Category: Kvika

Birt þann

Hrina af litlum jarðskjálftum í eldstöðinni Reykjanes

Í dag (11-Nóvember-2020) varð jarðskjálftahrina af litlum jarðskjálftum í eldstöðinni Reykjanes. Þarna urðu bara litlir jarðskjálftar og stærsti jarðskjálftinn var með stærðina Mw1,7. Þegar þessi grein er skrifuð hafa komið fram 76 jarðskjálftar á Reykjanesskaga.


Jarðskjálftahrinan í eldstöðinni Reykjanes. Höfundaréttur þessar myndar tilheyrir Veðurstofu Íslands.

Það er ekki mikil breyting á GPS mælingum á svæðinu fyrir utan breytingu sem bendir til þess að þensla sé hafin í eldstöðinni Krýsuvík. Hægt er að skoða GPS gögnin á vefsíðu Háskóla Íslands, GPS mælingar Reykjanes.

Styrkir

Það er hægt að styrkja mína vinnu við þessa vefsíðu með því að nota PayPal takkann hérna á vefsíðunni. Ég er mjög blankur í Nóvember en ég vonast til þess að þetta fari að breytast á hjá mér á næsta ári en það veltur á hlutum sem ég hef enga stjórn á. Takk fyrir stuðninginn. 🙂

Birt þann

Mikil þensla mælist í eldstöðinni Reykjanes eftir Mw5,6 jarðskjálftann

Jarðskjálftinn sem varð þann 20-Október-2020 olli því að það hófst kröftug þensla í eldstöðinni Reykjanes í kjölfarið samkvæmt mælingum Veðurstofu Íslands. Þenslan er í dag í kringum 50mm þar sem mest er og sést vel á GPS mælingum (GPS time series for Reykjanes).


Þenslan í eldstöðinni Reykjanes. Ég þurfti að minnka myndina vegna krafna frá WordPress kerfinu. Hægt er að sjá myndina í fullri stærð hérna á vefsíðu Veðurstofu Íslands. Rauður er þensla og blá svæði eru svæði sem eru lægra í mælingunni. Höfundaréttur þessar myndar tilheyrir Veðurstofu Íslands.

Þenslan sést mjög vel á GPS stöðvum sem eru næst þessu svæði. Þarna er fjallið Keilir sem myndaðist í eldgosi einhverntímann á síðustu ísöld. Þessi þensla útskýrir einnig þá jarðskjálftavirkni sem er á þessu svæði og ég skrifaði um í fyrri grein.


Jarðskjálftavirknin á Reykjanesskaga og í eldstöðinni Reykjanes. Vegna slæms veðurs þá mælast minni jarðskjálftar verr þessa dagana. Höfundarréttur þessar myndar tilheyrir Veðurstofu Íslands.

Þegar þessi grein er skrifuð þá reikna ég með að það muni verða frekari jarðskjálftar á þessu svæði auk þess sem meiri þensla mun koma fram í eldstöðinni Reykjanes. Það er ekki hægt að segja til um það núna hvenær eldgos yrði í eldstöðinni Reykjanes.

Frétt Veðurstofu Íslands á ensku

Significant ground deformation detected associated with recent earthquakes (en.vedur.is)

Birt þann

Jarðskjálftavirkni á misgengi með stefnuna vestur – austur á Reykjanesskaga í eldstöðinni Reykjanes

Í dag (24-Október-2020) þá tók ég eftir því að jarðskjálftar hafa verið að raða sér upp á það sem virðist vera misgengi sem er með stefnuna vestur til austur á Reykjanesskaga og þessi jarðskjálftahrina hefur verið í gangi síðan í gær (23-Október-2020). Þetta misgengi er í eldstöðinni Reykjanes virðist vera. Þessir jarðskjálftar eru litlir og koma aðeins inn eftir að Veðurstofan hefur farið handvirkt yfir mælingar af þessum jarðskjálftum. Þessir jarðskjálftar koma ekki inn sjálfvirkt virðist vera. Lengd þessa misgengist virðist vera 20 til 30 km löng, það er hinsvegar erfitt að segja nákvæmlega til um lengd þessa misgengi þegar þessi grein er skrifuð.


Jarðskjálftavirknin á Reykjanesskaga í eldstöðinni Reykjanes. Höfundarréttur þessar myndar tilheyrir Veðurstofu Íslands.

Þarna eru fleiri misgengi sem eru virk. Eitt eða tvö af þessum misgengum eru að mestu í norður-suður átt og eitt misgengið er suðvestur til norðaustur átt. Það er einnig jarðskjálftar í Krýsuvík en þar virðast ekki hafa komið fram misgengi eins og í eldstöðinni Reykjanesi þegar þessi grein er skrifuð. Þetta mat hjá mér virðist vera stutt af GPS gögnum frá Háskóla Íslands, þessi GPS gögn er hægt að skoða hérna (GPS time series for Reykjanes). Það er ekki eða mjög erfitt að vita hvað gerist næst í þessu. Það er stormur að ganga yfir Ísland núna og það kemur í veg fyrir að litlir jarðskjálftar mælist á þessu svæði. Veðurspáin fyrir næstu viku lofar ekki góðu (grein skrifuð Laugardaginn 24-Október-2020).

Það er staðreynd að ekki öll eldgos krefjast þess að það verði stór og kröftug jarðskjálftahrina áður en það fer að gjósa. Ég veit ekki hvort að þetta á við eldstöðina Reykjanes.

Birt þann

Sterk brennisteinslykt frá Grænavatni og aukin jarðhitavirkni í hverum í Krýsuvík

Þetta er stutt uppfærsla

Samkvæmt fréttum frá því í gær (22-Október-2020) á Stöð 2 þá er sterk brennisteinslykt að koma frá Grænavatni. Það hefur einnig orðið vart við aukin jarðhita í hverum í Krýsuvík. Sú breyting gæti reyndar bara verið vegna breytinga á leiðum sem vatn fer vegna jarðskjálftans sem varð 20-Október-2020. Nýjar sprungur hafa einnig myndast og valdið litlum skriðum við ströndina. Þær sprungur sem hafa myndast á yfirborðinu á Reykjanesinu eru hættulegar og fólk ætti ekki að fara nærri ströndinni á þessu svæði núna. Það kemur orðið nýr jarðskjálfti hvenær sem er án nokkurar viðvörunnar.

Sjálfvirk GPS gögn benda til þess að mikil þensla sé hafin í eldstöðinni Krýsuvík. Miklu frekar en að þetta sé færsla á GPS stöðinni vegna jarðskjálftans og þá er ég að miða við aðrar GPS stöðvar sem eru þarna í nágrenninu.

Fréttir af þessu

Brún Krýsuvíkurbjargs sprungin og varasöm eftir jarðskjálftana (Stöð 2, Vísir.is)

Birt þann

Dregur hægt og rólega úr jarðskjálftavirkninni eftir Mw5,6 jarðskjálftann í gær (20-Október-2020)

Síðan jarðskjálftinn varð í gær (20-Október-2020) er farið að draga hægt og rólega úr jarðskjálftavirkninni á Reykjanesskaga í eldstöðvunum Reykjanes og Krýsuvík eftir Mw5,6 jarðskjálftann sem varð í gær. Þegar þessi grein er skrifuð þá hafa orðið 30 jarðskjálftar sem eru stærri en Mw3,0 á þessu svæði og hafa einhverjir af þessum jarðskjálftum fundist í byggð.


Jarðskjálftavirknin á Reykjanesskaga í dag aðeins meira en sólarhring eftir Mw5,6 jarðskjálftann. Höfundarréttur þessar myndar tilheyrir Veðurstofu Íslands.

Þegar þessi grein er skrifuð þá er tala mældra jarðskjálfta farin að nálgast 2000 jarðskjálfta. Það er hætta á stærri jarðskjálftum bæði vestan og austan við staðsetningu Mw5,6 jarðskjálftans sem varð í gær. Stærstu mögulegu jarðskjálftar á þessu svæði geta náð stærðinni Mw6,5 til Mw6,7 eftir því hvar þeir verða en sterkustu jarðskjálftarnir verða austan við jarðskjálftan sem varð í gær í eldstöðinni Brennisteinsfjöllum.

Samkvæmt fréttum þá er búið að tilkynna um fyrstu meiðslin vegna jarðskjálftans í gær einnig sem að útsýnispallur eyðilagðist í jarðskjálftanum í gær á svæði sem var mjög nálægt upptökum jarðskjálftans.

Rotaðist þegar jörðin kippt­ist und­an (mbl.is)

Ég mun setja inn uppfærslur eins hratt og mögulegt er ef eitthvað gerist. Þegar þessi grein er skrifuð þá eru ekki nein merki um það að eldgos sé að fara að hefjast eða að eldgos hafi átt sér stað á þessu svæði.

Birt þann

Tilkynnt um gaslykt nærri Grænavatni samkvæmt Veðurstofu Íslands eftir jarðskjálftann í gær (20-Október-2020)

Samkvæmt frétt frá Veðurstofu Íslands klukkan 22:20 þá hefur orðið vart við aukna gaslykt í nágrenni við Grænavatn eftir jarðskjálftann í gær (20-Október-2020). Þessi gaslykt bendir til þess að kvika sé hugsanlega á ferðinni í jarðskorpunni en það er erfitt að vera fullkomlega viss um það. Þetta væri mjög líklega í eldstöðinni Reykjanes.


Grænavatn. Höfundarréttur þessar myndar tilheyrir Google Earth / Google.


Jarðskjálftavirknin á Reykjanesskaga klukkan 00:00 þann 21-Október-2020. Höfundarréttur þessar myndar tilheyrir Veðurstofu Íslands.

Þegar þessi grein er skrifuð hefur ekki orðið nein breyting á óróa á nálægum SIL stöðvum. Ef að kvika fer af stað þá er hugsanlegt að slíkt gerist án mikillar viðvörunar en það er erfitt að vera viss um slíkt þegar þessi grein er skrifuð.

Birt þann

Jarðskjálftinn á Reykjanesi – staðan klukkan 19:20

Þetta er síðasta uppfærslan í dag (20-Október-2020) ef það gerist ekki neitt stórt.

Stærð jarðskjálftans hefur verið staðfest að mestu og er í kringum Mw5,6. Það gæti breyst á næstu dögum eða vikum eftir því sem vísindamenn vinna betur úr jarðskjálftagögnum. Meira en 400 jarðskjálftar hafa mælst í þessari jarðskjálftahrinu. Stærsti eftirskjálftinn var með stærðina Mw4,1 en sú stærð er ekki yfirfarin.


Staðsetningin á stærsta jarðskjálftanum. Höfundaréttur þessar myndar tilheyrir Veðurstofu Íslands.

Á þessari stundu er eftirskjálftavirknin að færast vestur eða suð-vestur og það gæti valdið öðrum stórum jarðskjálfta næstu 24 til 48 klukkutímana. Minniháttar tjón hefur verið tilkynnt í kjölfarið á þessum jarðskjálfta. Helsta tjón er hlutir sem falla úr hillum, sprungur í veggjum og á gólfum og úti. Grjóthrinur hafa einnig orðið á svæðum næst upptökum jarðskjálftans

Fréttir með myndum og myndböndum af tjóninu sem jarðskjálftinn olli.

Stór sprunga í gólfi flug­skóla Keil­is (mbl.is)
Skjálftinn í myndum (Fréttablaðið)

Bætt við: Vörur köstuðust til og maður í górillubúningi hljóp um (Rúv.is)

Jarðskjálftavirknin á Reykjanesskaga


Jarðskjálftavirknin klukkan 18:45 á Reykjanesi. Höfundarréttur þessar myndar tilheyrir Veðurstofu Íslands.

Það hafa ekki komið fram ein augljós merki um að kvika sé farin af stað í kjölfarið á þessari jarðskjálftavirkni. Það er óljóst hvort að það sé að breytast þar sem hugsanlegt er að kvikan sem er að fara inn í jarðskorpuna á Reykjanesi er hugsanlega ekki með nægan þrýsting til þess koma af stað eldgosi í einhvern tíma í viðbót.

Styrkir

Hægt er að styrkja mína vinnu með því að fara inná síðuna Styrkir til þess að millifæra beint á mig eða með því að nota PayPal takkann hérna til hægri. Takk fyrir stuðninginn. 🙂

Grein uppfærð klukkan 20:10 UTC.

Birt þann

Jarðskjálftinn á Reykjanesskaga – staðan klukkan 14:37

Þetta er stutt uppfærsla um jarðskjálftann á Reykjanesskaga. Bráðarbirgraðstærð jarðskjálftans er Mw5,6 en þessi tala getur breyst. Það má reikna með kröftugum eftirskjálftum næstu 24 klukkutímana.


Jarðskjálftinn á Reykjanesskaga. Höfundarréttur þessar myndar tilheyrir Veðurstofu Íslands.

Myndbandsupptaka af jarðskjálftanum frá Alþingi sýnir vel áhrifin af þessum jarðskjálfta.

Ég mun setja inn frekari upplýsingar þegar ég hef þær.

Birt þann

Aukin jarðskjálftavirkni í eldstöðvunum Reykjanes og Krýsuvík

Síðan 15-Október-2020 hefur jarðskjálftavirkni verið að aukast í eldstöðvunum Reykjanes og Krýsuvík. Á sama tíma og jarðskjálftavirkni hefur verið að aukast þá hafa komið fram breytingar á GPS mælingum á þessu sama svæði. Hægt er að sjá þær breytingar á vefsíðu Reykjanes CGPS. Þegar þessi grein er skrifuð eru allir þeir jarðskjálftar sem hafa komið fram verið mjög litlir að stærð. Það hefur einnig verið mjög rólegt á þessu svæði undanfarnar vikur sem er eðlilegt fyrir það eldstöðvasvæði sem þarna er.


Jarðskjálftavirkni í eldstöðvunum Reykjanes og Krýsuvík. Höfundaréttur þessar myndar tilheyrir Veðurstofu Íslands.

Það er ekki hægt að segja til um það hvernig þetta mun þróast á næstu dögum. Þar sem það veltur á því hversu mikil kvika er á ferðinni og hvað sú kvika gerir. Það er einnig óljóst hvort að þetta er þenslu atburður eða hvort að svæðið sé farið að síga aftur. Það mun taka nokkra daga til að sjá í hvora áttina þetta mun þróast.

Birt þann

Viðvörunarstig fyrir Grímsfjall fært yfir á gult fyrir flug

Í dag (30-September-2020) var eldstöðin Grímsfjall fært yfir á gult viðvörunarstig hjá Veðurstofu Íslands. Þetta bendir sterklega til þess að Veðurstofan álíti sem svo að eldgos sé hugsanlega yfirvofandi í Grímsfjalli á næstu dögum eða vikum. Það er búist við því að eldgos hefjist þegar það verður jökulflóð úr Grímsvötnum sem eru í öskju Grímsfjalla.


Viðvörunarstig Grímsfjalls. Höfundarréttur þessar myndar tilheyrir Veðurstofu Íslands.

Það er ekki hægt að segja til um það hvort að eldgosið sem hugsanlega kemur yrði stórt eða lítið. Það sem er hægt að gera núna er að halda áfram að vakta Grímsfjall og fylgjast með stöðunni til að sjá hvort að eitthvað sé að gerast. Þessa stundina er allt rólegt.