarðskjálftavirkni taki sig upp þarna aftur án mikils fyrirvara þar sem Tjörnesbrotabeltið er óútreiknanlegt.

Í dag (12-Apríl-2019) varð jarðskjálftahrina austan við Grímsey. Þessi jarðskjálftahrina varð á svæði þar sem hefur verið mikið um jarðskjálftahrinur undanfarnar vikur. Stærsti jarðskjálftinn í þessari hrinu var með stærðina 2,7 en aðrir jarðskjálftar voru minni að stærð. Þegar þessi grein er skrifuð þá er engin jarðskjálftavirkni austan við Grímsey. Það getur breyst án nokkurs fyrirvara.

Jarðskjálftavirkni austan við Grímsey. Höfundaréttur þessar myndar tilheyrir Veðurstofu Íslands.

Núverandi staða fyrir Tjörnesbrotabeltið er sú að jarðskjálftavirkni mun halda þar áfram eins og verið hefur eins og hefur verið raunin síðan í Janúar þegar þessi jarðskjálftavirkni hófst rólega. Það er ekki hægt að segja til um það hvenær jarðskjálftahrinan endar á Tjörnesbrotabeltinu. Hættan að það verði stór jarðskjálfti á Tjörnesbrotabeltinu heldur áfram svo lengi sem núverandi jarðskjálftavirkni er ennþá í gangi. Þegar þessi grein er skrifuð hefur ekkert dregið úr þeirri áhættu.

Ég biðst afsökunar á því að vera svona seint á ferðinni með þessa grein.

Aðfaranótt 8-Apríl-2019 klukkan 04:44 varð jarðskjálfti með stærðina 3,3 austan við Grímsey. Þessi jarðskjálfti er hluti af jarðskjálftahrinu á þessu svæði sem hófst fyrir nokkrum vikum síðan og er að mestu leiti ennþá í gangi þegar þessi grein er skrifuð.

Jarðskjálftahrinan austan við Grímsey. Höfundaréttur þessar myndar tilheyrir Veðurstofu Íslands.

Jarðskjálftahrinan vestan við Kópavog heldur áfram og þar verða nokkrir jarðskjálftar á hverjum degi á því svæði. Það eru engin skýr merki um það að þeirri jarðskjálftahrinu sé að fara að ljúka.

Jarðskjálftahrinan sem hófst vestan við Kópasker þann 23 Mars 2019 er ennþá í gangi. Fjöldi jarðskjálfta hefur minnkað og færri jarðskjálftar hafa einnig átt sér stað undanfarna daga og á þessum tíma hefur ekki komið fram neinn jarðskjálfti sem hefur náð stærðinni 3,0 eða stærri. Þetta getur breyst án viðvörunar þar sem jarðskjálftahrinan er ennþá í gangi.

Jarðskjálftahrinan vestan við Kópasker. Höfundaréttur þessar myndar tilheyrir Veðurstofu Íslands.

Samkvæmt nýlegum fréttum þá er þetta stærsta jarðskjálftahrinan á þessu svæði síðan árið 1991 (28 ár) samkvæmt Veðurstofu Íslands sem athugaði gögn eins langt og þeir gátu fyrir þetta svæði Íslands. Yfir 3000 jarðskjálftar hafa mælst í þessari jarðskjálftahrinu síðan hún hófst.

Styrkir

Ég minni fólk að styrkja vinnu mína við þessa vefsíðu. Það fer umtalsverð vinna hjá mér í þessa vefsíðu og við að skrifa greinar. Takk fyrir stuðninginn. 🙂

Hérna eru nýlegar upplýsingar um stöðuna á jarðskjálftahrinunni vestan við Kópasker á Tjörnesbrotabeltinu. Þessar upplýsingar geta orðið úreltar mjög fljótt ef eitthvað gerist.

Jarðskjálftahrinan er ennþá í gangi þegar þessi grein er skrifuð. Síðan á miðvikudaginn hefur ekki komið fram neinn jarðskjálfti sem hefur náð stærðinni 3,0. Stærstu jarðskjálftarnir síðustu 48 klukkutímana hafa náð stærðinni 2,9. Heildarfjöldi jarðskjálfta síðustu 48 klukkutímana er í kringum 567.

Jarðskjálftahrinan vestan við Kópasker. Höfundaréttur þessar myndar tilheyrir Veðurstofu Íslands.

Það hefur hægt og rólega dregið úr þessari jarðskjálftahrinu síðan í gær. Það þýðir þó ekki að þessari jarðskjálftahrinu er lokið. Ef að það verður jarðskjálfti með stærðina 4,0 eða stærri þá mun þessi jarðskjálftahrina aukast aftur.

Styrkir

Ef fólk getur þá getur það stutt mína vinnu hérna með styrkjum. Það hjálpar mér að borga hýsinguna og að kaupa í matinn og fleira. Hægt er að nota PayPal eða bankamillifærslu til þess að styrkja mig. Takk fyrir stuðninginn. 🙂

Almannavarnir hafa lýst yfir óvissuástandi á því svæðinu næst jarðskjálftahrinunni vestan við Kópasker. Óvissustig er lægsta viðvörunarstig Almannavarna.

Síðan að jarðskjálftahrinan hófst á laugardaginn þá hafa komið fram um 1800 jarðskjálftar samkvæmt Veðurstofu Íslands. Stærstu jarðskjálftarnir síðustu 24 klukkutímana hafa verið með stærðina 3,8 og 3,0. Þessi tala gæti breyst á næstu klukkutímum þar sem jarðskjálftahrinan er ennþá í gangi.

Jarðskjálftahrinan vestan við Kópasker (grænar stjörnur). Höfundaréttur þessar myndar tilheyrir Veðurstofu Íslands.

Þessi jarðskjálftahrina hefur aukið líkunar á því að þarna verði jarðskjálfti sem er með stærðina 6,0 eða stærri. Þetta er mjög stór jarðskjálftahrina fyrir þetta svæði á Tjörnesbrotabeltinu.

Í kvöld klukkan 20:29 varð jarðskjálfti með stærðina 4,2 vestan við Kópasker. Þessi jarðskjálfti varð til þess valdandi að jarðskjálftahrinan jókst í kjölfarið á þessum jarðskjálfta. Í kjölfarið á jarðskjálftanum með stærðina 4,2 kom jarðskjálfti með stærðina 3,3.

Jarðskjálftahrinan vestan við Kópasker (grænar stjörnur). Höfundaréttur þessar myndar tilheyrir Veðurstofu Íslands.

Jarðskjálftahrinan er ennþá í gangi og þessar upplýsingar geta breyst án nokkurs fyrirvara.