Category: Jarðskjálftahrina

Birt þann

Snögg aukning í jarðskjálftum í Kötlu

Í gær (05-Janúar-2018) varaði Veðurstofa Ísland við aukinni leiðni og gasi í kringum jökulár sem koma frá Mýrdalsjökli vegna lítils jökulflóðs sem kom fram. Þessu fylgdi aukin jarðskjálftavirkni í Kötlu. Hæðsta gildi leiðni sem kom fram samkvæmt Veðurstofunni var 613 µS/cm (ég finn ekki þessar mælingar á vef Veðurstofunnar. Ég veit ekki afhverju það er). Þá hefur einnig mælst gas á Láguhvolum (þar fara fram gasmælingar). Síðast þegar þetta gerðist var í Nóvember-2017 þegar örlítið stærra jökulflóð átti sér stað.


Jarðskjálftavirknin í Kötlu. Höfundaréttur þessar mynda tilheyrir Veðurstofu Íslands.

Í kjölfarið á þessu jökulflóði þá fór að bera á aukinni jarðskjálftavirkni í Kötlu. Það er ekki ljóst afhverju jarðskjálftavirknin jókst í kjölfarið á þessum jökulflóðum þar sem þar sem það þarf ekki endilega að koma fram jarðskjálftavirkni í kjölfarið á svona litlu jökulflóði. Það eru ekki nein merki sjáanleg um að það hafi orðið smágos undir Mýrdalsjökli á SIL stöðvum í kringum Kötlu. Eins og staðan er núna þá er ég að búast við frekari jarðskjálftavirkni og fleiri jökulflóðum ef þetta fylgir sömu hegðun og svipaðir atburðir sem urðu á árinu 2017. Það er hugsanlegt að eldri hegðun endurtaki sig ekki. Stærsti jarðskjálfti sem hefur orðið hingað til var með stærðina 2,1 en allir aðrir jarðskjálftar voru minni að stærð. Allir jarðskjálftar sem komu fram voru á dýpi minna en 1 km.

Birt þann

Lítil jarðskjálftahrina í Kötlu

Í dag (30-Desember-2017) varð lítil jarðskjálftahrina í Kötlu. Þetta var mjög lítil jarðskjálftahrina og var stærsti jarðskjálftinn eingöngu með stærðina 1,4 en aðrir jarðskjálftar sem urðu voru minni að stærð.


Jarðskjálftahrina í Kötlu. Höfundaréttur þessar myndar tilheyrir Veðurstofu Íslands.

Það er ekki hægt að segja til um það hvort að frekari jarðskjálftavirkni verður í Kötlu. Yfir vetrarmánuðina þá er yfirleitt lítil eða engin jarðskjálftavirkni í Kötlu.

Birt þann

Jarðskjálfti með stærðina 4,1 í Bárðarbungu

Þann 23-Desember-2017 klukkan 23:41 varð jarðskjálfti með stærðina 4,1 í Bárðarbungu. Þessa stundina hafa ekki neinir aðrir jarðskjálftar komið í kjölfarið.


Græna stjarnan sýnir upptök jarðskjálftans í Bárðarbungu. Höfundaréttur þessar myndar tilheyrir Veðurstofu Íslands.

Frekari jarðskjálftavirkni á þessu svæði er ekki útilokuð. Þar sem það hefur verið mjög mikil jarðskjálftavirkni í norður-austur hluta öskju Bárðarbungu frá því í September-2015.

Birt þann

Jarðskjálftavirkni að aukast á ný í Öræfajökli

Eftir rólegar tvær vikur í Öræfajökli þá virðist sem að jarðskjálftavirkni sé á ný farin að aukast. Eins og áður þá eru stærðir þeirra jarðskjálfta sem eiga sér stað ekki miklar og mjög fáir jarðskjálftar ná stærð sem er yfir 1,5.


Jarðskjálftavirknin í Öræfajökli. Höfundaréttur þessar myndar tilheyrir Veðurstofu Íslands.

Stærsti jarðskjálftinn í dag (23-Desember-2017) var með stærðina 1,4 og annar stærsti jarðskjálftinn var með stærðina 1,1. Allir aðrir jarðskjálftar voru minni að stærð. Þessa stundina er erfitt að segja til um þróun þessar jarðskjálftavirkni í Öræfajökli. Miðað við þróunina í Október og Nóvember þá er líklegt að jarðskjálftavirknin haldi áfram að aukast þangað til toppi er náð og eftir það fari jarðskjálftum að fækka á ný. Staðreyndin er hinsvegar sú að óvissa er um það hvernig þetta mun þróast þar sem ekki er hægt að spá fyrir um þróun virkni í eldstöðvum og erfitt er að vita hvað er að gerast innan í eldstöðvum eins og Öræfajökli.

Birt þann

Lítil jarðskjálftahrina á Tjörnesbrotabeltinu

Aðfaranótt 22-Desember-2017 varð lítil jarðskjálftahrina á Tjörnesbrotabeltinu (TFZ) suð-austur af Flatey. Þessi jarðskjálftahrina var mjög lítil.


Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari hrinu var með stærðina 1,9 og annar stærsti jarðskjálftinn var með stærðina 1,5. Allir aðrir jarðskjálftar sem komu fram voru minni að stærð.

Birt þann

Tveir sterkir jarðskjálftar í Bárðarbungu

Aðfaranótt 20-Desember-2017 varð kröftug jarðskjálftahrina í Bárðarbungu. Jarðskjálftahrinan hófst klukkan 02:17 með jarðskjálfta sem var með stærðina 1,4. Fyrsti stóri jarðskjálftinn varð klukkan 04:57 og var með stærðina 4,1. Seinni stóri jarðskjálftinn var með stærðina 4,4 og átti sér stað klukkan 05:29. Allir aðrir jarðskjálftar voru minni að stærð og það komu fram 40 til 48 jarðskjálftar í þessari jarðskjálftahrinu.


Jarðskjálftavirknin í Bárðarbungu. Grænu stjörnurnar sýna hvar jarðskjálftavirknin átti sér stað í Bárðarbungu. Höfundaréttur þessar myndar tilheyrir Veðurstofu Íslands.

Þessi jarðskjálftavirkni var á hefðbundnu svæði í norð-austur hluta öskju Bárðarbungu. Mikil jarðhitavirkni er á svæðinu og það bendir til þess að mikil kvika sér til staðar í eldstöðinni á grunnu dýpi. Það hefur ekki komið af stað litlum eldgosum ennþá en hugsanlegt er að slík eldgos verði án mikils fyrirvara (best er að fylgjast með litlum jarðskjálftum sem eru lengi á sama stað).

Djúp jarðskjálftavirkni er ennþá suð-austur (rauði punkturinn) af Bárðarbungu en dýpi þessar jarðskjálftavirkni virðist lítið breytast. Það bendir til þess að kvika sé að valda þessari jarðskjálftavirkni. Þessi jarðskjálftavirkni er alltaf á svipuðu dýpi og því ekki miklar líkur á eldgosi. Hinsvegar er hugsanlega hætta á eldgosi þarna í framtíðinni.

Birt þann

Jarðskjálftahrinan ennþá í gangi í Skjaldbreið

Í gær (laugardag 9-Desember-2017) hófst jarðskjálftahrina í Skjaldbreið með jarðskjálfta sem var með stærðina 3,5 í Skjaldbreið (þetta er einnig undir svæðinu sem er kennt við Presthnjúka í Global Volcanism Program gagnagrunninum). Jarðskjálftavirkni hafði byrjað á svæðinu á föstudaginn með smáskjálftum en fór ekki á fullt fyrr en jarðskjálftinn með stærðina 3,5 varð í gær. Stærstu jarðskjálftarnir voru með stærðina 3,5 og 3,8. Jarðskjálftarnir með stærðina 3,5 og 3,8 fundust á stóru svæði og alveg til Kjalarnes samkvæmt fréttum.


Jarðskjálftarnir í Skjaldbreið síðustu 48 klukkustundirnar. Höfundaréttur þessar myndar tilheyrir Veðurstofu Íslands.

Þessa stundina er fjöldi mældra jarðskjálfta í kringum 100 og eru þetta stærstu jarðskjálftarnir á þessu svæði frá árinu 1992 samkvæmt Veðurstofu Íslands (yfirlit yfir stóra jarðskjálfta á Íslandi frá árinu 1706 – 1990 er að finna hérna). Það hefur mjög dregið úr jarðskjálftavirkni í Skjaldbreið síðustu klukkutímana og það virðist sem að þessi jarðskjálftavirkni sé tengd flekahreyfingum á svæðinu en ekki kvikuhreyfingum.

Styrkir

Þeir sem vilja styrkja mína vinnu geta gert það með því að nota PayPal takkana eða með því að fara á Styrkir síðuna til þess að leggja beint inn á mig. Takk fyrir stuðninginn. 🙂

Birt þann

Jarðskjálfti með stærðina 4,1 í Bárðarbungu

Snemma í morgun (9.12.2017) varð jarðskjálfti með stærðina 4,1 í Bárðarbungu. Svona jarðskjálftahrinur eru núna mjög algengar í Bárðarbungu eftir eldgosið í Holuhrauni (2014 – 2015). Jarðskjálftinn með stærðina 4,1 var stærsti jarðskjálftinn í þessari hrinu en nokkrum klukkutímum áður hafði orðið jarðskjálfti með stærðina 2,8.


Jarðskjálftavirknin í Báðarbungu. Þar sem jarðskjálftinn varð er merktur með grænni stjörnu. Höfundaréttur þessar myndar tilheyrir Veðurstofu Íslands.

Jarðskjálftavirknin varð í suðurhluta öskju Bárðarbungu. Staðsetningin er á svæði þar sem tvær virkir sigkatlar eru til staðar og mikil jarðhitavirkni til staðar. Það er ekki vitað hvort að þessi jarðskjálftavirkni mun koma af stað einhverju jökulflóði en ef það gerist þá er líklega ekki um mikið magn að ræða. Eftir að stærsti jarðskjálftinn varð þá dró verulega úr jarðskjálftavirkni á svæðinu (þangað til að jarðskjálftavirkni hefst á ný).

Birt þann

Kvikuinnskot staðfest í Öræfajökli

Nýlegar mælingar hafa staðfest kvikuinnskot í Öræfajökli, þetta kvikuinnskot er í suðurhluta Öræfajökuls og er það svæði að sýna þenslu þessa dagana. Þessa stundina er áætlað að það magn kviku sem er að koma upp í eldstöðina sé rúmlega það magn sem gaus í Eyjafjallajökli árið 2010. Þessa stundina er kvikuinnskotið á dýpi sem er á bilinu 2 til 6 km og það útskýrir aukna jarðhitavirkni í Öræfajökli og afhverju þessi jarðhitavirkni er að aukast þessa dagana. Hversu lengi þessa staða mun vara er ekki vitað þessa stundina. Öræfajökull er eldkeila og hagar sér sem slíkt, hægt er að lesa frekar um eldkeilur hérna og hérna.


Jarðskjálftavirkni í Öræfajökli. Höfundaréttur þessar myndar tilheyrir Veðurstofu Íslands.

Í síðustu viku voru mældir 160 jarðskjálftar í Öræfajökli og er það metfjöldi jarðskjálfta sem hafa mælst í Öræfajökli síðan mælingar hófst (árið 1995?). Þessa stundina þá virðist jarðskjálftavirkni vera stöðug en það er ekki hægt að segja til um það hvenær það breytist.

Vefmyndavélar

Það eru komnar tvær vefmyndavélar sem sýna Öræfajökul. Þessir tenglar eru þannig að þeir virka aðeins í takmarkaðan tíma.

Vefmyndavél á Fagurhólsmýri (virkar aðeins tímabundið)
Vefmyndavél á brú (virkar aðeins tímabundið)

Styrkir

Þeir sem vilja styrkja mig geta gert það með tvennum hætti. Annað hvort notað PayPal takkana hérna til hliðar eða með því að fara á síðuna styrkir og fylgja þar bankaupplýsingum til þess að leggja inn á mig. Takk fyrir stuðninginn. 🙂

Birt þann

Lítil jarðskjálftahrina í vestari hluta Tjörnesbrotabeltsins

Aðfaranótt 6-Desember-2017 varð lítil jarðskjálftahrina í vestari hluta Tjörnesbrotabeltisins. Nokkrir jarðskjálftar komu fram og fundust á Siglufirði og Ólafsvík. Stærsti jarðskjálftinn var með stærðina 3,1 en annar stærsti jarðskjálftinn var með stærðina 2,8.


Jarðskjálftavirknin er þar sem græna stjarnan er til staðar. Höfundaréttur þessar myndar tilheyrir Veðurstofu Íslands.

Aðrir jarðskjálftar sem komu fram í þessari jarðskjálftahrinu voru minni að stærð. Það er misgengi á þessu svæði og því má búast við jarðskjálftavirkni á svæðinu.