Category: Kvika

Þessa stundina virðist sem að jarðskjálftavirkni sé að aukast í Bárðarbungu og það hefur verið mikið um jarðskjálfta sem eru stærri en 3,0 og 4,0 í dag. Mest öll jarðskjálftavirknin er í norð-austur hluta öskju Bárðarbungu en ég er ekki viss um hvað þessi virkni þýðir og hvað er að gerast í eldstöðinni.

Jarðskjálftavirknin í Bárðarbungu í dag. Grænar stjörnur eru jarðskjálftar sem eru stærri en 3,0 að stærð. Höfundaréttur þessar myndar tilheyrir Veðurstofu Íslands.

Það er óvíst hvort það hafi komið fram óróapúlsar í Bárðarbungu í dag, það getur vel hafa gerst án þess að ég tæki eftir því. Það er ljóst að þó svo að eldgosinu í Holuhrauni ljúki þá er langt frá því að virknin í Bárðarbungu sé lokið. Nýtt eldgos mun líklega hefjast og það er mikil hætta á því að slíkt eldgos verði undir jökli og muni valda jökulhlaupi og öskufalli. Engin eldgos hafa átt sér stað í öskju Bárðarbungu ennþá. Staðan á eldgosinu í Holuhrauni er svipuð og í gær held ég. Þar sem ekkert hefur sést til eldgossins í dag vegna veðurs þá er erfitt að vera viss um hvaða breytingar hafa átt sér nákvæmlega stað í Holuhrauni síðasta sólarhringinn.

Ef eitthvað meiriháttar gerist. Þá mun ég setja upp uppfærslu hingað til inn eins fljótt og hægt er.

Staðan í Bárðarbungu hefur ekki breyst mikið frá því gær. Eldgosið í Holuhrauni er með svipuðum hætti og í gær samkvæmt fréttum. Samkvæmt fréttum um eldgosið í Holuhrauni er ljóst að það er að draga rólega úr því og enn daginn mun það enda, en það er ekki víst hvenær það mun gerast. Virkni í Bárðarbungu sjálfri er hinsvegar langt frá því að vera búinn og býst við að nýtt eldgos geti hafist án nokkurs fyrirvara. Það hefur ekki orðið mikil breyting á þenslu í kvikuinnskotinu samkvæmt GPS mælingum sem hægt er að skoða hérna.

Jarðskjálftavirkni í Bárðarbungu í dag. Grænar stjörnur eru jarðskjálftar stærri en 3,0 að stærð. Höfundaréttur þessar myndar tilheyrir Veðurstofu Íslands.

Vegna þess hversu mikil jarðskjálftavirkni er í Bárðarbungu þá þýðir ekki fyrir mig að nefna stærstu jarðskjálftana. Jarðskjálftar með stærðina 3,0 – 4,9 verða á eins til tveggja tíma á fresti. Jarðskjálftar sem eru stærri en 5,0 verða á 20 til 30 klukkutíma fresti. Þeir sem vilja athuga stærðir jarðskjálfta í Bárðarbungu geta gert það á vefsíðu Veðurstofunnar hérna. Stórir jarðskjálftar koma einnig fram á jarðskjálftamælunum mínum og er hægt að fylgjast með þeim hérna.

Fréttir af Bárðarbungu í dag

„Þetta hætt­ir einn góðan veður­dag“ (mbl.is)
Gæti numið 25 þúsund rúmmetrum á sekúndu (Rúv.is)

Annað: Þar sem litlar breytingar eru á eldgosinu í Bárðarbungu dags daglega. Þá ætla ég að draga úr skrifum frá og með næsta Mánudegi. Þannig að ég mun skrifa á Mánudegi, Miðvikudegi og síðan á Föstudegi. Ef eitthvað gerist þá mun ég skrifa um það eins fljótt og hægt er.

Hérna er staðan í Bárðarbungu þann 21-Október-2014.

Stærstu jarðskjálftarnir í höfðu stærðina 5,3 og 4,7 aðrir jarðskjálftar sem áttu sér stað í dag voru minni, en talverður fjöldi af jarðskjálftum með stærðina 3,0 og 4,0 hefur átt sér stað í dag. Stærsti jarðskjálftinn í dag var einnig með dýpið 15,6 km og það bendir til þess að eitthvað sé að gerast innan í Bárðarbungu, það er þó ekki ljóst hvað það er á þessari stundu.

Jarðskjálftavirknin í Bárðarbungu í dag. Grænu stjörnurnar eru jarðskjálftar sem eru stærri en 3,0 að stærð. Höfundaréttur þessar myndar tilheyrir Veðurstofu Íslands.

Jarðskjálftavirknin hefur verið að aukast í dag í kvikuinnskotinu frá Bárðarbungu og það bendir til þess að þrýstingur sé að aukast innan kvikuinnskotsins sem núna gýs úr í Holuhrauni. Stærð hraunsins í Holuhrauni er samkvæmt síðustu mælingu orðin rúmlega 60,4 ferkílómetrar. Magn hrauns þarna getur verið þar sem þykktin er í kringum 10 til 30 metrar, jafnvel meira á svæðum. Eftir því sem ég kemst næst, þá er ekkert meira að frétta af eldgosinu í Bárðarbungu í dag.

Hérna er yfirlit yfir virknina í Bárðarbungu um helgina.

Virknin í Bárðarbungu helgina 18 – 19 Október

Stærstu jarðskjálftar helgarinnar voru með stærðina 5,4 og 5,2. Aðrir jarðskjálftar voru minni. Eldgosið í Holuhrauni hélt áfram eins og það hefur gert undanfarið. Þetta er núna orðið stærsta eldgos á Íslandi síðustu 200 árin samkvæmt jarðvísindamönnum. Annað en þetta, þá var engin sérstök breyting á virkninni í Holuhrauni.

Virknin í Bárðarbungu Mánudaginn 20-Október-2014

Það hefur talverð jarðskjálftavirkni verið í dag (20-Október) en stærsti jarðskjálftinn var með stærðina 5,0 og annar stærsti jarðskjálftinn hafði stærðina 4,8. Aðrir jarðskjálftar voru minni en talsvert var um jarðskjálfta með stærðina 3,0 og 4,0 í dag. Aukin jarðskjálftavirkni var einnig í kvikuinnskotinu sem gýs úr núna í Holuhrauni.

Jarðskjálftavirknin í Bárðarbungu síðust 48 klukkutímana. Höfundaréttur þessar myndar tilheyrir Veðurstofu Íslands.

Hraunið í Holuhrauni heldur áfram að stækka og er núna í kringum 61 ferkílómetri samkvæmt jarðvísindamönnum. Þann 16-Október þá voru komnir tveir mánuðir síðan virknin í hófst í Bárðarbungu og fyrsta eldgosið sem átti sér stað varð þann 23-Ágúst, en það eldgos varð undir jökli og varði aðeins í nokkrar klukkustundir. Að öðru leiti er staðan óbreytt samkvæmt síðustu fréttum.

Í dag (17-Október-2014) náði Bárðarbunga þeim áfanga að hafa gosið stærsta eldgosi á Íslandi síðan í Skaftáreldunum sem áttu sér stað árin 1783 til 1784. Hraunið í Holuhrauni er núna orðið stærra en það hraun sem Hekla gaus árið 1947 í rúmlega 13 mánaða eldgosi. Stærð þess hrauns er 0,8 km³. Stærð hraunsins í Holuhrauni er núna orðin meiri en 59 ferkílómetrar að stærð og það er orðið meira en 0,83 km³ að magni samkvæmt Háskóla Íslands og Twitter skilaboðum þeirra um þetta.

Jarðskjálftarnir í Bárðarbungu. Höfundaréttur þessar myndar tilheyrir Veðurstofu Íslands.

Stærstu jarðskjálftar dagsins voru með stærðina 4,4 og 4,2. Aðrir jarðskjálftar voru minni og enginn jarðskjálfti náði stærðinni 5,0 í dag. Það var ekki mikil breyting í eldgosinu í Holuhrauni samkvæmt vísindamönnum á svæðinu, þó hefur eldgosið verið að losa óvenjumikið gas síðasta sólarhringinn samkvæmt mælingum. Engar stórar breytingar er að sjá á GPS mælingum á svæðinu, hægt er að skoða GPS mælinganar hérna. Nýjar myndir af eldgosinu er einnig hægt að sjá hérna á vefsíðu mbl.is. Ef rólegt verður um helgina þá mun næsta uppfærsla um Bárðarbungu koma á Mánudaginn. Ef eitthvað gerist þá mun ég annað hvort skrifa nýja grein eða uppfæra þessa hérna grein.

Það hafa ekki orðið miklar breytingar á virkninni í Bárðarbungu síðan í gær (13-Október-2014). Eldgosið er með svipuðum hætti eins og sjá mátti í tíu fréttum Rúv í kvöld og ekki neinar stórar breytingar að sjá þar á eldgosinu.

Jarðskjálftar í Bárðarbungu í þann 14-Október-2014. Höfundaréttur þessar myndar tilheyrir Veðurstofu Íslands.

Stærstu jarðskjálftar dagsins voru með stærðina 4,8 og síðan voru einnig nokkrir 4,7 jarðskjálftar að auki. Aðrir jarðskjálftar voru minni. Óróinn í kringum Bárðarbungu hefur verið óstöðugur og það bendir til þess að líklega séu eldgos að eiga sér undir jökli, ef það er ekki raunin, þá er ljóst að eitthvað er að gerast undir jökli núna. Þó ekki sé ljóst hvað það sé á þessari stundu.

Eldgosið í Holuhrauni og jarðskjálftavirkni í Bárðarbungu er með svipuðum hætti og undanfarið. Jarðskjálftavirkni er ennþá mjög mikil. Stærstu jarðskjálftarnir ná stærðinni 5,2 og stundum verða stærri jarðskjálftar í Bárðarbungu. Samkvæmt fréttum þá er ekki að sjá að farið sé að draga úr eldgosinu í Holuhrauni, hraunið sem þarna er komið stækkar stöðugt og er núna orðið stærra en 54 ferkílómetrar að flatarmáli.

Jarðskjálftavirknin í Bárðarbungu. Höfundaréttur þessar myndar tilheyrir Veðurstofu Íslands.

Það er aukning í jarðskjálftavirkni síðasta sólarhringinn í kvikuinnskotinu. Það bendir til þess að þrýstingur sé að aukast í kvikuinnskotinu, allvegana tímabundið, þar sem þrýstingur virðist falla með reglulega. Það er einnig aukning í jarðskjálftavirkni í Tungnafellsjökli, helsta hugmyndin varðandi þá virkni er sú að eldstöðin sé að bregðast við spennubreytingum vegna Bárðarbungu með þessum hætti. Á þessari stundu er ekkert sem bendir til þess að eldgos sé að hefjast í Tungafellsjökli. Hinsvegar þar sem ekkert eldgos hefur átt sér stað þarna á sögulegum tíma er mjög erfitt að segja til um það hvað gerist í Tungafellsjökli í kjölfarið á þessum atburðum.

Það er ennþá mikil hætta á eldgosi undir jökli, eins og hefur verið að gerast í litlum mæli síðan Bárðarbunga fór að gjósa þann 23-Ágústu-2014. Það er þó mikil hætta á að stórt eldgos hefjist undir jökli með tilheyrandi jökulflóði og öskufalli. Það mun þó ekki þýða að eldgosið í Holuhrauni hætti, þar sem það getur gosið á báðum stöðum á sama tíma eins og þetta lítur út núna. Það er ekki að sjá nein merki þess að farið sé að draga úr virkninni í Bárðarbungu og óvíst því hvenær það fer að sjá fyrir endann á núverandi virkni og eldgosum.