Upplýsingar um eldgos og jarðskjálfta á Íslandi
Í dag (9. Júlí 2023) klukkan 22:22 varð jarðskjálfti með stærðina Mw5,2 rétt um 1,4 km austan við fjallið Keili. Þessi jarðskjálfti hristi vel upp í Keili og þyrlaði upp skýi af ryki og drullu. Þessi jarðskjálfti tengist þenslu sem á sér stað sunnan við Keili núna, frekar en að tengjast beint við kvikuhreifingar á þessu svæði.
Það er ennþá hætta á því að það verði fleiri svona stórir jarðskjálftar á þessu svæði þangað til að eldgosið hefst.
Þetta er stutt grein. Þar sem staðan hefur ekki breyst mjög mikið frá því síðast.
Síðan þessi virkni hófst. Þá hafa um 12000 jarðskjálftar mælst hjá Veðurstofunni samkvæmt fréttum. Stærsti jarðskjálftinn þegar þessi grein er skrifuð var með stærðina Mw4,8.
Í dag (8. Júlí 2023) klukkan 17:57 varð jarðskjálfti með stærðina Mw4,5 í Krýsuvík-Trölladyngju. Þetta er jarðskjálfti sem er tengdur spennubreytinga vegna þenslu milli Keili og Fagradalsfjalls.
Það er hætta á frekari svona jarðskjálftum, bæði fyrir og eftir að eldgosið. Það er hætta á því að þessir jarðskjálftar verði stærri en Mw5,0 og þessir jarðskjálftar geta einnig orðið á svæðum þar sem ekki hefur nein virkni áður.
Þetta er mjög stutt grein þar sem eldgos er mögulega á leiðinni. Þegar þessi grein er skrifuð er eldgos ekki hafið.
Það er óljóst hvar eldgosið mun koma upp. Fækkun jarðskjálfta bendir sterklega til þess að kvikan sé nálægt því að finna sér leið upp á yfirborðið. Samkvæmt mælingum þá er talið að kvikan sé á innan við 1 km dýpi í jarðskorpunni.
Þetta er stutt grein. Þar sem það er mikið að gerast.
Það er ólíklegt að mínu áliti að þessir jarðskjálftar tengist virkninni vegna þenslu í Fagradalsfjalli. Þeir jarðskjálftar eru yfirleitt mun nærri Fagradalsfjalli en þessi virkni. Það er ekki hægt að útiloka það en er mjög ólíklegt að svo sé. Eldri jarðskjálftavirkni á sama svæði minnkar einnig þessar líkur á því að virknin í Fagradalsfjalli sé að valda þessari virkni. Það er einnig ólíklegt að hérna sé um að ræða hreyfingar vegna jarðskorpuvirkni. Það er ekki hægt að útilokað það en er ólíkleg ástæða. Það er alltaf erfiðara að ráða í það sem gerist í svæði úti í sjó en á svæðum á landi, þar sem aðgengi er einfaldara.
Þetta er stutt grein þar sem það er mikið að gerast.
Það er ekki hægt að segja til um það hvenær eldgos hefst. Vegna þess að þarna hefur verið mikil jarðskjálftavirkni og önnur virkni síðustu tvö ár, þá eru komnir fram miklir veikleikar í jarðskorpunni á þessu svæði. Það gerir kvikunni fært að komast með einfaldari hætti upp á yfirborðið og hefja eldgos. Það er spurning hvort að það sé eitthvað við Keili sem veldur því að kvikan virðist ekki komast þar upp með einföldum hætti. Kvika leitar alltaf af þeirri leið sem veitir minnsta mótspyrnu og fer þá leið og kemur þannig af stað eldgosi. Sú staðsetning er núna milli Keili og Fagradalsfjalls virðist vera.
Á síðustu 24 klukkustundum hófst jarðskjálftahrina við Eldey og Eldeyjarboða á Reykjaneshrygg. Stærstu jarðskjálftarnir virðast vera með stærðina Mw3,2 til Mw3,7 eða í kringum þá stærð. Það er mjög erfitt að sjá þessa jarðskjálfta á korti Veðurstofunnar vegna mikillar jarðskjálftavirkni í Fagradalsfjalli og Keili.
Ég veit ekki hvort að þessi jarðskjálftavirkni tengist því sem er að gerast í Fagradalsfjalli en það er möguleiki að virknin þar hafi komið þessari virkni af stað, án þess að tengslin séu einhver meiri. Það er ekki hægt að segja til um hvað er að gerast þarna þar sem svæðið er úti í sjó.
Þetta er stutt grein þar sem það er mikið að gerast og aðstæður breytast mjög hratt.
Öll gögn benda til þess að eldgos muni hefjast. Hvar eldgosið kemur upp og hvenær er ekki hægt að segja til um.
Ég mun gera mitt besta til þess að setja inn nýja grein þegar nýjar upplýsingar koma fram.
Þetta er stutt grein þar sem staðan er að breytast mjög hratt núna.
Það er aðeins ein vefmyndavél sem er í gangi og vísar á Fagradalsfjall sem ég veit af þessa stundina. Það er hægt að skoða þá vefmyndavél hérna. Ég vonast til þess að þær vefmyndavélar sem Rúv og mbl.is voru með þegar síðasta eldgos fór af stað komist fljótlega í gang aftur.
Þetta er stutt grein, þar sem það er mikið að gerast þessa stundina.
Þessa stundina hafa komið fram um 200 jarðskjálftar þegar þessi grein er skrifuð. Fyrsti jarðskjálftinn með stærðina Mw3,1 kom fram klukkan 22:45, þetta er sjálfvirk mæling og því mun stærð þessa jarðskjálftar breytast við yfirferð.
Það er mikið að gerast þegar þessi grein er skrifuð. Ég mun reyna að uppfæra um stöðu mála eftir bestu getu hérna.