Category: Bárðarbunga

Birt þann

Kvikuinnskot í eldstöðinni Bárðarbungu

Í dag (14. Janúar 2025) um klukkan 06:00 þá hófst kvikuinnskot í eldstöðinni Bárðarbungu. Kvikuinnskotið var í gangi fram til klukkan 09:00 þegar draga fór úr því. Þessu gæti samt ekki verið lokið ennþá, þó svo að dregið hafi úr virkninni þegar þessi grein er skrifuð. Stærsti jarðskjálftinn var með stærðina Mw5,2 (USGS, EMSC). Það hafa orðið meira en tugur jarðskjálfta sem eru með stærðina milli Mw3,0 til Mw5,0 í þessari jarðskjálftahrinu.

Röð af grænum stjörnum í öskju Bárðarbungu. Einnig sem það eru nokkrir jarðskjálftar í eldstöðinni Grímsfjalli sem er ótengd jarðskjálftavirkni og því sem er að gerast í Bárðarbungu.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Megin jarðskjálftavirknin var í vestari hluta öskju Bárðarbungu. Samkvæmt sérfræðingum þá líkist þetta upphafi eldgossins í Gjálp árið 1996. Þá hófst jarðskjálftavirknin svipað og gerðist núna, síðan dró úr henni áður en virknin jókst á ný og eldgos hófst. Það er óljóst hvert kvikugangurinn gæti farið en líklega í suður-vestur, það er í áttina að Torfajökli og Kötlu. Ef það gerist, þá er möguleiki á því að kvikugangurinn komi af stað virkni í þeim eldstöðvum og eldgosum ef hann nær í þær eldstöðvar.

Ég mun skrifa um stöðuna í Bárðarbungu eftir því sem þörf verður á því.

Birt þann

Jarðskjálfti með stærðina Mw5,2 í Bárðarbungu

Nóttina þann 8. Desember 2024 klukkan 01:49 varð jarðskjálfti í Bárðarbungu með stærðina Mw5.2. Þessi jarðskjálftavirkni tengist þenslu í eldstöðinni Bárðarbungu sem heldur áfram að þenjast út eftir eldgosið 2014 til 2015.

Græn stjarna í öskju Bárðarbungu þar sem stærsti jarðskjálftinn átti sér stað. Þarna er einnig mikið af minni jarðskjálftum sem eru sýndir sem punktar.
Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Það var einnig mikið um litla jarðskjálfta í öskju Bárðarbungu, bæði fyrir og eftir stóra jarðsjálftann. Þetta er ekki óvenjulegt en það er óvenju mikið af jarðskjálftum núna. Afhverju þetta gerðist er óljóst. Þessi jarðskjálftavirkni er áframhaldandi jarðskjálftavirkni sem mun halda áfram næstu 30 til 90 árin í það lengsta. Það veltur á því hvernig hlutir þróast í Bárðarbungu.

Birt þann

Stór jarðskjálfti í Bárðarbungu

Í dag (06-Október 2024) klukkan 17:56 varð stór jarðskjálfti í Bárðarbungu. Þessi jarðskjálfti var með stærðina Mw4,5 til Mw5,1. Veðurstofan sagði að jarðskjálftinn væri með stærðina Mw4,5. EMSC sagði að jarðskjálftinn væri með stærðina Mw5,0 og USGS sagði að jarðskjálftinn væri með stærðina Mw5,1. Í gær urðu tveir jarðskjálftar með stærðina Mw3,7 og Mw3,9 í Bárðarbungu.

Fjórar grænar stjörnur í eldstöðinni Bárðarbungu. Ein er í norður-austur hlutanum en þrjár eru í suður-vestur hluta Bárðarbungu. Nokkrir minni punktar sína minni jarðskjálfta í Bárðarbungu.
Jarðskjálftavirkni í Bárðarbungu. Höfundarréttur þessar myndar tilheyrir Veðurstofu Íslands.

Jarðskjálftavirknin í Bárðarbungu kemur til vegna þess að eldstöðin er að þenjast út eftir að síðasta eldgosi lauk (Febrúar 2015). Það mun fara að draga úr þessari jarðskjálftavirkni eftir um 10 til 30 ár og þá verða jarðskjálftar með stærðina Mw5,0 eingöngu á nokkura ára fresti.

Birt þann

Jarðskjálfti með stærðina Mw5,0 í Bárðarbungu

Í dag (3-September 2024) klukkan 16:31 varð jarðskjálfti með stærðina Mw5,0 í Bárðarbungu. Það komu nokkrir minni jarðskjálftar í kjölfarið. Það varð einnig aukning á minni jarðskjálftum í Bárðarbungu síðustu daga.

Græn stjarna í eystri hluta eldstöðvarinnar Bárðarbungu, auk appelsínugulra punkta sem sýna minni jarðskjálfta í öskjunni.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Þessi stærð af jarðskjálfta í Bárðarbungu mun eiga sér stað einu sinni til tvisvar á ári næstu 40 til 60 árin. Ég reikna ekki með eldgosi í Bárðarbungu fyrr en í fyrsta lagi árið 2090 en líklega ekki fyrr en í kringum árið 2120. Þangað til verða áratugir af svona jarðskjálftavirkni eins og varð í dag.

Birt þann

Miðlungs jarðskjálfti í Bárðarbungu (21. Apríl 2024)

Í morgun klukkan 06:37 þann 21. Apríl 2024 þá varð jarðskjálfti með stærðina Mw5,4 í Bárðarbungu. Stærsti eftirskjálftinn sem kom í kjölfarið á þessum jarðskjálfta var með stærðina Mw3,0. Það er engin jarðskjálftahrina í gangi á þessu svæði þegar þessi grein er skrifuð. Þessi jarðskjálfti fannst á sumum svæðum á Íslandi en fannst líklega á flestum svæðum þar sem mjög rólegt var.

Græn stjarna í austanverðri Bárðarbungu. Þessi stjarna sýnir staðsetningu á stærsta jarðskjálftanum sem varð í Bárðarbungu um morguninn.
Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Þessi jarðskjálfti er stærsti jarðskjálftinn í Bárðarbungu síðan í eldgosinu í Holuhrauni árið 2014 til 2015. Þessi jarðskjálftavirkni er langtímamerki um það að þenslan í Bárðarbungu hefur náð nýjum hæðum. Það er mjög ólíklegt að eldgos núna í kjölfarið á þessum jarðskjálfta eða á næstu árum. Styðsti tími milli eldgosa í Bárðarbungu er í kringum 10 ár.

Hérna er mynd af jarðskjálftanum eins og hann kom fram á jarðskjálftamæli hjá mér.

Bylgjuformið eins og það kom fram á jarðskjálftamælingu hjá mér. Byrjar skarpt í upphafi og með svörtum línum. Síðan koma yfirborðsbylgjur sem eru sýndar sem grófar bylgjur á jarðskjálftamælingunni.
Jarðskjálftinn með stærðina Mw5,4 eins og hann mældist hjá mér á jarðskjálftamæli sem ég er með.
Birt þann

Jarðskjálfti með stærðina Mw4,7 í Bárðarbungu

Í dag (18. Mars 2024) klukkan 00:45 varð jarðskjálfti með stærðina Mw4,7 í Bárðarbungu (EMSC upplýsingar er að finna hérna). Veðurstofan er með stærðina á þessum jarðskjálfta sem Mw4,4.

Græn stjarna í Bárðarbungu, ásamt punktum sem sem sýnir minni jarðskjálfta í Bárðarbungu.
Jarðskjálftavirknin í Bárðarbungu. Stærsti jarðskjálftinn er með græna stjörnu. Höfundarréttur þessar myndar tilheyrir Veðurstofu Íslands.

Þessi jarðskjálfti er hluti af þeirri þenslu sem er núna að eiga sér stað í Bárðarbungu. Svona jarðskjálftar munu verða reglulega í Bárðarbungu næstu ár og jafnvel áratugi, þangað til að kvikuhólfið í Bárðarbungu er orðið fullt.

Birt þann

Jarðskjálfti með stærðina Mw4,9 í Bárðarbungu í gær (24. Október 2023)

Í gær (24. Október 2023) klukkan 22:19 varð jarðskjálfti með stærðina Mw4,9 í Bárðarbungu í norður austur hluta eldstöðvarinnar, frekar en í megin gígnum þar sem flestir af þessum jarðskjálftum hafa komið fram síðustu ár.

Græn stjarna í norður austur hluta Bárðarbungu auk gulra punkta sem sýnir minni jarðskjálfta í öskju Bárðarbungu.
Jarðskjálftavirkni í Bárðarbungu. Höfundarréttur þessar myndar tilheyrir Veðurstofu Íslands.

Þessir jarðskjálftar eru í tengslum við þenslu í Bárðarbungu og eins og er, þá er engin hætta á eldgosi í Bárðarbungu. Þetta er annar jarðskjálftinn í Bárðarbungu í ár sem nær stærðinni Mw4,9.

Birt þann

Jarðskjálfti í Bárðarbungu

Í gær (14. Október 2023) varð jarðskjálfti með stærðina Mw3,6 í Bárðarbungu. Þessi jarðskjálfti er einn af mörgum jarðskjálftum sem verða vegna þeirrar þenslu sem er núna að eiga sér stað í Bárðarbungu síðan eldgosinu lauk þar árið 2015. Þessi jarðskjálftavirkni mun halda áfram næstu 50 til 100 árin ef ekkert breytist, þó mun jarðskjálftum fækka eftir því sem tíminn líður.

Græn stjarna í norðari hluta öskju Bárðarbungu.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Þessi jarðskjálfti er eðlilegur og mun ekki koma af stað eldgosi og er ekki fyrirboði eldgoss. Svona jarðskjálfti verður á tveggja til þriggja mánaða fresti í Bárðarbungu núna.

Birt þann

Kröftugur jarðskjálfti í Bárðarbungu

Í dag (4. Október 2023) klukkan 16:11 varð jarðskjálfti með stærðina Mw4,7 (Veðurstofa Íslands) eða Mw5,0 (EMSC) í Bárðarbungu.

Græn stjarna í Bárðarbungu og síðan eru þarna einnig rauðir punktar í kringum grænu stjörnuna í Bárðarbungu.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Þetta er hefðbundinn þenslu jarðskjálfti í Bárðarbungu og svona stórir jarðskjálftar verða á nokkura mánaða fresti. Þetta þýðir að Bárðarbunga er ennþá að þenjast út eftir eldgosið árin 2014 til 2015. Þessi jarðskjálftavirknin mun ekki koma af stað eldgosi og það verður raunin í mjög langan tíma.

Birt þann

Tveir kröftugir jarðskjálftar í Bárðarbungu

Í gær (28. Júlí 2023) urðu tveir kröftugir jarðskjálftar í Bárðarbungu klukkan 23:42 og síðan klukkan 23:55. Stærðir þessara jarðskjálfta voru Mw3,2 og síðan Mw3,6. EMSC hefur seinni jarðskjálftann með stærðina Mw4,7 en hægt er að skoða þær upplýsingar hérna.

Tvær grænar stjörnur í Bárðarbungu í Vatnajökli. Auk minni jarðskjálfta á sama svæði. Tími á korti er 29. Júlí 2023 klukkan 13:05.
Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Það komu fram nokkrir minni jarðskjálftar í kjölfarið á þessari jarðskjálftavirkni. Þetta er eðlileg þenslu virkni í Bárðarbungu og mun verða í gangi næstu 30 til 70 árin (miðað við fyrri sögu á þessu svæði).