Category: Reykjanes

Birt þann

Jarðskjálftavirkni norður af Grindavík (stöðug jarðskjálftavirkni)

Í gær (18-Maí-2022), þá gleymdi ég að skrifa um þá stöðugu jarðskjálftavirkni sem er norður af Grindavík. Þessi jarðskjálftavirkni kemur til vegna þess að þarna hefur myndast nýtt kvikuinnskot eða þá að kvikuinnskotið frá Svartsengi nær til þessa staðar. Ég veit ekki hvort gildir hérna. Kort á Skjálftalísu Veðurstofu Íslands bendir sterklega til þess að þarna hafi myndast annað kvikuinnskot, hinsvegar eru þessar niðurstöður frekar óljósar eins og er. Á svæðinu austan við Þorbjörn er gömul gígaröð, ég veit ekki hvenær það gaus þarna en hugsanlega gaus þarna á 12 og 13 öldinni.

Sex grænar stjörnur norður af Grindavík auk nokkura punkta sem sýna minni jarðskjálfta
Sex grænar stjörnur norður af Grindavík. Höfundarréttur þessar myndar tilheyrir Veðurstofu Íslands.

Í gær (18-Maí-2022) urðu samtals sex jarðskjálftar norður af Grindavík sem voru stærri en Mw3,0 að stærð. Stærsti jarðskjálftinn þá var með stærðina Mw3,5. Í dag (19-Maí-2022) þegar þessi grein er skrifuð aðeins orðið einn jarðskjálfti sem hefur náð stærðinni Mw3,0. Það virðist vera að draga úr jarðskjálftavirkninni. Ég veit ekki afhverju það er að gerast.

Birt þann

Kvikugangur hefur myndast milli fjallsins Þorbjarnar og Eldvörp á Reykjanesi

Samkvæmt fréttum í dag (18-Maí-2022) þá hefur myndast kvikugangur milli fjallsins Þorbjarnar og síðan Eldvörp á Reykjanesi. Eldvörp á Reykjanesi urðu til á síðasta eldgosaskeiði á Reykjanesi á 12 og snemma á 13 öldinni. Nákvæmar dagsetningar eru ekki þekktar. Þessi virkni er í eldstöð sem heitir Reykjanes og tengist ekki eldstöðinni sem gaus árið 2021 sem var eldstöðin Trölladyngja-Krýsuvík (Fagradalsfjall).

Kvikugangurinn er langur og mjór samkvæmt fréttum sem vitna í vísindamenn frá Háskóla Íslands, Jarðvísindadeild og síðan vísindamenn frá Veðurstofu Íslands. Lengd kvikugangsins er 7 til 9 km og dýpið er 4 til 8 km (?). Þetta sést einnig á GPS gögnum og öðrum gögnum sem Veðurstofan hefur aðgang að (ég hef ekki aðgang að þessum gögnum).

Rauðir punktar norður af Grindavík ásamt grænni stjörnu sem sýnir mestu virknina við fjallið Þorbjörn
Jarðskjálftavirkni norður af Grindavík. Höfundaréttur þessar myndar tilheyrir Veðurstofu Íslands.

Það er ekki hægt að segja til um það hvar eldgos mun hefjast eða á hvaða svæði. Næst þessu svæði er bláa lónið og orkuver HS veitna. Grindavík er aðeins sunnar en þetta svæði og er mögulega í hættu. Hvernig þetta fer hinsvegar kemur alveg niður á því hvar eldgosið kemur upp og hversu stórt það verður. Minni eldgos eru minna vandamál en stór eldgos á þessu svæði. Það eina sem hægt er að gera núna er að fylgjast með stöðu mála.

Birt þann

Jarðskjálfti með stærðina Mw4,3 í Eldvörpum (eldstöðin Reykjanes)

Þetta er stutt grein um stöðu mála um virknina í eldstöðinni Reykjanes.

Klukkan 17:38 varð jarðskjálfti með stærðina Mw4,3 í Eldvörpum í eldstöðinni Reykjanes. Þessi jarðskjálfti fannst mjög víða og mjög vel á stóru svæði á sunnanverðu landinu.

Mikil jarðskjálftavirkni vestan við Grindavík og þar eru margar stjörnur ofan á hverri annari auk margra rauðra punkta sem sýna minni jarðskjálfta á svæðinu
Mikil jarðskjálftavirkni í eldstöðinni Reykjanes. Höfundarréttur þessar myndar tilheyrir Veðurstofu Íslands.

Staðan eins og hún er núna er þannig að jarðskjálftavirkni mun halda áfram að aukast þarna, þangað til að eldgos hefst líklega í Eldvörpum. Hvenær það gæti gerst er ekki eitthvað sem hægt er að spá fyrir um.

Uppfært klukkan 20:51. Veðurstofan lækkaði stærð þessa jarðskjálfta við nánari yfirferð á gögnum hjá sér. Greinin hefur verið uppfærð í samræmi við það.

Birt þann

Kröftug jarðskjálftahrina í Eldvörpum (eldstöðin Reykjanes)

Í dag (15-Maí-2022) hófst kröftug jarðskjálftavirkni í Eldvörpum á Reykjanesskaga í eldstöðinni Reykjanes. Þetta er vestan við Grindavík. Stærsti jarðskjálftinn sem hefur orðið þegar þessi grein er skrifuð er með stærðina Mw4,1. Samtals fimm jarðskjálftar sem voru stærri en Mw3,0 hafa orðið frá klukkan 11:00 í morgun. Meira en 100 minni jarðskjálftar hafa orðið á þessum sama tíma.

Fimm grænar stjörnur ofan á hverri annari vestan við Grindavík. Auk fjölda annara punkta sem sýnir minni jarðskjálfta sem hafa orðið á þessu svæði. Eldri jarðskjálftar eru einnig vestan við úti í sjó, merktir sem græn stjarna og síðan austan við, sem græn stjarna og gulir punktar
Jarðskjálftavirknin í Eldvörpum og rétt við Grindavík. Höfundarréttur þessar myndar tilheyrir Veðurstofu Íslands.

Ég sé ekki nein skýr merki þess að þessi jarðskjálftahrina sé vegna plötuhreyfinga á þessu svæði. Þetta virðist miklu frekar vera vegna þess að kvika er að reyna að brjóta sér leið upp í gegnum jarðskorpuna á þessu svæði en kvikan virðist eiga í vandræðum með það ferli. Það sást einnig rétt áður en það fór að gjósa í Fagradalsfjalli. Munurinn núna er sá að eldgos í Eldvörpum gæti orðið einu sinni til tvisvar sinnum stærra en eldgos í Fagradalsfjalli. Hinsvegar, þangað til að eldgos hefst, þá eru þetta bara ágiskanir. Það er ekki hægt að segja til um það hvenær eldgos hefst á þessu svæði, eða ef eldgos mun hefjast þarna. Það er þó mestar líkur á því að eldgos muni hefjast þarna en eldstöðvar eru óútreiknanlegar.

Birt þann

Áframhaldandi jarðskjálftavirkni í eldstöðinni Reykjanes

Það er áframhaldandi jarðskjálftahrina í eldstöðinni Reykjanes á Reykjanesskaga og úti á Reykjanesshrygg. Jarðskjálftahrinan hefur færst aðeins og er núna úti á Reykjaneshrygg rétt við Reykjanesstá úti í sjó. Það hafa komið fram fimm jarðskjálftar með stærðina yfir Mw3,0 í dag (13-Maí-2022). Stærsti jarðskjálftinn var með stærðina Mw3,5.

Fimm grænar stjörnur ofan á hverri annari rétt út í sjó við Reykjanestá. Ein græ stjarna rétt fyrir norðan megin virknina sem er óstaðfestur jarðskjálfti. Mikið af punktum rétt við Grindavík
Jarðskjálftavirknin á Reykjanesskaga og við Grindavík. Höfundarréttur þessar myndar tilheyrir Veðurstofu Íslands.

Þessi jarðskjálftavirkni bendir til tveggja hluta. Hugsanlega hefur kvikan ekki fundið leið upp á yfirborðið nærri Grindavík eða þá að tvö kvikuinnskot eru að eiga sér stað í eldstöðinni Reykjanes. Jarðskjálftavirknin dettur niður en hættir aldrei alveg. Afhverju það gerist er óljóst þessa stundina. Ég reikna með því að jarðskjálftavirknin haldi áfram að aukast þangað til að eldgos verður einhverstaðar í eldstöðinni Reykjanes.

Birt þann

Jarðskjálftavirkni á nýjum stað í eldstöðinni Reykjanes

Í dag (10-Maí-2022) hófst jarðskjálftahrina á nýjum stað í eldstöðinni Reykjanes. Þessi nýja virkni er um 11 km suður af Keflavíkurflugvelli, þessi virkni er einnig nálægt þorpinu Hafnir. Stærstu jarðskjálftarnir voru með stærðina Mw3,0 og Mw3,2. Seinni jarðskjálftinn fannst á svæðinu. Minni jarðskjálftar áttu sér einnig stað á þessu svæði.

Tvær grænar stjörnur vestast á Reykjanesi þar sem ný virkni í eldstöðinni Reykjanes er hafin
Jarðskjálftavirkni vestast á Reykjanesskaga. Höfundarréttur þessar myndar tilheyrir Veðurstofu Íslands.

Þessi jarðskjálftavirkni bendir til þess að það sé nýtt kvikuinnskot hafið á þessu svæði. Líkunar á eldgosi þarna eru mjög miklar að mínu áliti en ekki er hægt að segja til um það hvenær slíkt eldgos yrði. Það er gamalt hraun þarna á þessu svæði og mér hefur verið sagt að það sé hugsanlega frá síðustu ísöld. Ég er ekki viss um á aldri þessa hrauns. Gíganir sem bjuggu til þetta hraun eru löngu horfnir í sjávarrof á þessu svæði fyrir mörgum öldum síðan.

Birt þann

Jarðskjálftahrina í eldstöðinni Reykjanes

Það er áframhaldandi jarðskjálftahrina í eldstöðinni Reykjanes (vefsíða Global Volcanism Program er ennþá niðri) með smá hléum. Stærsti jarðskjálftinn síðustu 48 klukkutímana var með stærðina Mw3,1. Ég veit ekki hvort að þessi jarðskjálfti fannst. Þessi jarðskjálfti þýðir að kvika heldur áfram að þenja út þetta svæði eldstöðvarinnar Reykjanes.

Græn stjarna suður-austur af Reykjanestánni ásamt rauðum punkti.
Jarðskjálftavirkni í eldstöðinni Reykjanes á Reykjanesskaga. Höfundarréttur þessar myndar tilheyrir Veðurstofu Íslands.

Þessi jarðskjálftavirkni er hluti af hærri en venjulega jarðskjálftavirkni á þessu svæði og hefur verið það síðan árið 2019. Fyrir utan tímabilið í sex mánuði þegar það var eldgos í Fagradalsfjalli. Ég veit ekki hvenær jarðskorpan mun brotna þarna og eldgos hefjast en það er ekki víst að það muni gerast með miklum jarðskjálftum. Það er alveg möguleiki að eldgos hefjist þarna með jarðskjálfta sem er ekki stærri en Mw2,5.

Flutningur til Danmerkur

Í Maí flyt ég til Danmerkur. Það þýðir að ég mun ekki getað uppfært síðuna ef eitthvað gerist á tímabili. Þetta þýðir einnig að jarðskjálftamælastöðin mín á Hvammstanga mun hætta þar sem ég get ekki lengur sent gögn yfir internetið. Mig grunar ástæðan fyrir því sé einhverskonar árás á WinSDR þjóninn sem ég nota. Það er engin lausn á þessu vandamáli, þar sem hugbúnaðurinn er gamall og kominn úr þróun. Ég mun hefja jarðskjálftamælingar í Danmörku eftir flutning. Ég mun helst mæla stóra jarðskjálfta í Miðjarðarhafinu í Danmörku, þá frá Grikklandi og nálægum svæðum. Ég lít á þetta sem ágætt, þar sem ég er með stóran baklogga af jarðskjálftum sem ég eftir að fara yfir. Þar sem það hefur verið mjög mikil jarðskjálftavirkni á síðustu árum vegna eldgosavirkni á Íslandi. Hægt er að skoða jarðskjálftasíðuna mína hérna.

Birt þann

Fleiri jarðskjálftar í eldstöðinni Reykjanes

Gleðilega páska. Þennan páskadag (17-Apríl-2022) hófst jarðskjálftahrina í eldstöðinni Reykjanes (vefsíða GVP er niðri). Stærsti jarðskjálftinn sem hefur komið hingað til var með stærðina MW3,5. Tveir aðrir jarðskjálftar hafa komið fram með stærðina Mw3,0 og Mw3,2. Þessi jarðskjálftahrina er út í sjó og bendir til þess að kvikuvirkni í eldstöðinni sé að aukast frá því sem var áður. Þessi jarðskjálftahrina hófst milli klukkan 07:00 til 09:00 í morgun og virðist vera lokið þegar þessi grein er skrifuð.

Rauðir og appelsínugulir punktar á vestur-suðurhluta kortsins sýnir staðsetingu jarðskjálftahrinunniar. Þarna eru einnug nokkrar grænar stjönur sem sýnir staðsetningu stærstu jarðskjálftanna
Jarðskjálftavirknin í eldstöðinni Reykjanes. Höfundarréttur þessar myndar tilheyrir Veðurstofu Íslands.

Samkvæmt fréttum þá fundist ekki stærstu jarðskjálftarnir í þessari jarðskjálftahrinu. Þar sem þessi jarðskjálftavirkni er talsvert langt frá landi. Þetta eykur einnig líkunar á því að þarna verði eldgos úti í sjó og það gæti búið til tímabundna eyju, þar sem sjórinn er grynnri á þessu svæði. Jarðskjálftavirkni er að aukast í eldstöðinni Reykjanes á þessari stundu. Hvort að það heldur áfram er erfitt að segja til um á þessari stundu, ef þessi aukning á jarðskjálftavirkni heldur áfram, þá eykur það líkunar á því að eldgos verði á þessu svæði.

Birt þann

Kröftug jarðskjálftahrina í eldstöðinni Reykjanes

Í gær (12-Apríl-2022) hófst kröftug jarðskjálftahrina með jarðskjálfta sem er með stærðina Mw3,9. Það er samt möguleiki á því að þarna hafi verið jarðskjálftahrina minni jarðskjálfta dagana og jafnvel vikunar áður á þessu sama svæði. Þar sem það hefur verið mikið til samfelld jarðskjálftavirkni á þessu svæði síðustu mánuði. Stærsti jarðskjálftinn hingað til fannst á stóru svæði á suðurlandi og vesturlandi. Það hafa orðið fleiri en sjö jarðskjálftar með stærðina yfir Mw3,0 á þessu svæði síðan jarðskjálftahrinan hófst, það er erfitt að segja til um nákvæman fjölda af þessum jarðskjálftum eins og er.

Fjöldi rauðra punka á Reykjanestánni sýnir þar sem jarðskjálftahrinan er. Þarna er einnig fjöldinn allur af grænum stjörnur sem sýnir jarðskjálfta yfir 3 að stærð
Kröftug jarðskjálftavirkni í eldstöðinni Reykjanes á Reykjanesskaga. Höfundarréttur þessar myndar tilheyrir Veðurstofu Íslands.

Þessi jarðskjálftavirkni á sér stað í eldstöðinni Reykjanes. Síðasta eldgos í þessari eldstöð varð hugsanlega árið 1831 en það er ekki víst að svo hafi verið. Þegar þessi grein er skrifuð þá hafa orðið í kringum 280 til 300 jarðskjálftar á þessu svæði samkvæmt mælingum Veðurstofu Íslands. Þessi tala breytist á hverri mínútu, þar sem jarðskjálftavirknin er mjög mikil og er ennþá í gangi. Þegar þessi grein er skrifuð, þá virðist sem að jarðskjálftavirknin sé að aukast. Staðan þarna getur breyst mjög hratt og með litlum fyrirvara. Ég er að sjá vísbendingar í þessari jarðskjálftahrinu að þarna sé kvika á ferðinni og það er mín skoðun að þarna verði líklega eldgos. Hvort að það verður núna eða seinna er ekki eitthvað sem ég get sagt til um. Það verður að koma í ljós hvað gerist nákvæmlega þarna.

Birt þann

Jarðskjálftavirkni í eldstöðinni Reykjanes

Jarðskjálftavirkni hefur verið að aukast í eldstöðinni Reykjanesskaga þar sem þenslan heldur áfram að aukast síðan eldgosinu lauk í Fagradalsfjalli. Nýtt eldgos getur hafist á Reykjanesskaga án mikillar viðvörunnar í Fagradalsfjalli. Núverandi virkni er í eldstöðinni Reykjanes norð-vestur af Grindavík.

Jarðskjálftavirkni norð-vestur af Grindavík sýnd með grænni stjörnu þar sem stærsti jarðskjálftinn átti sér stað
Jarðskjálftavirkni í eldstöðinni Grindavík. Höfundarréttur þessar myndar tilheyrir Veðurstofu Íslands.

Síðustu nótt varð jarðskjálfti þarna með stærðina Mw3,2 (klukkan 04:29) og átti sér stað í eldstöðinni Reykjanes. Þessi jarðskjálfti fannst í Grindavík. Minni jarðskjálftar hafa haldið áfram þarna en fjöldi nýrra jarðskjálfta sem verður þarna er mjög lítill, þegar þessi grein er skrifuð. Það gæti breyst án viðvörunnar. Það er ekki ljóst hvernig jarðskjálfti þetta er og það er möguleiki á því að þarna sé jarðskjálfti sem kemur til vegna aukinnar þenslu í Fagradalsfjalli og þeim breytingum sem það veldur á stressi í nálægri jarðskorpu. Þegar þessi grein er skrifuð, þá er allt rólegt og ekkert bendir til þess að eldgos sé að fara að hefjast, það getur hinsvegar breyst án nokkurs fyrirvara.