Category: Jarðskjálftahrina

Birt þann

Jarðskjálfti með stærðina Mw5,4 rétt um 3,2 km austan við Grindavík

Í dag (31-Júlí-2022) klukkan 17:48 varð jarðskjálfti með stærðina Mw5,4 rétt um 3,2 km austan við Grindavík. Þessi jarðskjálfti fannst á stórum hluta Íslands og fannst meðal annars á Hólmavík og í öðrum bæjum á Vestfjörðum samkvæmt fréttum. Það hefur verið tilkynnt um tjón í Grindavík og þar er núna kaldavatnslaust vegna skaða á kaldavatnslögn inn í bænum. Það hefur einnig verið tilkynnt um tjón á innanstokksmunum og vörur hrundu úr hillum verslana.

Mikið af rauðum punktum á Reykjanesskaga og grænum stjörnum vegna mjög mikillar jarðskjálftavirkni sem er sýnd á jarðskjálftakorti Veðurstofu Íslands
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Hérna er um að ræða sniðgengisjarðskjálfta sem er ekki beint tengdur kvikuhreyfingum við Fagradalsfjall. Þessi jarðskjálfti verður til vegna þess að kvikan sem er að troðast inn í jarðskorpuna við Fagradalsfjall er að valda spennubreytingum á stóru svæði. Það er einnig möguleiki að tveir jarðskjálftar með stærðina Mw5,4 hafi átt sér stað klukkan 17:48, það var nefnt í fréttum Rúv og ef það er raunin, þá flækir það alla greiningu á jarðskjálftanum og gerir erfiðara að finna út rétta stærð jarðskjálftans. Það má reikna með svona jarðskjálftar verði aftur á þessu svæði á næstu klukkutímum og dögum án nokkrar viðvörunnar. Jafnvel að slíkir jarðskjálftar yrðu nær Reykjavík en þessi jarðskjálfti.

Birt þann

Staðan í Fagradalsfjalli í eldstöðvarkerfinu Krýsuvík-Trölladyngju

Þetta er stutt grein um stöðu mála en staða mála er stöðugt að breytast. Greinin er skrifuð klukkan 12:24 þann 31-Júlí-2022.

Þegar þessi grein er skrifuð klukkan 12:27 þá hefur ekki neitt eldgos hafist ennþá í Fagradalsfjalli eða nágrenni. Það hafa orðið yfir 3000 jarðskjálftar við Fagradalsfjall síðustu 24 klukkutímana síðan jarðskjálftavirknin hófst í gær (30-Júlí-2022). Það hafa ekki orðið meiriháttar breytingar á gígnum í Fagradalsfjalli en það virðist hinsvegar vera meiri gas losun í gígnum. Hinsvegar er óljóst hvort að þetta er raunverulegt eða ekki.

Mikil jarðskjálftavirkni á Reykjanesskaga í eldstöðvarkerfinu Krýsuvík-Trölladyngja. Fullt af rauðum puntkum sem sýnir litla jarðskjálfta. Grænar stjörnur raða sér upp í línu sem sýnir stærri jarðskjálfta
Jarðskjálftavirknin í kringum Fagradalsfjalli í eldstöðvarkerfinu Krýsuvík-Trölladyngju. Höfundarréttur þessar myndar tilheyrir Veðurstofu Íslands.
Þétt jarðskjálftavirkni frá því í gær (30-Júlí-2022). Gulir punktar sýna jarðskjálftana í gær og síðan appelsínugulir punktar sýna 12 tíma puntkana og síðan koma rauðir punktar sem sýna nýjustu jarðskjálftana
Jarðskjálftavirknin við Fagradalsfjall síðan í gær. Höfundarréttur þessar myndar tilheyrir Veðurstofu Íslands.

Það er mjög líklegt að þetta sé stærri atburður en í fyrra en það á eftir að koma í ljós hvort að það er rétt. Það hafa ekki orðið neinar stórar breytingar á GPS sem þýðir mjög líklega að svæðið sé þanið eins mikið út og það mögulega getur verið. Það er ekki hægt að segja til um það hvenær kvikan brýtur sér leið upp á yfirborðið en jarðskjálftavirknin bendir til þess að kvikan sé komin á 2 km dýpi og það þýðir að kvikan hefur færst mjög mikið síðustu 24 klukkustundirnar. Þar sem í gær, þá hófst jarðskjálftavirknin á 8 km dýpi.

Styrkir

Það er hægt að styrkja mínu vinnu með styrkjum. Það er hægt að nota PayPal eða bankamillifærslu, upplýsingar fyrir bankamillifærslu er að finna á síðunni Styrkir. Takk fyrir stuðninginn. 🙂

Birt þann

Mjög kröftug jarðskjálftahrina í Fagradalsfjalli

Ég var ekki heima hluta úr deginum og komst því aðeins að skrifa þessa grein núna.

Í dag (30-Júlí-2022) um klukkan 09:00 byrjaði lítil jarðskjálftahrina. Um klukkan 12:00 þá byrjaði mun stærri jarðskjálftahrina. Þegar þessi grein er skrifuð hafa orðið fleir en 700 jarðskjálftar og stærsti jarðskjálftinn hingað til var með stærðina Mw4,4. Það hafa orðið fleiri en átján jarðskjálftar sem hafa náð stærðinni Mw3,0. Flestir af stærstu jarðskjálftunum fundust í Reykjavík og nálægum bæjum.

Mjög þétt jarðskjálftahrina á Reykjanesskaga í eldstöðinni Krýsuvík í Fagradalsfjalli. Margar stjörnur í röð sem sýnir stærstu jarðskjálftana. Þessar stjörnur eru í þéttum hóp af rauðum punktum sem sýnir minni jarðskjálfta sem hafa orðið
Jarðskjálftahrinan í Fagradalsfjalli í eldstöðinni Krýsuvík-Trölladyngja. Höfundarréttur þessar myndar tilheyrir Veðurstofu Íslands.
Tímagraf sem sýnir jarðskjálftavirknina síðustu 48 klukkustundinar. Frá klukkan 06:00 vex jarðskjálftavirknin stöðugt og um klukkan 12:00 eykst jarðskjálftavirknin mjög mikið. Margir punktar ná talsvert yfir 4 línuna og fullt af puntkum ná yfir 3 línuna sem sýnir stærð jarðskjálfta
Jarðskjálftavirknin í Fagradalsfjalli. Höfundarréttur þessar myndar tilheyrir Veðurstofu Íslands.

Það er mjög erfitt að segja til um það hvenær eldgos hefst. Ég tel það mjög líklegustu niðurstöðu af þessari jarðskjálftahrinu. Krafturinn í óróanum sem hefur komið í kjölfarið á þessari jarðskjálftahrinu bendir til þess að næsta eldgos verði stærra. Það er þó ekki hægt að vera viss fyrr en eldgos hefst. Þessa stundina er óróinn að detta niður eða var að detta niður. Ég tel víst að óróinn muni aukast aftur eins og er gjarnan það sem gerist í svona jarðskjálftahrinum þar sem svona kvikuinnskot er á ferðinni þangað til að eldgos hefst.

Ég mun setja inn fleiri uppfærslur eftir því hvernig málin þróast. Rúv og mbl.is hafa kveikt aftur á vefmyndavélum sínum á svæðinu. Þessar vefmyndavélar er að finna inn á YouTube.

Styrkir

Það er hægt að styrkja mínu vinnu með því að leggja inn á mig að eða nota PayPal takkann hérna til hliðar. Bankaupplýsingar er að finna á síðunni Styrkir og PayPal takkinn er hérna til hliðar. Takk fyrir stuðninginn. 🙂

Birt þann

Jarðskjálfti með stærðina Mw4,2 í Kötlu

Klukkan 22:57 þann 29-Júlí-2022 varð jarðskjálfti með stærðina Mw4,2 í eldstöðinni Kötlu. Nokkrir minni jarðskjálftar komu fram í kjölfarið. Það er möguleiki á að stærð þessa jarðskjálfta breytist eftir nokkra klukkutíma, þar sem það tekur talsverðan tíma að finna út rétta stærð jarðskjálfta sem verða í Kötlu.

Græn stjarna í öskju Kötlu í Mýrdalsjökli. Rauðir punktar sem sýna minni jarðskjálfta innan öskju Kötlu í Mýrdalsjökli
Jarðskjálftavirknin í Kötlu í Mýrdalsjökli. Höfundarréttur þessar myndar tilheyrir Veðurstofu Íslands.

Ég veit ekki hvað er í gangi. Það er möguleiki á að þetta sé ekkert nema venjuleg sumarvirkni í Kötlu. Þar sem eldstöðin Katla kemur stundum með svona jarðskjálfta án þess að eldgos verði. Það verður bara að bíða og sjá hvað gerist í eldstöðinni Kötlu.

Birt þann

Lítil jarðskjálftahrina í eldstöðinni Reykjanes

Í morgun (12-Júlí-2022) varð lítil jarðskjálftahrina í eldstöðinni Reykjanes. Það urðu um 30 jarðskjálftar í þessari jarðskjálftahrinu og fannst stærsti jarðskjálftinn. Stærstu jarðskjálftarnir voru með stærðina Mw3,3 og Mw3,4. Seinni jarðskjálftinn fannst í byggð næst upptökum jarðskjálftanna.

Tvær grænar stjörnur ofan á hverri annari nærri Reykjanestánni í eldstöðinni Reykjanes. Rauðir punktar sem sýna nýrri og minni jarðskjálfta í kringum grænu stjörnunar.
Jarðskjálftavirkni á Reykjanesinu. Höfundarréttur þessar myndar tilheyrir Veðurstofu Íslands.

Það hefur verið frekar rólegt á Reykjanesinu síðustu mánuði. Það er alltaf minniháttar jarðskjálftavirkni á Reykjanesskaga vegna kviku og virkni sem tengist henni. Það hefur verið lítið um stóra jarðskjálfta á Reykjanesinu undanfarna mánuði. Ég veit ekki afhverju það er staðan. Gögn frá GPS mælum sýna að það hefur orðið lítil breyting þarna síðustu mánuði. Það útskýrir að einhverju leiti minni jarðskjálftavirkni á Reykjanesinu. Það er óljóst hvort að þessi jarðskjálftahrina boði breytingar á stöðu mála en það er eitthvað sem nauðsynlegt er að fylgjast með. Það hefjast ekki öll eldgos með stórum jarðskjálftahrinum.

Birt þann

Aukin jarðskjálftavirkni í Kötlu

Í dag (10-Júlí-2022), þá jókst jarðskjálftavirkni í Kötlu. Flestir jarðskjálftarnir voru með stærðina yfir Mw2,0 sem er óvenjulegt. Stærsti jarðskjálftinn þegar þessi grein er skrifuð er með stærðina Mw3,0.

Rauðir punktar og græn stjarna í öskju Kötlu í Mýrdalsjökli.
Jarðskjálftavirkni í Kötlu í dag. Höfundarréttur þessar myndar tilheyrir Veðurstofu Íslands.

Það er óljóst þegar þessi grein er skrifuð hvað er að gerast. Það er möguleiki að það komi jökulflóð í kjölfarið á þessari jarðskjálftavirkni. Það eru engin merki um að eldgos sé að fara að hefjast þessa stundina en það gæti breyst án mikils fyrirvara. Þetta gæti einnig bara verið hefðbundin jarðskjálftavirkni sem verður í Kötlu yfir sumartímann. Þegar þessi grein er skrifuð, þá er svarið á því hvað er að gerast mjög óljóst.

Birt þann

Jarðskjálftahrina við Geirfugladrang á Reykjaneshrygg

Á Mánudaginn (4-Júlí-2022) hófst jarðskjálftahrina við Geirfugladrang á Reykjaneshrygg. Stærsti jarðskjálftinn á Mánudaginn var með stærðina MW3,2 og síðan í gær (Þriðjudag 5-Júlí-2022) varð jarðskjálfti með stærðina Mw3,1.

Græn stjarna út í sjó við Geirfugladrang sem sýnir staðsetninguna á Reykjaneshrygg. Þetta er talsvert langt frá landi
Jarðskjálftavirkni á Reykjaneshrygg. Höfundarréttur þessar myndar tilheyrir Veðurstofu Íslands.

Þessi jarðskjálftavirkni virðist fylgja aukinni jarðskjálftavirkni á öllu Reykjanesinu síðustu mánuði. Þá bæði á Reykjanesskaga og á Reykjaneshrygg. Þar sem sjávardýpi er mjög mikið á þessu svæði, þá mundi þurfa mjög stórt eldgos til þess að það næði upp á yfirborðið. Ég veit ekki hversu margir jarðskjálftar hafa orðið þarna, þar sem það hefur verið aukin jarðskjálftavirkni á Reykjanesskaga síðustu daga.

Jarðskjálftamælingar

Þar sem jarðskjálftamæla búnaðurinn minn er gamall og það er orðið erfitt að reka hann. Þá ákvað ég að hætta að mæla jarðskjálfta tímabundið eða þangað til að ég get fjárfest í nýjum jarðskjálftamælabúnaði. Hvenær það gerist veit ég ekki, þar sem ég veit ekki hvenær ég hef efni á því að kaupa nýjan búnað. Það er í dag hægt að fylgjast með þeim jarðskjálftamælum sem eru frá Raspberry Shake á Íslandi hérna. Ég ætla mér að uppfæra í Raspberry Shake þegar ég hef efni á því.

Birt þann

Kröftugur jarðskjálfti í Bárðarbungu í morgun

Í morgun klukkan 08:16 (29-Júní-2022) varð kröftugur jarðskjálfti með stærðina Mw3,5 í Bárðarbungu. Þetta er annar stóri jarðskjálftinn í Bárðarbungu í Júní.

Græn stjarna ofan á toppi minni jarðskjálfta í eldstöðinni Bárðarbungu í Vatnajökli
Jarðskjálftavirkni í Bárðarbungu í Vatnajökli. Höfundarréttur þessar myndar tilheyrir Veðurstofu Íslands.

Þetta er sama virkni og síðast í Bárðarbungu. Ég útskýrði þá virkni þegar jarðskjálftinn varð í Bárðarbungu þann 27-Júní-2022.

Birt þann

Jarðskjálftahrina í sigdal í Tjörnesbrotabeltinu

Í gær (27-Júní-2022) hófst jarðskjálftahrina á Tjörnesbrotabeltinu í sigdal sem þar er. Þetta er á svæði sem er norð-vestur af Gjögurtá. Stærsti jarðskjálftinn fannst á Siglufirði og var með stærðina Mw3,2.

Græn stjarna út í sjó þar sem jarðskjálftavirknin varð á Tjörnesbrotabeltinu. Austan við Grímsey er einnig jarðskjálftahrina sem er sýnd með nokkrum appelsínugulum og bláum punktum.
Jarðskjálftavirknin á Tjörnesbrotabeltinu. Höfundarréttur þessar myndar tilheyrir Veðurstofu Íslands.

Í Júní árið 2020 varð þarna mjög stór jarðskjálftahrina þar sem stærstu jarðskjálftarnir voru með stærðina Mw5,8. Þessi jarðskjálftavirknin núna er hugsanlega eftirskjálftavirkni af þeirri jarðskjálftahrinu. Ég er ekki viss, en það er möguleiki.

Birt þann

Kröftugir jarðskjálftar í Presthnjúkum

Ein af þeim eldstöðvum Íslands sem hefur yfirleitt aldrei jarðskjálfta er eldstöðin Presthnjúkar. Það virðist hinsvegar vera að breytast. Í gær (23-Júní-2022) klukkan 22:12 varð jarðskjálfti með stærðina MW4,6 og síðan eftirskjálfti með stærðina Mw3,7 urðu í eldstöðinni. Jarðskjálftarnir fundust á stóru svæði vestan, sunnan og norðan lands vegna þess hversu upptökin eru nærri miðju Íslands.

Tvær grænar stjörnur ofan á hverri annari í eldstöðinni Presthnjúkar, sem er merkt sem ílangur hringur í Langjökli. Norð-austan við eldstöðina Presthnjúka er eldstöðin Hveravellir
Jarðskjálftavirkni í eldstöðinni Presthnjúkar. Höfundarréttur þessarar myndar tilheyrir Veðurstofu Íslands.

Það er erfitt að segja til um hvað er að gerast hérna. Þar sem eldstöðin er illa þekkt. Það urðu nokkur lítil eldgos milli áranna 700 til 900, eða í kringum þau ár. Á þessari stundu er ekki hægt að segja til um það hvort að nýtt eldgosatímabil sé að hefast í eldstöðinni Presthnjúkar. Hinsvegar, vegna virkninnar sem er suður-vestur af Presthnjúkum. Þá er ekki hægt að útiloka slíkt eins og er.