Jarðskjálftahrina – Síða 82 – Jarðfræði á Íslandi

febrúar 14, 2015febrúar 14, 2015

Jarðskjálfti með stærðina 7,1(USGS) suður af Reykjaneshrygg

Klukkan 18:59 í dag (13-Febrúar-2015) varð jarðskjálfti með stærðina 7,1 (USGS) sunnan við Reykjaneshrygg. Samkvæmt EMSC var þessi jarðskjálfti með stærðina 6,8 (tengill). Þessi jarðskjálfti átti sér stað 1401 km suður af Reykjavík.

Staðsetning jarðskjálftans, stærð þessa jarðskjálfta var 7,1. Höfundaréttur að þessari mynd tilheyrir EMSC.

Nokkrir forskjálftar áttu sér stað áður en stóri jarðskjálftinn varð. Þeir voru með stærðina 5,3 og 4,9 (sjálfvirk mæling). Stærsti eftirskjálftinn var með stærðina 5,3 (sjálfvirk mæling). Þar sem þessir jarðskjálftar áttu sér stað mjög langt frá landi þá ollu þeir ekki neinum skemmdum og enginn fann fyrir þeim. Búast má við frekari jarðskjálftavirkni á þessu svæði næstu daga og vikur.

febrúar 10, 2015

Staðan í Bárðarbungu þann 10-Febrúar-2015

Engar stórar breytingar hafa átt sér stað í eldgosinu í Holuhrauni síðan síðasta grein var skrifuð. Sigið í Bárðarbungu heldur áfram. Eldgosið í Holuhrauni heldur áfram með svipuðum hætti og áður. Mengun vegna Brennisteinsdíoxíðs heldur áfram að vera vandamál undan vindi. Það eru komnar upp áhyggjur af súru þegar það mun fara að vora á Íslandi vegna þessarar mengunar, þar sem mikið af brennisteinsdíóxíð hefur bundist í snjó sem mun bráðna þegar vorar og renna í ár og yfir graslendi. Þegar brennisteinsdíóxíð binst við vatn þá myndar það súrt regn, sem hefur einnig verið vandamál.

Jarðskjálftar í Bárðarbungu síðustu 48 klukkutímana. Höfundaréttur að þessari mynd tilheyrir Veðurstofu Íslands.

Jarðskjálftavirkni er ennþá mikil í Bárðarbungu og var stærsti jarðskjálftinn síðustu 48 klukkustundirnar með stærðina 4,7. Það hefur ekki orðið jarðskjálfti með stærðina 5,0 síðan 8-Janúar samkvæmt fréttum. Ég tók eftir nokkrum djúpum jarðskjálftum sem höfðu átt sér stað í Bárðarbungu síðustu 48 klukkutímana. Þessir djúpu jarðskjálftar benda til þess að kvika sé að koma upp af miklu dýpi inn í eldstöðina. Það er erfitt að átta sig á því hvað þetta þýðir á þessari stundu.

Breyting á uppfærslum

Þar sem farið er að draga úr breytingum í Bárðarbungu og eldgosinu í Holuhrauni. Þá ætla ég að draga úr fjölda þeirra greina sem ég skrifa um Bárðarbungu. Af þessum sökum þá verður enginn grein á Föstudaginn (13-Febrúar). Næsta grein verður á Miðvikudaginn 18-Febrúar. Eftir það verða uppfærslur einu sinni í viku um stöðuna í Bárðarbungu. Ef eitthvað stórt gerist, þá mun ég skrifa grein um það eins fljótt og hægt er. Ég hef núna skrifað vikulegar greinar um Bárðarbungu í rúmlega fimm mánuði og það er mjög erfitt að skrifa alltaf um það sama.

febrúar 6, 2015

Staðan í Bárðarbungu þann 6-Febrúar-2015

Þessi grein verður aðeins styttri hjá mér vegna þess að ég er veikur (ég er frekar slæmt kvef).

Síðustu tvær vikur hefur sést mikil breyting á eldgosinu í Holuhrauni. Hraunmagnið í gígnum hefur lækkað umtalsvert.
Jarðskjálftum heldur áfram að fækka í Bárðarbungu. Jarðskjálftavirkni er engu að síður ennþá mjög mikil í Bárðarbungu samkvæmt skilgreiningunni.
GPS gögn sýna það að land heldur áfram að síga í áttina að Bárðarbungu.
Eldgosinu líkur kannski ekki fyrr en eftir 5 til 12 mánuði. Þó er hugsanlegt að eldgosið muni halda áfram í mörg ár með mjög litlu hraunflæði. Það er engin leið til þess að vera viss um hvað gerist.
Mengun af völdum Brennisteinsdíóxíð heldur áfram að vera vandamál á Íslandi eftir því hvert vindar blása hverju sinni. Gígurinn í Holuhrauni heldur áfram að losa frá 30.000 tonnum á dag og upp í 80.000 tonnum á dag.

Jarðskjálftavirknin í Bárðarbungu síðustu 48 klukkutímana. Höfundaréttur þessar myndar tilheyrir Veðurstofu Íslands.

Stærsti jarðskjálftinn í Bárðarbungu síðustu 48 klukkutímana var með stærðina 4,9 og átti hann upptök sín í norð-austur hluta öskju Bárðarbungu. Það núna liðinn einn mánuður síðan jarðskjálfti með stærðina 5,0 eða stærri varð í Bárðarbungu.

Styrkir: Ég vonast til þess að PayPal takkinn komi aftur í næstu viku. Annars er hægt að styrkja mig með því að kaupa vörur af Amazon eða með því að leggja beint inn á mig. Upplýsingar um það hvernig á að leggja bein inn á mig er að finna hérna. Takk fyrir stuðninginn.

febrúar 3, 2015

Staðan í Bárðarbungu þann 3-Febrúar-2015

Síðan síðasta uppfærsla var skrifuð þann 30-Janúar-2015 um stöðuna í Bárðarbungu hefur ekki mikið gerst í eldgosinu í Holuhrauni. Það hefur lækkað talsvert í gígnum samkvæmt myndum sem voru teknar í dag og birtar á internetinu. Háir hamrar hafa myndast þar sem hraunáin er, ég er ekki með nákvæma hæð á þeim en ég er að áætla að hæðin sé í kringum 30 til 40 metrar (ég gæti haft rangt fyrir mér).

Jarðskjálftavirknin í Bárðarbungu síðustu 48 klukkutímana. Höfundaréttur að þessari mynd tilheyrir Veðurstofu Íslands.

Stærsti jarðskjálftinn síðustu 48 klukkutímana var með stærðina 4,6. Annars hefur jarðskjálftavirkni verið með svipuðu móti og síðustu vikur í Bárðarbungu. Ég hef hinsvegar verið að sjá óróapúlsa síðustu daga í Bárðarbungu og það liggur ekki fyrir afhverju þessir óróapúlsar eru að eiga sér stað. Stærsti óróapúlsinn varð þann 30-Janúar-2015, síðan þá hafa minni óróapúslar komið fram. Það er ekki ljós afhverju þessir óróapúslar eru að koma fram núna. Hugsanlegar ástæður eru kvikuhreyfingar innan Bárðarbungu eða breytingar á háhitasvæðum í Bárðarbungu.

Komin er ný vefmyndavél við Holuhraun og hægt er að sjá þessa nýju vefmyndavél hérna.

febrúar 2, 2015

Lítil jarðskjálftahrina á Tjörnesbrotabeltinu

Í dag (02-Febrúar-2015) varð lítil jarðskjálftahrina á Tjörnesbrotabeltinu, þessi jarðskjálftahrina byrjaði í nótt og hefur eitthvað varað fram eftir degi. Stærsti jarðskjálftinn í þessari jarðskjálftahrinu var með stærðina 3,1. Þessa stundina hafa 59 jarðskjálftar mælst.

Jarðskjálftarnir á Tjörnesbrotabeltinu síðustu 48 klukkutíma. Græna stjarnan táknar það hvar jarðskjálftinn með stærðina 3,1 átti upptök sín. Höfundaréttur að þessari mynd tilheyrir Veðurstofu Íslands.

Tjörnesbrotabeltið er mjög virkt þegar það kemur að jarðskjálftavirkni. Það er orðið talsvert síðan jarðskjálftahrina varð á Tjörnesbrotabeltinu. Jarðskjálftar á Tjörnesbrotabeltinu geta farið upp í Mw7,0*.

* Hérna er eingöngu um að ræða vísun í söguna.

janúar 31, 2015

Staðan í Bárðarbungu þann 30-Janúar-2015

Síðan ég skrifaði síðustu grein um Bárðarbungu þá hefur lítið breyst í sjálfu eldgosinu. Það virðast hafa verið einhverjar breytingar í Bárðarbungu og mun ég fara yfir það síðar í þessari grein hérna. Hraunflæðið úr gígnum í Holuhrauni er ennþá í kringum 100m³/sek. Það virðast þó vera talsverðar breytingar á þessu flæði milli vikna, það hefur hinsvegar dregið mjög mikið úr þessu flæði undanfarnar vikur. Magn þess hrauns sem hefur komið upp er í kringum 1,4 km³ (rúmkílómetrar). Samkvæmt síðustu fréttum þá hefur hraunið verið að þykkna næst gígnum og er þar orðið rúmlega 40 metra þykkt. Nýtt mat jarðfræðinga bendir til þess að eldgosinu geti lokið á næstu 4 til 15 mánuðum.

Jarðskjálftahrinan í Bárðarbungu síðustu 48 klukkutíma. Höfundaréttur að þessari mynd tilheyrir Veðurstofu Íslands.

Jarðskjálftavirkni er ennþá frekar mikil í Bárðarbungu, en jarðskjálftavirknin hefur verið að minnka stöðugt síðustu vikunar. Það koma hinsvegar toppar í jarðskjálftavirkina og þess á milli þá minnkar virknin. Ég veit ekki ennþá hvort að lítið eldgos hafi átt sér stað í sjálfri Bárðarbungu í gær. Ekkert hefur verið staðfest ennþá og það getur liðið langur tími þangað til að þetta fæst staðfest. Ég er einnig farinn að sjá óróatoppa vegna háhitavirkni í Bárðarbungu (eftir því sem mér sýnist).

Ef eitthvað gerist í Bárðarbungu þá mun ég skrifa um það eins fljótt og hægt er.

janúar 30, 2015

Minniháttar jarðskjálftahrina á Reykjaneshrygg

Í gær (29-Janúar-2015) varð minniháttar jarðskjálftahrina á Reykjaneshrygg. Í kringum tuttugu jarðskjálftar áttu sér stað í þessari hrinu.

Jarðskjálftahrinan á Reykjaneshrygg. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari hrinu var með stærðina 3,2 og annar stærsti jarðskjálftinn í þessari hrinu var með stærðina 3,0. Líkur eru á því að fleiri jarðskjálftar verði á þessu svæði næstu dögum eða vikum. Reykjaneshryggur er oft mjög virkur þegar það kemur að jarðskjálftum.

janúar 30, 2015

Lítil jarðskjálftahrina í Helgafelli á Reykjanesskaga

Í gær (29-Janúar-2015) varð lítil jarðskjálftahrina í Helgafelli á Reykjaneshrygg. Stærsti jarðskjálftinn í þessari hrinu var með stærðina 3,2 og fannst í Hafnarfirði, sem er næsti bær við upptökin.

Jarðskjálftahrinan í Helgafelli á Reykjanesskaga. Höfundaréttur að þessari mynd tilheyrir Veðurstofu Íslands.

Það er möguleiki á frekari jarðskjálftavikni á þessu svæði á næstu dögum og vikum. Jarðskjálftahrinur eru mjög algengar á Reykjanesskaga.

janúar 30, 2015

Hugsanlegt smágos í jaðri öskju Báðarbungu

Það virðist sem að hugsanlegt smágos hafi orðið undir jökli í Bárðarbungu um klukkan 21:22 (þann 29-Janúar-2015). Hugsanlegt er að eldgosið hafi átt sér stað einhverstaðar í barmi öskju Bárðarbungu. Ég hef hinsvegar ekki neina staðfestinu á þessu eins og er, en þetta er hinsvegar það sem óróagögnin benda til. Óróinn sem fylgdi þessu varði í rúmlega 30 til 55 mínútur samtals. Ef það bráðnaði mikill jökull vegna þessa þá ætti vatnið að koma undan Vatnajökli á næstu 8 til 18 klukkutímum eftir því hvaða leið það fer undir jöklinum, mestar líkur eru á því að það fari í Jökulsá á Fjöllum. Jarðskjálftahrina fylgdi þessu litla eldgosi og var stærsti jarðskjálftinn með stærðina í kringum 4,5 samkvæmt sjálfvirkum mælingum.

Jarðskjálftahrinan í Bárðarbungu (rauðu punktanir) sem fylgdu óróanum frá þessum atburði. Höfundaréttur þessar myndar tilheyrir Veðurstofu Íslands.

Óróinn eins og hann kom fram á SIL stöðinni í Dyngjuhálsi. Óróinn sést við endann á þessu óróaplotti þar sem toppurinn er. Höfundaréttur þessar myndar tilheyrir Veðurstofu Íslands.

Óróinn kom greinilega fram á SIL stöðinni á Skrokköldu. Toppurinn sést greinilega þrátt fyrir annað sem sést greinilega. Höfundaréttur þessar myndar tilheyrir Veðurstofu Íslands.

Há upplausn af óróanum sýnir greinilega þetta smá eldgos sem varð undir jöklinum í kvöld. Þetta er greinilega merki um eldgos undir jökli. Höfundaréttur þessar myndar tilheyrir Veðurstofu Íslands.

Ef mun bæta hingað inn eða skrifa nýja grein ef eitthvað meira gerist. Ég mun skrifa um jarðskjálftana á Reykjaneshrygg á morgun.

janúar 28, 2015

Staðan í Bárðarbungu þann 27-Janúar-2015

Eldgosið í Holuhrauni heldur áfram eins og það hefur verið að gera undanfarið. Það er ekki mikil breyting á eldgosinu frá síðustu uppfærslu. Það hefur hinsvegar dregið hægt og rólega úr eldgosinu á undanförnum vikum. Það eru flóknar ástæða fyrir því afhverju það er að draga úr eldgosinu. Þetta eldgos mun hinsvegar enda einn daginn. Stærð hraunsins er óljós þessa stundina, magn þess hrauns sem hefur komið upp núna er í kringum 1,4 km³ (rúmkílómetri) samkvæmt síðustu fréttum. Sigkatlar í Vatnajökli sem situr ofan á Bárðarbungu hafa verið að dýpka undanfarnar vikur. Þetta þýðir að hveravirkni er að aukast á þessum svæðum þar sem þessi katlar eru að koma fram, það þýðir einnig að kvika er kominn mjög grunnt á þetta svæði í öskjubarmi Bárðarbungu. Þetta bendir einnig til þess að magn þeirrar kviku sem er þarna á grunnu dýpi er líklega að aukast. Hvort að þarna verður eldgos eða ekki er óljóst á þessari stundu, en það eru meiri líkur til þess en minni að þarna verði eldgos.

Jarðskjálftavirkni í Bárðarbungu síðustu 48 klukkutímana. Höfundaréttur að þessari mynd tilheyrir Veðurstofu Íslands.

Síðustu 48 klukkutíma hefur verið minna um jarðskjálfta í Bárðarbungu en á sama tíma í síðustu viku. Það eru toppar og lægðir í jarðskjálftavirkninni, einn daginn er mikið um jarðskjálfta, aðra daga fækkar jarðskjálftum mjög mikið. Síðan hefur einnig slæmt veður komið í veg fyrir að jarðskjálftar hafi verið að mælast almennilega undanfarið.

Síðustu viku voru jarðvísindamenn með mælingar á gasi nálægt eldgosinu í Holuhrauni. SO² er ennþá vandamál þar sem það blæs undan vindi.

Fréttir af eldgosinu í Holuhrauni

Til marks um hve hættulegt svæðið er (Rúv.is)
Rannsaka gas við Holuhraun (Rúv.is, Myndband)

Samþykki fyrir vefköku