Eldstöð – Síða 84 – Jarðfræði á Íslandi

ágúst 26, 2014

Staðan í Bárðarbungu klukkan 01:28

Þessar upplýsingar geta orðið úreltar mjög hratt.

Sérstök smágrein um Öskju

Það eru uppi getgátur um það að kvikuinnskotið muni finna sér leið inn í Öskju. Mér þykir það vera mjög ólíkleg niðurstaða, sérstaklega þar sem slíkt hefur ekki gerst áður milli þessara eldstöðva. Svæðið á milli Bárðarbungu og Öskju er líklega fullt af gömlum kvikuinnskotum sem þýða að líklega kemst kvikuinnskotið ekki í gegnum eitthvað af þessum innskotum (þar sem þetta er eldfjallasvæði, þá þykir mér þetta líklegt). Undanfarna viku hefur kvikuinnskotið verið að fara í gegnum mýkra grjót á þessu svæði. Ég get hinsvegar ekki útilokað að Bárðarbunga hefji eldgos í Öskju með einhverjum öðrum leiðum sem mér eru ekki kunnar. Askja fór að undirbúa eldgos árið 2010, en þá fór kvika að streyma inn í kvikuhólf Öskju á 20 km dýpi. Hinsvegar er eldstöðin ekki tilbúin til þess að hefja eldgos, þar sem ferlið í Öskju virðist vera mjög hægt.

Sérstök smágrein um Tungafellsjökul

Þann 24-Ágúst-2014 varð jarðskjálfti með stærðina 3,0 í Tungafellsjökli. Þar að auki voru nokkrir aðrir jarðskjálftar að auki í Tungafellsjökli. Það er ekkert sem bendir til þess að virkni sé að fara aukast í Tungnafellsjökli. Það hefur verið jarðskjálftavirkni í Tungafellsjökli undanfarið ár sem bendir til þess að kvika hafi verið að streyma inn í eldstöðina á miklu dýpi (meira en 15 km dýpi), en það er ekkert sem bendir til þess að eldstöðin sé tilbúin í eldgos. Það eru einnig góðar líkur á því að jarðskjálftarnir séu að eiga sér stað vegna stress breytinga í jarðskorpunni vegna þess sigs sem er að eiga sér stað í Bárðarbungu núna. Ég tel afar ólíkleg að Bárðarbunga sé að fara ræsa eldgos í Tungafellsjökli, sérstaklega þar sem Tungafellsjökull hefur ekki gosið síðustu 10.000 árin hið minnsta. Tungafellsjökull er staðsettur vestan við Bárðarbungu og er lítil eldstöð.

Staðan í Bárðarbungu

Jarðskjálftavirkni er ennþá mikil og hafa jarðskjálftar með miðlungsstærð (5,0 til 5,9) að eiga sér stað, þeir jarðskjálftar hafa átt stað í ösku Bárðarbungu vegna sigs í öskjunni. Ástæðan fyrir því virðist vera það að kvikuinnstreymi inn í kvikuhólf Bárðarbungu er minna heldur en útstreymið eins og er. Þessi lækkun öskjunnar er einnig að valda stress breytingum í jarðskorpunni í kringum Bárðarbungu, hver niðurstaðan af því mun verða veit ég ekki ennþá. Þar sem jarðskorpan bregst hægar við þessu, en það má búast við sterkari jarðskjálftum á þessu svæði í kjölfarið á þessum spennu breytingum. Jarðskorpan á þessu svæði í kringum 46 km þykk á þessu svæði vegna heita reitsins samkvæmt mælingum vísindamanna (nánar hérna á ensku. Þetta er stórt pdf skjal).

Í dag er kvikuinnskotið á svæði sem gaus síðast árið 1797 samkvæmt sögunni. Það hefur verið óvíst hvaða eldstöð gaus því eldgosi, en það hefur oftast verið kennt við Öskju. Hinsvegar hefur komið fram í fréttum í gær (25-Ágúst-2014) að líklega væri umrætt hraun komið frá Bárðarbungu frekar en Öskju. Í dag (26-Ágúst-2014) er kvikuinnskotið rúmlega 20 km austan við Trölladyngju. Síðasta sólarhringinn hefur jarðskjálftavirkni verið að aukast á því svæði. Hinsvegar er sú jarðskjálftavirkni ekki nærri því eins mikil og á aðal svæði kvikuinnskotsins við Dyngjuháls.

Jarðskjálftavirknin í Bárðarbungu síðustu 48 klukkutímana. Höfundaréttur þessar myndar tilheyrir Veðurstofu Íslands.

Jarðskjálftavirknin hefur verið mjög þétt síðustu 48 klukkustundirnar í Bárðarbungu. Höfundaréttur þessar myndar tilheyrir Veðurstofu Íslands.

Óróinn er einnig mjög mikill á SIL stöðinni í Dyngjuhálsi. Höfundaréttur þessar myndar tilheyrir Veðurstofu Íslands.

Sömu sögu er að segja á SIL stöðinni í Öskju. Höfundaréttur þessar myndar tilheyrir Veðurstofu Íslands.

Þensla vegna kvikuinnskotsins hefur verið mjög mikil samkvæmt GPS mælingum. Hægt er að sjá fleiri mælingar hérna. Höfundaréttur af þessari mynd tilheyrir Háskóla Íslands.

Ég heyrði í útvarpinu og fjölmiðlum í dag umræðu um það að líklega mundi ekkert eldgos verða vegna þessa kvikuinnskots. Ég er ekki sammála þessu mati vísindamanna. Þar sem það byggir á þeirri forsendu að þar sem djúpir jarðskjálftar séu að eiga sér stað, þá muni líklega ekki gjósa þarna og engin merki eru um það núna að kvikan sé farin að leita upp. Vandamálið við þetta er að þau gildi sem eru notuð eru röng og hreinlega passa ekki við þau umbrot sem hérna eiga sér stað í Bárðarbungu. Þetta kvikuinnskot mun valda eldgosi. Það gæti auðvitað ekki gosið, það er alltaf möguleiki. Ég hinsvegar tel það vera minnst líklegasta möguleikann í þessu ferli sem núna er í gangi í Bárðarbungu. Kvikuinnskotið mun halda áfram að búa til leið fyrir sjálft sig þangað til að það lendir í mótstöðu sem það kemst ekki í gengum, og þá mun verða einfaldara fyrir það að fara upp frekar en niður. Ég veit ekki hvenær þetta mun gerast, þar sem ekki er hægt að spá fyrir um slíka atburði langt fram í tímann.

ágúst 24, 2014

Staða mála í Bárðarbungu klukkan 14:14

Þessar upplýsingar munu verða úreltar mjög hratt. Þar sem atburðarrásin er mjög hröð í Bárðarbungu.

Það er mjög mikil jarðskjálftavirkni undir Dyngjujökli. Það eiga sér stað 3 til 5 jarðskjálftar á hverri sekúndu (besta mat sem ég hef).
Jarðskjálftar hafa stækkað.
Virkni virðist hafa aukist í Bárðarbungu. Þó hefur ekki neitt eldgos átt sér stað ennþá.
Það bendir ekkert til þess farið sé að draga úr þessari virkni.
Innskotið í Bárðarbungu lengist og breikkar. Það er núna í kringum 40 km langt (eftir því sem ég kemst næst). Hægt hefur á myndun þessa kvikuinnskots vegna þess að jarðskorpan sem það er fara í gengum er harðari en áður. Harðari jarðskorpa þýðir að fleiri og stærri jarðskjálftar koma fram þegar kvikuinnskotið brýtur bergið.

Það hefur verið mjög mikil jarðskjálftavirkni í Bárðarbungu eins og sjá má á þessari mynd. Höfundaréttur þessar myndar tilheyrir Veðurstofu Íslands.

Fjöldi jarðskjálfta sést mjög vel hérna. Það sést einnig að jarðskjálftavirknin er mjög þétt þessa stundina. Höfundaréttur þessar myndar tilheyrir Veðurstofu Íslands.

Óróinn er orðinn mjög mikill eins og sést á SIL stöðinni í Dyngjuhálsi. Þessi stöð er næst kvikuinnskotinu í augnablikinu. Þetta er frá því í dag klukkan 13:24. Höfundaréttur þessar myndar tilheyrir Veðurstofu Íslands.

Óróinn er einnig orðin mjög mikill á SIL stöðinni í Öskju eins og sést hérna. Þetta er frá því klukkan 13:24 í dag (24-Ágúst-2014). Höfundaréttur þessar myndar tilheyrir Veðurstofu Íslands.

Núverandi lengd kvikuinnskotsins frá Bárðarbungu og undir Dyngjujökul. Þetta eru jarðskjálftarnir frá 16-Ágúst-2014. Höfundaréttur þessar myndar tilheyrir Veðurstofu Íslands.

Óróinn virðist aukast í hvert skipti sem kvikuinnflæðið eykst í kvikuinnskotið. Stórir jarðskjálftar eiga sér stað þegar megineldstöðin aðlagar sig að þessu kvikuflæði útúr henni. Það eru vísbendingar um það að þessi kvika komi af miklu dýpi í jarðskorpunni, en skortur á djúpum jarðskjálftum gera það erfitt að staðfesta þær hugmyndir.

Jarðskjálftinn sem var með stærðina 5,3 eins og hann kom fram á jarðskjálftamælinum mínum í Heklubyggð. Þessi mynd er undir Creative Commons leyfi. Sjá nánar á CC Leyfi síðunni.

Jarðskjálftinn sem var með stærðina 5,3 eins og hann kom fram á jarðskjálftamælinum mínum í Böðvarshólum. Þessi mynd er undir Creative Commons leyfi. Sjá nánar á CC Leyfi síðunni.

Jarðskjálfti sem var með stærðina 5,1 eins og hann kom fram á jarðskjálftamælinum mínum í Heklubyggð. Ég nota gögn frá EMSC sem útskýrir aðra stærð sem er sýnd á myndinni. Þessi mynd er undir Creative Commons leyfi. Sjá nánar á CC Leyfi síðunni.

Jarðskjálfti með stærðina 5,1 eins og hann kom fram á jarðskjálftamælinum mínum í Böðvarshólum. Ég nota gögn frá EMSC sem útskýrir aðra stærð sem er sýnd á myndinni.Þessi mynd er undir Creative Commons leyfi. Sjá nánar á CC Leyfi síðunni.

Jarðskjálftahrinan er mjög þétt undir Dyngjujökli þessa stundina. Kvikuinnskotið er núna að hluta til á svæði sem er laust við allan jökul. Þannig að öll smágos sem hugsanlega verða þar munu sjást á yfirborðinu. Kvikuinnskotið virðist vera undir miklum þrýstingi, en ég veit ekki ennþá hvort að það mun leiða til eldgoss. Hinsvegar þykir mér það mjög líklegt miðað við stöðu mála eins og hún er í dag.

Hægt er að fylgjast með jarðskjálftamælunum mínum hérna. Vindur sést mjög vel á jarðskjálftamælunum ef hvasst er. Jarðskjálftar sem eru stærri en 3,5 sjást alltaf á jarðskjálftamælinum mínum í þeirri fjarlægð sem um er að ræða hérna.

ágúst 24, 2014

Um litla eldgosið í Bárðarbungu (staða mála klukkan 23:45)

Upplýsingar hérna geta orðið úreltar mjög fljótt og án viðvörunar.

Eldgosið sem átti sér stað í dag (24-Ágúst-2014) í Bárðarbungu var mjög lítið. Þetta eldgos var svo lítið að það breytti ekki einu sinni yfirborði Vatnajökuls, en jökulinn þarna er í kringum 400 metra þykkur. Svona lítil eldgos eru ekki algeng á Íslandi samkvæmt sögunni. Þó svo að þau eigi sér einstaka sinnum stað.

Jarðskjálftavirknin hefur verið mjög mikil í Bárðarbungu í dag. Höfundaréttur þessar myndar tilheyrir Veðurstofu Íslands.

Stærsti jarðskjálftinn í dag hafði stærðina 4,5 samkvæmt upplýsingum frá EMSC. Aðrir jarðskjálftar hafa verið minni og hafa nokkrir atburðir komið fram í dag sem voru stærri en 3,0.

Óróinn í Bárðarbungu hefur verið mjög mikill í dag. Óróinn sem kom fram vegna litla eldgossins í dag er öðruvísi sá órói sem rennsli kviku neðanjarðar sem kemur einnig fram á Dyngjuhálsi SIL stöðinni. Höfundaréttur þessar myndar tilheyrir Veðurstofu Íslands.

Óróinn sást einnig vel á Kreppuhraun SIL stöðinni. Höfundaréttur þessar myndar tilheyrir Veðurstofu Íslands.

Kvikuinnskotið í jarðskorpuna hefur valdið því að hún þenst út eins og þessi GPS gögn sýna. Hægt er að skoða fleiri GPS gögn hérna (á ensku). Höfundaréttur af þessari mynd tilheyrir Háskóla Íslands.

Núverandi GPS gögn sýna að færslan norður hefur hætt, í staðinn er þenslan vestur farin að aukast ennþá meira og er núna 2 til 3 sm á hverju degi. Kvikuinnskotið hefur einnig breytt um stefnu, það leitar núna meira í norður heldur en í norð-austur eins og áður var. Síðan virðist kvikuinnstreymi inn í þennan berggang (visindavefur.is) vera mjög stöðugt og vera að mestu leiti ennþá á 5 til 10 km dýpi. Það hefur ekki dregið úr þessu innstreymi kviku í dag.

Það virðist sem að þetta eldgos hafi verið svo lítið að ég er ekki viss um að það hafi varað í klukkutíma. Þar sem þetta hinsvegar á sér stað undir 400 metrum af jökli þá eru þetta aðalega ágiskanir hjá mér, þar sem ég hef eingöngu mæligögn til þess að nota til þess að sjá þetta eldgos. Ég er viss um að þetta er ekki síðasta litla eldgosið sem mun eiga sér stað þarna, og ég er alveg viss um að einhver af þessum smá eldgosum munu verða á svæði þar sem enginn jökull er til staðar.

ágúst 23, 2014

Lítið eldgos staðfest í Bárðarbungu

Nýjar upplýsingar. Þessar upplýsingar verða úreltar mjög fljótt.

Lítið eldgos er hafið í Bárðarbungu samkvæmt Veðurstofu Íslands. Sem stendur er þetta eldgos undir jökli og er lítið.

Ég mun setja inn nýjar upplýsingar um stöðu mála um leið og ég hef þær.

ágúst 23, 2014

Hugsanlegt eldgos í Bárðarbungu

Þetta hérna eru fyrstu upplýsingar og gætu verið rangar! Eldgos gæti ekki verið að hefjast og þetta gæti allt eins verið breytingar á óróa vegna kviku neðanjarðar. Það er ekki hægt að vera viss fyrr en búið er að staðfesta eldgos með öðrum leiðum.

Það virðist sem að eldgos sé líklega að hefjast í Bárðarbungu. Óróinn er farinn að stíga mjög mikið þessa stundina eins og sést á umræddum SIL stöðvum Veðurstofunnar.

Óróinn á Dyngjuhálsi SIL stöðinni klukkan 11:09. Höfundaréttur að þessari mynd tilheyrir Veðurstofu Íslands.

Óróinn á Kreppuhraun SIL stöðinni klukkan 11:10. Höfundaréttur að þessari mynd tilheyrir Veðurstofu Íslands.

Óróinn kemur einnig vel fram á Mókollum SIL stöðinni klukkan 11:10. Höfundaréttur að þessari mynd tilheyrir Veðurstofu Íslands.

Það er óljóst hvað er að gerast núna. Ekkert hefur verið staðfest ennþá þegar þetta er skrifað. Það er möguleiki á því að það sé ekki eldgos að hefjast í Bárðarbungu þessa stundina, það gæti þó breyst án fyrirvara hvenær sem er.

ágúst 23, 2014ágúst 23, 2014

Staðan í Bárðarbungu klukkan 23:23

Þetta er stutt yfirlit yfir stöðu mála í Bárðarbungu. Ég er ennþá veikur en ég geri mitt besta.

Styrkir: Fólk getur styrkt mína vinnu með því að leggja inn á mig. Upplýsingar hvernig hægt er að gera það er að finna hérna. Það er einnig hægt að styrkja mig með því að versla í gegnum Amazon eða með því að nota PayPal takkann sem er hérna.

Þessar upplýsingar geta orðið úreltar mjög fljótt og án viðvörunar.

Hérna eru nokkrir stuttir punktar um stöðu mála í Bárðarbungu.

Dregið hefur úr jarðskjálftavirkni í dag (22-Ágúst-2014) miðað við það sem var í gær (21-Ágúst-2014).
Kvikuinnskotið hefur haldið áfram að stækka í dag á 5 til 10 km dýpi. Það virðist ekki hafa hægt á sér eða dregið úr því eins og stendur. Það bendir einnig ýmislegt til þess að kvikunnskotið verði fyrir minna viðnámi í jarðskorpunni, það hefur þýtt færri jarðskjálfta í dag. Kvikuinnskotið er talið vera í kringum 25 km langt í dag og dýpið er 5 til 10 km.
Askja Bárðarbungu hefur gefið aðeins eftir þar sem þrýstingslækkun hefur átt sér stað innan kvikuhólfs Bárðarbungu, þar sem mikil kvika hefur farið í kvikuinnskotið enda er núna áætlað að rúmlega 200 milljón m³ rúmmetrar af kviku hafi farið í kvikuinnskotið.
Samkvæmt frétt Rúv þá er þenslan í dag orðin 20 sm og er þetta byggt á upplýsingum frá Veðurstofu Íslands.
Síðan þessi virkni hófst í Bárðarbungu hafa rúmlega 5000 jarðskjálftar mælst í Bárðarbungu síðan þessi hrina hófst þann 16-Ágúst-2014.

Það er einnig ýmislegt sem bendir þess að þessi virkni í Bárðarbungu gæti verið upphafið af nýju tímabili eldgosa í Bárðarbungu. Upp er komin sú hugmynd að það sem er að gerast í Bárðarbungu er eitthvað svipað og það sem gerðist í Kröflu (upplýsingar um eldgos í Kröflu er að finna hérna) þegar eldgos áttu sér stað þar. Það á eftir að koma í ljós hvort að þessi hugmynd um eldgos í Bárðarbungu og hugsanleg líkindi við eldgos í Kröflu standist.

Jarðskjálftavirknin í Bárðarbungu síðustu 48 klukkutímana. Höfundaréttur að þessari mynd tilheyrir Veðurstofu Íslands.

Aðeins hefur dregið úr jarðskjálftavirkni síðust 48 klukkutímana. Höfundaréttur að þessari mynd tilheyrir Veðurstofu Íslands.

Órói er ennþá mjög mikill þó svo að dregið hafi úr jarðskjálftavirkinni í dag. Þessi mikli órói tengist væntanlega því kvikuinnstreymi sem á sér núna stað inn í kvikuinnskotið á 5 til 10 km dýpi. Þessi órói virðist ekki tengjast jarðskjálftavirkni í Bárðarbungu (að einhverju leiti). Höfundaréttur að þessari mynd tilheyrir Veðurstofu Íslands.

GPS gögn sýna vel færsluna sem á sér stað núna í Bárðarbungu. Þensla til norðurs hefur minnkað en þensla til vesturs heldur áfram óbreytt eins og er. Frekari GPS gögn er að finna hérna (á ensku). Höfundaréttur þessar myndar tilheyrir Háskóla Íslands.

Jarðskjálftinn sem var með stærðina 4,7 eins og hann kom fram á jarðskjálftamælinum mínum í Heklubyggð. Þessi myndir er undir Creative Commons leyfi. Sjá nánar á CC Leyfi síðunni.

Jarðskjálftinn sem var með stærðina 4,7 eins og hann kom fram á jarðskjálftamælinum mínum í Böðvarshólum. Þessi myndir er undir Creative Commons leyfi. Sjá nánar á CC Leyfi síðunni.

Stærsti jarðskjálftinn hingað til hafði stærðina 4,7 (EMSC upplýsingar er að finna hérna). Sá jarðskjálfti varð í gær (21-Ágúst-2014). Í dag varð síðan jarðskjálfti með stærðina 4,3 í Bárðarbungu (EMSC upplýsingar hérna). Þessir jarðskjálftar eiga sér stað vegna lækkunar öskjunnar í Bárðarbungu eins og er útskýrt hérna að ofan. Ef að kvikuinnskotið, þá er hætta á því að jarðskjálftavirkni haldi áfram að aukast. Það er ekki vitað hvort að einhver kvika er að koma af dýpi inn í Bárðarbungu (möttlinum) þar sem engir djúpir jarðskjálftar hafa átt sér stað ennþá.

Færsla uppfærð klukkan 23:29.

ágúst 20, 2014ágúst 20, 2014

Staðan í Bárðarbungu klukkan 19:41

Styrkir: Ég vil minna fólk að styrkja mína vinnu ef það getur. Ef fólk smellir á Amazon auglýsinganar þá gildir hver smellur í 90 daga, en ég fæ aðeins tekjur af hverri sölu í gegnum Amazon en ekki af hverjum smelli.

Þessar upplýsingar geta orðið úreltar á mjög skömmum tíma.

Ég skipti núna upplýsingum um Bárðarbungu. Þar sem mjög mikið af upplýsingum er til staðar um stöðuna í Bárðarbungu núna. Þetta mun leyfa mér að fjalla betur um stöðuna í Bárðarbungu eftir því sem líður á atburðina í Bárðarbungu.

Jarðskjálftahrinan í Bárðarbungu síðustu 48 klukkustundirnar. Höfundaréttur þessar myndar tilheyrir Veðurstofu Íslands.

Jarðskjálftavirknin minnkaði aðeins í gær (19-Ágúst-2014) en jókst aftur í dag (20-Ágúst-2014). Það er einnig áhugavert er að jarðskjálftavirkni hefur aukist í öskju Bárðarbungu. Askjan er full af jökli sem er 700 metra þykkur og eldgos þar yrði einstaklinga slæmt. Stærstu jarðskjáfltanir sem hafa orðið (þegar þetta er skrifað) hafa náð stærðinni 3,2 og stærðinni 3,0. Yfir 700 jarðskjálftar hafa mælst í dag samkvæmt bestu tölum sem ég hef núna.

Jarðskjálftavirknin er mjög mikil síðustu 48 klukkustundirnar. Höfundaréttur þessar myndar tilheyrir Veðurstofu Íslands.

Óróinn er ennþá mjög mikill eins og sést á Dyngjuháls SIL stöðinni. Höfundaréttur þessar myndar tilheyrir Veðurstofu Íslands.

Sá mikli órói sem ennþá að mælast þýðir að mikil kvika er ennþá að streyma inn í Bárðarbungu eldstöðina af miklu dýpi. Það eru smá sveiflur í þessu flæði og kemur það bæði fram í örlítið lægri óróa á mælum Veðurstofunnar og í örlítið færri jarðskjálftum. Jarðskjálftagögn sýna að kvikan er að þrýsta sér leið norð-austur mjög hægt. Það er óljóst hversu mikla kviku jarðskorpan þarna tekur við og hversu langan tíma það tekur fyrir kvikuna að fylla þetta rými sem þarna er til staðar. Ég sé einnig á mínum jarðskjálftamælum vísbendingar um það að kvika sé farin að leita sér að leið upp á yfirborðið.

Lágtíðniskjálfti sem varð í Bárðarbungu í dag (20-Ágúst-2014) klukkan 00:58. Þessi myndir er undir Creative Commons leyfinu. Sjá CC leyfi síðunar fyrir frekari upplýsingar.

Þetta er lágtíðnijarðskjálfti. Slíkir jarðskjálftar verða til þegar kvika brýtur sér leið í jarðskorpunni, yfirleitt upp á yfirborðið. Þegar kvikan brýtur sér leið upp á yfirborðið þá losnar gas úr kvikunni og það veldur þessari lágtíðni sem sést í jarðskjálftanum. Þetta þýðir að eitthvað af kviku er farið að brjóta sér leið upp á yfirborðið, en er augljóslega ekki komið upp á yfirborðið (þegar þetta er skrifað) þar sem eldgos er ekki hafið. Kvikan á þessu svæði er undir miklum þrýsting, þar sem að jökulinn er að minnsta kosti 600 metra þykkur á þessu svæði auk þrýstings frá jarðskorpunni.

ágúst 19, 2014

Staðan í Bárðarbungu klukkan 16:33

Þetta hérna er stutt færsla um stöðu mála í Bárðarbungu. Þessar upplýsingar geta orðið úreltar fljótt.

Það hefur lítil breyting átt sér stað í Bárðarbungu síðan í gær (18-Ágúst-2014), en jarðskjálftavirkni hefur verið að færast norð-austur samkvæmt mælingum en fjöldi jarðskjálfta er sá sami í dag og í gær. Jarðskjálftahrinan er komin nærri Kverkfjöllum, en er ennþá innan sprungusveims Bárðarbungu. Ég veit ekki hvað gerist ef kvika frá Bárðarbungu kemst í snertingu við kviku sem er í Kverkfjöllum.

Jarðskjálftavirknin í Bárðarbungu síðustu 48 klukkustundir. Stærsti jarðskjálftinn í dag hafði stærðina 3,1. Höfundaréttur þessar myndar tilheyrir Veðurstofu Íslands.

Það hefur verið mikil jarðskjálftavirkni í Bárðarbungu síðustu 48 klukkutímana. Höfundaréttur þessar myndar tilheyrir Veðurstofu Íslands.

Stærsti jarðskjálftinn í dag hefur haft stærðina 3,1 eins og áður segir. Eins og staðan er núna þá hafa ekki komið fram fleiri jarðskjálftar með þessa stærð ennþá. Það gæti þó breyst án fyrirvara.

Óróinn er ennþá mikill á SIL stöðinni í Dyngjuhálsi. Þó svo að ekkert eldgos sé hafið í Bárðarbungu. Ég veit ekki afhverju þessi órói kemur fram, hugsanlegt sé að þetta sé vegna kvikuhreyfinga í jarðskorpunni. Höfundaréttur þessar myndar tilheyrir Veðurstofu Íslands.

Óróinn sýnir mjög greinilega þá púsla sem hafa orðið í Bárðarbungu síðan þessi virkni hófst. Þetta virðist virka þannig að þegar óróinn minnkar þá dregur úr jarðskjálftavirkni, og þegar óróinn eykst þá eykst jarðskjálftavirknin. Það hefur þó gerst að jarðskjálftavirknin hefur fyrst aukist og síðan hefur óróinn aukist í kjölfarið.

GPS gögn sýna mikið innstreymi kviku í Bárðarbungu. Hægt er að finna fleiri gögn hérna. Höfundaréttur þessar myndar tilheyrir Háskóla Íslands.

GPS gögn sýna að innflæði kviku í Bárðarbungu er mjög mikið og snöggt. Þar sem þessi gögn eru aðeins fyrir nokkra daga (heildartímabilið er 3 mánuðir). Ég reikna með að frekari þensla muni eiga sér stað á næstu dögum. Ég veit ekki hversu mikla þenslu þarf að eiga sér stað áður en eldgos hefst.

Þenslan í Bárðarbungu sést einnig vel á GPS mælinum sem er á Grímsfjalli. Hægt er að finna fleiri gögn hérna. Höfundaréttur þessar myndar tilheyrir Háskóla Íslands.

Eins og stendur þá bendir ekkert til þess að draga sér úr þessari virkni. Ég veit ekki hvenær þetta mun enda í eldgosi. Fyrir þá sem eru að leita að vefmyndavélum af Bárðarbungu, þá hefur Míla sett upp nýja vefmyndavél og hægt er að horfa á hana hérna.

ágúst 18, 2014

Viðvörunarstig Bárðarbungu hækkað

Hérna er stutt yfirlit um stöðu mála í Bárðarbungu. Þessar upplýsingar munu úreldast mjög fljótt þar sem aðstæður breytast mjög hratt í Bárðarbungu.

Veðurstofan hefur hækkað viðvörunarstig fyrir flugumferð í Appelsínugult (sjá hérna). GPS mælingar hafa staðfest að kvika er á ferðinni í Bárðarbungu og er þenslan bæði mikil og hröð þessa stundina.

GPS mæligögn frá Háskóla Íslands. Þessi mæligögn sýna mikla hreyfingu á GPS mælingum síðustu daga. Frekari GPS gögn er að finna hérna. Höfundaréttur þessar myndar tilheyrir Háskóla Íslands.

Jarðskjálftavirkni hefur verið svipuð í dag og í gær. Það eru smá sveiflur í virkninni en yfir heildina þá er jarðskjálftavirknin mjög stöðug.

Jarðskjálftavirknin í Bárðarbungu síðustu 48 klukkutímana. Höfundaréttur þessar myndar tilheyrir Veðurstofu Íslands.

Tromlurit Veðurstofunnar sýnir einnig áhugaverðan atburð klukkan 11:00 þar sem kemur fjöldi af litlum jarðskjálftum, og í kjölfarið jókst óróinn frá Bárðarbungu. Þetta er SIL stöðinn í Öskju. Höfundaréttur þessar myndar tilheyrir Veðurstofu Íslands.

Sama sést á Dyngjuhálsi SIL stöðinni. Höfundaréttur þessar myndar tilheyrir Veðurstofu Íslands.

Þetta sést einnig mjög vel á Kreppuhrauni SIL stöðinni. Höfundaréttur þessar myndar tilheyrir Veðurstofu Íslands.

Jarðskjálftavirkni hefur verið mjög stöðug í dag og hefur lítið breyst frá því í gær, gæti jafnvel verið örlítið hærri.

Jarðskjálftavirknin hefur verið að færast norð-austur síðustu klukkutímana. Jarðskjálftavirknin sem er við Dyngjuháls virðist verið stöðug í augnablikinu. Það virðist hafa dregið úr jarðskjálftavirkni í öðrum hlutum Bárðarbungu eins og staðan er núna. Það gæti breyst án viðvörunar.

Jarðskjálftavirknin hefur verið mjög stöðug í Bárðarbungu. Höfundaréttur þessar myndar tilheyrir Veðurstofu Íslands.

Óróinn sem hefur verið í Bárðarbungu síðan þetta hófst er stöðugur eins og hefur verið raunin síðan þessi atburðarrás hófst. Það koma fram smá sveiflur í takt við það þegar dregið hefur úr jarðskjálftavirkni í Bárðarbungu.

Óróinn á SIL stöðinni við Dyngjuháls. Höfundaréttur þessar myndar tilheyrir Veðurstofu Íslands.

Óróinn við Kreppuhraun SIL stöðinni. Þar sést einnig að óróinn er að aukast síðasta klukkutímann. Ástæður þess eru ókunnar eins og er. Höfundaréttur þessar myndar tilheyrir Veðurstofu Íslands.

Vonaskarð SIL stöðinn sýnir einnig þennan aukna óróa. Á Vonaskarð er svipað og sést á Kreppuhraun SIL stöðinni. Höfundaréttur þessar myndar tilheyrir Veðurstofu Íslands.

Ég veit ekki afhverju óróinn er eins og hann er núna. Sérstaklega þar sem eldgos er ekki hafið þegar þetta er skrifað (eftir því sem ég best veit). Þetta gæti stafað af breytingum á háhitasvæðum sem eru þarna undir jöklinum, eða þarna er einhver önnur ástæða að verki sem ég veit ekki hver er.

ágúst 18, 2014

Jarðskjálfti með stærðina 3,3 í Kverkfjöllum

Í dag (17-Ágúst-2014) varð jarðskjálfti með stærðina 3,3 og 9,5 km dýpi í Kverkfjöllum. Þessi jarðskjálfti var hluti af lítilli jarðskjálftahrinu sem átti sér stað í Kverkfjöllum og tengist hugsanlega þeirri virkni sem núna á sér stað í Bárðarbungu.

Jarðskjálftinn í Kverkfjöllum auk jarðskjálftanna í Bárðarbungu. Höfundaréttur þessar myndar tilheyrir Veðurstofu Íslands.

Þessi jarðskjálfti fannst af ferðamönnum og skálavörðum nærri Kverkfjöllum þegar hann átti sér stað. Það er ekkert sem bendir til þess að frekari jarðskjálftavirkni muni eiga sér stað í Kverkfjöllum þó svo að mikil læti séu til staðar í Bárðarbungu eins og er. Ég reikna ekki með frekari virkni í Kverkfjöllum, þó svo að ekki sé hægt að útiloka slíkt þar sem um er að ræða virka eldstöð.

Samþykki fyrir vefköku