Category: Fagradalsfjall

Birt þann

Staðan í Fagradalsfjalli og nágrenni þann 1-Ágúst-2022

Þessi grein er með upplýsingar eins og staðan er þegar greinin er skrifuð. Staðan þarna er stöðugt að breytast og því gæti innihald þessar greinar orðið úrelt að hluta eða í heild með mjög skömmum fyrirvara. Þessi grein er skrifuð klukkan 14:31 þann 1-Ágúst-2022.

Stærsti jarðskjálftinn í nótt var með stærðina Mw4,7 og fannst á öllu Reykjanesinu. Þetta er hugsanlega ekki stærsti jarðskjálftinn í dag, þar sem stærri jarðskjálftar eru alltaf möguleiki.

Mikið af jarðskjálftum á Reykjanesskaga og fullt af grænum stjörnum sem liggja eftir skaganum á jarðfræðikorti Veðurstofu Íslands klukkan 13:45.
Jarðskjálftar á Reykjanesskaga í kjölfarið á kvikuinnskoti við Fagradalsfjall. Höfundarréttur þessar myndar tilheyrir Veðurstofu Íslands.
Tímagraf af jarðskjálftum klukkan 13:45. Fullt og þéttur punktar síðustu 48 klukkustundinar, dökkbláir puntkar, bláir punktar, gulir puntkar, appelsínugulir punktar og síðan rauðir punktar sem eru mjög þéttir
Jarðskjálftavirknin á Reykjanesskaga í tímaröð. Höfundarréttur þessar myndar tilheyrir Veðurstofu Íslands.

GPS gögnin eru farin að sýna mjög mikla tilfærslu á svæðinu þar sem kvikuinnskotið er að koma inn í jarðskorpuna. Það er hægt að skoða 24 tíma GPS gögn hérna og síðan er hægt að skoða 8 tíma gögn hérna (finna Reykjanes peninsula). Þessi gögn sýna að kvika er að troða sér hratt inn í jarðskorpuna. Hvenær eldgos verður er ekki hægt að segja til um en hugsanlega verður þetta ekki löng bið þar sem kvikan er komin á 2 til 4 km dýpi.

Birt þann

Jarðskjálfti með stærðina Mw5,4 rétt um 3,2 km austan við Grindavík

Í dag (31-Júlí-2022) klukkan 17:48 varð jarðskjálfti með stærðina Mw5,4 rétt um 3,2 km austan við Grindavík. Þessi jarðskjálfti fannst á stórum hluta Íslands og fannst meðal annars á Hólmavík og í öðrum bæjum á Vestfjörðum samkvæmt fréttum. Það hefur verið tilkynnt um tjón í Grindavík og þar er núna kaldavatnslaust vegna skaða á kaldavatnslögn inn í bænum. Það hefur einnig verið tilkynnt um tjón á innanstokksmunum og vörur hrundu úr hillum verslana.

Mikið af rauðum punktum á Reykjanesskaga og grænum stjörnum vegna mjög mikillar jarðskjálftavirkni sem er sýnd á jarðskjálftakorti Veðurstofu Íslands
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Hérna er um að ræða sniðgengisjarðskjálfta sem er ekki beint tengdur kvikuhreyfingum við Fagradalsfjall. Þessi jarðskjálfti verður til vegna þess að kvikan sem er að troðast inn í jarðskorpuna við Fagradalsfjall er að valda spennubreytingum á stóru svæði. Það er einnig möguleiki að tveir jarðskjálftar með stærðina Mw5,4 hafi átt sér stað klukkan 17:48, það var nefnt í fréttum Rúv og ef það er raunin, þá flækir það alla greiningu á jarðskjálftanum og gerir erfiðara að finna út rétta stærð jarðskjálftans. Það má reikna með svona jarðskjálftar verði aftur á þessu svæði á næstu klukkutímum og dögum án nokkrar viðvörunnar. Jafnvel að slíkir jarðskjálftar yrðu nær Reykjavík en þessi jarðskjálfti.

Birt þann

Staðan í Fagradalsfjalli í eldstöðvarkerfinu Krýsuvík-Trölladyngju

Þetta er stutt grein um stöðu mála en staða mála er stöðugt að breytast. Greinin er skrifuð klukkan 12:24 þann 31-Júlí-2022.

Þegar þessi grein er skrifuð klukkan 12:27 þá hefur ekki neitt eldgos hafist ennþá í Fagradalsfjalli eða nágrenni. Það hafa orðið yfir 3000 jarðskjálftar við Fagradalsfjall síðustu 24 klukkutímana síðan jarðskjálftavirknin hófst í gær (30-Júlí-2022). Það hafa ekki orðið meiriháttar breytingar á gígnum í Fagradalsfjalli en það virðist hinsvegar vera meiri gas losun í gígnum. Hinsvegar er óljóst hvort að þetta er raunverulegt eða ekki.

Mikil jarðskjálftavirkni á Reykjanesskaga í eldstöðvarkerfinu Krýsuvík-Trölladyngja. Fullt af rauðum puntkum sem sýnir litla jarðskjálfta. Grænar stjörnur raða sér upp í línu sem sýnir stærri jarðskjálfta
Jarðskjálftavirknin í kringum Fagradalsfjalli í eldstöðvarkerfinu Krýsuvík-Trölladyngju. Höfundarréttur þessar myndar tilheyrir Veðurstofu Íslands.
Þétt jarðskjálftavirkni frá því í gær (30-Júlí-2022). Gulir punktar sýna jarðskjálftana í gær og síðan appelsínugulir punktar sýna 12 tíma puntkana og síðan koma rauðir punktar sem sýna nýjustu jarðskjálftana
Jarðskjálftavirknin við Fagradalsfjall síðan í gær. Höfundarréttur þessar myndar tilheyrir Veðurstofu Íslands.

Það er mjög líklegt að þetta sé stærri atburður en í fyrra en það á eftir að koma í ljós hvort að það er rétt. Það hafa ekki orðið neinar stórar breytingar á GPS sem þýðir mjög líklega að svæðið sé þanið eins mikið út og það mögulega getur verið. Það er ekki hægt að segja til um það hvenær kvikan brýtur sér leið upp á yfirborðið en jarðskjálftavirknin bendir til þess að kvikan sé komin á 2 km dýpi og það þýðir að kvikan hefur færst mjög mikið síðustu 24 klukkustundirnar. Þar sem í gær, þá hófst jarðskjálftavirknin á 8 km dýpi.

Styrkir

Það er hægt að styrkja mínu vinnu með styrkjum. Það er hægt að nota PayPal eða bankamillifærslu, upplýsingar fyrir bankamillifærslu er að finna á síðunni Styrkir. Takk fyrir stuðninginn. 🙂

Birt þann

Sterkur jarðskjálfti í Nátthagakrika suður-vestur af Fagradalsfjalli

Ég get mjög takmarkað birt nýjar greinar. Þetta mun ekki komast í lag fyrr en 5. Júlí þegar ég fæ internet tengingu í Danmörku.

Í dag (8-Júní-2022) klukkan 05:04 varð jarðskjálfti með stærðina Mw3,0 í Nátthagakrika sem er suður-vestur af Fagradalsfjalli. Í kjölfarið á þessum jarðskjálfta hafa komið fram minni jarðskjálftar og sumir með dýpi sem er aðeins 2 km. Það er óljóst hvað er í gangi en engar sérstakar breytingar hafa orðið á GPS mælum þarna síðustu daga.

Appelsínugulir punktar og síðan rauðir punktar sem sýna virknina frá Grindavík til Fagradalsfjalls á Reykjanesskaga
Jarðskjálftavirknin á Reykjanesskaga. Höfundarréttur þessar myndar tilheyrir Veðurstofu Íslands.

Eldri gögn sýna að kvika er að safnast saman undir Fagradalsfjalli í jarðskorpunni og hefur verið að gera það síðan eldgosinu lauk þar. Hvenær sú kvika gýs er ekki hægt að segja til um. Það er einnig ekki hægt að segja til um það hvenær næsta hrina jarðskjálfta og eldgosa hefst í eldstöðinni Krýsuvík-Trölladyngja.

Styrkir

Þeir sem geta og vilja, þá er hægt að styrkja mína vinnu með því að nota PayPal eða með banka millifærslu. Styrkir koma í veg fyrir að ég verði rosalega blankur og hjálpa mér við að reka þessa vefsíðu. Upplýsingar er að finna á síðunni Styrkir sem er aðgengileg frá borðanum hérna uppi. Takk fyrir aðstoðina. 🙂

Birt þann

Jarðskjálftahrina norður af Grindavík

Í dag (3-Apríl-2022) um klukkan 14:00 hófst jarðskjálftahrina norður af Grindavík. Þetta virðist vera jarðskjálftahrina sem tengist þenslu í eldstöðinni Fagradalsfjalli. Stærstu jarðskjálftarnir sem hafa mælst núna voru með stærðina Mw3,3 og Mw3,0.

Græn stjarna norður af Grindavík sem sýnir hvar megin jarðskjálftavirknin. Þetta er nálægt smá fjalli sem er þarna
Jarðskjálftavirknin norður af Grindavík. Höfundarréttur þessar myndar tilheyrir Veðurstofu Íslands.
Rauðir punktar sýna hvar jarðskálftavirknin er norður af Grindavík. Þetta er nærri fjalli sem er þarna.
Jarðskjálftavirknin eins og hún er úr korti Skjálfta-Lísu Veðurstofu Íslands. Höfundarréttur þessar myndar tilheyrir Veðurstofu Íslands.

Jarðskjálftahrinan er ennþá í gangi á þessu svæði. Það verða oft hlé á jarðskjálftahrinum á þessu svæði. Hvort að það sé raunin núna veit ég ekki en jarðskjálftahrinur þarna eiga það til að hægja á sér í nokkra klukkutíma. Ég tel víst að þessari jarðskjálftahrinu sé ekki lokið, þó svo að dregið hafi úr jarðskjálftavirkni á svæðinu þessa stundina.

Birt þann

Kvikan er á leiðinni upp í Fagradalsfjalli, síðustu mælingar segja um 1600 metra eftir

Samkvæmt frétt á Vísir.is (tengill neðst) þá er samkvæmt gervihnattamælingum kvikan byrjuð að rísa upp í Fagradalsfjalli. Þessa stundina á kvikan um 1600 metra eftir þangað til að kvikan kemst upp á yfirborðið og eldgos hefst. Hraði kvikunar núna er í kringum 130 metrar á dag og því ætti eldgos að hefjast í kringum 11-Janúar-2022. Þetta er núverandi mat á aðstæðum en það gæti breyst ef kvikan eykur hraðan eða hægir á sér á leiðinni upp jarðskorpuna.

Það er óljóst hvaða svæði mun gjósa þar sem nýi kvikugangurinn er til hliðar við eldri kvikuganginn og því er ekki víst að það gjósi í eldri gígum. Það eru því meiri líkur en minni að það muni gjósa í nýjum gígum þegar eldgos hefst, eitthvað af hugsanlegum nýjum gígum munu opnast á svæði sem er nú þegar undir undir nýju hrauni af eldra eldgosinu. Svæðið mun því verða mjög áhugavert þegar eldgos loksins hefst.

Frétt Vísir.is

Kvikan á uppleið en á enn 1.600 metra eftir

Birt þann

Jarðskjálftahrina í Krýsuvík-Trölladyngju eldstöðinni, í Fagradalsfjalli, eldgos er mögulegt fljótlega

Staðan núna breytist mjög hratt og því verða upplýsingar í þessari grein úreltar mjög hratt.

Það er möguleiki á að eldgos sé að fara að hefjast aftur í Fagradalsfjalli (Krýsuvík-Trölladyngja eldstöðin) eftir að jarðskjálftahrina hófst þar klukkan 17:00 þann 21-Desember-2021. Jarðskjálftahrinan hefur verið að vaxa mjög hratt síðustu klukkutímana og það sér ekki á þeim vexti þegar þessi grein er skrifuð. Þegar þessi grein er skrifuð er stærsti jarðskjálftinn með stærðina Mw3,3. Yfir 150 jarðskjálftar hafa mælst frá því klukkan 17:00.

Jarðskjálftavirknin í Fagradalsfjalli með mörgum rauðum punktum og síðan grænni stjörnu sem sýnir stærsta jarðskjálftann
Jarðskjálftavirknin í Fagradalsfjalli í eldstöðvarkerfi Krýsuvík-Trölladyngju. Höfundarréttur þessar myndar tilheyrir Veðurstofu Íslands.

Staða mála er að breytast mjög hratt á þessu svæði. Þegar þessi grein hefur eldgos ekki ennþá hafist en það er aðeins spurning um klukkutíma áður en eldgos hefst á þessu svæði á ný. Það gæti gerst í nótt eða einhverntímann á morgun. Það er engin leið að vita það þegar þessi grein er skrifuð.

Ég mun setja inn nýja uppfærslu seint á morgun. Þar sem ég verð upptekinn framan af degi í öðrum hlutum. Það er ekki hægt að komast hjá þessu.

Birt þann

Þensla mælist á miklu dýpi undir Fagradalsfjalli

Samkvæmt frétt Rúv í dag (16-Nóvember-2021) þá er þensla farin að mælast á miklu dýpi undir Fagradalsfjalli en þetta er hluti af Krýsuvíkur-Trölladyngja eldstöðvarkerfinu. Þessi þensla bendir til þess að eldgos gæti hafist aftur í Fagradalsfjalli, það er ekki hægt að segja til um hvenær slíkt eldgos byrjaði. Þar sem það er mjög líklegt að kvika sé að safnast saman undir Fagradalsfjalli á miklu dýpi. Hvort og þá hvenær það kemur af stað eldgosi er ekki eitthvað sem hægt er að segja til um.

Þenslan er núna orðin nógu mikil til þess að sjást á gervihnattamyndum sem fylgjast með aflögun í efri lögum jarðskorpunnar. Í efri lögum jarðskorpunnar þá kemur þessi aflögun fram sem lítil en það er líklega ekki öll myndin hérna.

Frétt Rúv

Gosið enn í dvala – Mæla litlar hreyfingar á miklu dýpi (Rúv.is)

Birt þann

Jarðskjálftahrina suður af Keili

Á Laugardeginum 25-September-2021 hófst jarðskjálftahrina suður af Keili sem er ennþá í gangi þegar þessi grein er skrifuð.

Jarðskjálftahrina á Reykjaneshrygg suður af Keili sem er sýnd með rauðum punktum á jarðskjálftakorti Veðurstofu Íslands.
Jarðskjálftavirknin á Reykjanesskaga suður af Keili. Höfundarréttur þessar myndar tilheyrir Veðurstofu Íslands.

Eldgosið í Fagradalsfjalli hefur verið í lengsta hléi síðan það hófst þann 19-Mars-2021 og þegar þessi grein er skrifuð þá er hléið ennþá í gangi.

Þessi jarðskjálftavirkni bendir til þess að eldgosatímabilið sem er núna í gangi sé ekki ennþá lokið á Reykjanesskaga. Þó svo að ekkert sé að gerast í augnablikinu.

Það eldstöðvarkerfi sem er núna að gjósa er Krýsuvík-Trölladyngja.

Grein uppfærð þann 29-September-2021 klukkan 11:46. Rétt dagsetning um upphaf jarðskjálftahrinunar sett inn.

Birt þann

Stór hraunhellir opnast, kemur af stað miklu hraunflæði niður í Nátthaga

Í gær (15-September-2021) um klukkan 11:10 opnaðist hraunhellir í hrauninu í Geldingadalir og það kom af stað hraunflóði sem fór niður í Nátthaga. Hraunið fór Geldingadal á minna en 20 mínútum. Hraunið stoppaði á varnargarði sem kom í veg fyrir að það færi niður í Nátthagakrika. Ef að hraunið kemst niður í Nátthagakrika þá verður gönguleiðum A og B lokað varanlega eða þá að það verður að endurteikna þá gönguleið alveg frá grunni. Hraun niður í Nátthagakrika þýðir einnig að stutt er fyrir hraunið að fara í átt að Grindavík og yfir nálæga vegi sem eru þar.

Hraunflæðið í gær fór niður í Nátthaga en fór ekki langt miðað við eldra hraun sem er þarna til staðar nú þegar. Þetta snögga hraunflæði kom fólki í stórhættu og sýnir að hraunið er fullt af hraunhellum sem eru stórhættulegir og geta opnast hvenær sem er án viðvörunnar. Hraunflæðið sem hófst í gær er ennþá í gangi eftir minni bestu þekkingu. Útsýni hefur hinsvegar verið takmarkað vegna þoku á svæðinu núna í kvöld.

Einn eða tveir fávitar sáust ganga nærri og á gígnum í Fagradalsfjalli í gær og ég held að þetta sé sama fólkið og Landhelgisgæslan þurfti að bjarga af Gónhóli í gær eftir að það varð lokað inni á Gónhól vegna þess að nýji hraunstraumurinn hafði lokað leiðinni sem fólkið hafði farið þangað yfir nokkru áður.

Gígurinn er núna rúmlega 334 metra hár yfir sjávarmáli. Eins og er þá er gígurinn ekki að vaxa að stærð en það getur breyst án viðvörunnar.

Myndir af þessu hraunflæði er hægt að finna á samfélagsmiðlum. Ég get ekki notað þessar myndir vegna höfundarréttarmála. Það er einnig eitthvað af myndböndum af þessu á YouTube.

Fagradalsfjall er hluti af Krýsuvík-Trölladyngja eldstöðvarkerfinu.