Month: júlí 2023

Birt þann

Uppfærsla á stöðunni í Fagradalsfjalli og Keili þann 9. Júlí 2023 klukkan 16:44

Þetta er stutt grein. Þar sem staðan hefur ekki breyst mjög mikið frá því síðast.

  • Þrír jarðskjálftar sem voru stærri en Mw4,0 komu fram við Keili á síðustu 24 klukkutímum.
  • Jarðskjálftavirknin er að aukast norð-austur af Keili. Af hverju það stafar er óljóst, það er möguleiki að kvikan sé að reyna að brjóta sér leið upp á yfirborðið þá leið.
  • Það er eins og kvikan sé föst í jarðskorpunni og komist ekki upp á yfirborðið. Það hefur ekki stöðvað að sjá innflæði kviku sem kemur djúpt að innan úr möttlinum þarna undir. Þetta þýðir að þrýstingur kvikunnar í kvikuinnskotinu mun aukast þangað til að eldgos hefst.
  • Það er ennþá hætta á stórum jarðskjálftum á þessu svæði og mun verða mikil þangað til að eldgos hefst.

 

Mikil jarðskjálftavirkni við Fagradalsfjall og Keili. Mikið af grænum stjörnum og rauðum punktum.
Mikil jarðskjálftavirkni við Fagradalsfjall og Keili. Höfundarréttur þessar myndar tilheyrir Veðurstofu Íslands.

Síðan þessi virkni hófst. Þá hafa um 12000 jarðskjálftar mælst hjá Veðurstofunni samkvæmt fréttum. Stærsti jarðskjálftinn þegar þessi grein er skrifuð var með stærðina Mw4,8.

Birt þann

Spennutengdur jarðskjálfti í Krýsuvík-Trölladyngju

Í dag (8. Júlí 2023) klukkan 17:57 varð jarðskjálfti með stærðina Mw4,5 í Krýsuvík-Trölladyngju. Þetta er jarðskjálfti sem er tengdur spennubreytinga vegna þenslu milli Keili og Fagradalsfjalls.

Mjög þétt jarðskjálftavirkni í Krýsuvík, þessi jarðskjálftavirkni sést mjög illa í allri þeirri jarðskjálftavirkni sem hefur orðið í Fagradalsfjalli.
Mjög mikil jarðskjálftavirkni í Krýsuvík-Trölladyngju, auk mikillar jarðskjálftavirkni í Fagradalsfjalli. Höfundaréttur þessar myndar tilheyrir Veðurstofu Íslands.

Það er hætta á frekari svona jarðskjálftum, bæði fyrir og eftir að eldgosið. Það er hætta á því að þessir jarðskjálftar verði stærri en Mw5,0 og þessir jarðskjálftar geta einnig orðið á svæðum þar sem ekki hefur nein virkni áður.

Birt þann

Uppfærsla á stöðunni í Fagradalsfjalli þann 7. Júlí 2023 klukkan 14:43

Þetta er mjög stutt grein þar sem eldgos er mögulega á leiðinni. Þegar þessi grein er skrifuð er eldgos ekki hafið.

  • Stærsti jarðskjálftinn síðustu 24 klukkutímana virðist vera með stærðina Mw4,3. Ég næ ekki lengur að fylgjast með jarðskjálftum sem verða vegna fjölda þeirra.
  • Þensla nærri Keili hefur náð 200mm (20sm) á innan við 48 klukkustundum eftir að þessi atburðarrás hófst.
  • Innflæði kviku er í samkvæmt útreikningum í kringum 88m3/s og það er mjög mikið innflæði af kviku sem er að fara um mjög hratt.
Fullt af grænum stjörnum og punktum sem sína minni jarðskjálfta á Reykjanesskaga og við Fagradalsfjall. Þetta eru fleiri punktar en ég get talið.
Mikil jarðskjálftavirkni í Fagradalsfjalli. Höfundarréttur þessar myndar tilheyrir Veðurstofu Íslands.

Það er óljóst hvar eldgosið mun koma upp. Fækkun jarðskjálfta bendir sterklega til þess að kvikan sé nálægt því að finna sér leið upp á yfirborðið. Samkvæmt mælingum þá er talið að kvikan sé á innan við 1 km dýpi í jarðskorpunni.

Birt þann

Uppfærsla á stöðunni á jarðskjálftavirkninni við Eldey og Eldeyjarboða þann 7. Júlí 2023 klukkan 13:56

Þetta er stutt grein. Þar sem það er mikið að gerast.

  • Stærsti jarðskjálftinn síðustu 24 klukkutímana var með stærðina Mw4,5 við Eldey.
  • Þessi jarðskjálftahrina lítur út fyrir að vera kvikuinnskot. Þar sem þetta svæði er út í sjó, þá er hinsvegar ekki hægt að vera viss.
  • Það er erfitt að vita hvort að þarna verði eldgos. Ef að eldgos verður. Þá verða áhrifin líklega takmörkuð útaf dýpi sjávar.
Mikið af grænum stjörnum á Reykjaneshrygg og síðan á Reykjanesskaga. Það er mikil virkni á Reykjanesinu og Reykjaneshrygg núna og það sýnir sig í fullt af punktum á kortinu.
Mikil jarðskjálftavirkni á Reykjaneshrygg og Reykjanesskaga. Höfundarréttur þessar myndar tilheyrir Veðurstofu Íslands.

Það er ólíklegt að mínu áliti að þessir jarðskjálftar tengist virkninni vegna þenslu í Fagradalsfjalli. Þeir jarðskjálftar eru yfirleitt mun nærri Fagradalsfjalli en þessi virkni. Það er ekki hægt að útiloka það en er mjög ólíklegt að svo sé. Eldri jarðskjálftavirkni á sama svæði minnkar einnig þessar líkur á því að virknin í Fagradalsfjalli sé að valda þessari virkni. Það er einnig ólíklegt að hérna sé um að ræða hreyfingar vegna jarðskorpuvirkni. Það er ekki hægt að útilokað það en er ólíkleg ástæða. Það er alltaf erfiðara að ráða í það sem gerist í svæði úti í sjó en á svæðum á landi, þar sem aðgengi er einfaldara.

Birt þann

Uppfærsla á stöðunni í Fagradalsfjalli þann 6. Júlí 2023 klukkan 14:49

Þetta er stutt grein þar sem það er mikið að gerast.

  • Það fór að draga úr jarðskjálftavirkni um klukkan 04:00 samkvæmt Veðurstofunni og hefur haldið áfram að minnka þegar þessi grein er skrifuð. Það bendir til þess að kvikan sé kominn mjög stutt í að komast upp á yfirborðið og gjósa.
  • Það er ennþá hætta á stórum jarðskjálftum þó svo að jarðskjálftavirkni fari minnkandi.
  • Færslur á GPS mælum eru á sumum stöðum nærri því 50mm. Það er miklu meira en í síðustu eldgosum á þessu svæði. Þegar færslur voru aðeins milli 15mm til 25mm á sumum svæðum. Færslur eru ekki jafnar á öllum GPS stöðvum.
  • Í dag byrjaði jarðskjálftavirknin að færast aftur nær Fagradadalsfjalli frá Keili. Á sama tíma fór jarðskjálftum að fækka.
  • Hérna eru þær vefmyndavélar sem ég veit af. Rúv, Reykjanes Norður, Reykjanes suður, Live from Iceland, Fagradalsfjall, Live from Iceland, Langihryggur, Morgunblaðið, Perlan.
  • Það er ekki hægt að segja til um það hvenær eldgos hefst.

 

Mikil jarðskjálftavirkni í Fagradalsfjalli og mikil jarðskjálftavirkni á kortinu af Reykjanesskaga. Margar grænar stjörnur á kortinu. Auk fullt af rauðum punktum að auki um allt.
Mjög mikil jarðskjálftavirkni í Fagradalsfjalli og við Keili. Höfundarréttur þessar myndar tilheyrir Veðurstofu Íslands.

Það er ekki hægt að segja til um það hvenær eldgos hefst. Vegna þess að þarna hefur verið mikil jarðskjálftavirkni og önnur virkni síðustu tvö ár, þá eru komnir fram miklir veikleikar í jarðskorpunni á þessu svæði. Það gerir kvikunni fært að komast með einfaldari hætti upp á yfirborðið og hefja eldgos. Það er spurning hvort að það sé eitthvað við Keili sem veldur því að kvikan virðist ekki komast þar upp með einföldum hætti. Kvika leitar alltaf af þeirri leið sem veitir minnsta mótspyrnu og fer þá leið og kemur þannig af stað eldgosi. Sú staðsetning er núna milli Keili og Fagradalsfjalls virðist vera.

Birt þann

Aukin leiðni í Múlakvísl úr Mýrdalsjökli

Það kemur fram í fréttum Rúv að undanfarna daga hefur mælst aukin rafleiðni í Múlakvísl. Það þýðir að líklega verður jökulflóð í Múlakvísl á næstu dögum og nálægum jökulám. Þessa stundina er næstum því engin jarðskjálftavirkni í Kötlu.

Það er lítil jarðskjálftavirkni í Kötlu þessa dagana. Græn stjarna sem er drauga jarðskjálfti er vestan við Mýrdalsjökul vegna mikillar jarðskjálftavirkni í Fagradalsfjalli.
Það er lítil jarðskjálftavirkni í Kötlu þessa dagana. Græna stjarnan er draugur frá Fagradalsfjalli. Höfundarréttur þessar myndar tilheyrir Veðurstofu Íslands.

Það er ekkert sem bendir til þess að það sé að fara að gjósa í Kötlu.

Frétt Rúv

Aukin raf­leiðni í Múla­kvísl á ný og líkur á vatna­vöxt­um (Rúv.is)

Birt þann

Jarðskjálftahrina nærri Eldey og Eldeyjarboða á Reykjaneshrygg

Á síðustu 24 klukkustundum hófst jarðskjálftahrina við Eldey og Eldeyjarboða á Reykjaneshrygg. Stærstu jarðskjálftarnir virðast vera með stærðina Mw3,2 til Mw3,7 eða í kringum þá stærð. Það er mjög erfitt að sjá þessa jarðskjálfta á korti Veðurstofunnar vegna mikillar jarðskjálftavirkni í Fagradalsfjalli og Keili.

Það er mikið af grænum stjörnum og punktum af öllum mögulegum litum á þessu korti. Grænar stjörnur úti í sjó ekki langt frá Eldey og Eldeyjardrangi.
Mikil virkni á Reykjanesskaga og Reykjaneshrygg. Höfundarréttur þessar myndar tilheyrir Veðurstofu Íslands.

Ég veit ekki hvort að þessi jarðskjálftavirkni tengist því sem er að gerast í Fagradalsfjalli en það er möguleiki að virknin þar hafi komið þessari virkni af stað, án þess að tengslin séu einhver meiri. Það er ekki hægt að segja til um hvað er að gerast þarna þar sem svæðið er úti í sjó.

Birt þann

Uppfærsla á stöðunni í Fagradalsfjalli klukkan 16:59 þann 5. Júlí 2023

Þetta er stutt grein þar sem það er mikið að gerast og aðstæður breytast mjög hratt.

  • Stærsti jarðskjálftinn er ennþá með stærðina Mw4,8 sem varð í morgun.
  • Stærri jarðskjálftum er farið að fjölga mjög mikið síðustu klukkutímana. Veðurstofan hefur einnig varað við því að hætta er á jarðskjálfta með stærðina Mw6,3 í kjölfarið á þessu kvikuinnskoti í Fagradalsfjalli.
  • Kvikan er að koma upp rétt sunnan við Keili.
  • Miðað við það sem ég er að sjá. Þá er hérna á ferðinni miklu meiri kvika heldur en í eldgosum árið 2021 og 2022. Hvort að þetta er rétt hjá mér kemur ekki í ljós fyrr en eldgos hefst.
  • Það er hægt að fylgjast með jarðskjálftum í rauntíma hérna á vefsíðu Raspberry Shake.

 

Mikið af grænum stjörnum og rauðum punktum í Fagradalsfjalli. Tími á korti er 5. Júlí 2023 og klukkan er 16:25.
Jarðskjálftavirknin í Fagradalsfjalli. Höfundarréttur þessar myndar tilheyrir Veðurstofu Íslands.

Öll gögn benda til þess að eldgos muni hefjast. Hvar eldgosið kemur upp og hvenær er ekki hægt að segja til um.

Ég mun gera mitt besta til þess að setja inn nýja grein þegar nýjar upplýsingar koma fram.

Birt þann

Uppfærsla á stöðunni í Fagradalsfjalli klukkan 12:00 þann 5. Júlí 2023

Þetta er stutt grein þar sem staðan er að breytast mjög hratt núna.

  • Stærsti jarðskjálftinn sem hefur ennþá mælst var með stærðina Mw4,8 og fannst yfir stórt svæði.
  • Óvissustigi hefur verið lýst yfir á Fagradalsfjalli vegna jarðskjálftavirkninnar og hættu á eldgosi.
  • Dýpi kvikunnar er núna í kringum 3 til 6 km en fer minnkandi á hverjum klukkutímanum.
  • Í kringum 2000 jarðskjálftar hafa mælst þegar þessi grein er skrifuð.

 

Fullt af grænum stjörnum og rauðum punktum á Reykjanesskaga í kringum Fagradalsfjall. Tími á korti er 5. Júlí 2023 klukkan er 11:30 á kortinu.
Jarðskjálftahrinan í Fagradalsfjalli. Höfundarréttur þessar myndar tilheyrir Veðurstofu Íslands.

Það er aðeins ein vefmyndavél sem er í gangi og vísar á Fagradalsfjall sem ég veit af þessa stundina. Það er hægt að skoða þá vefmyndavél hérna. Ég vonast til þess að þær vefmyndavélar sem Rúv og mbl.is voru með þegar síðasta eldgos fór af stað komist fljótlega í gang aftur.

Birt þann

Uppfærsla á stöðunni í Fagradalsfjalli

Þetta er stutt grein, þar sem það er mikið að gerast þessa stundina.

Þessa stundina hafa komið fram um 200 jarðskjálftar þegar þessi grein er skrifuð. Fyrsti jarðskjálftinn með stærðina Mw3,1 kom fram klukkan 22:45, þetta er sjálfvirk mæling og því mun stærð þessa jarðskjálftar breytast við yfirferð.

Græn stjarna og fullt af rauðum punktum í Fagradalsfjalli.
Mikil jarðskjálftavirkni í Fagradalsfjalli. Höfundarréttur þessar myndar tilheyrir Veðurstofu Íslands.

Það er mikið að gerast þegar þessi grein er skrifuð. Ég mun reyna að uppfæra um stöðu mála eftir bestu getu hérna.