Dagleg staða á jarðskjálftunum í Reykjanes og Krýsuvík eldstöðvunum þann 28-Febrúar-2021 klukkan 22:25

Ég hef fært mig yfir í daglegar uppfærslur á stöðu mála í jarðskjálftavirkninni í eldstöðvunum Reykjanes og Krýsuvík.

Staðan á jarðskjálftavirkninni á Reykjanesskaga í dag er sú sama og í gær. Síðustu 24 klukkutímana stærstu jarðskjálftarnir hafa náð stærðinni Mw4,7 og það hafa komið fram mjög margir jarðskjálftar sem eru stærri en Mw3,0. Engin kvikuhreyfing hefur mælst ennþá samkvæmt Veðurstofunni en Jarðvísindadeild Háskóla Íslands varaði við því að slíkt merki gætu verið að týnast í allri þeirri jarðskjálftavirkninni sem er núna að eiga sér stað. Það var einnig sagt frá því að jarðskjálftamælar geta aðeins séð kvikuhreyfingar í fyrstu 5 km í jarðskorpunni og kvikuhreyfingar sem eru neðar en það koma ekki fram á jarðskjálftamælum. Það hafa ekki komið fram nein augljós merki um kvikuhreyfingar undanfarna daga á Reykjanesskaga. Hægt er að lesa allan texta Jarðfræðideildar Háskóla Íslands hérna.

Jarðskjálftavirkni nær frá suð-vestur til norð-austur á Reykjanesskaga. Rauðir punktar sýna nýjustu jarðskjálftana og það er mikið af þeim.
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Eitthvað af jarðskjálftavirkninni hefur færst nær fjallinu Keili. Önnur jarðskjálftavirkni virðist vera á svipuðum stað og áður og það er nærri fjallinu Fagradalsfjall. Ég veit ekki hvort að þetta mun breyta einhverju varðandi þessa jarðskjálftavirkni en það er hætta á því. Veðurstofan vonast til þess að jarðskjálftahrinunni ljúki í næstu viku.

Ef eitthvað meiriháttar gerist þá mun ég setja inn nýja grein eins fljótt og hægt er.

Staðan í eldstöðvunum Reykjanes og Krýsuvík klukkan 15:31 þann 27-Febrúar-2021

Þetta er stutt yfirlit um stöðuna á eldstöðvunum Reykjanes og Krýsuvík.

Stærsti jarðskjálftinn síðustu 24 klukkustundirnar var jarðskjálfti með stærðina Mw5,2 klukkan 08:17 og fannst þessi jarðskjálfti yfir mjög stórt svæði á vesturhelmingi Íslands. Á síðustu 48 klukkutímum hafa komið fram 95 jarðskjálftar sem eru stærri en Mw3,0 að stærð. GPS gögn eru að sýna mikla tilfærslu í kjölfar jarðskjálftanna og er hægt að skoða þau gögn hérna (Crustal Deformation). Stærstu færslunar hafa verið í kringum Krýsuvík en tilfærslur sjást einnig á öðrum GPS stöðvum á Reykjanesskaga.

Jarðskjáltavirknin á Reykjanesskaga. Grænar stjörnur frá suð-vestri til norð-austurs sýna alla þá jarðskjáltavirkni sem hefur komið fram síðustu tvo daga. Mikið af rauðum punktum sem táknar nýja og ferska jarðskjálfta á Reykjanesskaga
Jarðskjálftavirknin á Reykjanesskaga síðustu 48 klukkutíma. Höfundarréttur þessar myndar tilheyrir Veðurstofu Íslands.

Sprungur hafa komið fram í einum vegi samkvæmt Vegagerðinni og aðrar minniháttar skemmdir hafa komið fram samkvæmt fréttum í húsum á Reykjanesskaga. Það verður stormur á Íslandi til 2-Mars-2021 og mun þessi stormur valda því að minna mun mælast af jarðskjálftum á meðan stormurinn gengur yfir.

Frétt um sprunguna í veginum

Sprungur á Suðurstrandavegi vegna skjálftanna (Rúv.is)

Staðan í eldstöðvunum Reykjanes og Krýsuvík klukkan 16:17 þann 26-Febrúar-2021

Þetta er stutt grein um stöðuna í eldstöðvanar Reykjanes og Krýsuvík.

Klukkan 12:06 varð jarðskjálfti með stærðina Mw4,4 sem urðu í Fagradalsfjalli. Hrina jarðskjálfta með stærðina Mw3,0 stendur yfir á Reykjanesinu og er ennþá í gangi. Það er erfitt að skrifa góða grein um stöðuna þegar jarðskjálftavirknin er eins mikil og hún er núna. Aflögun á Reykjanesinu er mjög mikil samkvæmt mælingum Veðurstofu Íslands. Það er ekkert sem bendir til þess að kvika hafi fundið sér leið upp á yfirborðið í þessum jarðskjálftum.

Jarðskjálftavirknin á Reykjanesskaga. Grænar stjörnur frá suð-vestri til norð-austurs á Reykjanesskaga sem sýna staðsetningu jarðskjálfta sem eru stærri en 3,0 að stærð. Mikið um rauða punkta sem tákna nýja jarðskjálfta á Reykjanesinu sem fara ofan í appelsínugula og bláa punkta sem tákna eldri jarðskjálfta.
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Óvenju mikið af vetni hefur mælst í Svartsengi undanfarin sólarhring. Það er óljóst afhverju það stafar og frekari rannsóknir þarf til þess að sjá afhverju þetta stafar. Það hafa ekki komið fram tilkyningar um breytingar á öðrum gasi sem mælist frá eldstöðvum á þessu svæði þegar þessi grein er skrifuð.

Ef eitthvað stórt gerist þá mun ég skrifa grein eins fljótt og mögulegt er.

Staðan á eldstöðvunum Reykjanes og Krýsuvík þann 25-Febrúar-2021 klukkan 19:58

Þetta er stutt yfirlit um stöðuna á eldstöðvunum Reykjanes og Krýsuvík. Þessi uppfærsla er skrifuð klukkan 19:58.

Jarðskjálftavirknin í dag (25-Febrúar-2021) hefur mikið verið eingöngu litlir jarðskjálftar. Stærstu jarðskjálftarnir í dag hafa náð stærðinni Mw3,5, þessi tala getur áfram breyst án fyrirvara. Síðasta sólarhringinn hafa komið fram meira en 2500 jarðskjálftar samkvæmt mælingum Veðurstofu Íslands.

Grænar stjörnur frá vestri til austur sýna jarðskjálftana sem urðu í gær eftir stærsta jarðskjáfltann í gær. Gulir punktar og síðan appelsínugilir punktar yfir aðeins eldri jarðskjálfta
Jarðskjálftavirkni á Reykjanesskaga síðustu 48 klukkutímana. Höfundarréttur þessar myndar tilheyrir Veðurstofu Íslands.

Gufa hefur verið staðfest nærri bílastæði við fjallið Keili á Reykjanesskaga. Þarna var ekki gufa áður en jarðskjálftinn með stærðina Mw5,7 varð í gær (24-Febrúar). Það er ekki orðið ljóst hvað er að gerast á þessum stað. Það er ennþá mjög mikil hætta á stórum jarðskjálfta með stærðina Mw6,0 til Mw6,8 á Reykjanesskaga vegna þessar jarðskjálftavirkni.

Ég mun setja inn nýja grein eins fljótt og hægt er ef eitthvað gerist.

Staðan á virkninni í eldstöðvunum Reykjanes og Krýsuvík klukkan 22:18

Þetta er stutt uppfærsla klukkan 22:18 á stöðunni í jarðskjálftavirkninni í eldstöðvunum Reykjanes og Krýsuvík.

Það hefur aðeins dregið úr jarðskjálftavirkninni síðan uppfærslunni klukkan 14:55. Þegar þetta er skrifað þá eru færri stórir jarðskjálftar að eiga sér stað núna. Sú staða getur breyst án fyrirvara. Það virðast sem að ný svæði séu að verða virk samkvæmt sjálfvirku korti Veðurstofunnar. Það er ekki hægt að segja til um það hvort að þetta sé tilbúningur í kerfi Veðurstofunnar vegna mikillar jarðskjálftavirkni á svæðinu eða hvort að þetta sé eitthvað sem er að gerast þegar þessi grein er skrifuð.

Jarðskjálftavirknin frá vestri til austurs á Reykjanesskaga. Það er mikið um rauða punkta og mikið um grænar stjörnur á kortinu sem tákna jarðskjálfta sem eru stærri en Mw3,0 að stærð.
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.
Jarðskjálftagraf sem sýnir virkni síðustu 48 klukkutíma á Reykjanesinu. Elstu jarðskjálftanir eru farnir að verða appelsínugilir og texti á myndinni þar sem stendur 5,7 og táknar stærsta jarðskjálfta dagsins
Jarðskjálftavirkni á Reykjanesskaga í dag. Höfundarréttur þessar myndar tilheyrir Veðurstofu Íslands.

Þessa stundina er ekkert sem bendir til þess að kvika sé farin að leita upp á yfirborðið í báðum eldstöðvarkerfum. Það gæti breyst ef það verður breyting á virkninni án viðvörunnar. Vegna þess hversu langt er síðan eldgos varð á þessu svæði þá er erfitt að segja til um það hvað gerist áður en eldgos verður í þessum eldstöðvum. Það eina sem er vitað er jarðskjálftavirkni samkvæmt sögulegum heimilum frá því um fyrir 681 árum síðan og lifðu fram til dagsins í dag. Þar kemur fram að jarðskjálftavirknin jókst mjög hratt áður en eldgos varð og talsvert áður en eldgos verður. Síðasta eldgos í Krýsuvík varð árið 1340.

Næsta grein verður á morgun (25-Febrúar-2021) ef ekkert stórt gerist en þá mun ég skrifa grein eins fljótt og hægt er.

Staðan á eldstöðvunum Reykjanes og Krýsuvík klukkan 14:55

Þetta er uppfærsla klukkna 14:55.

Þetta er um eldstöðvanar Reykjanes og Krýsuvík.

Samkvæmt nýjum myndum frá Landshelgisgæslunni þá er komin fram gufa á svæðum þar sem ekki virðist hafa verið gufuvirkni áður en stóri jarðskjálftinn átti sér stað. Það á eftir að staðfesta að þarna hafi ekki verið gufuvirkni áður en stóri jarðskjálftinn varð í morgun.

Jarðskjálftavirknin á Reykjanesskaga. Grænar stjörnur ná frá vestri til austurs og tákna jarðskjálfta sem eru stærri en Mw3,0 og það hafa orðið margir slíkir jarðskjálftar
Jarðskjálftar á Reykjanesskaga í dag. Höfundarréttur þessar myndar tilheyrir Veðurstofu Íslands.

Fréttir af gufustrókunum.

Hvít­ir gufustrók­ar sjást á svæðinu (mbl.is)

Jarðskjálfti með stærðina Mw5,7 í eldstöðinni Reykjanes (staðan klukkan 12:53)

Þetta er stutt grein klukkan 12:53 á Reykjanesskaga í eldstöðinni Reykjanes.

Það er hægt að sjá jarðskjáfltana á vefsíðunni hjá mér hérna. Þessi vefsíða er hýst heima hjá mér og er því á takmarkaðri bandvídd og getur því orðið mjög hæg. Ég hýsi vefsíðuna sjálfur vegna hugbúnaðar krafna sem fylgja þeim hugbúnaði sem ég nota.

Stærsti jarðskjálftinn í þessari jarðskjálftahrinu var með stærðina Mw5,7 og fannst yfir allt vestanvert Ísland. Minniháttar tjón hefur verið tilkynnt og þá eru hlutir aðalega að falla úr hillum, veggjum, gluggum og öðrum slíkum stöðum.

Grænar stjörnur ná frá vestanverðu Reykjanesi að Krýsuvík og það er mikil jarðskjálftavirkni þarna.
Jarðskjálftavirknin á Reykjanesinu og er hver græn stjarna jarðskjálfti með stærðina yfir Mw3,0. Höfundarréttur þessar myndar tilheyrir Veðurstofu Íslands.
Jarðskjálftavirknin á Reykjanesinu graf sem sýnir mjög marga jarðskjáflta sem eru stærri en Mw3,0 sem hafa orðið síðan klukkan 10 í morgun
Jarðskjálftagrafið sem sýnir að jarðskjálftahrinan er mjög þétt og mjög margir jarðskjálftar hafa orðið sem eru stærri en Mw3,0 að stærð þarna. Höfundarréttur þessar myndar tilheyrir Veðurstofu Íslands.

Ég mun setja inn nýjar uppfærslur um stöðu mála eftir því sem dagurinn líður. Ástæða þess að ég var mjög seinn er sú að ég var sofandi þegar stærsti jarðskjálftinn átti sér stað og ég vaknaði ekki við stærsta jarðskjálftann.

Kröftugur jarðskjálfti í Bárðarbungu

Aðfaranótt 13-Febrúar 2021 klukkan 02:30 varð jarðskjálfti með stærðina Mw4,0 í Bárðarbungu. Þessi jarðskjálftavirkni er venjuleg vegna þess að eldstöðin er að þenjast út og hefur verið að gera það síðan eldgosinu lauk Febrúar 2015.

Græn stjarna sýnir jarðskjálftann með stærðina 4,0 í Bárðarbungu í norð-vestur hluta Vatnajökuls. Það eru einnig nokkrir minni jarðskjálftar sem koma fram og eru merktir með appelsínugulum punktum.
Jarðskjálftavirkni í Bárðarbungu. Græna stjarna sýnir staðsetningu jarðskjálftans með stærðina Mw4,0. Höfundarréttur þessar myndar tilheyrir Veðurstofu Íslands.

Það verður jarðskjálfti af þessari stærð á nokkura vikna til mánaða fresti í Bárðarbungu og síðast varð jarðskjálfti með stærðina Mw3,9 þann 21-Desember 2020. Þessi jarðskjálftavirkni í Bárðarbungu mun halda áfram í mjög langan tíma eða þangað til að næsta eldgos verður eftir 20 til 100 ár.

Staðan í jarðskjálftahrinunni í eldstöðinni Reykjanes þann 11-Febrúar 2021

Jarðskjálftahrinan sem hófst fyrir meira en einu ári síðan heldur áfram. Þann 11-Febrúar 2021 varð jarðskjálfti með stærðina Mw3,0. Aðrir jarðskjálftar sem hafa komið fram voru minni að stærð. Þann 11-Febrúar 2021 klukkan 07:56 varð jarðskjálfti með stærðina Mw3,0 á þessu svæði Aðrir jarðskjálftar voru minni eins og hefur oftast verið raunin síðan 20-Janúar 2020.

Jarðskjálftavirknin austan við Grindavík. Nýjustu jarðskjálftanir eru með rauðum punktum en þeir elstu eru bláir punktar.
Jarðskjálftavirknin í eldstöðinni Reykjanes. Höfundarréttur þessar myndar tilheyrir Veðurstofu Íslands.

Síðan kvika fór að flæða inná þetta svæði þann 20-Janúar 2020 þá hefur verið stöðug jarðskjálftavirkni á þessu svæði. Ég reikna ekki með því að jarðskjálftavirkni muni hætta þarna. Það er ekki hægt að segja til um það hvenær eldgos mun eiga sér stað. Núverandi GPS gögn sýna ekki neina sérstaka breytingu á þessu svæði eða benda til þess að eitthvað sé að fara að gerast þarna.

Jarðskjálftahrina austur af Grímsey

Þann 4-Febrúar-2021 hófst jarðskjálftahrina austur af Grímsey á Tjörnesbrotabeltinu. Þetta hefur ekki verið mjög stór jarðskjálftahrina þar sem flestir jarðskjálftanir voru með stærðina Mw0,0 til Mw3,0. Stærsti jarðskjáfltinn varð klukkan 20:20 þann 9-Febrúar-2021. Eftir að sá jarðskjálfti varð dró verulega úr jarðskjálftavirkni á þessu svæði.

Jarðskjálftavirknin austan við Grímsey er sýnd með bláum og appelsínugulum punktum á kortinu
Jarðskjálftavirknin austan við Grímsey. Höfundarréttur þessar myndar tilheyrir Veðurstofu Íslands.

Jarðskjálftavirkni er algeng á þessu svæði og þarna varð mjög mikil jarðskjálftavirkni árið 2020 á Tjörnesbrotabeltinu.