Færslur

Birt þann

Jarðskjálfti í gær (14-September-2020) í Tjörnesbrotabeltinu

Í gær (14-September-2020) varð jarðskjálfti með stærðina Mw3,4 í Tjörnesbrotabeltinu og fannst þessi jarðskjálfti á Dalvík og Ólafsfirði. Þetta er fyrsti jarðskjálftinn með stærðina yfir Mw3,0 sem verður á þessu svæði þarna í rúmlega mánuð. Jarðskjálftahrinan á þessu svæði hefur verið í gangi allan þennan tíma en eingöngu litlir jarðskjálftar hafa komið fram.


Jarðskjálftavirknin á Tjörnesbrotabeltinu. Mynd notuð með leyfi og höfundarréttur myndar tilheyrir Veðurstofu Íslands.

Jarðskjálftahrinan á þessu svæði hefur verið í gangi síðan 19-Júní-2020. Ég reikna ekki með það breytist og það er ennþá hætta á mjög stórum jarðskjálfta á Tjörnesbrotabeltinu.

Birt þann

Jarðskjálftahrina í eldstöðinni Krýsuvík þann Laugardaginn 12 September 2020

Laugardaginn 12 September 2020 varð jarðskjálftahrina í eldstöðinni Krýsuvík. Þessi jarðskjálftahrina var aðeins virk í nokkrar klukkustundir áður en hún stöðvaðist tímabundið.


Jarðskjálftahrinan í Krýsuvík. Mynd notuð með leyfi og höfundarréttur myndarinnar tilheyrir Veðurstofu Íslands.

Stærsti jarðskjálftinn í þessari jarðskjálftahrinu var með stæðina Mw3,0 og fannst sá jarðskjálfti í Reykjavík.

Birt þann

Jarðskjálftahrina í eldstöðinni Krýsuvík

Í gær (7-September-2020) varð jarðskjálftahrina í eldstöðinni Krýsuvík snemma um morguninn. Stærsti jarðskjálftinn var með stærðina Mw3,3 og annar stærsti jarðskjálftinn var með stærðina Mw2,8. Aðrir jarðskjálftar sem komu fram voru minni að stærð.


Jarðskjálftavirknin í Krýsuvík. Þessi mynd er notuð með leyfi og höfundarréttur þessar myndar tilheyrir Veðurstofu Íslands.

Þessi jarðskjálftavirkni er hluti af þeirri þenslu sem á sér stað á þessu svæði vegna kvikuinnflæðis á 3 km til 8 km dýpi. Það hefur ekki ennþá komið eldgos þarna er mjög líklegt er að það muni gerast vegna allrar þessar jarðskjálftavirkni. Það er ekki hægt að spá fyrir um það hvenær slíkt eldgos yrði.

Birt þann

Minniháttar jarðskjálftahrina í Kötlu

Í dag (3-September-2020) varð lítil jarðskjálftahrina í Kötlu og stærsti jarðskjálftinn var með stærðina Mw3,1 en það komu einnig í kjölfarið nokkrir minni jarðskjálftar. Engin breyting varð á óróa í kjölfarið á þessum jarðskjálftum.


Jarðskjálftavirknin í Kötlu. Mynd notuð með leyfi og höfundarréttur myndar tilheyrir Veðurstofu Íslands.

Það hefur verið mjög rólegt í Kötlu allt sumarið 2020 og það er ekki að sjá neina breytingu í kjölfarið á þessari jarðskjálftavirkni í dag í Kötlu. Síðan klukkan 15:53 hefur allt verið rólegt í Kötlu. Þessari jarðskjálftavirkni virðist vera lokið.

Birt þann

Jarðskjálfti með stærðina Mw3,4 í eldstöðinni Reykjanes

Í dag (3-September-2020) klukkan 10:57 varð jarðskjálfti með stærðina Mw3,4 í eldstöðinni Reykjanes. Þessi jarðskjálfti er áframhald af þeirri jarðskjálftavirkni sem hófst á þessu svæði í Janúar 2020. Það koma róleg tímabil í jarðskjálftavirkni á þessu svæði á milli þess sem að mikil jarðskjálftavirkni á sér stað.


Jarðskjálftavirknin í eldstöðinni Reykjanes. Mynd notuð með leyfi og höfundarréttur þessar myndar tilheyrir Veðurstofu Íslands.

Það er áframhaldandi hætta á því að þarna verði mjög stór jarðskjálfti vegna kvikuinnskota á 3 km til 8 km dýpi. Það er áframhaldandi jarðskjálftavirkni í Reykjanes eldstöðinni.

Birt þann

Jarðskjálftahrina um 42 km norður af Kolbeinsey

Aðfaranótt 3-September-2020 varð jarðskjálftahrina rúmlega 42 km til 50 km norður af Kolbeinsey. Vegna fjarlægðar frá SIL mælanetinu þá eru stærðir þeirra jarðskjálfta sem mældust ekki nákvæmar hvorki að stærð eða staðsetningu.


Jarðskjálftavirknin norður af Kolbeinsey. Mynd notuð með leyfi og höfundarréttur þessar myndar tilheyrir Veðurstofu Íslands.

Þetta er hugsanlega bara venjuleg jarðskjálftavirkni á þessu svæði en vegna fjarlægðar frá ströndinni og það að þetta svæði er allt undir sjó þá er ekki hægt að segja nákvæmlega til um hvað er að gerast þarna.

Birt þann

Áframhaldandi jarðskjálftahrina í Krýsuvík og Reykjanes eldstöðvunum

Í gær (29-Ágúst-2020) jókst jarðskjálftahrina sem hefur verið í gangi í eldstöðunum Krýsuvík og Reykjanes síðustu daga. Ég veit ekki almennilega hvaða eldstöðvarkerfi er um að ræða hérna eða hvort að mögulega sé um að ræða bæði eldstöðvarkerfin á þessu svæði og ef það er raunin þá flækir það málin umtalsvert.


Jarðskjálftahrinan á Reykjanesskaga. Mynd notuð með leyfi og höfundarréttur þessar myndar tilheyrir Veðurstofu Íslands.

Stærsti jarðskjálftinn í gær var með stærðina Mw3,7 klukkan 19:06 og annar stærsti jarðskjálftinn var með stærðina Mw3,4 klukkan 16:23. Það urðu einnig tveir jarðskjálftar með stærðina MW3,0. Stærstu jarðskjálftarnir fundust í Reykjavík og nágrenni. Þessi jarðskjálftavirkni er hluti af þeirri jarðskjálftavirkni sem hófst á þessu svæði í Janúar og hefur verið í gangi síðan þá. Þessi jarðskjálftavirkni hefur færst austur á síðustu vikum og það er ekki alveg augljóst afhverju það er. Það eru engin merki um að kvikan sé að færa sig upp á yfirborðið þegar þessi grein er skrifuð.

Birt þann

Kröftug jarðskjálftahrina austan við Fagradalsfjall

Í dag (26-Ágúst-2020) hófst kröftug jarðskjálftahrina austan við Fagradalsfjall. Stærsti jarðskjálftinn í þessari hrinu var með stærðina Mw4,2 og annar stærsti jarðskjálftinn var með stærðina Mw3,7. Það komu fram þrír aðrir jarðskjálftar sem voru stærri en Mw3,0 fram í þessari jarðskjálftahrinu. Þegar þessi grein er skrifuð þá hafa 350 jarðskjálftar komið fram.


Jarðskjálftahrinan á Reykjanesskaga og í eldstöðinni Reykjanes. Mynd notuð með leyfi og höfundarréttur þessar myndar tilheyrir Veðurstofu Íslands.

Jarðskjálftahrinan virðist að mestu vera austarlega í eldstöð sem heitir Reykjanes. Jarðskjálftavirknin kemur fram í hrinum og þegar þessi grein er skrifuð þá virðist sem að ný hrina sé hafin á þessu svæði. Það er ekki hægt að segja til um það hversu lengi þessi jarðskjálftahrina mun vara á þessu svæði. Þegar þessi grein er skrifuð er ekkert sem bendir til þess að kvika sé farin að brjóta sér leið upp á yfirborðið á þessu svæði og gögn sýna fram á að jarðskjálftavirkni á þessu svæði sé eingöngu vegna jarðskorpuhreyfinga á þessu svæði. Það sést á GPS gögnum að svæðið er ennþá að þenjast út vegna innflæði kviku á 8 km til 3 km dýpi á þessu svæði. Þetta innflæði kviku hefur verið í gangi síðan í Janúar-2020.

Birt þann

Ný jarðskjálftahrina á Tjörnesbrotabeltinu (eldstöðin)

Í dag (21-Ágúst-2020) hófst jarðskjálftahrina í Tjörnesbrotabeltinu eldstöðinni. Það er óljóst hvort að hvort að þessi jarðskjálftavirkni sé vegna jarðskorpuhreyfinga á þessu svæði. Stærsti jarðskjálftinn á þessu svæði var með stærðina Mw3,2 þegar þessi grein er skrifuð. Aðrir jarðskjálftar sem hafa komið fram á þessu svæði hafa verið minni að stærð.


Jarðskjálftavirknin á Tjörnesbrotabeltinu (græn stjarna). Höfundaréttur þessar myndar tilheyrir Veðurstofu Íslands.

Þetta er ný jarðskjálftahrina og tengist ekki jarðskjálftahrinunni norður af Gjögurtá. Það eru því tvær jarðskjálftahrinur að eiga sér stað á Tjörnesbrotabeltinu núna. Jarðskjálftavirknin er ennþá í gangi þegar þessi grein er skrifuð.

Birt þann

Óvænt jökulflóð frá suðurhluta Langjökuls

Á Mánudaginn þann 17-Ágúst-2020 varð óvænt jökulflóð frá suðurhluta Langjökuls. Þetta jökulflóð virðist hafa verið óvænt og virðist hafa verið frekar stórt. Það er hugsanlegt að þetta tengist eldstöðinni Presthnjúkar en það er óljóst eins og stendur. Það hefur ekki verið nein virkni á þessu svæði ofar bakgrunnsvirkni undanfarna daga.

Uppfærsla 1

Þetta jökulflóð kom frá vestanverðum sunnanverðum Langjökli en ekki er hægt að segja til um hvaðan þetta jökulflóð kom vegna skýjahulu í gær (19-Ágúst-2020).

Uppfærsla 2

Samkvæmt frétt Rúv þá kom þetta flóð úr jökullóni sem var við jaðar Langjökuls. Samkvæmt fréttum þá gróf vatnið sig undir jaðar Langjökuls og komst þannig út og olli þessu flóði. Nánari útskýringar er að finna í frétt Rúv um þennan atburð.

Frétt Rúv

„Það hefur enginn séð neitt í líkingu við þetta“ (Rúv.is)

Frétt Skessuhorns um jökulflóðið

Stór spýja hljóp fram Hvítá og rennsli árinnar nær þrefaldaðist

Grein uppfærð klukkan 02:55 20-Ágúst-2020.