Category: Kvika

Birt þann

Tveir sterkir jarðskjálftar norður af Grindavík

Í dag (18-Júlí-2020) klukkan 05:41 og klukkan 05:56 urður tveir sterkir jarðskjálftar með stærðina Mw3,2 og Mw4,1 í eldstöðinni Reykjanes. Þessir jarðskjálftar fundust í Grindavík og í Reykjanes. Það er ekki neitt komið fram í GPS gögnum sem sýnir þetta kvikuinnskot sem er greinilega farið af stað þarna. Sterkustu jarðskjálftarnir voru aðeins á 2,5 km dýpi.


Jarðskjálftahrinan norðan við Grindavík. Höfundaréttur þessar myndar tilheyrir Veðurstofu Íslands.

Þessi kvikuinnskot eru núna orðin endurtekin og það bendir sterklega til þess að þarna muni eldgos eiga sér stað. Það sem ekki er hægt að segja til um að hvenær slíkt eldgos yrði en væntanlega kæmu fram fleiri jarðskjálftar áður en að eldgosi yrði. Núverandi dýpi minni jarðskjálfta er frá 8 km til 0,1 km. Jarðskjálftar sem eiga sér stað á grunnu dýpi eru væntanlega bara jarðskjálftar sem eiga sér stað í jarðskorpunni vegna spennubreytinga og þrýstibreytinga vegna kviku sem er dýpra á þessu svæði. Það er ennþá hætta á mjög stórum jarðskjálfta á þessu svæði.

Birt þann

Tveir sterkir jarðskjálftar í Bárðarbungu í fyrradag (14-Júlí-2020)

Í fyrradag þá urðu tveir sterkir jarðskjálftar í Bárðarbungu. Þessir jarðskjálftar voru með stærðina Mw3,0 (klukkan 23:41 þann 13-Júlí-2020) og jarðskjálfti með stærðina Mw3,6 (klukkan 00:56 þann 14-Júlí-2020). Þessir jarðskjálftar eiga sér stað vegna þess að kvika er að safnast fyrir í eldstöðinni eftir eldgosið sem varð í Holuhrauni árið 2014 til Febrúar 2015.


Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Það komu fram tveir jarðskjálftar með stærðina Mw2,5 og voru þetta eftirskjálftar. Aðrir jarðskjálftar sem komu fram voru minni að stærð. Þessi jarðskjálftavirkni er hefðbundin í Bárðarbungu núna og það voru engin merki þess að eldgos væri að fara að hefjast enda mundi slíkt valda mun meiri jarðskjálftavirkni og yrði sú jarðskjálftavirkni svipuð þeirri sem varð áður en eldgosið hófst í Holuhrauni í September 2014 til Febrúar 2015 í Bárðarbungu.

Birt þann

Jarðskjálftahrina í eldstöðinni Reykjanes norð-austur af Grindavík

Í gær (9-Júlí-2020) varð jarðskjálftahrina í eldstöðinni Reykjanes. Stærsti jarðskjálftinn í þessari jarðskjálftahrinu var með stærðina Mw3,3 og ástæða þessar jarðskjálftahrinu var innskot kviku á 4 til 6 km dýpi norð-austan við Grindavík á svæði þar sem virðist vera gömul sprunga á svæðinu.


Jarðskjálftavirknin á Reykjanesskaga nærri Grindavík í gær. Höfundarréttur þessar myndar tilheyrir Veðurstofu Íslands.

Það er möguleiki á því að kvikan sem er að valda þessari virkni sé komin eins grunnt og á 3 km dýpi en það er erfitt að vera viss nákvæmlega hver staðan er breytingar á gps gögnum næstu daga ættu að gefa vísbendingar um það hvernig staðan er. Það virðist sem að ekki sé næg kvika á svæðinu til þess að koma af stað eldgosi en það er einnig mögulegt að aðrir óþekktir þættir séu að valda því að kvikan sé ekki að leita til yfirborðs eins og stendur.

Birt þann

Lítil jarðskjálftahrina í Kötlu í nótt

Í nótt var lítil jarðskjálftahrina í Kötlu. Stærsti jarðskjálftinn var með stærðina Mw2,9 en aðrir jarðskjálftar sem urðu voru minni að stærð.


Jarðskjálftavirknin í Kötlu. Höfundaréttur þessar myndar tilheyrir Veðurstofu Íslands.

Það er ekkert sem bendir til þess að eldgos sé að fara að hefjast í Kötlu. Til þess er jarðskjálftavirknin of lítil þessa stundina til þess að eldgos sé á leiðinni. Það er spurning hvort að ketill sé að fara að tæma sig af vatni en slíkt getur valdið jarðskjálftum bæði fyrir og eftir slíkt jökulflóð.

Gögn frá árinu 2010 til 2017 benda til þess að áður en eitthvað fer að gerast í Kötlu þá er hægfara aukning í jarðskjálftum í Kötlu. Það var lítið eldgos í Kötlu í Júlí 2011 (miðað við óróaplott) og síðan gerðist eitthvað í Júlí 2017 (hægt er að lesa þá grein hérna). Í Júlí 2017 varð jarðskjálfti með stærðina Mw4,5 í Kötlu sem olli ekki eldgosi. Grein um þann jarðskjálfta er að finna hérna.

Það hefur mjög rólegt í Kötlu árið 2020 og þegar þessi grein er skrifuð eru engin merki um að breytingar í Kötlu. Það besta sem hægt er að gera núna er að halda áfram að fylgjast með virkninni í Kötlu.

Birt þann

Jarðskjálftavirkni í Bárðarbungu

Í dag (14-Júní-2020) varð jarðskjálfti með stærðina Mw3,4 í Bárðarbungu. Svona jarðskjálftavirkni er regluleg í Bárðarbungu eftir eldgosið í Holuhrauni árin 2014 til 2015.


Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Þessi jarðskjálftavirkni er venjulega í norð-austur hluta öskjunnar eða í suður-austur hluta öskjunnar. Þessi jarðskjálfti varð í suður-austur hluta öskjunnar. Það verða frekari jarðskjálftar í Bárðarbungu á næstu dögum og vikum og ættu ekki að koma neinum á óvart í dag.

Birt þann

Snögg aukning í jarðskjálftum í Þorbirni (Reykjanes/Svartsengi eldstöðvum)

Í morgun (13-Júní-2020) um klukkan 06:00 jókst jarðskjálftavirkni í Þorbirni norðan við Gríndavík. Þéttasta hrina af jarðskjálftum var vestan við Bláa lónið og á öðrum nálægum svæðum. Þær eldstöðvar sem eru virkar hérna eru Reykjanes og Svartsengi (enginn síða á Global Volcanism Program). Kort er hægt að finna hérna og hérna (sjá höggunarkort).


Svæði þar sem jarðskjálftahrinur hafa orðið síðustu daga við Grindavík. Hægt er að skoða kortið hérna. Höfundaréttur þessar myndar tilheyrir Veðurstofu Íslands.


Jarðskjálftahrinan við Grindavík. Höfundaréttur þessar myndar tilheyrir Veðurstofu Íslands.

Stærsti jarðskjálftinn sem hefur orðið þegar þessi grein er skrifuð var með stærðina Mw3,5 klukkan 20:27 en þar sem þessi jarðskjálftahrina er ennþá í gangi þá gæti þessi tala breyst án nokkurar viðvörunar.

Það var einnig umtalsverður hávaði á óróaplottinu næst upptökum jarðskjálftahrinunnar. Það bendir til þess að eitthvað sé í gangi en ég veit ekki hvað það gæti verið eins og stendur. Bláa línan verður þykkari þegar jarðskjálftahrinan er í gangi.


Óróaplottið þegar jarðskjálftahrinan gekk yfir. Höfundaréttur þessar myndar tilheyrir Veðurstofu Íslands.

Það hefur ekki orðið nein breyting á GPS (gögnin er hægt að skoða hérna) þegar þessi grein er skrifuð. Það gæti hinsvegar breyst á næstu dögum.

Birt þann

Jarðskjálftahrina norð-austur af Grindavík

Í gær (30-Maí-2020) klukkan 01:07 hófst jarðskjálftahrina norð-austur af Grindavík í eldstöðinni Reykjanes (Svartsengi hlutanum) austan við fjallið Þorbjörn. Jarðskjálftahrinan er mjög líklega ennþá í gangi og því verða upplýsingar hérna úreltar á mjög skömmum tíma. Upplýsingar núna benda ekki til þess að eldgos sé að fara að hefjast á þessu svæði.


Jarðskjálftahrinan við Grindavík. Höfundarréttur þessar myndar tilheyrir Veðurstofu Íslands.

Þetta bendir sterklega til þess að þensla sé hafin á þessu svæði í eldstöðinni og mögulega á svipuðum hraða og áður en slíkt mun krefjast staðfestingar frá GPS og gervihnattagögnum og slíkar staðfestingar taka nokkra daga. Þetta eru gögn sem Veðurstofan og Háskóli Íslands hafa eingöngu aðgang að þar sem þetta eru gögn sem eru fengin frá gervihnöttum NASA sem eru notaðir til að fylgjast með eldstöðvum.

Birt þann

Jarðskjálfti í Bárðarbungu í nótt (30-Maí-2020)

Stakur jarðskjálfti varð í eldstöðinni Bárðarbungu klukkan 01:20 og var stærð þessa jarðskjálfta Mw3,5 og þetta var stakur jarðskjálfti. Síðast þegar svona gerðist kom fram sterkur jarðskjálfti nokkru síðar en það gerist ekki alltaf. Þessi jarðskjálftavirkni í Bárðarbungu er vegna þess að eldstöðin er að þenjast út vegna innflæði kviku eftir eldgosið í Holuhrauni Ágúst árið 2014 til Febrúar 2015. Jarðskjálftinn sem varð í dag varð á hefðbundum stað í norð-austur hluta Bárðarbungu.


Jarðskjálftavirknin í Bárðarbungu. Höfundarréttur þessar myndar tilheyrir Veðurstofu Íslands.

Þessi jarðskjálftavirkni er venjulegt og þýðir ekki að eldgos sé væntanlegt vegna þess að eftir eldgosið 2014 til 2015 mun líða talsverður tími þangað til að eldgos verður næst í Bárðarbungu.

Birt þann

Þensla hefst á ný við Þorbjörn á Reykjanesskaga

Samkvæmt fréttum frá Veðurstofu Íslands og Rúv þá er þensla hafin aftur við fjallið Þorbjörn á Reykjanesskaga eftir nokkrar vikur af lítilli virkni á þessu svæði og engri þenslu. Þenslan er lítil á þessari stundu en það gæti breyst án nokkurar viðvörunar. Það er ekki víst að þarna verði mikil jarðskjálftavirkni á þessu svæði þar sem svæðið er nú þegar mjög mikið þanið út en mesta hættan er á jarðskjálftum í jaðrinum á þessu svæði og þar er mesta hættan á jarðskjálfta sem gæti náð stærðinni Mw6,0 en það er ekki hægt að segja til um það hvernig staðan er á þessu svæði vegna þess hversu mörg misgengi eru á þessu svæði vegna eldstöðva og rekdalsins sem þarna er (dalurinn er fullur af hrauni).


Í gær var jarðskjálftahrina norðan við Grindavík. Höfundarréttur þessar myndar tilheyrir Veðurstofu Íslands.

Það er ekki hægt að segja til um það hvernig þetta mun þróast á næstu dögum og vikum með neinni vissu. Þar sem þarna hefur ekki orðið eldgos í hátt í 800 ár. Það er ekki vitað hvernig eldstöðin er þegar þarna verður eldgos og þensla á sér stað.

GPS gögn er að finna hérna.

Fréttir af þessu

Land virðist farið að rísa við Þorbjörn á ný (Rúv)
Vísbendingar um að landris sé hafið að nýju við Þorbjörn (Vísir.is)

Birt þann

Aukning í jarðskjálftum í eldstöðinni Reykjanes

Síðan snemma í morgun (18-Maí-2020) hefur verið smá aukning í jarðskjálftum í eldstöðinni Reykjanes. Síðustu vikur þá hefur verið sig á svæðinu og þensla hefur stöðvast á þessu svæði sem nær frá eldstöðinni Reykjanes og til Krýsuvíkur. Svona atburðir og hegðun í eldstöð er eitthvað sem má búast við (sjá Kröfluelda og eldstöðina Krafla árin 1980 til 1984).


Jarðskjálftavirknin á Reykjanesskaga síðasta sólarhringinn. Höfundaréttur þessar myndar tilheyrir Veðurstofu Íslands.

Fyrir utan þessa virkni þá hefur verið mjög rólegt á Íslandi síðusta mánuðinn og það er hugsanlegt að svo verði áfram. Þetta gerist reglulega á Íslandi.

Styrkir

Þeir sem vilja styrkja mig geta gert það með því að nota PayPal takkann hérna til hliðar. Það tryggir að ég geti haldið þessari vefsíðu uppi og gangandi. Takk fyrir stuðninginn. 🙂