Jarðskjálftahrina – Síða 102 – Jarðfræði á Íslandi

september 7, 2013

Minniháttar jarðskjálftahrina í Esjufjöllum

Þann 05-September-2013 varð minniháttar jarðskjálftahrina í Esjufjöllum. Stærsti jarðskjálftinn í þessari hrinu var með stærðina 2,2 og á dýpinu 4,9 km.

Jarðskjálftahrinan í Esjufjöllum. Höfundaréttur þessar myndar tilheyrir Veðurstofu Íslands.

Jarðskjálftar eiga sér stað í Esjufjöllum vegna kvikuhreyfinga talið er. Einnig sem að það eru núna fleiri SIL stöðvar á þessu svæði og því mælast þarna minni jarðskjálftar en áður. Fyrir nokkrum árum síðan gat Veðurstofa Íslands eingöngu mælt jarðskjálfta sem voru aðeins stærri en 1,5.

september 4, 2013

Minniháttar jarðskjálftahrina í Torfajökli

Í dag (03-September-2013) átti sér stað minniháttar jarðskjálftahrina í Torfajökli. Stærsti jarðskjálftinn var með stærðina 1,1, engir stærri jarðskjálftar áttu sér stað í Torfajökli.

Jarðskjálftar í Torfajökli. Höfundaréttur þessar myndar tilheyrir Veðurstofu Íslands.

Svona litlar jarðskjálftahrinur eru algengar í Torfajökli og eiga sér stað reglulega. Þessar litlu jarðskjálftahrinur þýða ekki að eldgos sé yfirvofandi í Torfajökli, hinsvegar stendur kvika grunnt í Torfajökli og það hefur ekki gosið þarna síðan á 15 öld minnir mig.

ágúst 11, 2013ágúst 11, 2013

Jarðskjálftahrina á Reykjaneshrygg

Í nótt varð minniháttar jarðskjálftahrina á Reykjaneshrygg. Þetta var lítil jarðskjálftahrina og voru stærstu jarðskjálftanir í kringum 2,9 að stærð. Jarðskjálftahrinan hófst klukkan 04:17 í nótt og endaði klukkan 08:13 í morgun. Þessi jarðskjálftahrina var ekki samfelld, heldur átti sér stað í tveim hrinum sem vörðu í 10 mínótur í hvert skipti. Jarðskjálftahrinur eru mjög algengar á þessu svæði á Reykjaneshryggnum.

Jarðskjálftahrinan á Reykjaneshrygg í nótt. Höfundaréttur þessar myndar tilheyrir Veðurstofu Íslands.

Þessi jarðskjálftahrina kom ágætlega fram á þeim jarðskjálftamælum sem ég er með á Íslandi. Hægt er að skoða jarðskjálftamælanets vefsíðuna hérna. Ég veit ekki hvort að þessi jarðskjálftahrina þýðir frekari virkni á Reykjaneshryggnum.

Fréttir af þessari hrinu

Skjálftahrina á Reykjaneshrygg (Rúv.is)

ágúst 1, 2013

Jarðskjálftahrina á Tjörnesbrotabeltinu

Í gær (31-Júlí-2013) hófst jarðskjálftahrina á Tjörnesbrotabeltinu, í suður enda þess og ekki langt frá smáþorpi sem heitir Kópasker. Þessi jarðskjálftahrina var lítil í allan gærdag, en í nótt (1-Ágúst-2013) jókst krafturinn í jarðskjálftahrinunni og klukkan 07:09 í morgun kom jarðskjálfti með stærðina 3,7. Þessi jarðskjálfti fannst á Kópaskeri og nærliggjandi svæðum. Engar skemmdir urðu, þar sem upptök þessara jarðskjálfta eru talsvert út í sjó og því umtalsverða fjarlægð frá byggð. Jarðskjálftahrinan er ennþá í gangi eins og er, en það getur breytst á mjög skömmum tíma. Hvort sem að jarðskjálftahrinan hættir eða eykst, það er engin leið til þess að vita hvað gerist næst.

Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Jarðskjálftahrinan er á þekktu upptakasvæði jarðskjálfta í Öxarfirði. Eins og stendur þá er þessi jarðskjálftahrina ekki stöðug þar sem virknin dettur niður reglulega, en heldur síðan áfram eftir hlé. Hvort sem það hlé er stutt eða langt. Það er vonlaust að segja til um það hversu lengi þessi jarðskjálftahrina mun vara lengi. Hægt er að sjá stærstu jarðskjálftana á jarðskjálftamæli sem ég er með (Böðvarshólar) hérna.

júlí 22, 2013

Minniháttar jarðskjálftahrina í Kötlu

Síðustu nótt (22-Júlí-2013) átti sér stað minniháttar jarðskjálftahrina í Kötlu. Flestir af þessum jarðskjálftum voru litlir og eingöngu með dýpið 1 km, einn djúpur jarðskjálfti átti sér stað og var dýpi þess jarðskjálfta 12 km. Ég er ekki viss hvað olli þessari jarðskjálftahrinu, hugsanlegt er að um sé að ræða kvikuinnskot í Kötlu eða þrýstibreytingar á háhitasvæði sem þarna eru til staðar.

Jarðskjálftahrinan í Kötlu. Höfundaréttur þessar myndar tilheyrir Veðurstofu Íslands.

Líklegast er þó að þessi jarðskjálftahrina sé hluti af hefðbundinni jarðskjálftavirkni í Kötlu, eins og stendur eru ekki vísbendingar um neitt annað til staðar eins og er. Hægt er að fylgjast með virkninni í Kötlu hérna, á jarðskjálftamæli sem ég er með á sveitabænum Skeiðflöt, rétt fyrir utan Kötlu og Mýrdalsjökul.

júlí 15, 2013

Jarðskjálftahrina norður af Íslandi

Síðan í nótt hefur verið jarðskjálftahrina norður af Íslandi. Þessi jarðskjálftahrina er rúmlega 300 til 600 km norður af Íslandi. Allir þeir jarðskjálftar sem hafa mælst hafa haft stærðina 4.4 samkvæmt EMSC. Fleiri jarðksjálftar hafa einnig átt sér stað, en voru líklega ekki mældir af SIL mælanetinu, eða af jarðskjálftamælanetinu mínu.

Jarðskjálfti með stærðina 4.4 samkvæmt EMSC, milli Íslands og Jan Mayen. Höfundaréttur þessar myndar tilheyrir EMSC.

Nánari upplýsingar um þessa jarðskjálfta er að finna á vefsíðu EMSC hérna.

Jarðskjálftanir samkvæmt SIL mælaneti Veðurstofu Íslands. Höfundaréttur þessar myndar tilheyrir Veðurstofu Íslands.

Í dag hef ég verið að hafa vandamál með 3G sambandið á jarðskjálftamælinum mínum í Böðvarshólum, þar sem 3G merkið á svæðinu er mjög lélegt. Það er hugsanlegt að ég reyni að laga þetta í Desember með því að setja upp 3G loftnet til þess að bæta móttökuna á 3G merkinu og koma í veg fyrir svona sambandsleysi. Ég bara vona að 3G merkið sé orðið stöðugt og þetta sambandsleysi hjá mér sé orðið úr sögunni. Hægt er að fylgjast með jarðskjálftamælunum mínum hérna.

Styrkir

Ég vil minna fólk endilega á að styrkja mig. Sérstaklega þar sem ég þarf að lifa það sem eftir er af Júlí á minna en 60 Dönskum krónum (1287 ISK), og mér þykir það frekar slæm staða að vera í. Takk fyrir stuðninginn.

júní 21, 2013

Nýtt kvikuinnskot í Bárðarbungu

Áhugaverð jarðskjálftavirkni heldur áfram í Bárðarbungu og það virðist sem að nýtt kvikuinnskot hafi átt sér stað í Bárðarbungu síðustu daga. Áhugaverð jarðskjálftavirkni hefur einnig átt sér stað í eldstöðinni Hamrinum undanfarið. Þetta kvikuinnskot mun líklega ekki enda með eldgosi, þetta er hugsanlega vísbending um aukna virkni í Bárðarbungu í framtíðinni.

Jarðskjálftavirkni í Bárðarbungu og Hamarinum. Höfundaréttur þessar myndar tilheyrir Veðurstofu Íslands.

Það hefur einnig verið jarðskjálftavirkni í eldstöðinni Hamrinum og í nágrenni hans. Ég veit ekki hvort að þetta tengist virkinni sem á sér stað núna í Bárðarbungu. Mér þykir það ólíklegt að það sé raunin, þó er ekki hægt að útiloka það eins og er. Það er óljóst hvort að þessi nýja virkni í Hamrinum er vegna þéttara mælanets í kringum Vatnajökul eða hvort að þetta er raunverulega ný virkni í Hamrinum. Síðasta eldgos í Hamrinum átti sér stað í Júlí 2011 og er hægt að lesa um það eldgos hérna. Það er þess virði að hafa augu með virkninni í Hamrinum, þar sem þessi eldstöð hefur sýnt sig að hún er óútreiknanleg með öllu, það virðist einnig að kvika sér mjög grunnt í eldstöðinni nú þegar.

júní 18, 2013

Minniháttar jarðskjálftavirkni í Bárðarbungu og Kötlu

Það hefur verið minniháttar jarðskjálftavirkni í Bárðarbungu og Kötlu undanfarið. Þessi bloggfærsla er bara stutt yfirlit yfir þessa virkni.

Bárðarbunga

Minniháttar kvikuinnskot átt sér stað í Bárðarbungu þann 16-Júní-2013. Þetta kvikuinnskot olli minniháttar jarðskjálftarhrinu í Bárðarbungu. Stærsti jarðskjálftin var með stærðina 1,2 og mesta dýpið í þessari jarðskjálftahrinu var 24,3 km. Þannig að þetta var líklegast kvikuinnskot sem þarna var á ferðinni.

Jarðskjálftahrinan í Bárðarbungu. Höfundarréttur þessar myndar tilheyrir Veðurstofu Íslands.

Katla

Það hefur verið minniháttar jarðskjálftavirkni í Kötlu undanfarna daga. Þessi jarðskjálftavirkni þýðir líklega ekki neitt sem stendur, þessi virkni er líklega tengd minnkun jökulfargs á eldstöðinni Kötlu yfir sumarið. Djúpir jarðskjálftar hafa átt sér stað undanfarið í Kötlu, það er óvíst hvort að þeir tákna eitthvað á þessari stundu. Þarna á sér stað líklega minniháttar kvikuinnskot í Kötlu djúpt í eldstöðinni. Hinsvegar eru kvikuinnskot algeng í Kötlu án þess að þau valdi eldgosi.

Jarðskjálftavirkni í Kötlu. Höfundarréttur þessar myndar tilheyrir Veðurstofu Íslands.

Annars er mjög rólegt á Íslandi og engin sérstök virkni að eiga sér stað á þessari stundu.

maí 31, 2013maí 31, 2013

Minniháttar jarðskjálftahrina á reykjaneshrygg þann 29. Maí

Þann 29. Maí 2013 varð minniháttar jarðskjálftahrina á Reykjaneshrygg, þessi jarðskjálftahrina var ekki stór og mældust aðeins örfáir jarðskjálftar í þessari hrinu. Stærstu jarðskjálftarnir höfðu stærðina 2,3, dýpið var í kringum 5,5 km til rúmlega 12 km. Þessi jarðskjálftahrina varð á svipuðum stað og stóra jarðskjálftahrinan átti sér stað fyrir rúmlega þrem vikum síðan.

Jarðskjálftahrinan á Reykjaneshrygg þann 29. Maí 2013. Höfundaréttur þessar myndar tilheyrir Veðurstofu Íslands.

Þessi jarðskjálftahrina var mjög lítil miðað við það sem oft hefur átt upptök sín á þessu svæði. Jarðskjálftavirknin er áhugaverð á þessu svæði, þó er óvíst hvað hún táknar, ef hún táknar þá eitthvað til að byrja með. Þar sem eldfjöll og svona jarðskjálftasvæði eru óútreiknanleg með öllu.

maí 4, 2013

Jarðskjálftahrina djúpt suður af Íslandi

Þann 2. Maí 2013 kom fram jarðskjálfti á suðurlandinu sem átti upptök sín rúmlega 230 km suður af Surtsey. Það hafa nokkrir jarðskjálftar mælst á síðasta sólarhring síðan virknin hóst þann 2. Maí. Ég veit ekki hvort að það er eldstöð á þessu svæði. Þar sem það er ókannað og dýpi sjávar á þessu svæði er í kringum 3 til 4 km. Stærð jarðskjálfta sem hafa mælst þarna er áætluð, en vegna fjarlægðar við SIL mælanetið þá er erfitt að segja til um raunverulega stærð þessara jarðskjálfta.

Jarðskjálftanir eiga sér stað þar sem græna stjarnan er. Höfundaréttur þessar myndar tilheyrir Veðurstofu Íslands.

Ég mældi stærstu jarðskjálftana á þeim jarðskjálftamælum sem ég er með á Íslandi. Stærstu jarðskjálftanir mældust á Skeiðflöt og í Heklubyggð. Mínar mælingar benda til þess að stærð þessara jarðskjálfta sé meiri en 3,0, en vegna fjarlægðar er ekki hægt að segja til um raunverlega stærð þessara jarðskjálfta.

Jarðskjálftinn eins og hann kemur fram á jarðskjálftamælinum mínum á Skeiðflöt. Þessi mynd er undir Creative Commons leyfi. Sjá CC leyfi síðuna fyrir frekari upplýsingar.

Það er líklegt að fleiri jarðskjálftar hafi átt sér stað á þessu svæði, en vegna fjarlægðar þá mælast þeir ekki. Þann 2. Maí klukkan 03:56 mældist einnig minni jarðskjálfti á sömu slóðum. Ég veit ekki hvort að það er eldfjall á þessu svæði, ef það er raunin. Þá er þetta eldfjall óskráð og alveg óþekkt. Þarna geta hafa orðið fleiri jarðskjálftar án þess að þeir hafi mælst.

Samþykki fyrir vefköku