Category: Eldstöð

Birt þann

Ný jarðskjálftahrina á Tjörnesbrotabeltinu (eldstöðin)

Í dag (21-Ágúst-2020) hófst jarðskjálftahrina í Tjörnesbrotabeltinu eldstöðinni. Það er óljóst hvort að hvort að þessi jarðskjálftavirkni sé vegna jarðskorpuhreyfinga á þessu svæði. Stærsti jarðskjálftinn á þessu svæði var með stærðina Mw3,2 þegar þessi grein er skrifuð. Aðrir jarðskjálftar sem hafa komið fram á þessu svæði hafa verið minni að stærð.


Jarðskjálftavirknin á Tjörnesbrotabeltinu (græn stjarna). Höfundaréttur þessar myndar tilheyrir Veðurstofu Íslands.

Þetta er ný jarðskjálftahrina og tengist ekki jarðskjálftahrinunni norður af Gjögurtá. Það eru því tvær jarðskjálftahrinur að eiga sér stað á Tjörnesbrotabeltinu núna. Jarðskjálftavirknin er ennþá í gangi þegar þessi grein er skrifuð.

Birt þann

Tveir sterkir jarðskjálftar í eldstöðinni Reykjanes

Í gær (31-Júlí-2020) urðu tveir jarðskjálftar með stærðina Mw3,4 og Mw3,0 í eldstöðinni Reykjanes og er þessi jarðskjálftavirkni hluti af þeirri þenslu sem á sér núna stað í eldstöðinni Reykjanes.


Jarðskjálftavirknin á Reykjanesinu. Höfundarréttur þessar myndar tilheyrir Veðurstofu Íslands.

Það er nánast stöðug jarðskjálftavirkni núna í eldstöðinni Reykjanes en jarðskjálftavirkni þar kemur í toppum með nokkura daga til vikna millibili. Ástæða þessa er innflæði kviku á 3 km til 10 km dýpi. Hversu mikil jarðskjálftavirkni á sér stað veltur alveg á því hversu mikil kvika er að flæða inn í eldstöðina en það virðist vera mismunandi innflæði kviku milli daga til vikna. Þar sem jarðskjálftavirkni er núna stöðug á þessu svæði þá er varanleg hætta á að þarna verði jarðskjálfti með stærðina Mw5,0 til Mw6,0 á þessu svæði.

Birt þann

Jarðskjálftavirkni í Kötlu í gærmorgun (27-Júlí-2020)

Í gærmorgun (27-Júlí-2020) varð jarðskjálftavirkni í Kötlu. Þetta var hefðbundin jarðskjálftavirkni í Kötlu á grunnu dýpi.


Jarðskjálftavirknin í Kötlu. Höfundarréttur þessar myndar tilheyrir Veðurstofu Íslands.

Stærsti jarðskjálftinn í þessari jarðskjálftahrinu var með stærðina Mw3,4 og annar stærsti jarðskjálftinn var með stærðina Mw2,8 en aðrir jarðskjálftar sem komu fram voru minni að stærð. Það varð engin breyting á óróa fyrir eða eftir að þessir jarðskjálftar áttu sér stað. Þessir jarðskjálftar hafa verið tengdir við að katlar í Mýrdalsjökli hafa verið að tæmast í sumar. Það gerist mjög oft á sumrin.

Birt þann

Jarðskjálftavirkni í Kötlu

Í nótt þann 23-Júlí-2020 klukkan 05:36 varð jarðskjálfti í eldstöðinni Kötlu með stærðina Mw3,3. Það hefur ekki orðið nein breyting á óróa í kjölfarið á þessum jarðskjálfta og það þýðir að kvikan hefur ekki farið af stað í kjölfarið á jarðskjálftanum. Á þeim klukkutímum sem síðan þessir jarðskjálfti átti sér stað hefur ekki orðið nein breyting á óróa í Kötlu.


Jarðskjálftavirknin í Kötlu. Höfundarréttur þessar myndar tilheyrir Veðurstofu Íslands.

Jarðskjálftar sem höfðu orðið fyrr um nóttina voru með stærðina Mw2,7 og Mw2,4. Aðrir jarðskjálftar sem komu fram voru minni að stærð. Ég reikna ekki með að neitt meira gerist og að eldstöðin Katla verður bara róleg.

Birt þann

Kröftug jarðskjálftahrina nærri Fagradalsfjalli

Í gær (19-Júlí-2020) klukkan 23:36 varð kröftugur jarðskjálfti með stærðina Mw5,1 0,3 km suð-vestur af Fagradalsfjalli í eldstöðinni Reykjanes. Þetta er á sama svæði og ég hafði skrifað um í fyrri grein. Þegar þessi grein er skrifuð þá hafa komið fram 1340 jarðskjálftar síðustu 48 klukkutímana. Annar stærsti jarðskjálftinn varð klukkan 06:23 og var sá jarðskjálfti með stærðina Mw5,0. Þegar þessi grein er skrifuð hafa orðið 26 jarðskjálftar sem eru stærri en Mw3,0. Tilkynnt hefur verið um grjótskriður í kjölfarið á stærstu jarðskjálftunum og líklegt er að frekari grjótskriður verði ef fleiri stærri jarðskjálftar verða.


Jarðskjálftavirknin á Reykjanesskaga í eldstöðinni Reykjanes. Það er mikið um rangar staðsetningar þar sem SIL kerfið ræður ekki almennilega við þennan fjölda af jarðskjálftum. Höfundarréttur þessar myndar tilheyrir Veðurstofu Íslands.


Jarðskjálftavirknin á Reykjanesskaga í eldstöðinni Reykjanes. Höfundarréttur þessar myndar tilheyrir Veðurstofu Íslands.

Þessi jarðskjálftavirknin hefur verið tengd við kvikuinnskot á þessu svæði frá eldstöðinni Reykjanes. Það er ekki vitað á þessari stundu hvort að kvikan sé að ferðast í áttina þar sem jarðskjálftahrinan er að eiga sér stað núna eða ekki. Þegar þessi grein er skrifuð þá hefur dregið úr jarðskjálftavirkni á þessu svæði. Hversu lengi það mun draga úr jarðskjálftavirkni á þessu svæði er ekki hægt að segja til um. Það er aukin hætta á mjög stórum jarðskjálfta á þessu svæði í kjölfarið á þessari jarðskjálftahrinu.

Birt þann

Jarðskjálftahrina í Reykjanes eldstöðinni

Það hefur verið jarðskjálftahrina í eldstöðinni Reykjanes síðustu klukkutíma nærri Fagradalsfjalli sem er mögulega innan eldstöðvarinnar Reykjanes en gæti einnig verið aðeins fyrir utan. Þegar þessi grein er skrifuð hefur ekki komið fram neinn jarðskjálfti sem hefur farið yfir stærðina Mw2,0. Það gæti breyst án viðvörunar.


Jarðskjálftavirkni í eldstöðinni Reykjanes. Höfundarréttur þessar myndar tilheyrir Veðurstofu Íslands.

Það er ekkert sem bendir til þess að kvika sé farin að leita upp á yfirborðið þegar þessi grein er skrifuð. Jarðskjálftahrinan er hinsvegar eitthvað sem þarf að fylgjast með þar sem hætta er á sterkum jarðskjálftum á þessu svæði á næstu klukkutímum. Þenslu gögn frá GPS mælingum eru ennþá óljós. Það er einnig jarðskjálftahrina norður af Grindavík en síðustu klukkutímana hefur dregið úr þeirri jarðskjálftavirkni.

Birt þann

Tveir sterkir jarðskjálftar norður af Grindavík

Í dag (18-Júlí-2020) klukkan 05:41 og klukkan 05:56 urður tveir sterkir jarðskjálftar með stærðina Mw3,2 og Mw4,1 í eldstöðinni Reykjanes. Þessir jarðskjálftar fundust í Grindavík og í Reykjanes. Það er ekki neitt komið fram í GPS gögnum sem sýnir þetta kvikuinnskot sem er greinilega farið af stað þarna. Sterkustu jarðskjálftarnir voru aðeins á 2,5 km dýpi.


Jarðskjálftahrinan norðan við Grindavík. Höfundaréttur þessar myndar tilheyrir Veðurstofu Íslands.

Þessi kvikuinnskot eru núna orðin endurtekin og það bendir sterklega til þess að þarna muni eldgos eiga sér stað. Það sem ekki er hægt að segja til um að hvenær slíkt eldgos yrði en væntanlega kæmu fram fleiri jarðskjálftar áður en að eldgosi yrði. Núverandi dýpi minni jarðskjálfta er frá 8 km til 0,1 km. Jarðskjálftar sem eiga sér stað á grunnu dýpi eru væntanlega bara jarðskjálftar sem eiga sér stað í jarðskorpunni vegna spennubreytinga og þrýstibreytinga vegna kviku sem er dýpra á þessu svæði. Það er ennþá hætta á mjög stórum jarðskjálfta á þessu svæði.

Birt þann

Tveir sterkir jarðskjálftar í Bárðarbungu í fyrradag (14-Júlí-2020)

Í fyrradag þá urðu tveir sterkir jarðskjálftar í Bárðarbungu. Þessir jarðskjálftar voru með stærðina Mw3,0 (klukkan 23:41 þann 13-Júlí-2020) og jarðskjálfti með stærðina Mw3,6 (klukkan 00:56 þann 14-Júlí-2020). Þessir jarðskjálftar eiga sér stað vegna þess að kvika er að safnast fyrir í eldstöðinni eftir eldgosið sem varð í Holuhrauni árið 2014 til Febrúar 2015.


Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Það komu fram tveir jarðskjálftar með stærðina Mw2,5 og voru þetta eftirskjálftar. Aðrir jarðskjálftar sem komu fram voru minni að stærð. Þessi jarðskjálftavirkni er hefðbundin í Bárðarbungu núna og það voru engin merki þess að eldgos væri að fara að hefjast enda mundi slíkt valda mun meiri jarðskjálftavirkni og yrði sú jarðskjálftavirkni svipuð þeirri sem varð áður en eldgosið hófst í Holuhrauni í September 2014 til Febrúar 2015 í Bárðarbungu.

Birt þann

Jarðskjálftahrina í eldstöðinni Reykjanes norð-austur af Grindavík

Í gær (9-Júlí-2020) varð jarðskjálftahrina í eldstöðinni Reykjanes. Stærsti jarðskjálftinn í þessari jarðskjálftahrinu var með stærðina Mw3,3 og ástæða þessar jarðskjálftahrinu var innskot kviku á 4 til 6 km dýpi norð-austan við Grindavík á svæði þar sem virðist vera gömul sprunga á svæðinu.


Jarðskjálftavirknin á Reykjanesskaga nærri Grindavík í gær. Höfundarréttur þessar myndar tilheyrir Veðurstofu Íslands.

Það er möguleiki á því að kvikan sem er að valda þessari virkni sé komin eins grunnt og á 3 km dýpi en það er erfitt að vera viss nákvæmlega hver staðan er breytingar á gps gögnum næstu daga ættu að gefa vísbendingar um það hvernig staðan er. Það virðist sem að ekki sé næg kvika á svæðinu til þess að koma af stað eldgosi en það er einnig mögulegt að aðrir óþekktir þættir séu að valda því að kvikan sé ekki að leita til yfirborðs eins og stendur.

Birt þann

Lítil jarðskjálftahrina í Kötlu í nótt

Í nótt var lítil jarðskjálftahrina í Kötlu. Stærsti jarðskjálftinn var með stærðina Mw2,9 en aðrir jarðskjálftar sem urðu voru minni að stærð.


Jarðskjálftavirknin í Kötlu. Höfundaréttur þessar myndar tilheyrir Veðurstofu Íslands.

Það er ekkert sem bendir til þess að eldgos sé að fara að hefjast í Kötlu. Til þess er jarðskjálftavirknin of lítil þessa stundina til þess að eldgos sé á leiðinni. Það er spurning hvort að ketill sé að fara að tæma sig af vatni en slíkt getur valdið jarðskjálftum bæði fyrir og eftir slíkt jökulflóð.

Gögn frá árinu 2010 til 2017 benda til þess að áður en eitthvað fer að gerast í Kötlu þá er hægfara aukning í jarðskjálftum í Kötlu. Það var lítið eldgos í Kötlu í Júlí 2011 (miðað við óróaplott) og síðan gerðist eitthvað í Júlí 2017 (hægt er að lesa þá grein hérna). Í Júlí 2017 varð jarðskjálfti með stærðina Mw4,5 í Kötlu sem olli ekki eldgosi. Grein um þann jarðskjálfta er að finna hérna.

Það hefur mjög rólegt í Kötlu árið 2020 og þegar þessi grein er skrifuð eru engin merki um að breytingar í Kötlu. Það besta sem hægt er að gera núna er að halda áfram að fylgjast með virkninni í Kötlu.