Category: TFZ

Í dag (4-Ágúst-2020) klukkan 15:16 varð jarðskjálfti með stærðina Mw3,3 á Tjörnesbrotabeltinu en þarna hefur verið jarðskjálftahrina síðan 19-Júní-2020. Áður en stærsti jarðskjálftinn varð þá jókst fjöldi lítilla jarðskjálfta.

Jarðskjálftavirknin á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Jarðskjálftahrinan á Tjörnesbrotabeltinu er núna á sínum öðrum mánuði og það er engin merki þess að þessi jarðskjálftahrina sé að fara að hætta. Það er áframhaldandi hætta á jarðskjálfta með stærðina Mw7,0 á þessu svæði á meðan þessi jarðskjálftahrina er í gangi á þessu svæði.

Í nótt (19-Júlí-2020) urðu þrír jarðskjálftar nærri Gjögurtá á Tjörnesbrotabeltinu á misgengi sem heitir Flatey – Húsavíkur misgengið. Um miðnætti þann 19-Júlí jókst jarðskjálftavirkni snögglega á Tjörnesbrotabeltinu á þessu svæði. Fyrsti jarðskjálftinn sem náði stæðinni Mw3,0 varð klukkan 02:54 og stærst jarðskjálftinn með stærðina Mw4,4 varð klukkan 03:07 og annar stærsti jarðskjálftinn með stærðina Mw3,3 varð klukkan 07:05. Það er ekki hægt að útiloka frekari jarðskjálfta sem verða með stærðina Mw3,0 eða stærri á þessu svæði og það er ennþá mikil hætta á jarðskjálfta með stærðina Mw7,0 verði á þessu svæði.

Jarðskjálftahrinan á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Þetta er stærsti jarðskjálftinn á þessu svæði síðan 8-Júlí þegar jarðskjálfti með stærðina Mw4,2 varð á þessu svæði í rekdalnum sem þarna er og er einnig virkur í þessari jarðskjálftavirkni. Það hafa komið fram meira en 14.000 jarðskjálftar síðan þessi jarðskjálftahrina hófst þann 19-Júní. Þessi jarðskjálftahrina er ennþá í gangi þegar þessi grein er skrifuð.

Í gær (8-Júlí-2020) varð jarðskjálfti með stærðina Mw4,2 á Tjörnesbrotabeltinu. Þessi jarðskjálfti var nær landi en aðrir jarðskjálftar sem hafa orðið og fannst því betur vegna þessa. Misgengið sem olli þessum jarðskjálfta er með stefnuna norður-suður. Jarðskjálftahrinan sem hófst þann 19-Júní-2020 er ennþá í gangi en dregið hefur mjög úr fjölda jarðskjálfta á þessu svæði undanfarið og síðustu daga hafa bara verið um 300 jarðskjálftar á 48 klukkustundatímabili.

Jarðskjálftavirknin á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Það er ennþá mikil hætta á jarðskjálfta með stærðina Mw6,0 til Mw7,0 á Tjörnesbrotabeltinu og þessi hætta mun verða áfram í talsverðan tíma eftir að jarðskjálftahrinunni er lokið á þessu svæði.

Í dag (6-Júlí-2020) varð aukning í jarðskjálftum á Tjörnesbrotabeltinu með jarðskjálfta upp á stærðina Mw3,5 klukkan 18:34 en þar á undan hafði orðið jarðskjálfti með stærðina Mw3,2 klukkan 15:40. Það er möguleiki á því að þessir jarðskjálftar hafi fundist. Þessi jarðskjálftahrina hófst þann 19-Júní og er ennþá í gangi og það eru því komnar þrjár vikur síðan þessi jarðskjálftahrina hófst.

Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Það er ennþá mjög mikil hætta á að þarna verði jarðskjálfti með stærðina Mw6,0 til Mw7,2. Það er ekkert sem bendir til þess að byrjað sé að draga úr þessari jarðskjálftahrinu. Jarðskjálftahrinan dettur hinsvegar niður í nokkra klukkutíma til daga reglulega áður en jarðskjálftavirkni eykst aftur.

Þetta hérna er síðasta uppfærslan um jarðskjálftahrinuna á Tjörnesbrotabeltinu þangað til eitthvað meira fer að gerast.

Það hefur dregið úr þeirri jarðskjálftavirkni sem er núna á Tjörnesbrotabeltinu og mjög fáir jarðskjálftar eru að ná stærðinni Mw3,0 eða stærri. Síðustu 48 klukkustundirnar hafa aðeins fimm jarðskjálftar komið fram með stærðina Mw3,0 eða stærri og aðeins hafa komið fram um 650 jarðskjálftar síðustu 48 klukkustundirnar. Stærsti jarðskjálftinn var með stærðina Mw4,1 klukkan 04:52.

Jarðskjálftavirknin á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Það er ennþá mikil hætta á jarðskjálftar með stærðina Mw7,0 til Mw7,4 á Tjörnesbrotabeltinu og það er ennþá viðvörun í gildi frá Veðurstofu Íslands vegna þessa. Misgengið sem kom jarðskjálftanum á Sunnudeginum 21 með jarðskjálftanum Mw6,0 (USGS/EMSC. Veðurstofan er með Mw5,8) var í kringum 20km til 30km langt misgengi í norður-suður átt í vest-suður-vestur af Grímsey. Þegar þessi grein er skrifuð hafa orðið meira en 7000 jarðskjálftar.

Þessi grein er stutt uppfærsla á stöðunni á jarðskjálftahrinunni á Tjörnesbrotabeltinu. Jarðskjálftahrinan heldur áfram en lítið hefur verið um jarðskjálfta stærri en Mw3,0 síðustu daga. Þegar þessi grein er skrifuð hafa um 1000 jarðskjálftar komið fram síðustu 48 klukkustundirnar. Það er ennþá í gildi viðvörun vegna mögulegs jarðskjálfta sem gæti náð stærðinni Mw7,0.

Jarðskjálftavirknin á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Jarðskjálftavirknin bendir til þess að vestasti hluti Flateyjar – Húsavíkur misgengsins sé orðin virkur (litlir jarðskjálftar í stefnu misgengisins). Árið 1755 varð þarna jarðskjálfti sem er talið að hafi verið með stærðina Mw7,0 eða stærri. Síðan varð mjög stór jarðskjálfti þarna árið 1260 en stærð þessa jarðskjálfta er ekki þekkt.

Að öðru leiti hefur ekki orðið mikil breyting á jarðskjálftavirkni síðustu daga á Tjörnesbrotabeltinu þar sem þessi jarðskjálftahrina á sér núna stað.

Vísindagreinar um Tjörnesbrotabeltið

Earthquakes in North Iceland (Enska, pdf)
Jarðskjálftavirkni á Norðurlandi (pdf)

Styrkir

Þeir sem vilja geta styrkt mína vinnu við þessa vefsíðu með því að nota PayPal takkann hérna til hægri á síðunni. Takk fyrir stuðninginn. 🙂

Hérna er stutt uppfærsla um Mw5,8 jarðskjálftann á Tjörnesbrotabeltinu (USGS/EMSC eru með stærðina Mw6,0) sem varð í gær klukkan 19:07. Jarðskjálftinn sem varð í gær var lengra úti í sjó og því voru áhrif þessa jarðskjálfta minni en ef hann hefði verið nær landi. Samkvæmt Veðurstofu Íslands þá er mikil hætta á jarðskjálfta þarna með stærðina Mw7,0 verði á þessu svæði í kjölfarið á þessum jarðskjálfta. Það er ekki hægt að segja til um það hvenær slíkur jarðskjálfti yrði.

Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Jarðskjálftahrinan er mjög þétt. Höfundaréttur þessar myndar tilheyrir Veðurstofu Íslands.

Ef að það verður stór jarðskjálfti þá mun ég reyna að setja inn upplýsingar eins fljótt og mögulegt er.

Frétt Veðurstofu Íslands

Jarðskjálftahrina 20 km norðaustur af Siglufirði

Á meðan ég er að bíða eftir tæknilegum upplýsingum um jarðskjálftann sem varð klukkan 19:07 þann 21-Júní-2020. Þau atriði verða í grein á morgun um jarðskjálftann. Þessi grein verður með myndir af jarðskjálftanum sem ég náði þegar hann átti sér stað. Það er greinilega eitthvað í gangi þar sem þessi jarðskjálfti kemur allt öðruvísi út heldur en fyrri jarðskjálftar með stærðina Mw5,2 og Mw5,6.

Jarðskjálftinn eins og hann kom fram hjá mér.

Jarðskjálftinn eins og hann kom fram hjá mér.

Jarðskjálftinn eins og hann kom fram hjá mér.

Jarðskjálftinn eins og hann kom fram hjá mér.

Há upplausn af jarðskjálftanum með stærðina Mw5,8. Þetta er Hvammstangi 1.

Há upplausn af jarðskjálftanum með stærðina Mw5,8. Þetta er Hvammstangi 2.

Jarðskjálftavirknin er komin yfir mjög stórt svæði. Höfundarréttur þessar myndar tilheyrir Veðurstofu Íslands.

Þetta er mjög mikil jarðskjálftavirkni. Höfundarréttur þessar myndar tilheyrir Veðurstofu Íslands.

Ég verð í vinnu á morgun frá klukkan 08:00 til 16:00 og mun því ekki geta brugðist við ef eitthvað gerist á þeim tíma. Ég mun fyrst geta brugðist við eftir klukkan 16:00. Það er langt í að þessari jarðskjálftavirkni sé lokið.

Í gær (20-Júní-2020) klukkan 19:26 varð jarðskjálfti með stærðina Mw5,6 á Tjörnesbrotabeltinu. Þessi jarðskjálfti fannst yfir mjög stórt svæði og komu inn tilkynningar frá Kópavogi og síðan Ísafirði um að jarðskjálftinn hafi fundist þar. Jarðskjálftinn fannst mjög vel þar sem ég er staðsettur en ekkert tjón varð vegna fjarlægðar frá upptökum jarðskjálftans. Þessi jarðskjálfti olli því að mikið var um grjótskriður í kjölfarið á jarðskjálftanum. Því hefur verið gefin út viðvörun um hættu á grjóthruni í fjöllum ef að annar jarðskjálfti verður. Á Flateyjar misgeningu er núna hætta á jarðskjálfta með stærðina Mw7,1. Þar hefur ekki orðið svo stór jarðskjálfti síðan árið 1755 og því er uppsöfnuð spenna þar mjög mikil. Þegar þessi grein er skrifuð hafa orðið 72 jarðskjálftar sem eru með stærðina Mw3,0 og stærri. Meira en 2000 jarðskjálftar hafa mælst síðan á Föstudaginn 19-Júní-2020. Jarðskjálftavirknin kemur í bylgjum og þegar þessi grein er skrifuð er minni jarðskjálftavirkni á svæðinu en hefur verið undanfarna klukkutíma. Síðasti stóri jarðskjálfti varð árið 1976 með stærðina Mw6,3 í austari hluta Tjörnesbrotabeltisins. Síðast var stór jarðskjálfti með stærðina Mw7,1 í vestari hluta Tjörnesbrotabeltisins árið 1963.

Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Það eru mjög margir jarðskjálftar að eiga sér stað. Höfundaréttur þessar myndar tilheyrir Veðurstofu Íslands.

Jarðskjálftinn með stærðina Mw5,6 eins og hann kom fram á jarðskjálftamælinum mínum á Hvammstanga (mælir 1).

Jarðskjálftinn með stærðina Mw5,6 eins og hann kom fram á jarðskjálftamælinum mínum á Hvammstanga (mælir 2).

Jarðskjálftinn með stærðina Mw5,6 eins og hann kom fram á tölvunni sem ég nota til þess að fylgjast með jarðskjálftavirkni.

Það er ekki hægt að segja til um það hvernig þessi jarðskjálftavirkni mun þróast á næstunni en hættan á stórum jarðskjálfta er ennþá til staðar og er mjög há núna og það mun væntanlega ekki breytast fyrr en þessi jarðskjálftahrinu er lokið ef að stór jarðskjálfti verður ekki í þessari jarðskjálftahrinu.

Í dag (20-Júní-2020) klukkan 15:05 varð jarðskjálfti með stærðina Mw5,2 á Tjörnesbrotabeltinu. Upplýsingar hérna munu verða úreltar mjög fljótt.

Jarðskjálftavirknin á Tjörnesbrotabeltinu. Höfundréttur þessar myndar tilheyrir Veðurstofu Íslands.

Jarðskjálftavirknin hefur verið mjög þétt. Höfundréttur þessar myndar tilheyrir Veðurstofu Íslands.

Jarðskjálftinn eins og hann kom fram á jarðskjálftamælinum hjá mér (Hvammstanga 2).

Jarðskjálftinn eins og hann kom fram á jarðskjálftamælinum hjá mér (Hvammstangi 1).

Jarðskjálftinn eins og hann kemur fram í forritinu sem ég nota til þess að fylgjast með jarðskjálftum.

Samkvæmt fréttum þá hefur orðið grjóthrun í fjöllum þegar stóri jarðskjálftinn gekk yfir. Þegar annar stór jarðskjálfti gengur yfir þá er ennþá hætta á slíku grjóthruni. Það er einnig hætta á stórum jarðskjálfta á þessu svæði næstu klukkutíma og daga.

— Það varð annar jarðskjálfti sem var stærri þegar ég skrifaði þessa grein. Upplýsingar um þann jarðskjálfta koma síðar.