Í dag (29. Maí 2024) klukkan 12:47 þá hófst eldgos í Sundhnúkagígum. Gossprungan er að lengjast þegar þessi grein er skrifuð.
Eldgos hafið í Sundhnúkagígum
Eldgos líklega að fara að hefjast í Sundhnúkagígaröðinni
Það er mjög líklega eldgos að fara að hefjast í Svartsengi, í Sundhúkagígaröðinni. Þessi atburður er ólíklega til þess að vera eingöngu kvikuinnskot sem er þarna á ferðinni. Ég mun setja inn uppfærslu um leið og eldgosið er byrjað.
Jarðskjálftahrina í Krýsuvík
Í dag (6. Maí 2024) klukkan 17:43 varð jarðskjálfti með stærðina Mw3,3 og varð í eldstöðinni Krýsuvík. Þessi jarðskjálfti fannst í Reykjavík.
Þegar þessi grein er skrifuð. Þá er þessi jarðskjálftavirkni ennþá í gangi en er mjög ójöfn og það koma jarðskjálftar en ekkert á milli þess. Það er möguleiki á því að þessi jarðskjálftavirkni sé að aukast, þar sem þetta gæti tengst spennubreytingum vegna þenslu í eldstöðinni Svartsengi.
Jarðskjálftahrina í eldstöðinni Eldey á Reykjaneshrygg
Í dag (5-Maí 2024) klukkan 20:33 varð jarðskjálfti með stærðina Mw3,5 nærri Eldey á Reykjaneshrygg. Þetta er úti í sjó og talsverða fjarlægð frá landi, þannig að fleiri jarðskjálftar eru að eiga sér stað en koma fram á mælaneti Veðurstofu Íslands.
Jarðskjálftahrinan er ennþá í gangi þegar þessi grein er skrifuð. Það eru jarðskjálftar sem munu eingöngu sjást á vefsíðu Veðurstofu Íslands eftir að búið er að fara handvirkt yfir þessa jarðskjálftahrinu hjá Veðurstofunni.
Jarðskjálftahrina í eldstöðinni Reykjanes
Í dag (22. Apríl 2024) klukkan 04:53 hófst jarðskjálftahrina við Reykjanestá. Þessi jarðskjálftahrina er hvorki stór eða mikil þegar þessi grein er skrifuð. Stærsti jarðskjálftinn var með stærðina Mw3,1 en aðrir jarðskjálftar voru minni að stærð.
Þessi jarðskjálftavirkni bendir til þess að þarna sé kvika á ferðinni. Eins og er, þá er þetta of lítil virkni til þess að eldgos geti hafist þarna eins og er. Það getur breyst án viðvörunnar. Staðan á eldstöðinni Reykjanes er óljóst, þar sem hluti þessar eldstöðvar er undir sjó og þá er mun erfiðara að vakta eldstöðina og stundum jafnvel ekki hægt.
Miðlungs jarðskjálfti í Bárðarbungu (21. Apríl 2024)
Í morgun klukkan 06:37 þann 21. Apríl 2024 þá varð jarðskjálfti með stærðina Mw5,4 í Bárðarbungu. Stærsti eftirskjálftinn sem kom í kjölfarið á þessum jarðskjálfta var með stærðina Mw3,0. Það er engin jarðskjálftahrina í gangi á þessu svæði þegar þessi grein er skrifuð. Þessi jarðskjálfti fannst á sumum svæðum á Íslandi en fannst líklega á flestum svæðum þar sem mjög rólegt var.
Þessi jarðskjálfti er stærsti jarðskjálftinn í Bárðarbungu síðan í eldgosinu í Holuhrauni árið 2014 til 2015. Þessi jarðskjálftavirkni er langtímamerki um það að þenslan í Bárðarbungu hefur náð nýjum hæðum. Það er mjög ólíklegt að eldgos núna í kjölfarið á þessum jarðskjálfta eða á næstu árum. Styðsti tími milli eldgosa í Bárðarbungu er í kringum 10 ár.
Hérna er mynd af jarðskjálftanum eins og hann kom fram á jarðskjálftamæli hjá mér.
Jarðskjálftahrina í eldstöðinni Krýsuvík (þann 13. Apríl 2024)
Ég komst ekki að skrifa greinina um Krýsuvík í gær (13. Apríl 2024) þar sem ég var upptekin í öðru.
Í gær (13. Apríl 2024) klukkan 10:02 varð jarðskjálfti með stærðina Mw3,3 í eldstöðinni Krýsuvík rétt sunnan við Kleifarvatn. Þessi jarðskjálftahrina virðist hafa orðið á sprungu sem er að mestu leiti þekkt fyrir að búa til jarðskjálfta sem verða í tengslum við spennubreytingar á flekaskilum. Þetta misgengi er ekki tengt eldgosavirkni á þessu svæði, þar sem þær sprungur eru meira suðvestur-norðaustur stefnu en þessi sprunga er í stefnuna norður-suður. Það flækir hinsvegar málin að kvika á miklu dýpi getur komið af stað hreyfingum á þessum sprungum óháð gerð þeirra. Mig grunar að það sé tilfellið hérna.
Eldstöðin Krýsuvík er ekki tilbúin til þess að hefja eldgos eins og er, miðað við það sem ég er að sjá núna. Það eru hinsvegar merki um það að eldstöðin sé farin að gera sig tilbúna í eldgos. Hversu löng bið verður þangað til að eldgos byrja í eldstöðinni Krýsuvík er ekki eitthvað sem hægt er að segja til um.
Jarðskjálftahrina í eldstöðinni Öskju
Í dag (25. Mars 2024) klukkan 08:06 til rúmlega klukkan 11:00. Þá varð jarðskjálftahrina í eldstöðinni Öskju. Stærsti jarðskjálftinn í þessari jarðskjálftahrinu var með stærðina Mw3,5. Askja er mjög afskekkt og því fannst þessi jarðskjálfti ekki.
Þessi jarðskjálftavirkni bendir til þess að þarna hafi átt sér stað kvikuinnskot. Eldgos er ólíklegt í Öskju núna. Þetta gæti þó verið fyrsti hlutinn sem bendir til þess að eldstöðin Askja sé farinn að undirbúa eldgos í framtíðinni. Það er ekki hægt að segja til um það hvenær slíkt eldgos yrði.
Staðan í eldgosinu við Sundhnúkagíga í eldstöðinni Svartsengi þann 22. Mars 2024 klukkan 04:07
Þetta er stutt grein um stöðuna í eldgosinu í Sundhnúkagígum í eldstöðinni Svartsengi.
- Eldgosið í Sundhnúkagígum er núna lengsta eldgosið sem hefur orðið í eldstöðinni Svartsengi síðan þessi eldgos hófust þann 18. Desember 2023.
- Það eru fimm til sjö virkir gígar en slæmt veður hefur komið í veg fyrir það hjá mér að fylgjast almennilega með þróun mála síðan í gær (21. Mars 2024).
- Flæði hrauns er samkvæmt mínu mati (sem getur því verið rangt) er í kringum 20m3/sek. Það er ekki mjög mikið og kemur í veg fyrir að hraunið flæði mjög langt frá eldgosinu.
- Stórar hrauntjarnir hafa myndast næst eldgosinu og þær tæmast reglulega. Það kemur af stað hraunflæði sem fer niður hallann þar sem eldgosið er staðsett.
- Ein manneskja sem var að vinna í Bláa lóninu fékk breinnsteinseitrun í fyrradag (20. Mars 2024). Samkvæmt fréttum, þá fór viðkomandi manneskja á sjúkrahús og er núna að jafna sig.
- Náma fyrir möl fylltist af hrauni í gær (21. Mars 2024) þegar hrauntjörn tæmdi sig og hraunið fór af stað niður hæðina.
- Slæmt veður kemur í veg fyrir það að hægt sé að fylgjast almennilega með þróun eldgossins. Næsta góða veður er ekki fyrr en á laugardaginn þann 23. Mars 2024.
- Fyrstu GPS gögn benda til þess að það er hvorki mikil þensla eða lækkun að eiga sér stað í Svartsengi núna. Það bendir til þess að kvikan sé að flæða beint upp í gígana og gjósa þar og stoppar svo til ekkert á leiðinni upp á yfirborðið.
Þetta er allt sem er í bili. Næsta uppfærsla verður þegar eitthvað nýtt gerist í þessu eldgosi. Ef þetta eldgos varir í mjög langan tíma. Þá mun ég setja inn uppfærslur reglulega á því sem er að gerast. Eins og er, þá mun eldgosið bara halda áfram eins og það hefur verið að gera.
Staðan í eldgosinu í Sundhnúkagígum (Svartsengi) þann 19. Mars 2024 klukkan 02:09
Þetta er stutt grein, þar sem það hefur orðið lítil breyting á eldgosinu síðasta sólarhringinn.
Eldgosið er stöðugt þegar þessi grein er skrifuð. Það gæti breyst án viðvörunnar.
- Óróinn frá eldgosinu hefur verið stöðugur síðasta sólarhringinn. Það hefur verið mjög lítil sveifla í óróanum.
- GPS stöðvar sýna að land hefur sigið um rúmlega 200 til 300mm þegar þessi grein er skrifuð. Það er óvissa í þessum gögnum vegna slæms veðurs síðustu daga.
- Samkvæmt Veðurstofu Íslands, þá er flatarmál hraunsins núna orðið 5,85 km2.
- Það er lítil sem engin jarðskjálftavirkni á svæðinu við eldgosið. Það er hugsanlegt að slæmt veður sé að koma í veg fyrir mælingar á litlum jarðskjálftum.
- Gígar halda áfram að hlaðast upp í eldgosinu.
- Hraunið er um 350 metra frá Suðurstrandavegi og um 700 metra frá því að ná út í sjó.
Ef það verður breyting á stöðu mála. Þá mun ég skrifa nýja grein eins fljótt og hægt er. Næsta grein ætti að verða þann 21. Mars 2024 ef eldgosið verður ennþá í gangi.