Category: Jarðskjálftahrina

Birt þann

Lítil jarðskjálftahrina í Öræfajökli þann 23-Júlí-2018

Mánudaginn 23-Júlí-2018 varð lítil jarðskjálftahrina í Öræfajökli. Þessa stundina er svona jarðskjálftavirkni algeng í Öræfajökli. Í hverri viku verða núna frá 100 til 200 jarðskjálftar í Öræfajökli. Flestir af þeim jarðskjálftum sem verða eru minni en 1,0 að stærð.


Jarðskjálftavirknin í Öræfajökli. Höfundaréttur þessar myndar tilheyrir Veðurstofu Íslands.

Stærsti jarðskjálftinn hingað til í þessari viku var með stærðina 1,2 og var á 4,9 km dýpi. Aðrir jarðskjálftar sem hafa orðið voru minni að stærð. Þegar jarðskjálftahrina verður í Öræfajökli þá er það vegna þess að kvika er að troða sér inn í eldstöðina og er að ýta sér leið upp. Þeir jarðskjálftar sem verða fyrir utan Öræfajökul eru vegna spennubreytinga í nálægri jarðskorpu sem hefur virkjað misgengi á þessu svæði. Það er talsverð hætta á því að jarðskjálftavirkni aukist með þessum hætti eftir því sem meiri kvika safnast saman í Öræfajökli. Það ferli mun taka vikur og mánuði frá því sem er núna í dag.

Birt þann

Jarðskjálftavirkni í Bárðarbungu

Í dag (20-Júlí-2018) klukkan 06:28 varð jarðskjálfti með stærðina 3,4 í Bárðarbungu í suð-austur hluta öskjunnar. Það komu fram nokkrir litlir jarðskjálftar í kjölfarið yfir daginn. Jarðskjálftavirkni er algeng í Bárðarbungu núna en það hefur dregið úr jarðskjálftavirkninni undanfarna mánuði (3 til 6 mánaða fresti). Á móti þegar það verða jarðskjálftar þá eru þeir stærri.


Jarðskjálftavirkni í Bárðarbungu. Græna stjarnan er jarðskjálftinn með stærðina 3,4. Höfundaréttur þessar myndar tilheyrir Veðurstofu Íslands.

Það er ennþá hætta á stórum jarðskjálfta frá Bárðarbungu á næstu klukkutímum til 48 klukkustundum. Ef ekkert gerist eftir 48 klukkustundir þá er ólíklegt að að komi fram stór jarðskjálfti á næstunni. Stærðin sem hægt er að reikna með er yfir 4,0.

Birt þann

Djúpstæð jarðskjálftahrina suð-austur af Bárðarbungu

Síðan í gær (18-Júlí-2018) hefur verið djúpstæð jarðskjálftahrina suð-austur af Bárðarbungu. Jarðskjálftahrinur á þessu svæði eru mjög algengar og eru alltaf vegna þess að kvikuinnskot er þarna á ferðinni.


Jarðskjálftahrinan suð-austur af Bárðarbungu. Höfundaréttur þessar myndar tilheyrir Veðurstofu Íslands.

Mesta dýpi sem mældist í þessari jarðskjálftahrinu var 26,3 km og minnsta dýpi var 13,4 km. Skekkja gæti verið talsverð í þessum mælingum vegna fjarlægðar frá næstu SIL mælistöðum. Þegar jarðskjálftar eru mjög litlir að stærð (stærðir 0,0 – 1,0) er mjög erfitt að staðsetja þá og finna út rétt dýpi. Í kjölfarið á jarðskjálftavirkni á þessu svæði verður stundum stór jarðskjálfti í Bárðarbungu. Það er ekki hægt að spá til um slíkan atburð og það er ekki hægt að vita fyrirfram hvort að það gerist núna.

Birt þann

Jarðskjálftahrina djúpt á Reykjaneshrygg

Í gær (14-Júlí-2018) og síðustu nótt (15-Júlí-2018) varð jarðskjálftahrina djúpt á Reykjaneshrygg. Þetta virðist vera minniháttar jarðskjálftahrina á Reykjaneshryggnum og stærsti jarðskjálftinn hafði eingöngu stærðina 3,0. Vegna fjarlægðar frá SIL mælanetinu þá eru stærri villumörk á mælingunni en annars hefur verið.


Jarðskjálftahrinan á Reykjaneshrygg. Höfundaréttur þessar myndar tilheyrir Veðurstofu Íslands.

Þessi jarðskjálftahrina virðist vera lokið. Ef einhverjir minni jarðskjálftar eru að eiga sér stað þarna þá eru þeir ekki að mælast á jarðskjálftamælaneti Veðurstofu Íslands vegna fjarlægðar. Jarðskjálftahrina gæti hafist þarna að nýju án nokkurrar viðvörunnar.

Birt þann

Minniháttar jarðskjálftahrina í eldstöðinni Kötlu

Aðfaranótt 13-Júlí-2018 varð jarðskjálftahrina í suðurhluta öskju eldstöðvarinnar Kötlu.


Jarðskjálftavirknin í Kötlu. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari jarðskjálftahrinu var með stærðina 2,9 og annar stærsti jarðskjálftinn var með stærðina 1,9. Þessari jarðskjálftahrinu er lokið en hætta er á því að jarðskjálftahrina hefjist á ný í Kötlu án mikils fyrirvara. Jarðskjálftavirkni byrjar oft að aukast í Kötlu í Júlí.

Birt þann

Jarðskjálftahrina norður af Gjögurtá (Tjörnesbrotabeltið)

Klukkan 21:10 hófst jarðskjálftahrina norður af Gjögurtá á Tjörnesbrotabeltinu. Stærsti jarðskjálftinn í þessari hrinu hingað til var með stærðina 3,7. Aðrir jarðskjálftar sem hafa komið fram hafa verið minni að stærð hingað til. Það gæti breytst á nokkurar viðvörunar.


Jarðskjálftahrinan á Tjörnesbrotabelinu. Stærsti jarðskjálftinn var með stærðina og er merktur með grænni stjörnu. Höfundaréttur þessar myndar tilheyrir Veðurstofu Íslands.

Það er aðeins um að jarðskjálftar séu rangt staðsettir á sjálfvirku jarðskjálftakorti Veðurstofu Íslands.

Þar sem jarðskjálftamælirinn minn í Böðvarshólum er niðri vegna bilaðrar tölvu og ég hef ekki efni á að kaupa Raspberry Shake jarðskjálftamæli (veðurþolin) þá er eingöngu hægt að sjá stærstu jarðskjálftana á jarðskjálftamælinum í Dellukoti.

Birt þann

Áframhaldandi jarðskjálftahrina í Öræfajökli (staðan 3-Júlí-2018)

Síðustu klukkutíma hefur verið talsverð jarðskjálftavirkni í suðurhlíðum Öræfajökuls. Þessi jarðskjálftahrina hófst í kringum 29-Júní-2018 og hefur að mestu leiti verið í gangi síðan þá. Á þessari stundu virðist sem að jarðskjálftavirknin sé nærri þjóðvegi eitt eða alveg undir honum.


Jarðskjálftavirknin í Öræfajökli þann 3-Júlí-2018. Höfundaréttur þessar myndar tilheyrir Veðurstofu Íslands.

Þessi breyting á jarðskjálftavirkni er mjög áhugaverð að mínu áliti og bendir til þess að vandræði séu á leiðinni í Öræfajökli. Það eru ekki neinir eldgígar svo ég viti til í hlíðum Öræfajökuls en hugsanlegt er að slíkir gígar hafi verið þurrkaðir út af jökulhreyfingum síðustu alda. Það er góð ástæða að mínu mati að fylgjast með þróun þessar jarðskjálftavirkni.

Birt þann

Áframhaldandi jarðskjálftahrina í Öræfajökli (staðan 29-Júní)

Þessa stundina er jarðskjálftahrina í gangi í Öræfajökli. Þessi jarðskjálftavirkni hófst þann 26-Júní-2018 og hefur að mestu leiti verið í gangi síðan þá. Þessa studina eru eingöngu litlir jarðskjálftar að eiga sér stað en stærsti jarðskjálftinn var með stærðina 2,1 en varð fyrir utan eldstöðina (en virðist samt tengjast virkninni þar) og þessi jarðskjálfti bendir til þess að stressið í jarðskorpunni sé að breytast mjög hratt á þessu svæði þessa stundina (mitt álit).


Jarðskjálftavirknin í Öræfajökli (rauðu punktanir). Höfundaréttur þessar myndar tilheyrir Veðurstofu Íslands.

Það sem einnig gerðist í dag var jarðskjálftahrina í hlíðum Öræfajökuls og það er mjög varasamt merki ef eitthvað er að fara gerast þar. Þar sem eldgos í hlíðum Öræfajökuls getur verið mjög stórt vandamál þar sem slíkt eldgos er nær þjóðvegi eitt og stórhættulegt ef engin viðvörun verður á slíku eldgosi. Það þarf sérstaklega að fylgjast með slíkri virkni að mínu mati.

Birt þann

Stutt jarðskjálftavirkni á Reykjaneshrygg

Í dag (29-Júní-2018) og í gær (28-Júní-2018) varð jarðskjálftavirkni á Reykjaneshrygg. Stærsti jarðskjálftinn í þessari jarðskjálftavirkni var með stærðina 3,2 eða 4,1 (ég er ekki viss um stærðina). Ég veit ekki hvaða stærð er rétt þar sem útslagið á mælinum mínum í Dellukoti var stærra en það sem ég býst við að sjá við jarðskjálfta sem er 3,2 í þessari fjarlægð frá Dellukoti. Jarðskjálftamælirinn í Böðvarshólum er ennþá niðri vegna bilunar í tölvu (sem ég get ekki lagað).


Grænu stjörnurnar sýna jarðskjálftana á Reykjaneshrygg. Höfundaréttur þessar myndar tilheyrir Veðurstofu Íslands.

Það er ekki ljóst á þessari stundu hvort að jarðskjálftavirkni þarna mun halda áfram eða hvernig þetta mun þróast. Þessa stundina virðist engin jarðskjálftavirkni vera í gangi á þessu svæði. Vegna fjarlægðar frá landi mælast ekki minni jarðskjálftar á þessu svæði.

Birt þann

Nýjustu upplýsingar um jarðskjálftavirkina í Öræfajökli

Þessi grein er uppfærsla á stöðunni í Öræfajökli.

Yfirfarin niðurstaða á jarðskjálftanum í Öræfajökli sýndi að stærð jarðskjálftans var Mw3,1. Stærðir annara jarðskjálfta var minni en stærsti jarðskjálftinn sem kom fram eftir meginskjálftann var með stærðina 2,1 (klukkan 16:59).


Jarðskjálftavirknin í Öræfajökli (græna stjarnan). Höfundaréttur þessar myndar tilheyrir Veðurstofu Íslands.

Það fór að draga úr jarðskjálftavirkinni klukkan 20:15. Það er möguleiki á því að þessi jarðskjálftavirkni haldi áfram án nokkurar viðvörunnar eftir nokkra klukkutíma eða eftir nokkra daga. Það er ekki hægt að vita hvenær jarðskjálftavirknin eykst á ný. Enginn órói kom fram í kjölfarið á jarðskjálftanum með stærðina 3,1. Það bendir sterklega til þess að þarna hafi verið jarðskjálfti sem er eingöngu jarðskorpuhreyfing í eldstöðinni vegna þenslu sem er núna að eiga sér stað (mitt mat og áætlað) í Öræfajökli.